#انت مجدي 25

[c-drama]

انت مجدي الحلقة 25

انت مجدي الحلقة 25

يمكنك الآن تحميل و مشاهدة مسلسل انت مجدي الحلقة 25 You Are My Glory ح25 اونلاين الصيني مترجم جودة عالية HD مشاهدة مباشرة  مترجم عربي على موقع سي دراما تروي لنا دراما  ” انت مجدي ” قصة تتبع مهندس الطيران يو تو والنجمة اللامعة  شياو جينغ جينغ . قرار بدء اللعب من أجل حفظ صفقة التأييد الخاصة بها يجعلها وجهًا لوجه مع حبها القديم.. أعمال مشابهة: اكتشف ذاتك مصمم الحب الوقوع بحب إبتسامتك  انقر اقرأ…

[oldmogg]

منقول عن أ. عمرو صالح أنا مش خبير تشطيبات بس حاولت أجمع شوية دروس مستفادة أنا صادفتها شخصيا في شقتي و في شقق قراببي: 1. لو حتستلم الشقة نص تشطيب من شركة من اياهم اياك تخليهم يعملولك المحارة حتي لو حتسيبلهم فلوسها ، بيجيبو مبيضين درجة تالتة.و المحارة البايظة شبح من الماضي حيطاردك بقية حياتك. 2. نفس البند اللي فات بس علي حلوق الأبواب.اخلعها وركب حلوق جديدة . 3. الشركة اللي تديلك سعر حاجة من غير معاينة اعرف انها شركة هواة و حتجرب فيك. الر��ام و تركيب الشبابيك و ال Shutter لازملها معاينة قبل التسعير و الشغل. 4. لو فيه صنايعي بدا يعك من أولها ، اديله حسابه و مشيه فورا، انت بتستثمر في الشقة ولازم تبقي شرس ووغد في حماية استثماراتك 5. الصنايعي بيسمع كلامك بس مبيبقاش مركزمعاك، و سواء فهم أو مفهمش بيقولك آه فاهم ، لازم تعيد الكلام مرة و اتنين و تخليه يقولك هو فهم ايه عشان تتأكد ان اللي انت عاوزه وصل له و فهمه. 6. حاول تدي ملاحظاتك في شكل ورقة مكتوبة أو رسمة و يبقي عندك منها نسخة، لو اديت الصنايعي ورقة معندكش منها نسخة حيقول انها ضاعت و يغلطك ، صورها بتليفونك أو علي ماكينة التصوير ،ابسط حاجة نوتة وورقة كربون أو دفتر مكربن من عند مكتبة مجدي اللي قدام هندسة عين شمس. 7. اياك تسلف صنايعي حاجة خاصة بيك ، متر قياس ، مفك، شاكوش ، سلم، شنيور-لأنه حيضرب عليه ولو كان أمين و مش حرامي حيرجعهولك بايظ و متعاص جبس و معجون و أسمنت. 8. لو في خامة معجبتكش أو رخامة مشروخة متكتفيش برفضها، ارميها فورا و بنفسك أو دغدغها 30 حتة والا أول متمشي الصنايعي حيستخدمها من ورا ضهرك. 9. لو انت في الدور الأرضي انأكد ان الصرف بتاعك مستقل عن صرف العمارة والا المجاري حتطفح في شقتك مع أول سدد. 10. ماتبخلش علي عزل الحمام ، نقي أحسن حاجة اختبره كويس و املاه مياه، لو حصل نشع عند جارك اللي تحتك دلوقتي أحسن ما يحصل نشع بعد مالشغل يخلص 11. لو حتعمل وزة باررزة في الحيطة اتأكد انها مش حتعاكس مراية الحمام أو بر الباب (البر هو الشريط الخشب الداير حوالين الباب و راكب علي السيراميك) 12. مش لازم بالضرورة تلزق البانيو في الحيطة ممكن من جنب تسيب 20 سم بينك و بين الحيطة تتشطب سيراميك بنفس مستوي حرف البانيو و تستغلها في رص علب الشامبو اللي بتقع في البانيو كل شوية. 13. خلي السباك يعملك توصيلات لخزان سطح خاص و سخان شمسي بالمحابس، محدش