#القرآن_منهاج_حياة

[light-intothedarkness]

وقفات في الجزء الأول من القرآن الكريم.

ربنا سبحانه وتعالى قدّر لينا النزول للأرض من قبل ما يخلقنا، ده بيقطع عندنا كل الأسئلة والخيالات المتعلقة باللي حصل مع آدم عليه السلام ونزوله من الجنة.

قال تعالى "وَإِذْ قَالَ رَبُّكَ لِلْمَلائِكَةِ إِنِّي جَاعِلٌ فِي الأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لا تَعْلَمُونَ".

واللي حصل مع ادم عليه السلام بدخوله الجنة ونزوله للارض فيه حكمة من ربنا، اولها ان الشيطان هو العدو الاول لينا، وان أمر الله نافذ، وكده كده ادم كان خليفة الأرض بس الشيطان لما عرف انه هيكون اعلى منه وهيكون خليفة كان ناوي انه ينزله الأرض مكسور وحاسس بالذنب، لانه لو كان نزل بقوته كان مش هيبقى في مصلحة الشيطان، وفي كل الاحوال ربنا تعالى اعلى واعلم بالتفاصيل والحكمة من اللي حصل، وامر الله ماشي علينا من خلق ادم لحد المالانهاية.

[light-intothedarkness]

تدبر الجزء ١٨: سورة المؤمنون

بعد ما انتهت سورة الحج بخطاب للمؤمنين ﴿يَا أَيُّهَا الَّذِينَ آَمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ﴾. 

 بدئت سورة المؤمنون تعلن الفلاح للي هيطيع ربنا ﴿قَدْ أَفْلَحَ الْمُؤْمِنُونَ﴾ لو لاحظتوا هتلاقوا ان مقدمة السورة فيها صفات المؤمنين المستحقين للفلاح(نجاح الدنيا و الاخرة) و اثر الايمان في سلوكياتكم اللي بترضي الله، واتسمت السورة باسمهم عشان ترغبنا نقتدي بيهم و بصفاتهم، يعني دي صفات المؤمنين فا تحرى الصفات دي فيك.

 طول مانت ماشي مع السورة هتلاقيها بتعرضلك نوعين من النماذج، نماذج للمستكبرين عن الايمان و نماذج للمؤمنين، تقارنلك بينهم عشان تشوف عايز تبقى مع مين فيهم؟ 

 وعشان السورة هي سورة الإيمان بكل قضاياه ودلائله وصفاته، بدئت بتعليق القلوب بالآخرة و بتطمن المؤمنين على مستقبلهم الطيب ﴿أُولَـٰئِكَ هُمُ الْوَارِثُونَ، الَّذِينَ يَرِثُونَ الْفِرْدَوْسَ﴾. قبل عرض النماذج بين الكفر والايمان ربنا بيذكرنا بعظمته الدقيقة المتناهية في خلقه وقدرته على البعث،﴿وَلَقَدْ خَلَقْنَا الْإِنْسَانَ مِنْ سُلَالَةٍ مِنْ طِينٍ ۝ ثُمَّ جَعَلْنَاهُ نُطْفَةً …﴾ ، و الايات عرضت كمان مظاهر عظمة الله تعالى في الكون: ﴿وَلَقَدْ خَلَقْنَا فَوْقَكُمْ سَبْعَ طَرَائِقَ وَمَا كُنَّا عَنِ الْخَلْقِ غَافِلِينَ .. ﴾ فا تحس ان خالق كل العظمة دي يستحق الايمان. 

 و بعدها اتنقل السياق لعرض قصصي لتاريخ الإيمان بيحكيلنا جحود الأوائل لفضل ربنا، وتمردهم على هداياته، وتكذيبهم لرسله، وبيدعونا للتوحيد من خلال آيات الوحي اللي ربنا نزلها على الأنبياء، فهنلاقي قصة نوح و قومه و اللي ذكرتها بالتفصيل في البوست ده.

