#تخلص منه

[littlekittycat]

معنديش فكرة هل الزعل ده بيستناني بليل بعد ما كل حاجة تخلص تماما؟ ولا انا الي بفضل اهرب منه لغاية ما طرق الهروب كلها تفشل والاقيني بواجهه؟

[ibrahimshoukri]

في شخص كده هيقابلك في عز ما أنت مطحون ويقولك إللي أنت فيه دع ولا حاجة أنت بتتدلع متتضايقش منه ،ساعات الشخص ده بيكون الشخص المناسب في الفترة ده حتى لو كلامه ضايقك فأنت تفكر و تلاقي فعليا أنت مش محطون ولا حاجه وكل حاجه هتعدي و تخلص عادى و تقوم تكمل حياتك عادى

عايز تبوظ الحكمة عيش دور الضحية

[sult98]

إنَّ اللّٰه يُحِبُّ أن يُحمَد❤️..

متنساش وانت راجع من شغلك اللي مضغوط فيه تحمد ربنا انك شغال وعندك مصدر دخل تصرف منه.

متنساش وانت سهران عشان تخلص حاجة تحمد ربنا انك بتعرف تنام أول ما تحط راسك علي المخدة من غير مسكنات.

ومتنساش وانت مضايق من الزحمة وعايز تروح تحمد ربنا إن عندك بيت ترتاح فيه.

إحمد ربنا إنك عايش و مستور ، واقف علي رجلك ، حواسك شغالة وصحتك كويسة ، بتنام مطمن وبتصحى من غير ألم.

جايز تكون مضغوط ، متضايق ، بس انت من غير ما تدرك غرقان في نعم ربنا، وإنها أشياءٌ لا تُشترى فـ احمد الله❤️

الحمدُ للهِ حمدًا كثيرًا طيبًا مباركًا فيه كما يحبُّ ربُّنا أنْ يُحمدَ وينبغي له.♥️♥️

شكرا جدا في وقتها♥️♥️

[fozdoaa]

بعد التجارب/الخذلانات/الخسارات/المعارك الكبرى في حياتك، لازم تطلع بره السياق والفيض العام، وتقف على جنب شوية، ترتاح وتاخد نَفَسَك، وما تحكمش على حالك بعدها مباشرة، يعني لما تلاقي نفسك تعبان، ما تقولش إنك ما عنتش قادر على العطاء. لما تحس إنك مرهق ومش قادر تتحرك لقدام وملكش نِفْس للشغل، ما تفتكرش إن دي آخرة المشوار.

كل الحكاية إنك محتاج تزييت وتشحيم، مساحة بيضاء مفيهاش مسؤوليات من أي نوع، هدنة، وده مش عيب على فكرة. ولازم مرحلة تخلص، عشان مرحلة تانية تبدأ، فما تبخلش على نفسك بفترة تأنتخ فيها وما تعملش أي حاجة: اجري والعب -بجد مش هزار- ونام كتير وكل بشراهة واتفرج على مسلسلات وبرامج تافهة في التليفزيون، اشحن روحك تاني شغف وحياة، ولما تحس إنك توازنت، ابدأ من جديد بثقة.

نهاية أي طريق هي بداية طريق تاني، وانتهاء أي تجربة، معناه إنها ما عادش قادرة تديك أكتر من اللي خدته منها. انقل لليفل اللي بعد كده بيقين إن مفيش حاجة ما بتتعلمش منها، ولا تجربة بتمر من غير ما تدّيك قيمة أو درس هتستفيد منه في المرحلة الجاية.

حسام مصطفى

[lsd-l]

الحياة بكل مافيها مؤخراً بقت ملخص لكلمة "عبث"

كل شيء عبثي ومش مفهوم ومحدش فاهم إحنا رايحين على فين ولا جايين منين، لأ إحنا جايين منين والله؟

كل حاجة حواليها علامات إستفهام بالهبل ومش عارفين مين اليد العليا اللي متحكمة في العالم بجد؟ أصل أنا متخيلة العالم فيه من فوق كدة إيد كبيرة ماسكة خيوط عرايس لعبة بتحركهم على مسرح كبير، كل عروسة فوقها إيد تانية صغيرة بتحركها على حركة الإيد الكبيرة، أنا واثقة إن مفيش أي حاجة بمزاجنا ولا قرارتنا أو قرارات العالم هي قرارتنا فعلاً، والتمثيلية دي لما تخلص الله أعلم إيه اللي ممكن نشوفه ده لو كنا موجودين، مابقتش عارفة المفروض نثق في مين ونصدق إيه ونؤمن بإيه، إحنا مين وجايين هنا نعمل إيه واللي بيحرّكنا ده عايز يوصل بينا لفين؟ يعني إيه مغزاه من ده كله؟ واذا هو بشر زيّنا فا هو جاب القدرة على اللعب بإحتراف دي منين؟

ساعات بحس إن ده كله كذب، إحنا عايشين في خدعة وكذبة كبيرة وإحنا بنكذب كذبات صغيّرة، عايمين على عومهم ولو غرقوا هنغرق، بس اللي واثقة منه إنهم مابيغرقوش لإنهم بكل بساطة قربوا يوصلوا للي هما عايزينه، دماغي كل يوم بتخلق أسئلة مالهاش إجابات بس في الآخر بتنتهي بحرب صعبة جوايا، أعتقد هو ده جحيم الوعي، كان نفسي ماكونش بفكر ولا بربط حاجات ببعض وبفك حاجات تانية، مش عايزة أفكر غير في اليوم بيومه وحياتي أنا بس، أنا مالي بالكوكب يعني؟

بس برضو بقول كويس إني بفكر في العالم اللي إحنا فيه بس مش في العوالم التانية، أصل أكيد إحنا مش عالم واحد وكوكب واحد عليه حياة، أكيد فيه عوالم تانية فيهم 11 كوكب منهم كوكب واحد عليه حياة زيّنا، أوقات بتسائل شكل القمر بتاعهم حلو زي القمر بتاعنا ولا في فرق؟

