#انا والحب

[m-n-h]

مفيش أحلى من طلعة بنات ف العربية، بلاي ليست تتمرجح بين عبدالباسط وعدوية وبعض الاغاني الخليجي، يتخللها رقص وزغاريط وأجواء حنة شيماء 😌♥️♥️♥️

١٠٠ سبب ليه بحب حياة البنات فشخ ♥️

[princess-lolita]

كمية الاحترام والحب للاصدقاء الي كانت معي ما طبيعة والله ❤️

انا كتير فخورة فيكن

انا فعلاً في كتير ناس صرت حبها بدون ما اعرفها ❤️

بفكرة الحب عن النت يعني فعلاً ممكن تحب ناس بسبب شاشة صغيرة وحكي حلو ❤️

لما تعرف حالك مانك وحيد دايماً نحنا معك لتقوى، نحنا بنسمعك ومننصحك ومنكون الك رفيق وصديق واخ وحبيب وكلشي المهم تبقى منيح

انت مانك وحيد نحنا معك ❤️

[jaunerevee]

في بنت على جروب مش لوحدك كاتبة انها جابت ٤ تيشرتات للبوي فريند بتاعها نفس الشكل والوان مختلفة وقالها ايه ده هو فيه حد يجيب حاجة كده وخد اتنين بس والناس كلها بتقولها قليل الذوق وانتي اختيارك للهدية كان غلط

فافتكرت رحلة صعودي انا وجوزي في الهدايا من ايام ما ��نا لسة اصحاب ومش عاوزين نأڤور في الهدايا وكان كل ما يفكر يجيب لي حاجة يجيب لي بن وانا كل ما افكر اجيبله حاجة اجيب له اقلام الوان ومفكرات ، وبجد عمري ما فكرت في اللي هو بيجيبه ولا هو بيفكر في اللي انا بجيبه واتصاحبنا وارتبطنا واتخطبنا واتجوزنا والهدايا بقت بتيجي من مصروف البيت حسب الاحتياج والفايض والحب ومين قال هو نفسه في ايه بالصدفة والتاني افتكر وطول عمر الدنيا ماشية بيننا ان اللي بيجيب حاجة التاني بيفضل شايلها فوق راسه كإنها احلى واغلى واجمل واذوق حاجة .. فا انا مستغربة اوي من قلة الادب وبفكر انه بجد انا لو مكان البنت دي كنت هاخد منه الاربع تيشرتات واقوله كسمك

[koji50sdadi]

لله الخفايا ... ولنا حسن الظنون ♥️

انا وانت والقهوة والحب ثالثنا ♥️🎼

[alpostagy]

‏مهما عملت مش هتعرف تغير طبع انسان حتى لو قدمت من الود والحب اطنان هتضيع وقت وطاقة بدون نتيجة او هيعاملك كويس مؤقتا وفجأة هيلدغك بدون مقدمات وهتسأل نفسك انا عملت ايه عشان يعمل معايا كدا... والاجابة انت معملتش حاجة ...

هو اللى طبعه كدة مزاج متقلب لا يعرف حب ولا بيعرف يصون الود..👌

[ahmedworldstuff]

قبل ما أمارس مهنتى كطبيب نفسى كنت شغال فى مهنة تانية خالص يعنى عامل كاريير شيفت من قبل ما ابدأ الكاريير الأساسى و مع الوقت أصبح الاتنين جزء منى و السنين مرت و وصلت لدرجة انى عاوز اعمل كاريير شيفت تالت بس مش عارف ايه هو ..وايه المناسب ليا علشان اخرج من دايرة إرهاق الشغل لحاجة بحبها و تخلينى اكمل واقدم احسن ما عندى لحد ما مريت بوقت صعب جدا و أتقنت فيه البيانو و من باب الصدفة البحتة كان فى حفلة فى الجامعة خاصة بالعزف و كنت مقدم كذا تسجيل ليا و الجامعة اختارونى اعمل واحد منهم و جالى عرض تابع لاكاديمية موسيقية كعازف مبتدىء.. انا فرحان انى هبتدي مرحلة بتستوعبنى و تحققلى حاجة بحبها و عمرى ما حلمت انها تاخد شكل جاد .. يمكن اول حد لفت انتباهى انى بعزف كويس هى مراتى و كنت بعتبر ده نوع من المجاملة والحب منها و صديقة غالية عندى كانت بتأكدلى مع الوقت انى كويس واستمر و معتز اللى قالى فى يوم بكرة تلاقى نفسك فى مكان انت مش هتتوقعه.. النهاردة اتقالى جملة " خليك دايما مضيع هيبة الألم و موقع وقاره و كاسر سمه ؛ اوعى تضيع فى متا��ة الوجع " وانا مبعرفش اعمل كده غير بالموسيقى ..