.و بعدها قصة قوم على الأغلب قوم عاد، وبيّنت الآيات هلاك الكافرين وفلاح المؤمنين ودي قصة قوم عاد (قوم هود)

بعد كده الايات ذكرت قصة موسى وهارون عليهما السلام مع فرعون وملئه، وبينت أنهم كانوا مستكبرین عالين، ونتيجة تكذيبهم كانوا من الهالكين، وعرضت موقف فرعون اللي ادّعي الإلهية في الأرض، وفيه بيان أنه سبحانه وتعالى ذو القدرة المطلقة.(نموذج للكفر)

  ذكر السياق عيسى ابن مريم وأمه : ﴿وَجَعَلْنَا ابْنَ مَرْيَمَ وَأُمَّهُ آَيَةً وَآَوَيْنَاهُمَا إِلَى رَبْوَةٍ ذَاتِ قَرَارٍ وَمَعِينٍ ...﴾ وبيان أن الله تعالى آواهما إلى ربوة عالية فيها مستقر وراحة .(نموذج ايمان).

 .بعدها باسلوب ترغيب ذكر ربنا صفات المؤمنین اللي جمعوا بين الإحسان والخوف: ﴿إِنَّ الَّذِينَ هُمْ مِنْ خَشْيَةِ رَبِّهِمْ مُشْفِقُونَ ...﴾، فهم وجلون مشفقون ألا تبقى لهم حسنة، وظنوا بأنفسهم ألا يكونوا قد قاموا بحق الله تعالى.

 ورجعت الايات تذكر موقف المكذبين وهنا بيجتمع الترهيب مع الترغيب: ﴿بَلْ قُلُوبُهُمْ فِي غَمْرَةٍ مِنْ هَذَا وَلَهُمْ أَعْمَالٌ مِنْ دُونِ ذَلِكَ هُمْ لَهَا عَامِلُونَ ...﴾، وبينت الايات سبب التكذيب وهو عندهم واستكبارهم: ﴿أَمْ لَمْ يَعْرِفُوا رَسُولَهُمْ فَهُمْ لَهُ مُنْكِرُونَ ۝ أَمْ يَقُولُونَ بِهِ جِنَّةٌ بَلْ جَاءَهُمْ بِالْحَقِّ وَأَكْثَرُهُمْ لِلْحَقِّ كَارِهُونَ ...﴾.

وخاتمة الصورة بتثبت للنبي صلي الله عليه وسلم والمؤمنين ببيان قدرة الله تعالى على إهلاك المكذبين وده بيأكد خسارتهم :﴿ ..وَإِنَّا عَلَى أَنْ نُرِيَكَ مَا نَعِدُهُمْ لَقَادِرُونَ..﴾، واكدت على عظمة الله تعالى وقدرته المطلقة: ﴿أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ ...﴾.

وفيها بيان أن الله بياخد المؤمن الداعي لربنا حُجة له على الفئات التانية، ﴿إِنَّهُ كَانَ فَرِيقٌ مِّنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا ﴾ (فصلاح الصالحين حُجة على غيرهم)ووجود ناس متمسكة بعبادة ربنا والدعوة ليه حجة على اللي بيدوّر على العذر دايماً، فا هل انتَ بتاخد خطوات لدعوة الناس حواليك لربنا بمجرد طاعتك وتمسكك بالمبادئ؟

وزي ما افتتحت السورة بذكر صفات المؤمنين وبیان فلاحهم، خُتمت ببيان خسارة المشركين والكافرين عشان تحذر من الاقتداء بهم. تمت سورة المؤمنون التالي سورة النور..

[light-intothedarkness]