الطبقية في كل حاجة بقت ملحوظة بشكل كبير والتفرقة والخطط كل يوم بتبان، أعتقد محدش فقير بمزاجه ولا حد غني بمزاجه، كل ده متخططله، أو يمكن في قرابين معينة لازم نقدمها علشان نوصل لطبقة معينة، والقرابين دي نوعاً ما معروفة، فين مقاييس الصح والغلط؟ فين الفلسفة الأخلاقية؟

إمتى العالم هينتهي فعلاً؟ أعتقد إن إحنا مش مسيّرين ولا مخيّرين، ممكن 50/50 .. لكن طالما في ناس مش بمزاجها حاجات كتير والناس دي مكتوبلها منذ قديم الأزل إنها تكون بالشكل الفُلاني، اللي هو الخير أو الشر، فا حياتهم التانية هتكون مُختارة برضو؟ يعني مكتوبالهم من قديم الأزل كمان زي حياتهم الأولى .. ولا إحنا بنعمل إيه هنا وهنعمل إيه بعدين؟

معقولة إحنا بنتخدع وبنتظلم ولا هنعيش في مساواة في نهاية رحلتنا، والعدل هيبان بعدين ممكن؟ طب لما هو هيبان بعدين، إيه اللي جابنا هنا من الأول؟

الغاية من وجودنا هي فين مش قادرة ألمسها ولا قادرة أقتنع بحاجة حقيقي، وده في حد ذاته شيء مرعب ماتمناهوش لألد أعدائي،

العيشة في شك كبير بتكون لعنة على صاحبها مش بعيد يخلّص على نفسه من أفكاره أو أفكاره اللي تخلّص عليه .

[ahmedhisen]

جيش قتل المدنيين بكل قسوة

و احتفظ بالسلطة بكل السبل و سجن كل من إختلف معه أو تخلص منه.... و ها هو الآن لا يفعل إلا الانسحاب المتتالي أمام ثورة شعبية ضد ممارساته على مدار عقود منذ زمن الأب الظالم إلى الإبن الغاشم.

سوريا تستحق الأفضل.

[ker0o]

كل البشر عارفين "شعور الخوف"، بس الغالبية منهم مش بيعرفوا يتعاملوا مع الشخص الخايف! . ودي في حد ذاتها حقيقة غريبة (أن شخص يبقى عارف يعني أيه شعور الخوف وجربه، بس في نفس الوقت فاشل في تخفيف الشعور دا عند غيره!).

في الأول حابب أوضح أن كلامي دا مش تحليل ولا ��بقرية لشخص عالم في علم النفس، لكنه تجربة حياتية عيشتها بنفسي وشوفتها في غيري وقرأت عنها بقدر ما أستطاعت، لا أكتر ولا أقل.

ولأن الخوف أبو كل المشاعر السلبية والعامل المشترك بين غالبية الأمراض النفسية حابب بس أوضح كام حاجة (من وجهة نظري) اغلب الناس بتعملها أو تقولها بدافع الحفظ - أيوا الحفظ - يعني تلاقي حد بيعبر عن خوفه فا تلاقي اللي قدامه رد عليه بإجابة سريعة بديهية ماتعبرش عن أي حاجة غير أنه حافظ الرد ومالحقش حتى يفكر في شعور اللي قدامه او يفهم الاسباب.

يعني عندك مثلا بعض النصائح اللي حافظينها وبنقولها لأي شخص خايف ..

١. (قرب لربنا وصلي) .. مفيش أي نقاش ان الصلاة والتقرب من ربنا بيطمن القلب. بس معلش يعني أنت عرفت منين أنه بعيد أصلا عن ربنا ؟!!، ما ممكن يكون طول الليل والنهار بيعيط لربنا وبيصلي يمكن اكتر منك !. طب بلاش النقطة دي، أفرضنا خوفه كان نتيجة إضطراب ما في كيمياء المخ اللي بتأثر على تفكير المخ وتخليه "لا إراديا" يخاف !!، أفرضنا أسباب خوفه عبارة عن ظروف حياتية بيعيشها كل يوم وكل يوم مربية الرعب في قلبه وبيدعي ربنا تخلص "لانه بشري تحت الضعف طبيعته كدا يعني وربنا خالقه كدا". وبرضوا مش بقلل من أهمية التقرب من ربنا عشان الناس اللي بتزايد وتسيب الموضوع والمعنى، لكن قصدي مايبقاش تهوينك لخوف غيرك بأنك تقوله قرب من ربنا "كأنك شايفه وهو بعيد !!"، ويبقى شعوره خوف واكتئاب لانك بقصد او من غير قصد اتهمته انه بعيد عن ربنا ومقصر، وانت اساسا ماتعرفش حياته !.

٢. النصائح الشخصية وقصص بطولاتك مع خوفك مش مناسبة لغيرك !! - على سبيل المثال - ماينفعش تنصح شخص حاسس انه خايف من الناس ونفسه يهرب بعيد عن كل البشر وتيجي حضرتك تقوله بطولاتك الاجتماعية وأهمية العلاقات في حياتك !!. ما ينفعش تهون خوف حد من مقابلة شغل هو في أشد الحاجة ليه وتقوله تجربتك مع الخوف ايام ثانوية عامة !!. هو خايف وبيعترفلك انه خايف تقوم تستعرض قوتك وبطولاتك قدامه فا يبقى خايف وحاسس انه خايب ومش طبيعي ولا من حقه يخاف !!.

٣. التشجيع الإجباري أو محاولة زراعة الحماس في الشخص الخايف واحدة من اسوأ محاولات التهوين والتقليل من خوف غيرك. يعني ايه حد يقولك خايف فا تقوله قوي قلبك ؟!!! ايوا يعني يعمل ايه ؟! يقوي قلبه ازاي ؟!. ايه الخدمة او النصيحة او العلاج في كلمات زي "متخافش"، "ماتبقاش جبان". ايه اللي استفاده بجد ؟!! .. التشجيع بالطريقة دي بيجيب انتكاسه وبيبقى الشخص خايف وشايف نفسه جبان وضعيف، ومش بعيد يهرب من قعدتك بعد كدا عشان مش هيجيله وش يقعد معاك وانت شايفه خايف وجبان (وكأنك بتعايره) ويصدق فعلا انه جبان وعقله يحاربه بفكره جديدة غير خوفه ودا بفضلك طبعا.