[colored-entropy]

قلبي ضعيف قدام لحظات الوداع والنهايات، مش عارف ازاي هكمل في العالم وأتحمل خسارات لسه الحياة هتقدمهالي أكيد، قلبي ضعيف قدام لحظات الوداع والنهايات لدرجة أني بتحاشى أشوف الحلقات الأخيرة في مسلسلاتي المفضلة، أيوة لهذه الدرجة.

مشوفتش الح��قة الأخيرة من هاوس لحد دلوقت، وده مسلسلي المفضل على الإطلاق، على الأقل من أيام ما كنت بهتم بتصنيف الحجات لمفضلة ومش مفضلة، بطلت اعمل ده، بس مشوفتش الحلقة الأخيرة منه، حتى الأعمال الرديئة بيبقى صعب عليا أفارق أصحابها. افتكرت ده وانا بتفرج من شوية ع الحلقة الأخيرة في مسلسل عبيط وأهبل وزمباوي، وأقل ما يقال عنه أنه رديء، بس حبيت الشخصيات وارتبطت بيهم وكان صعب أشوفهم بيخلّصوا رحلتهم قدامي. المسلسل من أول مشهد بيقول انه رديء، استسهالي وكليشيهي لأبعد حد ومع ذلك كملته، يمكن هربا من كوم الأشياء اللي ورايا بس كملته. ومع الحلقة الأخيرة اللي كلها على بعضها عبارة عن قنبلة كليشيهات، لقيت نفسي متأثر وزعلان.

الفترة الأخيرة فيه علاقات اتهزت جامد وعلاقات أخرى شفتلها ملامح انهيار قادمة، وعمّال أفقد ايماني بالعلاقات والحب والصداقة والمشاعر، والألم الذي يخلفه انهيار علاقة هو شيء حاد جدا بالنسبة لي. مع اني، في نفس الفترة الأخيرة، باخد خطوات طيبة في الاعتناء بنفسيتي، وبقدر أسند نفسي نفسيا شوية، لسه الواحد مسنود على قشاية لكن القشاية انهاردة أمتن من القشاية امبارح. ومشاوير العناية النفسية مشاوير طويلة وعايزة نَفَس طويل وطول بال وشغل على نار هادية. أصحابي دايما بيقولوا اني هادي ونَفَسي طويل، فأتمنى السكك دي تفتح على خلاص ما يوما ما.

بس فيه حاجة جذابة في تحاشي الحلقات الأخيرة من الأشياء، ساعات بتصالح مع حقيقة ان الجهل نعمة، مع اني شخص غيرت حياته المعرفة واكتشافه لوسائلها ومصادرها وطرقها، بس ساعات الجهل نعمة فعلا، وعد مؤجل موجود في زمن مجاش ومش هييجي طول ماهو مؤجل، وعد بإن الحجات هتبقى كويسة، وإن الحدوتة هتفضل مكملة، استغربت لما لقيت نفسي بكره لحظات النهايات السعيدة في القصص والأفلام، الأكشن والدراما والفقد أكثر إثارة وفيه معنى أكتر من النهاية السعيدة، لو كان الفيلم مكمل للأبد عند لحظة انفجار السيناريو بالعقدة كان هيبقى شيء عظيم ومريح. بفكر دايما ايه هو شعور البطل بعد نهاية رحلته الملحمية وفقدانه السوبر باورز بتاعته؟ الأنبياء بتموت بعد تمام الرسالة صح؟ البطل كمان بيرجع انسان عادي بعد نهاية مسعاه.

