#المصلحه

[awrkedas]

الناس كلها حلوه وقت الضحك والهزار ، لكن وقت الخلاف وتعارض المصلحه كله بيطلع اللي جواه وبيظهر علي حقيقته .

[majazeb92]

السؤال. ده فبالي وعمال يزن وبفكر فيه هل لو هي حياة واحده ومفيش اخره وإن هي إلا حياتنا الدنيا كان ده هيفرق حاجه هل كنا كلنا هنبقي متجبرين علي بعض

ناس كتير بتعمل حاجات في حياتها عشان اخرتها حرفيا وده بيكون دافعها الاكبر. وده بيخليه بيعمل الخير. لمصلحه فهل لو انتفت المصلحه دي هيفضل انسان خير ونبيل وطيب

سؤال يطرح نفسه

وبجملة القلق هل ساعتها كنا هنمتنع عن ماهو خطأ اخلاقي وهل كنا هنرتضي ونصبر بحياتنا دي اللي زي مانتوا شايفين. يسعي فيها الغلب فسادا ؟؟؟

هل لو مفيش اخره كام حد كان هيختار ينتحر ويقولك ماهي خلصانه خلصانه تخلص دلوقت مثلا !!!!

[saraaa100]

جماعه ماحدش شاف المصلحه الي بيقولو اني خدتها منهم اصل انا مش لاقيها بصراحه 😂

بس فاكر كل مره احتجت منهم مصلحه فعلا واتبخروا 😂

[marmarika-world]

يكفينا الله شر الزمان ، وأصحاب المصلحه ، وأحباب وقت الفراغ

[samarm106]

اكتر شخص خد مني طاقه ووقت وفلوس ومجهود وخوف وقلق وحب واهتمام هو هو نفس الشخص الي سمعني حقيقتي ف عينه الي مداريها ورا المصلحه وحقيقي انا عمري مهدي حد تاني اكبر م حجمه وحقيقي مينفعش نكرم الواطي ونقول هيصون العشره عشان الواطي هيعيش ويموت واطي

[jojou2]

إن كانت العروبة فليست العربية لغتهم وإن كان الدين فليس الإسلام دينهم وإن كان الجوار فلا حدود لهم مع غزة وإن كانت المصلحه فليس لهم في فلسطين منفعة إنما هي الفطرة التي فطر الناس عليها وحب الإنسان للإنسان ولأن أحفاد مانديلا أبطال استقبلتهم الجماهير بالورود

🌹🌺🌷

💐🌹

[ahmedabdraboahmed]

خطبة الجمعه23اغسطس2024 / الايمان والعلامات السلام عليكم ورحمة الله وبسم الله العظيم الذى لا يضر مع اسمه شيئ فى الارض ولا فى السماء ولا يشقى مع اسمه شيئ فى الضراء والسراء مالك الملك العظيم وهو على كل شيئ قدير لا يعجزه شيئ ولا ينقص او يزيد فى ملكه شيئ سبحانه وتعالى عما يصفون اما بعد… قال تعالى // ﴿مِّنَ الْمُؤْمِنِينَ رِجَالٌ صَ‍‍دَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا ۝٢٣﴾ [الأحزاب منالمؤمنين بالله وقدره وجنته وناره وحسابه نوعا مميزا فى اعلى درجات الايمان وهى درجة التفانى فى الاخلاص والعطاء لله وهم المجاهدين بانفسهم فى سبيل الله الذين منهم من تستشهد وقضى رزقه فى الدنيا بانتحاب دمه فى سبيل الله وياتيه رزقه من الاخره فلا يبلى جسده فى قبره ولا يموت عند الله لاجل نصرتة لله ومنهم من مازال يفدم نفسه لله وال��هاد بنفسه وينتظر الشهاده وعلامتهم ان يراهم باقى المؤمنين يكثرون فى الركوع والسجود لله علامة تعلق قلوبهم بالله وشوقهم الى لقائه وهو راض عنهم فرحين مستبشرين برؤية النعيم الاعظم وهو وجه ربهم يوم القيامه وليعلم الجميع غير المسلمين ان المسلم المؤمن لا يعبد الله لاجل الجنه او الحور العين كما اشاع اليهود وانما المسلم المؤمن الصالح يبذل نفسه وحياته لله لاجل ان يرضى عنه الله فان رضى عنه فبفضله وان لم يرضى فبعدله وان ادخله الجنه فبكرمه وان ادخله النار فبعمله ولا يظلم ربنا احدا نحن نعبد الله ليرضى ولا نعبده ليعطى وبئس العباده التى تكون على المصلحه بين المخلوق والخالق لان المخلوق لا يملك تبادل المصالح المشتركه مع الخالق لانه هو وذاته ونفسه وروحه وجسده مملوكون للخالق بالفعل فكيف سيتبادل بمالا يملك مع من يملك وانما المسلم المؤمن ايمانه بالله الرحمن الرحيم ايمانا مطلقا بلا انتظار اجر لان عبادة الله من مخلوقاته فرض شكر لله على النعم وليست عطاءمقابل اجر وانما عباده شكر مقابل رضا ةوقبول من الله واذا رضى الله على عبده الذى اختار ربه ولم يختار