في حاجات تانية كتير بنقولها لبعض بتنزع اللي باقي من ذرة امان بنحسه. فياريت زي ما احنا عارفين يعني ايه شخص خايف نبقى عارفين ازاي نتعامل مع خوفه. ازاي نعرف الشخص الخايف ان دا حقه وانه طبيعي يخاف وان مفيش اي حد في الدنيا مش بيخاف (في الدنيا فعلااا مش مجرد تعبير). أي حد يقولك مش بخاف كدااااب. اكثر الناس إيماناً بتخاف من ربنا وتخاف تعمل عمل يغضبه، بتخاف من المدح الكداب. واكثر الناس شرا وقسوة بتخاف من الموت اللي مش بس هيخليهم ينالوا عقابهم على شرهم في الاخرة، لكن كمان عشان هيحرمهم من دنيا حبوها اوووي وعايزين يخلدوا فيها. والناس الطبيعية بتخاف برضوا خوف عند كل الناس.. على عيالها .. مستقبلهم.. امتحان وتعب دراسة .. شغل .. رزقهم ورزق بيتهم .. الفراق لحد بيحبوه .. الخذلان .. الوحدة .. إلخ ، كل دا خوف طبيعي فا ماتحسسوش الواحد أنه خايب اوووي او ضعيف لمجرد انه خايف من حاجة انت مش خايف منها، واللي لو واجهك بيها هتلاقي ألف مُبرر تدافع بيه عن نفسك انك خايف من حاجة تستحق يتخاف منها، لكن خوفه تشوفه تافه !!.

طبعا شايفني سودت الدنيا وقفلتها وقولت في النهاية ان الخوف مش بيتعالج ولا كأني بعمله دعاية وبقول للكل عيشوا خوفكم !!..

في الحقيقة مش هقدر اتكلم على علاج محدد لخوف مُتغير النسبه والاسباب من الشخص للتاني. لكن في حاجات أساسية لأي خوف "ما عدا اللي أسبابه مرضية نتيجة تغييرات في كيمياء المخ او خلاياه" ..

ازاي بقى نقلل من خوف شخص لحد ما هو بنفسه يغلبه ويتخلص منه ؟! ..

١. جوا نفسك كدا بص لخوف اللي قدامك على أنه شعور لا إرادي، مش تبص لسبب الخوف تافه ولا لا !!، لانه ممكن يكون تافه ليك بس راعب الشخص الخايف (خلي تركيزك على احساس ان الواحد يبقى خايف، اكتر من تركيزك على سبب خوفه وتقييمك ليه !!) وقتها هتقدر تتعاطف معاه بجد من غير تقليل لشعوره.

٢. يمكن منقدرش نهزم خوف مش خوفنا (خوف شخص غيرنا بيحس بيه)، بس نقدر نزرع جواه طمأنينه أد ما نقدر، ومش بالكلام التحفيزي اللي قولنا ممكن يجي بنتيجة عكسية !، لكن بأنه يلاقينا معاه، خايف من امتحان ؟ هذاكر معاك، خايف من الوحدة هتصل بيك كل شوية ومهما كنت مشغول اكيد هلاقي دقيقة ولا اتنين اصدعك بيهم. خايف من بكرا ؟ وانا كمان مرعوب ومحتاجك معايا فيه. خايف من الناس ؟ سيبك منهم وخليك معايا، وواحدة واحدة تنزل معاه هنا وهناك ويشوف ان الدنيا والناس مش وحش مرعب زي ما كان فاكر.

احنا منقدرش ننزع خوف حد بس نقدر نبقى معاهم فيه بقدر المستطاع فا عقلهم ميبقاش مركز على الخوف وبس.

٣. أسمع .. صدق أو متصدقش أكتر خوف منتشر هو الخوف من التعبير عن خوفنا، فأسمع وأهتم وخلي اللي قدامك يحس ان فعلا موضوعه مهم ويستحق يتسمع لاخر حرف، وانه مش هين ولا تافه.

٤. عارفين ايه اللي بيخلي دايرة الخوف تضيق علينا لحد ما تخنقنا ؟!! .. هو أننا نفقد الثقة في ناس كانت في يوم من الأيام كسبانة كل ثقتنا، فا نحس ان العالم متوحش وناسه غدارين، وعقلنا يقولنا اذا كان الأقرب كدا امال الناس الغريبة ازاي ؟!! فيتصفح العقل بـ العزلة وقله الثقة ويبقى خايف من اي حد. دا بقى علاجه بسيط جداا (نبقى بني أدمين طبيعين وعند ثقة غيرنا)، ثقوا ماتخونوش إنشاالله لو في كل 100 شخص هنكسب شخص يستحق ثقتنا. ثقوا واطلعوا من حالة أن العالم برا مرعب، ثقوا مش هتخسروا اكتر ما خسرتوا.

طولت اوووي في الكلام وواثق ان كلامي عدى على ناس كتير ملحقتش تشوفه اصلا. لكنه كلام ليا في الأول هحتاج ارجعله عشان قولت فيه كل اللي كان نفسي اسمعه.

في النهاية حابب اقول لأي حد شاركني خوفي أن شعورك طبيعي، انت لا مريض ولا حالتك شاذة ولا انت كائن فضائي. ماتخليش اي حد يحسسك بكدا. البشر بتخاف ومحدش بيحارب الخوف نفسه، لكن الكل بيلجأ للي يطمنهم "والطمأنينة هي اللي بتحارب الخوف" .. دور على اللي يطمنك وهتلاقي اللي يطمنك.

[ammo--scar]

رحت أجيب هدومي من المكواة، لقيت أسامة مش فى المحل ببص ورايا لقيته خارج من القهوة و معلّق سيجارة فى ودنه وفي ايده كوباية شاي، شاورلي بايده التانيه "أجيب قهوة؟" قولتله لأ، دخل جاب عادي.

كان فى بدلتين باقيين قالي أقعد يا هندزه على ما اخلصهم، عزمت عليه بسيجارة، وسألته عامل ايه فى الجيش؟ فاضلك قد ايه؟ قالي سنتين، قولتله داخل ظابط احتياط ولا ايه؟ ابتسم والسيجارة بين شفايفه، أصل انا خريج تجارة انجلش، وبعدين قال وهو بينفض الجاكيت يا هندزه أنا من غير مؤهل.