يمكن الحاجة الجذابة في الدايرة المفتوحة، الدايرة اللي مفيهاش حلقة أخيرة، لوحة البازل اللي ناقصها قطعة، انها بتديك سبب تعيش وتتحرك عادي، وفي اللحظة اللي الدايرة فيها بتتقفل واللوحة بتكتمل وبيتم مسعاك، وجودك كله مبيبقالوش لازمة. يمكن أكون بسيب الحلقات الأخيرة من مسلسلاتي المفضلة عشان أرجع أشوفها تاني وانا لسه عندي جهل بالنهاية، الجهل اللي بيخليني أعرف أجيب المشوار من أوله تاني، بدون إحساس بملل أو عود أبدي

بقالي فترة بفكر في الزمن، مستثار بحقيقة ان اللحظة الي بتعدي مبترجعش، مندهش وخايف في نفس الوقت، فيه شيء عمال يروح على مدار اللحظة يا أبو حميد وانت لا عارف توقفه ولا فاهم هو بيروح ليه؟ سكر بتكبر وأحيانا تدهمني حقيقة أن عمرها الافتراضي أقل من عمري بكتير جدا، وأحيانا لما بقلق بالليل وألاقيها نايمة جمبي باخد كم ثانية أشوفها بتتنفس ولا لا. ودي قطة! فما بالك بأشخاص؟ الغريب كمان ان الزمن بيتدفق كنهر، هو مش بيروح في حتة تحديدا، هو بس بيتدفق، هو موجود، انت مبتخسروش ولا بيضيع منك في العدم، هو بيعديك، او انت بتعديه، مش عارف. بس تتدفق هادي ومش متلاحظ، وعدم ملاحظتك له لا تعني انه مبيحصلش، زي جدول مية صغير بينحت ببطء شديد وعلى مدار السنين طريقه في أرض وعرة.

شفت ريل بالصدفة على انستا لإيثان هوك بيتكلم عن أهمية الفن، كان بيقول انت بتشوف ان الفن حاجة ملهاش لازمة لحد ما تتألم، تخسر عزيز مثلا، ساعتها ممكن تلاقي عزاءك في قصيدة ولا حتة مزيكا ولا لوحة جميلة. ساعتها الفن بيقدم لك خلاص، سالفيشن. بقرا كتير هذه الأيام، سواء للتسجيلات أو لنفسي، ولولا المسلسل العبيط اللي اتحشرت فيه بقالي أسبوعين كنت خلصت حبة كتب حلوين. أنا بقرا من عشر سنين بس السنة دي مختلفة للغاية، ودي قصة يطول الكلام فيها بس ممكن أخمن ان قراية السنة دي مختلفة عشان الواحد مع الزمن بقى هادي أكتر، هادي بما فيه الكفاية انه يشوف أهمية النصوص اللي بيقراها من زاوية مختلفة تماما عن زاوية القراية في 2013 اللي كانت مبهورة أكتر بالمعرفة والاكتشافات والمناقشات. الواحد دلوقتي بيدور على نص يكلمه، يكلمه شخصيا فعلا، يمكن حتى ده السبب ان الواحد بيقرا نان فيكشن أكتر. ومعاني الأدب والجمال والبلاغة نفسها بتتغير. النص المفضل انهاردة هو النص اللي بيقولي حاجة انا كنت محتاج أسمعها حتى لو مكتوب بالفرانكو أو بلغة الإشارة! يمكن النوع ده من النصوص هو اللي بيساعد الواحد يتزن شوية، ويسند نفسه، ويحقق الهدوء النفسي الكافي عشان يعرف يشوف الأشياء كما هي، لا كما تبدو عليه ولا كما نريد لها أن تبدو، وتلك لعمري مزية كبيرة ومهمة فشخ، أن ترى الأشياء كما هي.

