#بين_بحرين

[toqatahsseen]

#بين_بحرين فيلم بيعكس واقع حقيقي 100% عايشين فيه الحقيقة من زمان جداً ولسة لحد دلوقتي العادات والتقاليد اللي ماشين وراها بدون أي سبب واضح غير "الجهل" .. كمان دور المرأة و صورتها في المجتمع والصورة اللي بنحصرها فيها دايماً .. شيء مخيف .. شيء سيء الحقيقة.. الفيلم عكس جانب العنف ضد المرأة بشكل عام ومن جوانب كتير .. من البداية .. للنهاية .. قضية ختان الإناث مهمة ومثيرة جداً للجدل في المجتمع المصري .. وعادة عقيمة في الأرياف والصعيد سببها الأول والأخير "الجهل" -تاني- وإزاي ممكن إننا ننهي حياة بني آدمة لمجرد عادة غبية تمت وراثتها بشكل قميىء..!! بتأثر عليها نفسياً ��جسدياً وجنسياً كمان على فكرة .. !! بالإضافة إلى إنها بتكره كل حد إشترك في الفعل ده .. بتفضل فاكرة اللي حصل .. المشهد بيتحفر جواها ومابتنساش شيء.. ولو توفت الندم الجميل بيظهر وكلمة يارتنا* هي اللي بتبقى من كل ده ..!! بلاش نشوه ولادنا ونتسبب ليهم بأمراض نفسية مبكرة .. ونكبرهم قبل أونهم .. خليهم يستمتعوا بطفولتهم .. خلي بناتك يبقوا زي الوردة بتتفتح كل يوم في طفولتهم ويفرحوا ويحسوا بكل لحظة في حياتهم .. بلاش تموتهم .. لو ماكنش موت حقيقي بيتعوضوا ليه .. أو موت نفسي لو نجوا من الجريمة اللي حضرتك عملتها فيها .. وتدريجياً بقى عدم الإهتمام بالتعليم والجواز في سن صغير - بحكم إن البت مالهاش غير بيت جوزها - وصولاً لإهانتها هي وولادها ومعاملتها وكأنها "خدّامة" تغسل وتطبخ وتروق البيت وترضي جوزها لما يعوزها!!! شيء سخيف .. !! الفيلم عكس ده .. قال ده .. والحقيقة شابوه لمريم نعوم عليه .. تجربة ناجحة بكل المقايس .. وفي توعية كبيرة جداً .. أتمنى يبقى في وعي أكتر من كدة، الفن من ضمن أدوره .. أو أصلاً هو دوره الحقيقة لتوصيل فكرة والتوعية بيها في المجتمع.. ومش الفن بس .. إحنا كمان دورنا في المجتمع كبير جداً .. والعنف اللي بيحصل للمرأة مش هين أبداً.. أبداً.. سواء نفسياً أو جسدياً.. بكل المقايس لا للعنف بكل أشكاله ومش بس للمرأة، لأي حد بيتعرضله .. طفل، شاب، بنت، سيدة، راجل ... حتى الحيوانات ربنا أمرنا إننا مانسببش ليهم أي آذى .. ما بالك بقى البني آدمين !! #بين_بحرين #مريم_نعوم #العنف_ضد_المرأة #لا_للعنف_ضد_المرأة #لا_لختان_الإناث #تُقى_تحسين #زهرة #عسل_الراديو🍯📻 (at Cairo, Egypt) https://www.instagram.com/p/B4QRAEynuk3/?igshid=b6knk1ophf6l

[3lysworld]

أغنية أقوى من الأول هاني عادل وفاطمة عادل - بين بحرين | Aqwa Mel Awel - Hany Adel ft. Fatma Adel by Axeer أغنية #أقوى_من_الأول الأغنية الرسمية لفيلم #بين_بحرين .. غناء هاني عادل وفاطمة عادل .. شكر خاص للفنان هاني عادل لدعمه فيلم بين بحرين وإهداؤه الأغنية لصالح الفيلم تقدروا تشوفوا الفيلم ابتداءً من 16 أكتوبر في دور العرض 📽🎞 ‏Watch the official song of ”Between Two Seas” movie, a song by Hany Adel and Fatma Adel. Special Thanks to Hany Adel for dedicating this song to Between Two Seas movie ‏Waiting to see you all on October the 16th in cinemas 🎬. الفيلم من تأليف: مريم نعوم سيناريو وحوار: أماني التونسي إخراج: أنس طلبة بطولة: فاطمة عادل، يارا جبران، ثراء جُبيل، محمود فارس، عارفة عبد الرسول ولبنى ونس الفيلم نتاج تعاون مشترك بين المجلس القومي للمرأة، هيئة الأمم المتحدة للمرأة، شركة أكسير وشركاء التنمية وذلك إيماناً منا بدور السينما المهم في تغيير الثقافة السلبية تجاه المرأة في المجتمعات المختلفة. ‏This film is the product of a joint collaboration between the National Council for Women, UN Women Egypt, Axeer and development partners as part of their belief in the important role that cinema plays in changing negative perceptions towards women in different societies.