قولتله على فكرة يا أسامة أنا محامي مش مهندس، قالي أنا عارف بس حاسس هندزه أشيك، سكت وقولت بإيماءات ضمنية خلاص اللي تشوفه.

وبعدين قالي هو الواحد لو عاوز يعمل حاجة أهله مش موافقين عليها حرام؟ حسيت نفسي فى مأزق سؤال صعب فعلا. قولتله والله هو على حسب الحاجة دي هي ايه؟ ولكن مباركة الأهل لأي خطوة فى حياتك مطلوبة.

قالي أصل بحب واحدة من الحوامدية وأهلى مش موافقين، قولتله كلام عايم يحث على أنه لازم يحاول معاهم و يقنعهم وبرضو يفهم ايه سبب الرفض.

وفضل يتكلم عن البنت لحد ما خلص البدلتين وازاي عرفها، وانه بيجهز نفسه عشان هيشوفها بكرة قبل أجازة الجيش ما تخلص.

مش عارف ليه القصص دي بتأثر فيا، ومش عارف أنا أسامة منير ولا ايه كل ما أقعد مع حد يحكيلي تجاربه العاطفية.

ولكن يارب كل من له حبيب، وطال بعاده ولا قريب، متحرموش منه، وهاتوهله بالسلامة.

[mysteriouslyclearenemy]

سلوكيات القطيع

حفلات التخرج و رقص و بكاء و ماما و بابا يحضروا و إلا مابيحبونيش .

حفلات و افراح و دخلات خاصة للعروسة و فقرات بيتم الإعداد لها و إلا يبقي الجوازة أولها نكد .

نحن استوردنا ما تخلص منه الغرب و اعتبره هبل بعدما شبعوا منه .

الي اين المنحدر العربي بعد ذلك .

و لماذا لا يوجد لدينا قطار اممي اخلاقي قومي عرباته مكونة من ثقافة حقيقية و علم رصين و أخلاق تليق بأمة من قال فيه ربه و إنك لعلي خلق عظيم .

ثقا��ة و سلوكيات القطيع . مهلكة و مدمرة و امتنا في حاجة الي قدوة و قائد و شعب جسور .

الحقيقة أن افضل بقعة في بلادنا حقيقة و حالا و تصرفات هي غزة .

تلك المدينة الصغيرة بسكانها الأحرار رغم الدمار الشامل هناك

الافضل ��الا و الاكثر إنتاجا و عمقا لفهم قضيتنا الحقيقية و لذلك الحرب عليها ضروس و سهام الأعداء خير دليل علي مواطن الحق .

نظرة ثاقبة من المحيط الى الخليج عن احوالنا و شواغلنا و نوعية مجالسنا و اهتماماتنا تدلك علي بوصلتنا المستقبلية .

[raseeedddd]

يقولون لي أطرد الطاقة السلبية التي في داخلك؟

هذه الطاقة ليست سلبية بل واقعية و الشيء الذي أحتاج إلى طرده و تخلص منه هي الطاقات الوهمية و الزائفة أو ما يسمى بالطاقة الايجابية التي لا تفيد في شيء في عالم و واقع مليء بالمعاناة و الألم .

- منقول

[inspirings-things]

📚أقوال و حكم ديباك شوبرا

يفترض أن نعيش الحياة كمفاجأة ..

إلا أننا نقضيها في التفكير والذكريات !

– – – –

اعظم جوع في الوجود ليس للاكل او الشرب او المال ،،

مهما حصلت على هذه الأشياء ، هناك شعور عدم رضا ،،

الجوع الأكبر هو لمعرفة الذات !

– – – –

ابحث عن نفسك… كسمكة عطشى تبحث عن الماء

– – – –

اعزّ ماتملك الوعي ..

– – – –

علامات العيش بدون وعي :

١-مشاعر الضحية

٢-تحكم الآخرين بمصيرك وقراراتك

٣-عدم معرفتك لما تريد

ان لم تعرف ماتريد ، ستقودك الحياة لما لاتريد .

– – – –

قل لنفسك دائما لا يمكنني حل موقف بالخوف ، لا يمكنني حله بالانغلاق ، لا يمكنني حله برفض الاستماع للإجابات الجديدة

– – – – –

الوعي مرن في كل مرحلة تتغير الحقيقة ..

– – – –

اول عقبة امام الوعي هي “وهم الحقيقة! ”

لا نشعر بالارتياح لوجود احتمالات لا نهائية للحقيقة ، نضع حولنا الحواجز والحدود!!

– – – –

جنون المحبين يثير كمال العقل كما تستثير الرياح الغبار ..

يبدو المحبون كما لو كانوا يعيشون في عالم غير حقيقي ..

في الواقع هم الوحيدون القادرون على جعل العالم حقيقي ..

– – – –

الحب “ثابت” ..

الرحلة لتكشف ل��ا وهم مقولة “ان الحب يتغير”

♡ الحب هو الرحلة ♡

– – – –

أسعد علاقة زوجية ليست السعيدة علي الدوام !.. ولكن هي التي تشرق شمس سعادتهم دائماً بعد كل عقبة حياة.

– – – –

لتتخذ القرارات الصحيحة ، يجب أن تتصل بروحك ،ولتفعل ذلك يجب ان تعيش العزلة التي يخافها الكثير ، في العزلة صمت وفي الصمت .. تسمع الاجابات وتعرف الحلول

– – – –

فقط القلب يعلم الإجابة الصحيحة

معظم الناس يعتقدون أن القلب عاطفي ساذج لكنه ليس كذلك.

فهو حدسي ومقدس .. يتواصل مع الكون ويأخذ منه المعلومات والمعرفة

– – – –

دائما أذهب مع أحساسك…

لاتسأل أبداً هل هو واقعي ام لا !؟

توضيح : الاحساس الداخلي صووت القلب .. العقل يخطئ لكن القلب لا يخطئ .. لان القلب لا يعرف حدود ولا قيود لكن العقل يضع القيود والعوائق …الله نعرفه ونشعر فيه بالقلب

– – – –

يستطيع الحب أن يمنحك الشعور بالقوة ، فهو قادر على أن يجعلك تشعر وكأن كل الاشياء الغريبة والمذهلة من الممكن أن تتحقق ..

