#امى كنز

[amalsaoud]

جلسة صباح بلاموعدا اتى الصباح على غير موعدا والكل نيام وسكون الدار وسكون المكان كله اتخذت مرأة من صعيد مصر الجوانى وعلى ابعاد من محافظة قنا وهى جدتى من أمى قرار ان تتزوج بعد انقضاء عدتها بفترة طويلة والمحت وأصرت جدتى ان تتزوج بعد رحيل بعلها وهو جدى ويكون فرحها بفندق خمس نجوم ويطل على البحر قالت أريد ان اعيش حياتى كما يحلوا لى ولا احد فيكم يعترض على زواجى وعلى زوجى لقد أخترته من بين العشرات المتقدمين ليا انه رجل شهم قوى رومانسى حالما يعرف يداعب ويغازل أفكارى المكبوته من الزمن البائد والناس تقول عنه انه شخصية فريده عقلاني ويمتلك كل المواصفات المطلوبة انه كنز يا اهلى وياناسى وربعى فلا أعتراضا عليه أرجوكم الموافقة فاذا لم تمنحونى موافقتكم سوف أتزوجه رغم أنوفكم لاننى لست قاصرة واجتمع مجمع العائلة وبعد مشاورات وشدا وجذب الكل وافق ماعدا ابنها العود اى ابنها البكر سجل أعتراضه على مسودة من أوراق المرحوم والده وختمها ببصمة أصبعه الأبهم وجمعنا جميعا فشرح لنا مبررات الرفض وهو قأبعا على أريكة جدى المتهالكة فسرد وقال امى صاحبة مولدى بالدنيا واغلى من كل الدنيا فدمعت عيناه وبللت دموعه وتدلت عمامته وكادة تسقط من هو الموقف فقال يا اماه انت لكى من الرجال سبع ومن النساء خمس واكثر من ستون حفيدا وأصغر أحفادك صار شابا يافعا وشابات مثل البدر أكتمل وأكثر وقفت جدتى وأشارت بالبنان له وقالت كفى ياغلام كيف تمنع شرع الله فهل أعطاك الله صكا تحلل وتحرم ما شرعه لنا الاله الم تعرف ياولدى انى صغيرة بالعمر وتزوجت والدك كان عمرى اربعة عشر عاما كنت جميلة الجميلات ومازلت جميلة انى أصغر وأجمل وأرقى من ممثلات تلك الزمن المتردى الله سبحانه وتعالى أمرا بطاعة الوالدين فوافق على مضض من امره وانتهت جلسة الصباح كتاباتى من وحى أفكارى أتخيل موقف فاكتبه https://www.instagram.com/p/B5g675al38q/?igshid=1wgj2j8p47ham

[ahmedhuseen]

مالك

*هما الخسرانين والله انت طيب قوى وغلبان وابن ناس *ربنا يخليكي والله دا من ذوقك ... هو احنا ينفع نكون صحاب؟ طبعا وصحاب جدا كمان انا ارتحتلك من اول يوم شوفتك فيه يا مالك ودا نادرا انو يحصل اساسا عشان كدا قعدت معاك... *شكرا ربنا يخليكي *طيب دا رقم تليفوني لو احتجت حاجة كلمني وهنتقابل طبعا تانى لازم اشوفك كل يوم... اكيد يا اية.. *مش تعرفنا يامالك على صحابك؟! *دي اية اللي حكيتلك عنها اول يوم جامعة... ابراهيم يا اية ابن عمى *اهلا وسهلا *ماشي اسيبك انا بقى يامالك وزي ما اتفقنا... *اكيد طبعا *اتفقتو على اية يالوكا؟!! *ولا اي حاجة غير اننا نتقابل تانى *الله يساهلو ياعم يلا عشان نمشي ....................................................................................... *ازيك ياهند *كويسة يامالك انت عامل اية؟!! *انتى في الجامعة؟ *اه ....لية؟! *ابدا كنت عايز اتكلم معاكي شوية ينفع؟! *اه طبعا هجيلك مكان ما بنقعد ديما *خلاص هستناكي... ....................................................................................... *ايه يا مالك كنت عايزني *اتفضلي.... *اية دا؟!! *دي هدية بسيطة اتمنى انها تعجبك *بمناسبة ايه؟ *من غير مناسبة... بصي احنا نعرف بعض بقالنا فترة وانا بصراحة ارتحتلك وبحبك يا هند *وانا كمان يا مالك بحبك بس كاخ كاصحاب انما مش بفكر تبقى انت شريك حياتى *لية .. انا مش كويس لحاجة زي دي؟!!! *لا ارجوك متاخدش الموضوع كدا انا عارفاك بقالي فترة وبنتكلم وبنقعد مع بعض بس كل دا انا بعملة عادي كااخوات او ....... بص انا هجبهالك من الاخر انا عارفة انى غلطت واللي هقولو دا هيضايقك وممكن يخليك تكرهنى بس بصراحة مش عارفة امثل اكتر من كدا وافضل عملى م�� واخدة بالي انا اول ماعرفتك كنت عارفاك عشان اقدر اوصل لابراهيم صاحبك لانى بصراحة اعجبت بية من اول ما شفتة فكنت عايزا اتكلم معاه واتعرف علية بس اتكسفت كحال اي بنت فامكنش قدامى غيرك بصراحة وبعد ما اتعرفنا وبدانا نتكلم ونتقابل اكتشفت انى بحبة وشايفة ان هو دا اللي عايزة اكمل معاه...انا اسفة يامالك بس بجد انت شخصية كويسة قوى وانا بحبك جدا بس كاخ ليا انا اسفة بجد ... *لا متعتذريش انتى مغلطتيش انتى مشاعرك اختارت حد تاني وانا من ساعة ما اتولدت مكانش في حاجة نفسي فيها وحصلت فامش هزعل دلوقتى انا اللي غلطت لما صدقت ان ممكن حد يحبنى!!! *صدقنى انت تتحب قوى بس غصب عنى معرفتش احبك وحبيتة هو *لا عادي ... عن اذنك ....................................................................................... ماما هو انا وحش؟! * *لية يا حبيبي بتقول كدا؟ *هند يا ماما بعد كل دا طلعت واخداني سبب عشان توصل لابراهيم لانها بتحبة ...وشايفة انة هو دا اللي هيا عايزا تكمل معاة وقدرت تحبة وانا لا!! بتحبنى زي اخوها ... *ياحبيبي اللي متقدرش قلبك الابيض وطيبتك وتحبك متزعلش عليها دنتا تفرح وتحمد ربنا كمان وتبقى واثق وراضي عشان ربنا شايلك الاحسن اللي هيفرح قلبك دا الحب والجواز دول رزق ياحبيبي ولسا رزقك مجاش *انا محدش هيحبنى غيرك انا مليش غيرك في الدنيا دي ربنا ميحرمنش منك *متشلش هم حاجة ياحبيبي وعايزاك اقوى من كدا انا عارفة انك مريت بظروف صعبة وعلى قد ماقدر كنت بحاول اكون جنبك واخفف عنك بس ان الاوان بقى انك تخفف عن نفسك بنفسك انا عايزاك تبقى مفيش حاجة تقدر تكسرك عايزاك تصدق قيمة نفسك عشان هيا عالية قوى وغالية قوى عندى انت اشطر واذكى حد وتبقى واثق ومقتنع ان اللي ترفض قلبك او اللي ميرضاش يصاحبك هو اللي خسر مش انت .... انت معرفتك كنز لاي حد وعايزاك كمان تاخد بالك كويس من نفسك *في اية يا امي متقلقنيش عليكي ؟!! لية بتقوليلي كدا!!!!حضرتك كويسة؟!! *من غير سبب يا مالك ياحبيبي انا مش هعيشلك طول العمر يابنى فابوصيك...! *هتعيشي وتتهنى بامر اللة ربنا مايحرمنيش منك دانتى الحياة بنسبالي *ولا منك يا حبيبي ويراضيك يارب ويسعد قلبك ويبعد عنك كل حاجة وحشة .... ....................................................................................... *ايه يا مالك بقالك كام يوم مبتجيش الجامعة لية؟ *ابدا يا أية كنت تعبان وزهقان شوية *طب مكلمتنيش لية؟ *مكنتش اعرف ان ينفع اتصل بيكي وانا مخنوق خفت ابقى بشيلك همي خصوصا انة ماينفعش اول مرة اكلمك تبقى عشان مخنوق وعايز اتكلم فا محبتش اضايقك ..... *انا عمري مافكرت ولا هفكر فيك كدا يامالك ! وبعدين لوحدك لية يا مالك امال الصحاب فايدتهم اية؟!