في وسط انهيار الأشياء، وفقدان المعنى والجدوى، يظهر لك الأدب، فتقرأ وتكتب لا على سبيل التسلية ولكن كنوع من تربية الذات، وتوطينها على تلقي الخسارة بصدر مفتوح، وبشهامة من يعرف انه انسان عادي، لا بطولة ولا نبوة في مسعاه، فميحملش العالم ما لا يحتمله، والأهم، ميحملش نفسه ما لا تحتمله، عشان كلنا بنتألم عادي. والمدهش، والمثير للقلق وللسكينة في نفس الوقت، إننا لسه هنتألم تاني.

[al-jakob]

🕊⚘️همسة من وين انتي يا ستي⚘️🕊

من وين انتي يا ستي؟

انا من فلسطين سنية غير طائفيه وأفتخر

من وين من فلسطين؟

شوفي يا ستي

والله الهوى قدسي... والعشق لداوي... والقلب يافاوي...والحب كله لجنين...

والروح رملاويه... والعين خضرا مثل "سهول مرج بن عامر...

وصمودي"جبال نابلس"ما يهزني ريح"

وفيكي تقولي انو دقات قلبي "خليليه"

ولما احكي بفكروني من "عكا"...

وطولكرم هي اهل الكرم والجود...

وأنا فلسطينيةمن أريحا والأغوار  رمز الصمود

وكرامتي مثل موج"بحر اسدود...

ما بنداسلوا ع طرف...

أنا #اردنيه  شقيقة الفلسطينيه وقرابتها

  أنا #جزائريه أنا #لبنانية #عمانية و #تونسية و #مرتانية

أنا #مغربية  و #ليبيه  و #عراقيه  و #مصرية  و #سورية و #سودانية

ومن #الجزيرة_العربية و #يمنية  أنا #بلاد_المسلمين ووووو  ووووو

اذا مشكلتك من وين انا؟؟؟ من الوطن الكبير من المحيط إلى الخليج

حبهم لفلسطين عقيدة أهل السنة

ف بحب احكيلك"انا فلسطينية من شروق الشمس لغروبها...

من كل محافظة...وكل صوت يهتف بالعالي...

فلسطينيه  والعز عنواني. #مسلمه_وأفتخر

أنا دمي من ماء فلسطين و روحي من أهل فلسطين و ريحتي من تراب فلسطين

وطبعي من فلسطين و أرفع راسي و أفتخر و أقولها

بصوت عالي يغطي صوت الرعد أنا #فلسطينه_مسلمة

[ebrahimx]

ايه عكس الحب؟! لو كنت واحد من الناس الي بتقول عكس الحب الكره..فانت غلطان..عالاقل من وجهة نظري انت غلطان..عكس الحاجه هو الشيء القادر على الغاؤه..الأبيض بيلغي الأسود ..الليل بيلغي النهار..الخير بي��غي الشر..والعكس صحيح..

عكس الحب. .هو الخوف..لان الكره هو مزيج الحب مع الخوف..انت كرهت حد معين عشان حبيت صفات فيه خوفت انها تكون ظاهره بالقوه دي عندك...ماتقولش لا..فكر فيها بينك وبين نفسك وماتقولش لحد...

نرجع للخوف والحب...احنا بنتحرك بدافعين اتنين مالهمش تالت..يااما بنتحرك بدافع الحب يااما بنتحرك بدافع الخوف... دافع الحب هو العطاء...ودافع الخوف هو انا حاخد ايه؟

والعطاء بيلغي الاخذ..والعكس صحيح

حستفيد ايه؟؟

بص على علاقتك..بص على اختياراتك..بص على ارائك..بص على ملاحظاتك..انتقاداتك.. وجرب. تخليها بدافع الحب..العطاء..سعادة غيرك.. وسيبك من دافع الخوف انت ماعدتش عايش في الكهف وخايف النمر الي برا ياكلك

البوست ده مكتوب بدافع الحب اختلافك معايا مش حاجه حتخوفني

يارب ارحم كل البشر بلا استثناء

[nicejerry99]