– – – –

كن حراً.. بمشاعر سكون وسلام .. وواعي بذاتك بشكل كامل..

تتجاوز العالم المحيط بك ..

– – – –

أحب منتقديني .. أولئك الذين يهاجموني شخصياً

يعلموني كيف أتعامل مع مشاعر الايجو ؟

وأحب من يسألني..

يدفعني للبحث في العمق.

– – – –

كل علاقة لديك هي انعكاس لعلاقتك بنفسك ..

– – – –

يأتي النجاح بشكل طبيعي ..

عندما تفعل ماتؤمن به..

ويكون محرك افعالك .. هو الحـب

– – – –

سبب أختفاء الحب بعد الزواج هو الإيجو عند الزوجين .. يبدأ الشعور بالانفصال بعدما كانت وحده ، ويصر الايجو على تلبية “احتياجاته ” عند كلاهما

– – – –

لو انني فعلت هذا وجعلت للاخرين عذر سأوفر طاقات هائلة

بدلا من صرفها في الكراهية وسوء الظن والحسد والحقد..

وكما احرر الناس من أعباء اخطائي.. أفعل الأمر ذاته مع نفسي أبكي قليلا أعاتب نفسي قليلا ، ثم أغلق ملف الماضي وأسامح نفسي ..

– – – –

الذات التي تحب أن تتحكم ، أن تقنع ..

تصرّ.. تتوسل .. يسهل مهاجمتها واغضابها .. تعاني ..

تخاف من النقد ، والهجوم ..

هذه هي ” الايجو”

للتخلص من المعاناة .. تعاطف .. أحب .. أوجد السكون داخلك ♥

– – – –

لتستخدم إمكاناتك وتحقق أهدافك بشكل كامل ..

تجاوز حوارك الداخلي.. تأمل .. اسأل اسئلة كبيرة ..

– – – –

لأن الكلام بالمجان .. ليس سبباً لتستخدمه بشكل سيء ..

للكلمات قوة سحرية .. يملكها من يستخدمونها بحكمة ..

– – – –

كل مالديك هو هذه اللحظة ..

الباقي حـلم

– – – –

لا تتعلم كيف تكّره ..

تتعلم كيف … تُحـبْ

– – – –

استبدال فكرة بفكرة علاج ذهني سريع

تغيير الأفكار سهل قبل ان تتحول لمعتقدات

المعتقد هي فكرة او ذكري مرتبطة “بالمشاعر”

– – – –

يمكنك المشاركة في المارثون في عمر ٦٥

اذا كنت بحالة جسدية جيدة و تتمرن

طالما تحافظ على قوة جسدك وعضلاتك

ستتمتع بها طول العمر .

– – – –

الانخفاض الطبيعي الذي يحدث عند التقدم في العمر

بسبب عادات العقل وليس النظام العصبي

طالما بقي الانسان نشيطا عقليا

سيظل ذكيا كما في شبابه..

– – – –

في لعبة الحياة

اول قاعده ابقى يقظاً

ومن الصعب ان تكون يقظاً في وجود صراع ..لذا اوقف كل الصراعات

– – – –

الانتباه .. سحر

هو الوعي بـ من أنت ؟ .. وأين انت ؟ ..

وماذا يحدث حولك في نفس اللحظة ..

– – – –

الانتباه لايعني اليقظة كمحارب ٢٤ ساعة

الذهن يحتاج للراحة مثل الجسم

لذا الانتباه هو المرونة

هو ان تعلم متى ترتاح ومتى تحد انتباهك ..

متى تتكلم ومتى تصمت ..

متى تتجه للخارج ومتى تتجه للداخل ..

– – – –

تخلص من الطاقة السلبية المخزنة ..

قد تكون على هيئة أفكار و مشاعر قديمة أو ذكريات ومواقف لم تحسم بعد ..

– – – –

تخلص من الطاقة السلبية

عن طريق التنفس .. راقب تنفسك حتى يهدأ

تنفس من البطن

اخرج الهواء مع تنهيدة

ملاحظات:

*التنهيدة تكون عفوية

*كل مرة الشهيق اعمق معدتك ثم امعائك

– – – –

أن تستمتع في الوصول للهدف

يعني وصولك له ..

– – –

يمكنك أن تتوحد مع أي شيء ، إذا أعرته أنتباهك الكامل

– – – –

الخطوة الاولى في الحياة

اوقف نشاط العقل العشوائي الذي يتخفى كحوار داخلي دائم مع النفس ..

الخطوة الثانية

هدأ مشاعرك التي تغذي الحوار الداخلي بالخوف والشكوك وذكريات الماضي ..

الخطوة الثالثة

ابقى انتباهك صافيا ً

– – – –

في كل لحظة ..

هناك بقعة جميلة يمكنك إيجادها بداخلك

البقعة “العذبة” هي المكان الذي تعلم فيه ما تفعل

مكان هادىء ،غير متعلق ، سلام

منه تنطلق النوايا والرغبات التي تريد تحقيقها

– – – –

ما يأتي من العمق ..

يكون حقيقياً

– – – –

عندما تختار .. تغير المستقبل

– – – –

لا توقعات .. لا ندم .. لحظة جديدة فقط ..

– – – –

لتنمو .. في كل لحظة جديدة .. أصنع حقيقة جديدة ..

– – – –

افضل أستخدام للخيال هو الابداع

اسؤ استخدام للخيال هو القلق!

– – – –

بدلاً من فهم العالم ، أشعر به

– – – –

مهما كانت العلاقة التي جذبتها لحياتك في هذه اللحظة فهي لتساعدك في الارتقاء ..

– – – –

لا يمكنك خسارة شيء لأنك لا تملك شيء ..

الشيء الوحيد الذي تمتلكه هو نفسك فقط

– – – –

تبدأ المعاناة غالبا ، عندما ترفض رؤية الأمور على حقيقتها ..

– – – –

كشفت البحوث ان اسهل طريقة لتكون سعيدا

ان تجعل كل يوم سعيد ..