[mahasobhy]

طبعًا الأسئلة كلها داخلة في بعض ومبقتيش عارفة مين بيسأل إيه ودي أسوأ حاجة مبحبش ابعت أسك بسببها.. بس ماشي أنا اللي سالتك عن عمرك وسألتك عن شغلك وقولتلك ان العيال صايعة الباقي ده معرفوش السؤال بقى.. بعد ما وصلتي للثلاثين وهو سن جميل بالمناسبة لو حبيتي تدي نصيحة شاملة من خبراتك في الحياة وتجاربك الخاصة، فهتكون إيه.؟

لا عارفه لأن التاني مش مصري

لو حبيت ادي نصيحه من تجاربي الخاصه

ان ربنا مبيسبش ايد حد لجأله وان الواحد يكون راضي باللي مكتوبله كله خير والله حتي لو عكس رغبه الشخص وان مش كل الناس زي بعضها وبتتعامل بصفاء نيه لازم هتقابل كتير من بتوع المصلحه والناس البياعه والطماعه والأنانيه والمريضه والمنفسنه فمتخليش الدنيا تغيرك وتحولك لناس بلا رحمه وقلب زي دي لأن ربنا بيعامل الناس بقلوبهم خلي قلبك ابيض ونضيف مع الكل حتي لو اتعرضت لخذلان من اشخاص ابعد عنهم متخليش حد يدوس عليك ويكسرك بإيمانك انت اقوي من الكل

الدنيا دواره وربك عادل في حكمه خليك متيقن من دا احنا كلنا متوكلين علي الله.🤍🤍

[qasim-khalifa]

انا كنت ف شهر العسل وكنت شغال ف مسرحيه اسمها "جوز ولوز" رجعت من الاجازه لقيت المسرحيه قفلت ..قلت يانهار ابيض طب هعمل ايه انا عليا اقساط!! وكنت عامل حسابي اني هقبض فالمسرحيه وقفت والناس بقت تجيلي تخبط ع البيت عايزين ياخدوا فلوسهم !

وقتها كلمت الفنان فتوح احمد كان هو بيعمل مسلسل وقتها قولتله انا عايز اشتغل اي حاجه... انا اصل ابويا علمني اني مستلفش من حد جنيه فقلتله هشتغل انشاالله مجاميع .. قالي مجاميع ايه ده انت خريج معهد .... الكلام ده كان سنه ٩٣ قولتله بص انا اجري ٧٥ ج ف الحلقه لما اعمل عشر شوتات اطلع ب ٧٥٠ ج وده كان مبلغ كبير وقتها احل بيه و يسدد كل ديوني ..

المهم روحت المسلسل اول ما وصلت اللوكيشن اتكسفت ليه لاني لقيت زمايلي وابطال المسلسل كانوا تلامذتي ف المعهد وكانوا شايفني بعمل بطولة ف المعهد فبيسألوني اول ماشافوني اهلا ازيك انت جاي بتعمل ايه هنا ؟ فقمت قايل ابدا ��معت انكم بتصوروا قلت احي اشوفكم فالمخرج قالي الاه ! يعني مش هتمثل قولتله لا انا مكسوف... فا حد اقترح انهم هيجيبولي الجلابيه والطاقيه ومحضرش البروفات واجي يوم التصوير وابقى اقف ورا فمش هيبان مين ده وفعلا عملته واخدت الفلوس .. المهم وانا مروح مع محمود البزاوي قالي ماتيجي تتفرج ع الجينرال بتاع الزعيم عادل امام ...قولتله طب ماتشغلوني معاكم قالي يابني بقولك بروفه جينرال ..وهنعرض بكرا تيجي فين ؟ 💔