عارف الظروف و ممكن اللي انت شايفه سخيف بكرة يبقي مهم 14. صرف الأرضية في المطبخ فكرة ممتازة بس تتعمل صح. 15. ميول صرف المياه في البلكونات و الحمامات مهمة ، لازم تدلق جردل ميا بنفسك و تتأكد ان في ميول قبل ما تمشي الصنايعي 16. في مراحل معينة في التشطيب لازم تبقي حاضرها بنفسك witness point لأن في بدايات لو كانت غلط حتكلفك كتير زي مثلا : a. أول رصة سيراميك علي الأرضية تتأكد انه بدأ بشكل عدل أو علي 45 حسب رغبتك ، لو الصنايعي بدأ وانت مش معاه غلط حيخلص أوضة كاملة علي وضع غلط و ي��يبلك صدمة عصبية لما تروح تشوف شغله آخر النهاروكل الوقت و الخامات حتتهدر، نفس الكلام علي الرخام و الباركيه. b. تركيب رخامة الحمام و البانيو تبقي واقف عشان ميركبوش أعلي أو أوطي من المستوي اللي انت عاوزه c. تركيب مواسير تغذية السخان d. تركيب مكان دش الحمام e. اختبار ضغط مواسير الحمام 17. الصالة فرشها بيتغير و بيتنقل كتير ، فكر في سيناريوهات نقل الأنتريه مكان السفرة و العكس ، خلي في مخارج تليفزيون و دش في كل مكان محتمل انك تحط فيه التلفيزيون في المستقبل. البلكونة بيتعملها مخرج دش. 18. لازم تحدد و تختار أماكن كل حاجة بنفسك علب الكهرباء -البواطات- مكان جرس الباب –مكان لمبة الباب الخارجية-لمبة مراية الحمام-محبس الحمام-محبس السخان-محبس الغسالة ،مفاتيح التكييف-و يفضل تبقي في رسمة موضح عليها كل الحاجات دي، بالنسبة للحمام في شركات زي محجوب بتعملك رسمة للحمام ، كل ماتسيب التفاصيل دي عايمة بتدي فرصة للصنايعي انه ياخد اختيارات من نفسه، في ناس خبيرة و ممكن تختار مكان كويس بس مش كلهم كده. 19. المفتاح الديفاتير نعمة من نعم الله ممكن تعمل 2 مفتاح ديفاتير لانارة الطرقة واحد في الأول وواحد في الآخر عشان تنور نور الطرقة و انت في اولها و تطفيه لما توصل آخرها و في أفكار كتير في أوض النوم و الحمامات. 20. اعمل فيش الكهرباء اللي في الحمام و البلكونة water proof في الحمام عشان المياه و في البلكونة عشان التراب ميملاهاش. 21. قاعدة عامة أي حاجة بتركب بخوابير في الحيطة متسترخصش فيها ، زي مسطرة الدش في الحمام و الفواطة ، ممكن تجيب وشوش كهرباء رخيصة من أبو 3 جنيه دي مش مشكلة لأنها سهل تغييرها. 22. كتر برايز كهرباء علي قد ماتقدر و خصوصا في المطبخ حتي لو مش محتاجها أو شايف ان ملهاش لازمة. 23. المطبخ بيبقي سخن ممكن تعمل فبشة في الحيطة لمروحة جانب تساعد في التهوية. 24. اعمل للشفاط مفتاح متوصل بسلك مخرجه من برة الشباك عشان متشوفش سلك مدلدل وعشان عرف لو حبيت تعمل ضرفة تقفل شباك الحمام تماما من غير ما تفك سلك الشفاط كل شوية. 25. الفرن ال Built –In عايز مخمخة خصوصا لو حتشغله مؤقتا بالبوتاجاز لحد مالغاز يتوصلك ، خلي بتاع المطبخ يعمل حساب ضرفة أنبوبة سهل تتقلب ضرفة عادية مستقبلا. 