انت ضايقتنى واللة انا قلقت عليك بجد! ومش بشوفك وابراهيم صاحبك قاللي انة ميعرفش عنك حاجة فاستغربت انة مفروض ابن عمك وصاحبك ومايعرفش عنك حاجة !!!وقلتلة انى عايزة رقمك ادانى الرقم بتاعة هو!!!!.... *شكرا يا اية ربنا يخليكى ...عن اذنك بس انا متطر امشي دلوقتى *طيب اوعدني اننا نتكلم ديما ونتقابل انا مش عايزا اكتر من انك تكون بخير واشوفك مش عايزة اكتر من كدا خلينى جنبك لو احتجتنى امال هنبقى صحاب بجد ازاي؟!! *شكرا يا اية ..... *انا جنبك وقت ماتحتاج حاجة متترددش تكلمنى في اي وقت انا موجودة عشان اسمعك بس متكتمش جواك ممكن؟!!! *بتعملى معايا كل دا لية؟ *بدون سبب اعتبرني حاجة ربنا بعتهالك تهون عليك *متشكر يا اية *اديني رقمك يا مالك عشان لو متصلتش بيا اتصل انا بيك افكرك *اتفضلي ....................................................................................... *انت فين يا مالك؟ *انا جي في الطريق يابابا في حاجة؟ *امك ماتت *اية؟! امى انا ماما ماتت اذاي يابابا امييييييييييي ....................................................................................... *البقاء لله يا مالك ربنا يرحمها *شكرا يا اية انتى الوحيدة اللي جيتى بس انتى عرفتى المكان اذاي؟ *ابراهيم وصفلي العنوان *تمام شكرا مجلكيش في حاجة وحشة *شد حيلك ولو احتجت حاجة انا جنبك ....................................................................................... *وبعدهالك ياصاحبي ؟!! بقالك شهر حابس نفسك ومش بترد على حد ولا بتنزل امك الله يرحمها ماكانتش هتقبل بدا *اعمل اية يابراهيم ! ااقوم اعيش حياتى عادى دي امى يعني الحاجة الوحيدة اللي كانت بتصبرنى على اللي شفته وبشوفه *ياعم مختلفناش بس الاحسن انك تدعيلها فكرك يعني هيا هتكون مبسوطة انك مش كويس .؟! بلاش دي مستقبلك اية الدنيا؟!! ياصحابي الامتحانات خلصت والنتيجة طالعة وانت حابس نفسك حتى الامتحانات داخلها بدون مذاكرة تفتكر دا هيخلي امك مرتاحة؟!!! *مش عارف اكمل من غيرها ومش قادر حتى اعمل زي ماوصتنى ...! كل يوم بحتاج ليها اكتر من اليوم اللي قبلة ومحتاج اتكلم معاها انا بدعي كل يوم انى اروحلها وهروحلها قريب قوى ان شاء الله!! *وبعدين يا مالك ؟! اخرتها ايه طلع نفسك من برميل النكد اللي انت فيه طول عمرك ... انا عارف انك كنت متعلق بيها وانها صبرتك كتيرعن اللي شفته ربنا مبيديش حمل من غير مايدي كتف يشيلة الدنيا بتمشي ودي سنة الحياة يا صاحبي كلنا هنموت مفيش حاجة بتقف صدقنى متقهرهاش عليك وادعيلها.... *كل ما افتكر انها كانت تعبانة واهملت العلاج عشان تصرف عليا بموت الف مرة ....! محدش حاسس ولا عارف انا حزين عليها لية عشان هيا كانت امى وصحبتي وكل حاجة ليا انا كنت بستحمل وبكمل عشانها ودلوقتى راحت وبقيت لوحدى .... *لا يا ابن عمي مش لوحدك انا موجود اهو ابدا انزل واتحرك مش بطلب منك تنساها بس بطلب منك تكمل .... بطلب منك تعمل زي ما وصتك ....................................................................................... *مين دي يابابا؟ *دي مراتي.... ادخلى انتى جوا *مراتك؟!! دي امي لسا مكملة شهر ميتة انت لحقت تنساها *انت هتحاسبنى؟! انا معملتش حاجة غلط ولا حرام ...