– – – –

عندما تستيقظ في الصباح فكّر بالهبات الرائعة لديك

ان تحيا، ان تتفس ،ان تفكر، ان تستمع ، ان تحب .. ♥

– – – –

مثلما حدود الزمان والمكان وهم.. حدود الشخصية وهم..

يمكن لعقلك التواصل والاندماج مع اي عقل ..

– – – –

كيف اتجاوز الألم ؟

تسامى

ماذا يعني !؟

بالنمو

الألم ليس شر ، الألم رسالة ..

– – – –

ماهي أهم تجربة في حياتي؟

التأمل ..

في بداية ممارستك للتأمل، قد تشعر بالقلق وصوت داخلي يعلو ..لاتقاوم واستمر في التأمل،مع الأيام سيهدأ الصوت الداخلي ويحل مكانه السكون .

– – – –

نتواجد داخل بعضنا البعض .. كـ ذكريات

– – – –

كل شيء في الاساس وعي ..

قبل أن ينشىء الكون .. وُجد وعيه ..

– – – –

أجعل أهدافك واضحة ثم اطلقها في الفراغ بين الافكار حيث الاحتمالات اللانهائية .. تحدث ، تخيل النتيجة ، أدخل في حالة تأمل .. أطلقها للكون وانفصل عنها .

– – – –

الحل هو أجراء تعديل على أربع مستويات:

الكينونه، الافكار ، المشاعر ، الافعال

– – – –

الوجود دائما متجدد ، ونحن نتعامل مع المواقف والأحداث الجديدة بردة فعل قديمة لموقف سابق مشابه .. نُصر على التمسك بآراءنا وافكارنا وردود فعلنا .. ! أسمح للكون بمفاجأتك بطرق جديدة بردود فعلك الجديدة

– – – –

أخبر اطفالك “اذا أردتم الحصول على شيء .. أعطوه أولاً ”

مثلا اعطاء شيء واحد لشخص واحد

وان يستقبلوا العطايا بعظمة واستحقاق..

– – – –

كل شيء يتدفق من مصدر لانهائي و هو الله

– – – –

عندما استنكر شيء او شخص او موقف ..فهذا يعني استنكاري لتصوري المسبق وعدم حدوث توقعاتي الشخصية المسبقة لهذا الشيئ..

نحن نحاسب الناس لانهم لم يكونوا كما نظن ،ولم يتصرفوا كما نعتقد انه الصواب؛ لذا نقول دع كل التوقعات جانبا ، وابدأ الحياة والقبول بلا شروط كثيرة !

– – – –

” الادمان ”

يولد الادمان من رحم العادة .. تغير في كيميائية المخ فتدمر ردود الفعل الطبيعية للبهجة والالم، وتخلق ارتباطات بهجة والم جديدة مع اشياء جديدة ..

علاج الادمان نفسي وليس جسدي!

كيف ؟

تقوم بعمل العادة السيئة ، تصنع جانبك المظلم رابط .. تشعر بالذنب ، العار ، الغضب ، الخوف ..يقوى الرابط .. وهكذا

– – – –

قانون العطاء

الكون في حالة نشاط وتفاعل دائم مع بعضه البعض .. عبر التبادل الديناميكي للخيرات والنعم .. الأخذ والعطاء هما مجالان من مجالات تبادل الطاقة في الكون .

عندما ترغب شيء اعطيه اولا ، فيفيض عليك الكون من خيراته .

المبدأ الثاني لايعني” العطاء ” فقط بل ” العطاء والأخذ”

– – – –

انتبه لتنفسك ..

هناك رابط بين عقلك وتنفسك ، عندما يكون عقلك مضطرب يضطرب تنفسك ، والعكس عندما يكون عقلك هاديء يهديء التنفس وينتظم ♡

– – – –

تمرين لمعرفة الرغبات ؟

اغلق عينيك .. تنفس بعمق وركز على قلبك

اسأل نفسك بصمت كل خمس عشرة ثانية .. من أنا ؟

واستمع للاجابة ..

اسأل ماذا اريد؟ ما الذي اريده حقا ؟ كل 15 ثانية

هناك مقولة ” عندما تكتشف رغبات شخصاً ما ، ستعرف جوهره ”

كيف اخدم العالم .. كيف اخدم المجتمع ؟

كرر السؤال مرة كل 15 ثانية واستمع للاجابات .

[f-farah]

في الأيام التي تفقد فيها فرح الرغبة ما المعنى الذي يعينها على المواصلة والتشبث؟

إذا كانت تمضية النهارات نائمة وحيدة متكورة في سريري وأبكي وأريد للأشياء أن تنتهي وأتساءل وأفكر، مواصلة وتشبث.. فهكذا أواصل وأتشبث.

بعد مئات المرات من فقدان الرغبة، توصلت لنتيجة مفادها أن الأمر مؤقت، لا شيء يبقى على حاله، طالت الأيام أم قصرت مصير الإنسان أن يعود ليرغب. مصيره أن تفتح بصيرته على فكرة جديدة تعينه على إتمام رسالته. وهذه الأيام مخاض لابد منه!

وشخصياً بما أن التوقف.. والرحيل، ليسا من ضمن خياراتي.. أحاول في تلك الأيام أن أفهم، أدرك لماذا وصلت إلى هنا، ماذا حدث، ما الذي أتمناه، ما الذي لا أتمناه، ماذا أريد لأكون في حال أفضل وماذا لا أريد. أحاول أن أكون لطيفة مع نفسي.. أمنحني بعض الوقت.. أتمشى.. أعد طعاماً أحبه.. أتأمل السماء.. أستمع للموسيقا.. أقرأ شعراً بصوت عالٍ.. أستحم.. أسرح شعري.. ألوّن أظافري.. أحضن العائلة.. لا أمنع نفسي من البكاء.. وأحمي قلبي من اليأس.. أفكر بأني لست وحدي في هذه الحالة.. أحاول التحدث مع الأصدقاء وكتابة أفكاري ومشاركة مشاعري.. وتقديم المساعدة.. وأتساءل ماذا بعد ما يحدث؟

فرح قررت منذ زمن أنها لن ترحل قبل أن تحيا حقاً، تحيا كما تحب وتتمنى. ولأن الاعتقاد بأن أحلام اليقظة مثلاً مشاهد من حياتنا المستقبلية، أستطيع أن ألاطف نفسي دوماً مُدَعية أننا لم نضع نقطة في آخر سطر الحكاية بعد. ومازال هناك شيء لنكتشفه في ذواتنا، وانعدام الرغبة مجرد ملل من الرغبات القديمة التي تنتظر أن تُطوّر، أن نحدث ثورة جديدة في طرقنا وأساليبنا في الحياة.. ربما تطول هذه الأيام فتهدم فينا كل شيء.. لا بأس، نعود للبداية ونبني من جديد.. نبني إنسانيتنا من جديد، أتفهم؟ كل إنسان هو عمله الفني الخاص قيد الإنشاء.