عارفين انا مره تنازلت اوي ومشيت ورا مشاعري وبس شيلت كل الحدود كانت كل حاجه متاحه علشان بس العلاقه دي تستمر ومخسرش اللي حبيته كنت ديما ببادر ومكنتش بهتم لو الطرف التاني بيبادر ولا لا او المجهود البسيط المبذول دا اذا اتبذل يعني دا كفايه ليا ولا لا وبسامح علي اي حاجه ومن غير عتاب حتي ودا رغم اني عارفه قيمة نفسي كويس جدا جدا بس والله كان كفايه اعبر عن مشاعري واحب الطرف التاني وابسطه مع شويه امل انه بكرا هيكون احسن او يرجعلي الشخص للي عرفته ف البدايه ببساطه انا حبيت فعلا والحب عندي شئ مقدس تزهق ف سبيله الارواح عادي المهم وصلت بيا الايام الي اني لقيت نفسي وحيده ومستنزفه وخايفه وحاسه بالذنب الي اخره من المشاعر المصاحبه للخيبات التي لا توصف دي،المهم انا كنت عاوزه اقول انا مش ندمانه (الا علي شي واحد مكنش ينفع يحصل ف كل الاحوال) ولسه بحبه ومش عارفه مشاعري هتتغير ولا لا وامتي ودي النهايه فعلا ولا لا مش عارفه بس الي متاكده منه ان انا عمري ما هقبل علي نفسي اي حاجه من اللي حصلت دي تاني لا منه ولا من اي حد بجد مش هسمح لحد يأذيني تاني واني مش عاوزه اتغير او ارد الاذي لا لنفس الشخص ولا حتي ف شخص تاني ولا هتخلي عن صفه العطاء اللي هي جزء لا يُجزء مني ولو فقدتها هبقي فقدت جزء كبير من هويتي وشخصيتي ومعنديش مشكله افضل ادي واحب وابادر وابذل مجهود بس ههتم بالمقابل بعد كدا يعني اديني حب اكتر اديك الشوق يسكر.

[fullmoonshine]

قالوا سألتي .. عني سألتي ..

وأنا ما ادري ويني .. ضايع ياعيني ..

ما ادرى وش اللي ذكرك ..

مقطع شعر في دفترك ..

والا الكلام عن صاحبك ..

وانت عقدتي حاجبك ..

قلتي كلام كله كذب ..

وليه اتصلتي .. عنى سألتي؟

آخر لقانا في الخريف

تذكري الثوب الخفيف

والبرد .. يوم خفتى علي من البرد..

وامطار الخريف..

ومرت سنة يمكن سنين

ويني أنا ووين السنين؟

قلتي كلام كله كذب

ليه اتصلتي.. عني سألتي ..

صوتك طيور مهاجره ..

مرت في قلبي مسافره ..

والحب .. لو طال الغياب اول مداك وآخره ..

غيبي سنه والا سنين ..

بااجيك انا .. والا تجين ..

[jaunerevee]

"I want AI to do my laundry and dishes so that I can do art and writing, not for AI to do my art and writing so that I can do my laundry and dishes."

بما اني وقعت في حُب ال quote دي لچوانا ماسيچويسكا

فا انا حابة اتكلم عن انطباعي عن كُل فن سواء كتابي او محتوى بصري او سمعي تم صياغته بإستخدام ال ai واللي لسة لحد دلوقتي مش فاهمة .. ليه ؟ يعني ليه انسان يحب انه يتفرج على آرت معمول بإستخدام شوية اصفار ووحايد ! فين التجربة الانسانية اللي حسستك بإن نوع الفن ده بيمثلك او بيعبر عنك او بيلمسك ؟

بالرغم من ان ادڤارد مانك كان من اول الرسامين اللي استخدموا الكاميرا في أر��ڤة اعماله الا ان ده ماغيرش نظرة مانك في ان الفن هو انطباع وتجربة انسانية بينقلهم الفنان بأدواته وان الرسم صعب جدًا يتم استبداله بجهاز بيتلقى تعليمات معينة عشان يطبع الواقع زي ما هو.. بدون انطباع شخصي .

“The camera cannot compete with the brush and canvas when it comes to capturing the soul.”

-Edvard Munch

معظم لوحات مانك بيتم تحليلها في سياق معاناته النفسية من موت امه واخته وهو في سن صغير وان باباه عانى من الاكتئاب ومعاناة اخته من المرض النفسي اللي ادي الي احتجازها في مستشفى للامراض العقلية.