تدبر الجزء ١٧: سورة الحج ١

سورة الحج موضوعها الاساسي هو الحج نفسه، و دورة في بناء الامة، ازاي؟

اولا تعالوا نعرف ايه اللي بيحصل في الحج و ايه اركانه اختصاراً كده.. بنبدأ بيوم اسمه يوم التروية و ده بيوافق (8 ذي الحجة) الحجاج بيحرموا كل واحد من ميقات أهل بلده، بعدها  بينطلقوا لمكان اسمه (مِنى) في مكة، بيفضلوا فيه طول النهار بيقصروا كل الصلاوات بس كل صلاة على وقتها عادي، و بيباتوا في منى و دي سنة من سنن الحج عن النبي صلى الله عليه وسلم، و اللي مش قادر يبات فيها حجه صحيح. بعد كده تاني يوم الحاج بيطلع على عرفة في يوم عرفة (9 ذي الحجة) اللي بنسمية يوم وقفة العيد او يوم وقفة عرفات، بيستعد انه يقف على جبل عرفات في اليوم ده، و لما يجي وقت الظهر بيصلي الظهر مع العصر جمع تقديم و يطلع بقى على الجبل من بعد الصلاة لحد المغرب يدعي ويذكر ربنا، و اللي بيحج مش بيصوم يوم الوقفة زي ماحنا بنصوم، ويعتبر وقفة عرفات دي ركن اساسي من اركان الحج اللي مبيعملهاش بيسقط حجه. دليل ذلك قول النَّبي عليه الصَّلاة والسَّلام: (الحجُّ عرفةَ فمَن أدرك ليلةَ عرفةَ قبل طلوعِ الفجرِ من ليلةِ جمعٍ فقد تمَّ حجُّهُ) بعد ما الشمس تغرب بقى بيستعد الحجاج يروحوا على مزدلفة (المشعر الحرام) و دي منطقة تالتة غير عرفات و منى و طول طريقم ليها بيدعوا و يذكروا الله، و لما يوصلوا هناك بيصلوا المغرب و العشاء جمع تأخير و بيباتوا في مزدلفة اليوم ده لحد طلوع الفجر و بيصلوا الفجر هناك. في أول ايام عيد الأضحى (10 ذي الحجة) بعد ما بيصلوا الفجر في مزدلفة بينطلقوا لمنى مرة تانية، بيستعدوا لرمي جمرة العقبة الكبرى و بيرموها بعد طلوع الشمس على ما يكونوا وصلوا، بياخدوا الحصوات اللي جمعوها في مزدلفة او هم في طريقهم لمنى، بيرموا 7 جمرات في المكان المخصص للرمي كل جمرة لوحدها و بيكبروا ربنا في كل رمية. بعدها بيحلقوا رؤسهم او بيقصروا شعرهم عشان يتحللوا من احرامهم التحلل الأول، بعدين بيروحوا للمسجد الحرام و يطوفوا طواف الافاضة سبع اشواط بعدها سعي في الصفا و المروة، و بعدها بيتحللوا التحلل التاني، و كل ده في أول يوم العيد. بعدها بيجي أيام التشريق الثلاثة، (11 و 12 و 13 ذي الحجة) اللي هم تاني و تالت و رابع ايام العيد، بيستعدوا الحجاج يرموا 3 جمرات، الجمرى الصغرى و الجمرة الوسطى و الجمرة الكبرى، و في كل جمرة بيرموا 7 حصوات، و ده في كل يوم من ايام التشريق الثلاثة، و اللي مستعجل و لازم يرجع بلده ممكن ميرميش في اليوم التالت ده جائز، و اخر حاجة بيعملوها الحجاج قبل ما يمشوا خلاص الطواف بالكعبة (طواف الوداع) عشان يكون اخر عهده بمكة الطواف. و اللي عايز يعرف اكتر عن الطواف و السعي و الاحرام ممكن يشوف شرح كيفية العمرة من هنا

يتبع..\

[light-intothedarkness]

تدبر الجزء ١٧: سورة الحج ٢

كان ضروري نعرف كيفية الحج عشان نفهم هدف السورة دي..

الحج الركن الوحيد اللي اتسمت سورة بإسمه و ده دليل اننا لازم نركز شوية في الحج و اركانه و اللي بيحصل فيه و نستنبط منه معاني عشان نعيش بيها.. السورة بتتكلم عن دور الحج في بناء أمة سليمة، ازاي؟