انا عملت الشرع انا محتاج واحدة جنبي وتاخد بالها من البيت وتغسل وتتطبخ *فعلا هيا مش عيب ولا حرام بس ضد الاصول ...بعد شهر من موت امي؟!! شهر واحد يااااه دا انت كنت جي على نفسك قوى !!! انت نسيت نفسك يا مالك؟! انت بتكلمنى كدا ليه؟!!! * *لا منستش نفسي بس تعبت.... تعبت من قولت حاضر... تعبت من اني بسكت ....تعبت من كل حاجة..... تعبت.. تعبت... تعبت ادخل اوضتك يا مالك واقصر الشر احسن * ....................................................................................... *عملت ايه يا مالك؟! *سقطت يا اية.... طبيعي جدا يعني حاجة مش بحبها ومجبرعليها واللي واللي حصل ماكانش شوية فمنطقى جدا جدا انى اسقط... *معلش قدر الله وماشاء فعل تتعوض في السنة الجاية انا عارفة كانت سنة صعبة بس خلاص عدت هنبتدى انا وانت سوا وهنعديها مع بعض وهنطلع من الاوائل ان شاء الله *مش فارقة كتير اهي ايام وبنقضيها ..... معلش يا اية انا مخنوق وعايز ابقى لوحدي ممكن؟ *لا يا مالك مش ممكن ؟! انا استحالة هسيبك كدا *معلش يا اية سيبينى من فضلك وانا لما اروق هكلمك *لا يا مالك ارجوك خليني جنبك اتكلم معايا .... بص تعالى نقعد في اي مكان ... *معلش صدقيني مش هعرف او اقدر انا هبقى كويس ....................................................................................... *اعتقد ان كدا عدى وقت كتير قوى وحاولت اكلمك كتير موبايلك كان مقفول يا مالك انت كويس؟ يا مالك لو سمحت رد عليا متنساش انك وعدتني ابقى جنبك لو سمحت ردعليا انت كويس انا عايزة اتطمن عليك ؟! *انا كويس يا اية *انت فين؟ *في المكان اللي برتاح فية *فين المكان دا؟ *لو سمحتى يا اية ارجوكي سيبينى لوحدى اوعدك انا لما ابقى كويس هكلمك *وكل دا مش سايباك لوحدك؟!! انا مش قادرة اسيبك اكتر من كدا انا خايفة عليك .... يا مالك انت لية رافض انى ابقى جنبك؟ لية مش حاسس انى مستعدة اعمل اي حاجة عشان اشوفك بخير *عشان اللي كانت بتعمل معايا كدا وبتحبنى بجد ماتت وانا هروحلها سامحينى يا اية... سلام ....................................................................................... *ايوا يا ابراهيم ازيك انا اسفة انى بكلمك دلوقتى بس في حاجة انا مش مرتحالها! *لا يا أية ولا يهمك في اي؟ *مالك من ساعة ماعرف انه سقط وهو مروحش البيت وموبايلة كان مقفول ولما اتفتح اتكلمنا شوية وصوتة قلقنى وقالى انة في اكتر مكان بيرتاح فية كنت عايزة اعرف فين المكان دا عشان مسيبهوش لوحدة؟! انت صاحبو واكيد تعرف انا قلقانة جدا *يانهار اسود !! مالك سقط ؟! يادى النيلة كدا خلاص جاب اخره خصوصا ان قبل النتيجة بيوم ابوه اتجوز واحدة تانية وجبهالو البيت مالك كدا شكلة هيعمل اللي قال علية...! *اية اللي قال هيعمله؟ *هينتحر يا اية اقفلي لما اكلم ابوه ونحاول نلحقة *ااقفل اية المكان فين بسرعة؟ *كوبري النيل ....................................................................................... *ماااالك انزل ارجوك *ابعدو عنى سيبونى في حالى *عشان خاطري يا مالك استنى !!ماتسبنيش ارجوك.. كل حاجة هتبقى احسن .اديني فرصة واحدة بس!!! يا مالك انا بحبك ومش عايزة اكتر من وجودك في حياتي !!