26. خلي الكهربائي يعملك لمبة اشارة في لوحة كهرباة الشقة تعرف منها لوالنور قطع العيب من الكهرباء العمومي ولا داخلي عندك. 27. خلي الكهربائي يزودلك خراطيم كهرباء و يعمل حساب توصيلات مولد كهرباء احتياطي و مواسير فاضية للدش في كل الأوض و الأحسن تجيب كابل دش و تمشيه في المواسير من الأول . 28. نفس البند اللي فات بس علي كاميرات المراقبة و توصيلات الانتركم 29. اتأكد ان فتحة باب المطبخ بعد تركيب الحلوق حتعدي الأجهزة بتاعتك و اعمل حسابك تدي براح لو قررت مستقبلا تشتري تلاجة أكبر 30. اعمل مخرج حنفية خدمة زيادة تحت الحوض . 31. لما النقاش يعملك عينات لون خليه يعملها علي خلفية بيضاء عشان فروق الدرجات تبان كويس. 32. متبلغش كود اللون شفوي ابدا. 33. لو حتركب أبواب حديد خارجية أو حديد حماية خلي الحداد يفصلك حلوق حديد و يركبها من بدري قبل المحارة بكانات مدفونة في الحيطة عشان ييجي في الآخر يلحم الباب من غي�� تكسير و لادق أوتاد ، أمتن و أنضف و لو معكش فلوس كفاية ركب حلوق حديد علي داير الشبابيك و سيبها للمستقبل. لو فيه دق خليه قبل وش النضافة عشان لو الحيطة نملت تقدر تعالجها. 34. نقي باب مصفح من الجديدأبو شراعة مدورة تتفتح عشان تشوف مين علي الباب زي أبواب زمان ، لو مش لاقي اعمل شراعة صغيرة في الحيطة جنب الباب 20 سم x 25 سم بضرفة حديد ، وفي أفكار كتير في الديكور تخلي شكلها جميل و في ناس بتثبت عليها تابلوه أو مراية صغيرة ، كده ممكن الطفل أو السيدة تفتح الشراعة بس لو الجرس ضرب و تحاسب محصل الكهرباء من غير ماتفتح الباب . طبعا العين السحرية مهمة لازم تخليها.في كل الأحوال. 35. الاستثمار في الأمن مهم و بيرفع تمن الشقة ، لو في امكانية تركب قاذفات لهب علي الباب تحرق المتسللين ركبها. 36. لو خايف علي أرضية متشطبة ، افرد عليها مشمع بنفسك ، محدش حيخاف علي حاجتك أكتر منك. 37. لو حتعمل رخام ياما تكع صح و تجيب رخام مستورد زي السيسيليا و الكرارة ياما بلاش و خليك في السيراميك ، الرخام المصري زي الفلتو و الجلالة مشاكله كتير وفيه عروق بتفتح بعد فترة، بلاش منظرة علي الفاضي. 38. اشترط علي بتاع الرخام يقفل الفواصل بالكلة مش بالأسمنت الأبيض. 39. احتفظ بعينات من السيراميك لزوم اي مرمة مستقبلا و سجل في أجندة أسماء الموديلات و أكواد الألوان اللي استخدمتها و الفواتير 40. احتفظ بنمرتليفونات الصنايعية الشطار خصوصا الكهربائي لأنك حتحتاجه كتير في المستقبل. 41. كذلك ممنوع بتاتا إستخدام أي أكر أو كوالين أو مقابض أبواب صيني وإلا ستفاجأ بمواقف بايخة يكون عنك ضيف مثلا ومحبوس في الحمام علشان كالون الإشارة معلق أو لآ قدر الله طفل مش عارف يفتح الباب. 42. أي زجاج ألمنيوم يفضل يكون دبل للعزل الصوتي والحراري ولا يفضل الفيميه اللي المصريين غاويين يركبوه في الشقق إكمنهم مش عارقين يلزقوه للعربيات لأنه بيغير لون الإضاءة الطبييعة. 43. يا ريت لو حد حيعمل شباك مناولة من المطبخ لازم يكون عامل حسابه إنه يتقفل لأن المطبخ المصري والشرقي بصفة عامة بينتج عنه روائح وآثار غير مرغوبة وياريت بلاش فلحسة وتقليد أعمى وخلاص ومنعملوش من أصل��.