المهم روحت لقيتهم بيقولوا العرض اتأجل اسبوع معرفش قالوا حاجه ف الاضاءة ناقصه .. فقلتلهم طب اسلم ع استاذ عادل امام ..كنت عامل معاه قبل كده فيلم الار8ـاب والكباب وكان من اخراج ا .شريف عرفه اللي بالصدفه كان مخرج المسرحيه برضه وروحت حاكي ل ا عادل امام الحكايه بتاعتي دي وقولتله ممكن اشتغل مع حضرتك فراح نادى ا شريف عرفه وساله في حاجه تنفع ل ا سليمان عيد انا عايزه معايا الصراحه فقاله المفروض في ملقن بيطلع ف الشباك راااجل عجوز يقول انتي بتعملي ايه عندك ياام سيد ..قالي انت عجوز ؟

قولتله انا اصلا عجوز 😅 قام واخدني بالحضن

وقالي استاذ عادل انت كنت بتاخد كام

قلتله ٦٠٠ هو انا كنت باخد ٤٠٠ بس كان المفروض هيزيدوا فقلت اقول الرقم الاكبر بقى ...فقالي ٦٠٠ ؟!

قولتله هما كانوا ٤٠٠ والله وكنت موعود يزيدوا ل٦٠٠ قلت ف سري المصلحه هتطير 😅

لقيته بيقول اعملوله عقد بالف و٥٠٠ ج

ف ١,٥٠٠ جنيه ف موسم عشر شهور فربنا كرم الحمد لله فالرزق بينادي صاحبه ولما جبت ولد ا عادل عملي سبوع لعبد الرحمن ابني ف المسرح ولميت هدايا كتير وموقفه معايا ده لا يمكن انساه ❤️

سليمان عيد - Soliman Eid

[ithinkloud]

هههه ياساتر طلعت المصلحه بالعائلة كلها🤣

[kaybat]

إنما الناس لطفاء بحجم المصلحه فلا تتعمق

[mera77sposts]

القناعه الوحيده اللى بقت موجوده عندى حاليا ان الناس ما بتحركهاش غير المصلحه يقربوا عشان المصلحه و يتكلموا طول ماالمصلحه مستمره و يبينوا اك انهم بيحبوك وحياتهم كلها واقفه ع وجودك والحقيقه انها واقفه ع المصلحه وطول مانتى ماشيه فى سكه المصلحه فأنت صاحبى وحبيبى وكفاءه و بمجرد ما تنتهى يختفوا والأصيل منهم يعنى ممكن يسأل من بعيد لبعيد ، يارب ما تجمعنى بالناس اللى شبه كده تانى .

[nour750]

فيه نقطه مهمه جدا البني ادم لازم يتعلمها المصلحه فوق الجميع حتي لو الجميع دول ناس قريبه

[yasser-yassoo]

وجميعهم على أوتار المصلحه يعزفون

[roro-scorpion]

لما خيط المصلحه داب , دوروها احزاب 😎🤏

[aleashiqin]

متحكمش علي الناس انهم جدعان و ولاد اصول ومتربيين بمجرد شويه مدح ومظهره كدابه ، عايز تعرف اصول الناس علي حقيقتها بجد تعالي اقولك ؟

شوف الزوج هيتصرف ازاي لما زوجته تتعب او تمرض ، وشوف الزوجه لما جوزها يفلس ويقع في ضيق ، وشوف الاولاد لما ابوهم وامهم يكبروا اوي في السن ، وشوف الاخوات لما يوزعوا الميراث ، وشوف الاصحاب لما صاحب يحتاجهم في شده او ضيق ، وشوف القرايب في الغربه ، وشوف الحب لما المصلحه تروح ، وشوف ولاد الاصول لما يتعاملوا مع الناس البسيطه ، وشوف الشهم والجدع قبل ما حد يطلب منه الحاجه ، وشوف المؤمن في الكرب والابت��اء..

" يارب اكفينا شر الافاقين والمتلونين والمزيفين والمنافقين؟ "