انا مش هعرف اكمل لوحدى.. ماتسبنيش ارجوك!!! كل حاجه هتبقى احسن وهنعديها مع بعض متسبنيش ارجوك *هتعمل اية الفرصة يا اية؟! هتغير اية في حياتى؟! انا حياتى خلصت من زمان... *يا مالك ياابنى سامحنى انا قسيت عليك طول حياتى ومعرفتش قيمتك انا السبب يا مالك سامحنى يابنى انا حبيتك بجد بس غصب عنى كنت فاكر ان دا الحب انا غلطت انا السبب سامحنى يامالك انزل ارجوك اوعدك انى هصلح كل حاجة ...انا اسف يا مالك سامحنى وانزل يابنى... ماتقهرنيش طول حياتي *يا مالك انت صاحب عمري وانا مكنتش جنبك يابن عمى ياخويا سامحنى ارجوك اوعدك ان كل حاجة هتتغير وتبقى احسن بس متنهيش حياتك *يااااااه كان لازم اوصل للمرحلة دي ؟! كان لازم تحسو انى هضيع عشان تعاملونى كويس ؟! انا مكنتش عايز منكم حاجة غير الاهتمام واني اعيش حياتي زي اي شاب في سنى يبقى ليا صحاب واحب واتحب بس دا تقريبا كان كتير عليا ....حتى يوم ما حبيت طلعت كوبري عشان توصل لابن عمى!! وابن عمي وصاحب عمري تقبل الموضوع عادي وكمل معاها برغم انه كان عارف انى حبيتها بجد بس ريح ضميره بانة سئلنى هيا لمحتلك بحاجة ؟!!! ولما قلتلة لا! قاللي خلاص ياصاحبي هيا قلبها اختار واوقات بيبقى واجب علينا نفرح للي بنحبه بجد حتى لو هو مش معانا!!!! بس انت عارف انى بحبها يابراهيم !! بس هيا محبتكش ولا لمحتلك بدا يا مالك!!! انساها.... لاوابويا....اللي طول عمرة مابيعملش حاجة غير يضربنى ويهز ثقتى في نفسي ووصلنى للي انا فية دا ..طب انتو عارفين ان امى بطلت تتعالج وصرفت كل فلوسها عليا ؟ عشان ابويا قال مش هيصرف مانا كدا كدا فاشل ...وحتى لما كبرت ونجحت واستحملت كل دا استكتر عليا وكسر فرحتى بالحاجة الوحيده اللي اختارتها وصبرت عشانها ورفض انى ادخلها!! ودلوقتى بمنتهى البساطة بتقولولي اسفين؟؟؟!! انتو مش اسفين ياجماعة انتو بتحاولو تقنعو نفسكو انكم عملتو اللي عليكو معايا بكلمة اسف... اسفكم هيعوض اية اتكسر في نفسي؟! انتم بتقولوها عشان اسامحكم وتعرفو تنامو انتم عمر ماحد فيكم حس بيا او اهتم جاين دلوقتى تفوقو؟!! ويمكن تلحقوني قبل ماانتحر!!!انا مش مسامحكم ولا هسامح في كل كسرة نفس شفتها على اديكو.. *طب وانا يا مالك؟! لو هما اذوك فانا حبيتك ! لو هما بعدو انا كنت بقرب منك ومزهقتش ...لو هما مهتموش انا اتمنيت اعمل اي حاجة عشانك عشان حبيتك بجد ومطلبتش غير انك تبقى كويس وحياتك تتظبط ! *حياتى؟!!!وهي فين حياتى؟ حياة مليانة خوف من اني اتكلم؟ خوف من اني اترفض؟ خوف خوف ومليش رائي في حاجة عمر ماحد شافنى وسئلنى "مالك"؟! حتى ااقرب الناس ليا الكل كان بيقولي انى "برميل نكد" انا حياتى كانت امي الوحيدة اللي حبتنى بجد *انا يا مالك حبيتك والله العظيم حبيتك وبحبك ومستعدة اعمل اي حاجة عشانك *يمكن يا اية كنت هحس بيها لو كانت اتقالت قبل اليوم دا بس كلكم اتاخرتم قوى وانا محدش حبني او اهتم او حس بيا غير امي عشان كدا قررت اروحلها ومش هرجع في دا عارف انه غلط وانى ضعيف بس ربنا غفور رحيم وانا رايح عشان يرحمني ويجمعني باللي حبتني واهتمت بيا عشان من بعدها وانا مش عارف اعيش مرتاح وابقو افتكرو انى كنت وسطيكم ومطلبتش غير اني اعيش مرتاح... ابقو افتكرو اني مطلبتش منكم غير انكم تحبوني وتهتمو بيا ابقو افتكرو انكم معملتوش دا وانى روحت للي عملت دا معايا *ماااااااااااااااااااااااااااالك النهاية

[radwasisi]