[hendzzzz]

القبلية والتوريث

التوريث فكرة انا بدأت استوعبها اوقات ثورة 25 يناير، لانها في الوقت ده كان مبغوضة بغض شديد والناس كان على جثتها ان جمال يحكم و ما الي ذلك… وهي فكرة مش جديدة لان الناس بتورث عيالها فلوس وياقوت ومرجان و علم و اطيان واراضي و املاك من قديم الازل الحقيقة على ما اظن في وقت بدأت فيه الاملاك تكتر والحرامية تكتر والقبلية تزيد والخوف يزيد… ولو رجعنا للسياسة هنلاقى ان برفض فكرة التوريث الناس كانت بترفض القبلية بتاعة عبيله واديله دي و ده معناه انها كانت ميالة لان اللي يحكم يبق�� جدير واحق بالحكم، اشتغل وتعب لحد ماتفوق واستحق الثقة والمبايعة مش حد ابوه رافصه..عشان بيتهيألي مرحلة الرفص دي خلصت عند الولادة..اظن يعني

و بعيدا عن السياسة لو بصينا لمجتمعنا في المطلق هاتلاقي ان الوسايط منتشرة فكل حتة بسبب برضه ان الاحقية مش نهج ساير عليه اي حد في اي حتة في البلد دي، لان في النهاية بيبقى بيدي لاحمد فلوس ويجيبله شغلانة ويجوزه هنومه وهكذا، والموضوع الحقيقة اشبه بالڤيروس اللي كان بيتوغل في الناس واحد واحد بسبب الجهل والبلادة من قبل حتى ما مبارك يفكر فيه، و الحقيقة ان الناس لسه لحد دلوقتي بتزود فرص عيالها في النجاه والتكاثر لمجرد ان حظهم حلو واهاليهم طلعوا اغنيا.. والفكرة دي بتاخدتي لفكرة تانية شبهها الا وهي توريث الموهبة او المهنة.

عشان احتمال المعلومة تكون جديدة على البعض فانا هقولها سريعا.. المواهب مش موجودة في الجينات، مابتتورثش. عشان توصل لابنك موهبة لازم تدربه عليها، والحقيقة الناس عندنا فمصر بتموت فتوريث المهن او المواهب. كمية الصحاب اللي اعرفهم طلعوا مهندسين او دكاترة عشان يبقوا زي اهاليهم رهيبة، واكتشفت بعد كدة ان في اللي بيطلعوا فنانين عشان يبقوا زي اهالهم برضه، ودي حاجة لو تعلمون حزينة جداً يعني. كل اما اسمع ان حد هيدخل كلية تبع مجال ابوه او اخوه بتخيل الاب ده ماسك ابنه بيشربه المهنة بالمعلقة من هو صغير، وده مش اللي بيحصل الحقيقة، بس الاهالي مسيطرة لدرجة انها ممكن تعمي عيالها عن اي حاجة غير مهنهم فعلاً، ودي حاجة حزينة برضه… عارف يعني ايه تعمي ابنك عن كل مهن الدنيا غير مهنتك؟ يعني انت لغيت اساس التعليم من حياته اصلا..الناس بتخش مدارس وتدرس كذا مادة لسنين طويلة عشان تكتشف هي.ميولها.رايحة.فين. والمضحك ان الاهالي دي بتبقى متعلمة.. منين بتتعلم و منين مش مستوعب التنوع؟؟! السنة اللي فاتت كنا بنعمل مشروع عن مهنة نفخ الازاز، وروحنا نعمل لقاء مع اشهر واحد بينفخ ازاز في مصر باين، و كان المفروض نسأله اسأله فانا سألته مش بتفكر تفتح مكان تعلم فيه ناس المهنة عشان ماتنقرضش خصوصا ان الناس مؤخرا بدأت تهتم بالفنون اليدوي وما الي ذلك، الراجل قال لأ مابفكرش! انا اتعلمتها من ابويا وهعلمها لبنتي وتعمله لابنها وهكذا..بنته عندها ييجي عشر سنين وابوها بيعلمها ازاي تنفخ ازاززز، وواثق فشخ فخططه! واثق ف ابطأ طريقة لنشر علم في الكوون..صحيح هاتشربها شرب من وهي صغيرة، بس مش بعيد يجيلها نفس تقلب الطبق بالطرابيزة على ام دي ��يلة وعاليوم اللي اتولدت فيه فيها. مهنة ازاز النفخ شبه منقرضة يا جماعة. منقرضة. يعني التوريث بطئ ومش مجدي كمان.. ليه الاختيار مش شئ جايز في اي عيلة مصرية؟ ليه ماتديش ابنك فرصة يكتشف؟ او ازاي؟ ازاي بتعملوها دي؟ ازاي تقولب ابنك على حاجة من غير ماتديله فرصة يفكر؟ هو مش بني ادم؟