بآخر مرة فقدت رغبتي بكل شيء، استنتجت مثلاً أن المتة والمخلل يسعدان قلبي، وأني أحب التحدث بالفرنسية حين أواسي نفسي، فهمتني؟ وأني فقط أرغب أن يحبني أحد ليهون الطريق علي.

لكن يا أنون.. ثمة مرات لا يعود فيها الغريق راغباً بالنجاة، وهنا الأفضل الحصول على استشارة نفسية.

أنا آسفة إذا إجابتي ما حتساعدك كما يجب، بحس صعب الإجابة عن هيك أسئلة لما كون ما حاسة بهالشي حالياً، ولما بكون حاسة بالخدر وعندي شك بإنو أي شي عم احكيه حقيقي فعلاً. اعذرني.

كون بخير دوماً.. كل الأشياء قابلة للحل والتغيير وكلنا قابلين للتعافي والحياة.. رغم كل شيء.. الحياة مو سيئة. وطالما لسا نحنا هون وعم نتنفّس فلسا قادرين نحاول نفهم، نحاول نطلع، نحاول نغيّر أنفسنا ونبني كل الاعتقادات اللي رح تخلينا مرتاحين أكثر. اصبر رجاءً.. مصير هالأيام تخلص وتتبدل بشكل ما وعلى نحو ما

وأنا دوماً موجودة وجاهزة اسمعك

بتمنى الدفا والحنية واللطف ما يفارقوا قلبك وتكون أيامك أخف وأهون

[colored-entropy]

قبل سنوات طويلة، وبتأثير من دراسة الفلسفة وفوران الثورة وقدر ما من التدين الصادق كان عندي وقتها، كوّنت تصور ان الانسان لابد يبني منظومة قيميّة أهم سماتها الاتساق الذاتي، بمعنى انها تكون مبنية على عدة مبادئ أساسية لا يمكن الخلاف بشأنها وكلها مستمدة من العقل المحض - كنت معجب بالمعتزلة شوية ورأيهم في التحسين والتقبيح- ومجموعة فرعية أكبر من المبادئ الأكثر مرونة ولكنها كلها منبثقة من المبادئ الأساسية. هكذا يتحقق شرط الاتساق الذاتي وينتفي النزاع بين مكونات منظومتك القيمية، فتشعر بالراحة وبالقوة معا.

هكذا مسكت منظومتي القيمية في ايدي ومشيت في الشوارع أصنف الناس وأقيمهم وأرسي حدود واضحة جدا في نظري ما بين الحق والباطل، الصح والغلط، المقبول معرفيا وقيميا وسلوكا والمرفوض. وكنت مرتاح وحاسس بقوة وصلابة موقف وراحة بال.

في سنوات لاحقة تحركت من الفلسفة للأنثروبولوجيا، وانتبهت ان الناس عادة بتكوّن تصوراتها القيمية لأسباب ترجع لأمور مادية بحتة، ديناميكيات القوة والثروة والسلطة والنفوذ. الصح والغلط بتتحدد مش على أساس تفكير عقلاني مثالي او رسالة إلهية، ولكن على حسب انت مين وواقف فين في صراعات القوة في السياق اللي انت عايش فيه. وانتبهت لشيء في منتهى الأهمية كانت دراسة الفلسفة دائما ما تغفله، السياق. السياق إز زا آنسر. الانسان لا يعيش خارج التاريخ والمكان، وهو دوما في علاقة، وتتحدد ذاته بقيمها وحدود إمكاناتها بقدر ما يحدد هو الآخر، الأشياء دائما في علاقة مع آخر وهذا ما تدعوه الفلسفة بالديالكتيك، الجدل. ومن خلال جدل الإنسان والواقع تتحدد حجات كتيرة فشخ منها حدود الصح والخطأ معرفيا وقيميا.

هذه المقدمة الطويلة عشان أقول انه، بأخذ السياقات المعقدة للحياة اليومية في الاعتبار، تجد نفسك أحيانا في مواجهة مباشرة مع معضلات أخلاقية تَعجز منظومتك الأخلاقية - المعدة سلفا- عن الاستجابة ليها. قصاد هذا العجز تجد نفسك أمام خيارين. إما اتهام الواقع بالفساد ومن ثم محاولة تغيره سواء باللين أو بالعنف، وده الاتجاه اللي بياخده الإصلاحيون على تنوع فئاتهم من أول غاندي لحد داعش. أو تكون من الغلابة اللي قرروا يتهموا أفكارهم بالفساد ويحاولوا يعدلوها بما يلائم الواقع المتغير، وهنا اسمح لي أهنيك بدخولك نادي القلق الوجودي، متزعلش احنا كتير جوا، بس كل واحد لوحده.

أذكر اني قبل سنوات قريت مادة لطيفة عن الفارق ما بين القانون والعرف، وكيف يستجيب لهما الناس. القانون كما هو متعارف عليه قد يجرم الفعل ويقيم عقوبة لفاعله، أما العرف، فهو نوع من القانون العمومي غير المدون، أقل على مستوى السلطة والنفوذ، وبيظهر من اصطلاح جماعة بشرية على فعل معين أنه معروف بينهم.