بعض التحليلات للوحته Melancholy ان مانك عبر عن نفسه وباللي بيمر بيه بالشخص الحزين المنغمس في مشاعره المضطربة.. وهكذا بالنسبة للوحة The scream اللي بتمثل قلق وخوف وهلع ممكن تفسيره بالتروما المتتالية في حياة مانك ورغبته في اضفاء شعوره واللي مر بيه على الطبيعة اللي شايفها زي ما بيقول :

“Nature is not something that can be seen by the eye alone—it lies also within the soul, in pictures seen by the inner eye.”

.

امبارح كنت بسمع الراديو وصادف ان لدي اقوال اخرى كانت حلقته عن احمد رامي ، وقد ايه احمد رامي كان أسير ام كلثوم وانه طواعية وافق انه يكون بيكتب لها حصري وانه فضّل انه يعبر عن مشاعره ليها في اغاني تغنيها ام كلثوم نفسها فا طلعت منه اجمل حاجات غنتها ام كلثوم زي "يا مسهرني"و "يا ظالمني" و "غلبت اصالح" و "عودت عيني".

في نفس الحلقة اتذاع لقاء لاحمد رامي وهو بيتكلم عن رباعيات عمر الخيام وان اول ما قرأها كانت النسخة المترجمة للإنجليزية ووصفها انها "لم تشبعه" فا راح اتعلم فارسي عشان يقرأ العمل الاصلي، في رحلة تعلم الفارسية احمد رامي بيوصف اللغة الفارسية انها لغة سهلة ومتشابهة مع العربية في المرادفات المتعلقة بالروحانيات وانها لغة قليلة الشواذ وده سهل عليه ترجمة وكتابة اجمل ما كتب احمد رامي وهي "رباعيات الخيام".

.

واحد من ارق واجمل الشعراء هو رياض الصالح الحسين واللي فقد سمعه والقدرة على الكلام في عمر ال ١٣ واضطر انه يسيب المدرسة ويعلم نفسه بنفسه ، بالرغم من معاناة رياض الصالح الحسين الا ان كتاباته هي الارق في وصف الاصدقاء والحب والعيلة ومآساة الوطن اللي عانى فيه ما بين الترحال والاعتقال، وبالرغم من رحلة ��لصالح الحسين القصيرة الا انه ساب وراه الكتابات اللي صعب فهمها وتفهمها بره سياق حياته واللي لخصها في جزء من قصيدته "الرجل السيء" :

أنا رياض الصالح الحسين

عمري اثنتان و عشرون برتقالة قاحلة

و مئات المجازر و الانقلابات

و للمرة الألف يداي مبادتان:

للمرة الألف يداي مبادتان

كشجرتي فرح في صحراء

.

نهايته .. يمكن ال ai يقدر يكتب نصوص كويسة ويقدر يعمل فن بديل ويقدم برامج ويعمل مزيكا ويقلد عمرو دياب ويستبدل الانسان في الكبيرة والصغيرة ويقعد ناس كتير اوي في البيت بس للاسف عن نفسي بستمتع بجمال كُل شيء من صنيعة البشر ونابع من تجربتهم الشخصية وكُل حاجة وراها قصة قادرة تخطف قلبي بما فيهم الحاجات الهاند ميد خصوصًا الحاجات اللي فيها ديفوهات، لدرجة اني في مرة كنت في دهب واشتريت حجارة بيضاوية الشكل لمجرد ان الولد الصغير قعد يشرحلي هو جابها ازاي وقعد يحكيلي قصة حياته من اول ما طلع من البيت الصبح لحد ما جابهالي .. ودي حاجات ال ai مايقدرش يقدمهالي على الاقل لحد دلوقتي .

[anne0shirley]

ما شاء الله

واضح انه كان يوم مبهج

ربنا يديم البهجه والحب بينك وبين الاطفال

حبيت كلامك عن الاطفال اوى وعلاقتك بيهم واكيد طاقتك المستخبيه اللى تقدر تتعامل مع عدد كبير من الاطفال طول اليوم

انا بحب الاطفال جدا بس دايما بحس ان مؤشر الطاقه عندى فى اخر شرطه لو قاعد مع طفلين تلاته مقدرش اكمل ساعه واحسةان جهازى العصبى بيستغيث

بس لطيفه مسميات اشكال القمر (مراحل اكتمال القمر) مكنتش اعرفها كلها 😅

شكرًا يا أنون 😁

تعالى هشرحلك تركاية تعرف تحدد بيها طور اي قمر بدون حفظ وبدون روت😂

روح التيتشر الي جوايا لازم تطلع*

[just-wafa]

إدراك لوضع لاحظته في تعاملات الناس كتير، أنه انا لما أهتم بكون لأنه انا بدي أهتم، لأنه هالإنسان بعنيلي والأهتمام بطلع مني بدون مصلحة، بدون هدف، بدون ما أستنى المقابل منه! بدون ما أكون عم بقدم الأهتمام لحتى ألاقي الأهتمام منه! وازا ما أهتم ف أنا أنسحب وأخفف أهتمامي! حرفياً هاد الضغط والتفكير والألعاب والمدّ والجزر جداً متعبين، متعبين لألي أنا.. أنا لما أعطي بعطي عشاني، بحب عشاني، بهتم عشاني، لأنه أنا حابة أعمل ��يك مو عشان مقابل من الطرف التاني! ولو كل العلاقات بمسمياتها بفكروا بهالطريقة ( كل طرف يقدم لأنه بدو يقدم مو لحتى الطرف الآخر يعطيه، سواء يعطيه شعور هوا فاقدو أو شيء هوا محتاجو أو أياً يكن ) كان العلاقات ما انهدمت، كان الإنسان بعطي بحب مو بأجبار حيتمركز بفترة ويختفي وتصير المشاكل ويصير البعد والفراق والزعل! كان الحب بكون المتحكم بالعلاقة والحب بعمل كل شي .

ودائماً فكرة تقديم حاجة بهدف المصلحة رح تعود ع الشخص بخيبة أمل دائماً.. والمشكلة أنه أنا لسا بشوف هالشي وبيتم التعامل معي وأجباري ع التعامل بهالأسلوب ( حتى لو مو بوعي) إلّا أني بحاول أتجنب قدر الأمكان وأحكي لحالي لو هالإنسان انتي حابة وجوده، حابة تهتمي فيه أهتمّي، لو هالإنسان أنتي مو حابة وجوده أبعدي، بكل بساطة.. بدون ألعاب وبدون مصالح وبدون ما يكون عندي أكتر من شخصية كل شخصية تظهر بوقت تدافع عن شخصية تانية بتكون تحت تهديد أو زعل! كل هالشغلات متعبة للنفس والروح .

[asmaa-ahamed]

انا فى حاجه نسيت اقولك عليها .

. فى حاجه بتخلى القلب يدق اكتر من الخوف والحب .. الضمير !💝

[hssmwahab]

مشهد سحب الفلوس من ماكينة ATM اصبح نشاط اجتماعى يعنى وانت واقف بتسحب الفلوس بتلاقى الناس حواليك بتشاركك الفرحة وبيبصوا على الشاشة وبيتفرجوا على رقمك السري ولو نسيت رقمك السري بتلاقي واحد جنبك ممكن يفكرك به وواحد يقولك لا لا جرب تانى يا اوووووستاذ ودوس هنا وسط اعجاب باقى المتواجدين وفرحتهم لما الفلوس تطلعلك من الماكينة لدرجة انك بتبقي عايز تفرق عليهم الفلوس قبل ما تمشي وتلاقي ناس بدأوا يتعرفوا على بعض عند الماكينة وبيتكلموا بمنتهى الود والحب ولو الماكينة سحبت الفيزا تحس ان الجميع زعلان لزعلك والكل بيحاول انقاذك وتحس انك فى وسط عيلتك والدمعة هتفر من عينك ونفسك تغنى اغنية يا صحابى يا أهلى يا جيرانى انا عايز اخدكوا في أحضاني وتبقى مش هاين عليك تمشي وتسيبهم من حلاوة عشرتهم 🤣🤣🤣