في سبيل التوضيح أكتر، الورقة البحثية اشتغلت على الرشوة في المؤسسات المصرية الجميلة. الخمسيناية اللي بتكرمشها للموظف عشان تخلص ورقك. في نظر القانون دي جريمة/ جناية وليها عقوبة، لكن في نظر الناس، ده عرف مقبول ومعمول بيه ولا حرج على فاعله. والسؤال هنا: بأخذ السياق العام في الاعتبار، انت زهقان وحران ومش طايق هدومك، والموظف مش هيخلصلك ورقك من غير الخمسيناية، أيهما يصبح أصوب أخلاقيا، الرشوة ولا الامتناع عنها؟

والسؤال بصيغة تانية أكثر عمومية، لو النظام فاسد/فاشل/فاقد للشرعية/ غير أخلاقي، هل التعامل معاه بأدوات غير شرعية فعل أخلاقي ولا لا؟ في أحد حلقات هاوس بيوصل المستشفى ديكتاتور أفريقي عامل مجازر في شعبه، وانت كطبيب في المستشفى دورك تعالجه ومتدخلش في السياسة، هل لو قتلته تبقى مجرم ولا ثوري؟

للاحابة على سؤلل الرشوة ، نسختي القديمة كانت هتقول الامتناع طبعا، النهاردة انا بقول بالفم المليان أن الرشوة في السياق ده أصبحت فعلا أخلاقيا، وصدقني انا شخصيا مخضوض من اللي بقوله ده، وبرغي الرغي ده كله كمحاولة لفهم ايه اللي حصل بس!

القيم المثالية المطلقة دي، والمنظومات اللي بتقسم العالم لمعسكرين اتنين ملهومش تالت، مع الوقت بقيت أشوف فيها عدمية، لكن عدمية مثالية. عدمية بيضاء، مش غامقة على طريقة كافكا وسيوران، كلها أفكار تبدو متزنة وجمالية وبناءة لكنها ضد طبائع الأمور وضد الحياة بكل زخمها وتعقيدها لأنها لا تأخذ تعقيد السياقات في الحسبان، وتفترض في الانسان عقلانية ميكانيكية، على اساس يعني انه هاردوير هتسطب له نسخة ويندوز ويفضل ماشي بيها. الأمور مش كده.

المهم ان الكلام ده كله بيدور في دماغي، بسبب نقاش مع أمي حولين شيء انا عملته مؤخرا، وأمي شايفة انه فعل غير أخلاقي وفيه شبهة نصب واحتيال، وانا شايف انه فعل عادي بل ومبرر في سياقه ولا غبار عليه.

بعد النقاش مع أمي بدا لي اني قيمي اتغيرت، وكنت مندهش فعلا، ما أثار دهشتي مش التغير، ولكن ازاي حصل هذا التغير ببطء انا نفسي مخدتش بالي منه غير لما أمي اتكلمت معايا. فالواحد رغم انه لا ندمان ولا مغلط نفسه، بس مندهش م التحول. يا ترى الواحد هيبقى ايه تاني، وهيكون ايه كمان خمس ولا عشر سنين؟

[zlabyas-world]

إنَّ اللّٰه يُحِبُّ أن يُحمَد..

متنساش وانت راجع من شغلك اللي مضغوط فيه تحمد ربنا انك شغال وعندك مصدر دخل تصرف منه.

متنساش وانت سهران عشان تخلص حاجة تحمد ربنا انك بتعرف تنام أول ما تحط راسك علي المخدة من غير مسكنات.

ومتنساش وانت مضايق من الزحمة وعايز تروح تحمد ربنا إن عندك بيت ترتاح فيه.

إحمد ربنا إنك عايش و مستور ، واقف علي رجلك ، حواسك شغالة وصحتك كويسة ، بتنام مطمن وبتصحى من غير ألم.

جايز تكون مضغوط ، متضايق ، بس انت من غير ما تدرك غرقان في نعم ربنا، وإنها أشياءٌ لا تُشترى فـ احمد الله.

[marmarika-world]

في تخطي اي حاجه صعبه في الحياه..بيبقى في مرحله depression قبل ميحصل ال final acceptance ونتخطى ونعدي...

الديبرشن ده بيبقى سببه هوا ادراك الواقع اخيرا وده بيجي بعد فترات الصدمه والانكار والغضب الشديد...

اخيرا بتشوف الامور على حقيقتها وده بشير خير معناها الازمه قربت تخلص..

كان استاذي يقل�� لما تلاقي عيان الفصام بدأ يدخل في اكتئاب ده معناه انه فهم ان ضلالاته وهم وانه مريض ودي بدايه ونقطه نور على طريق العلاج ...

وده بيحصلنا لما اخيرا ندرك ان الشخص اللي كنا بنتمنى منه حاجات معينه...عمره مهيدهالنا...

فمعدش في داعي للغضب ...

لان غالبا الشخص اللي تمنيت منه احتياج معين...اصلا مكنش عنده عشان كده مش هتاخده منه...وتوصل لمرحله القبول الاخيره...

اللي جايز جايز تفتحلك طريق تعرف تاخد منه اللي عمرك مخدته من الاماكن اللي كنت متعشم فيها او الاشخاص..

[nw589]

🥹🥹🥹 بعد التصحر اللي سواه ليا الفديو حابه احلل كل تفصيله في الفديو لانه هذا الحضن اللي حقيقي ممكن يخلي زوجتك او حبيبتك هاديه مهما كانت منفعله و خاصه لو لغة الحب عندها هيا الللمس

1-اول شي رغم انه مشغول بشغله لكن ترك شغله عشانها و حضنها.

2-لاحظه قربها منه اكثر و شدها و حط يده على المناطق الظاهره من جلدها مو على الملابس.

3-بيطبطب عليها و بيعطيها الدعم العاطفي و كل شويه يرفعها و يشدها وليس بضروري تكون بتتزحلق ولكن هذا الشي يعطي انطباع انه هو حاسس فيها و مقربها له اكثر رغم انها قريبه فعليا.

4-خلها تبكي لين ترتاح و تخلص الطاقه اللي عندها هذا الوقت بيوفر عليه كثييير ايام قادمه خلال شهرها خاليه من المشاحنات لانها فرغت الطاقه ذي .

5-لما شعر انها بدأت تهده شويه ما شد عليها لكن رجع ب الكرسي ورا و رافع رجله عشان ما تطيح و فضل يطبطب على ظهرها .

لو كل انثى لقيت تعامل زوجها او حبيبها معها في انفعالها بهذا الشكل كان كانت حياتكم اكثر راحه و سعادة