زي مانتوا عارفين في الحج الرجالة بتلبس احرام و هو عبارة عن قماشة بيضا مش متخيطة بسيطة و كل رحلة- الحج عبارة عن انفصال تام من رفاهية و ترف الدنيا للعيشة البسيطة و البيات في مخيمات، فا الحج بيعلمنا مقاومة الترف، لأن الترف في أغلب الحالات بيُستغل بشكل غلط و في اتباع الأهواء، بيخلي عند الواحد أنانية و ان أهم حاجة عنده المظاهر، اهل الطاعة و ان توسدوا التراب و مضغوا الحصا فهم اهل السعادة المطلقة. -الحج بيعلمنا ان الحياة لازم يكون فيها تضحيات وان مش هيبقى ليك مقام الا لو مريت بحجات كتير و قدرت تتخطاها بتضحية بوقتك مجهودك او حجات انت بتحبها في سبيل حب الله تعالى فوق كل حاجة، فا اللي يعرف مقام ابراهيم اللي جمب الكعبة (موجود فيه صخرة اللي فيها أثر قدمه لما كان بيبني الكعبة) اتحط المقام جمب بيت الله عشان هو اكتر بني ادم ضحى على وجه الارض، ضحى باهله و ابوه(لما كفروا باللي هو جه بيه)، ابنه و مراته(لما ساب السيدة هاجر و ابنها اسماعيل في الصحراء)، ابنه لما كبر و امره الله يذبحة، فا القيمة العالية مش بالساهل، و مينفعش طول عمرك تستنى تحقق كرامات او معجزات و انت مبتسعاش، و كذلك قصة السيدة هاجر اللي ربنا خلد ذكرها بأنه خلى السعي بين الصفا و المروة ركن أساسي في الحج و العمرة، و وطد معنى السعي عندنا بقصتها. و اللي عايز يعرف قصة سيدنا ابراهيم و السيدة هاجر يشوفها هنا.. https://light-intothedarkness.tumblr.com/post/184973871329/%D9%82%D8%B5%D8%B5-%D8%A7%D9%84%D8%B9%D9%85%D8%B1%D8%A9

الاهداف الكبرى ان لم تكن لها اهداف مرحلية صغيرة توصل اليها فهي مجرد اماني. و من علامات صدق الحلم انه ياخد من يومي وقت كل يوم (الصادق سيصل) الاهم من ان تتقدم بسرعة ان تتقدم في الاتجاه الصحيح لم يترك احد اثر على الرمال و هو جالس على كرسيه من حكمة الله انه خلق الجبال و لم يخلق بجابنبها سلما للصعود ليختبر ارادتك، فلا تتخذ الحفر وطنا لك.

الحج بيعلمنا ان “من كبّر كَبِر”  اكبر تحدي في الحج (وربّك فكبر) اننا نكبر ربنا في عنينا و قلوبنا فا كل التعب هيهون عشانه، كل الجهاد و الصبر في سبيلك يارب سهل، الله اكبر مني، من كل مصلحة، و اكبر من تخيلي لحبه ليا، و من حبي ليه، الجمرة الصغيرة دي بتكبر عند ربنا بالله اكبر، و الله اكبر تعلمك تواجه عدوك في اكبر وقت هو عارف انك مش هتواجهه فيه

و من ثمار الله اكبر -بتحمينا من شر فتحة الدنيا علينا(فلوس و جاه و شهرة و نجاح) -تعزز عندك معنى ان الله هو سندك، مفيش مشكلة على وجه الارض هو مبيحلهاش -بتعلمك تضبط مشاعرك، تحط كل بشر في مكانه في حياتك، و تحط ربنا قبلهم في قلبك -(الا بذكر الله تطمئن القلوب) -كل ما الواحد كبر ربنا كل ما نفسه هتكبر و أهدافه هتكبر.(صاحب النفس الصغيرة يرى الاشياء كبيرة، و صاحب النفس الكبيرة يصغر اي شئ في عينيه) -بيعلمك تعدي و تكبر دماغك من صغائر الأمور اللي بتحصل في الحياة و متقفش عند كل حاجة، بالتالي نفسك هتهدا اكتر. الذكر يعلمك انك غالية عند ربنا و عمرك غالي، ربنا اشترى مننا انفاسنا و لحظاتنا و تحريك لساننا( كل ذكر- بمغفرة او شجرة في الجنة و هي مبتاخدش مننا وقت)

بتعلمنا كلمة “لبيك اللهم لبيك” في الحج، اننا نكون مخلصين، لبيك معناها: انا بستجيب ليك يارب طاعة لك و طلبا في رضاك، و الملبي اللي مبينقطعش حجه في الحياة ابدا هو المخلص طول حياته، الاخلاص هو ان تكون ملبيا لله أبد الدهر، و التوحيد هو وقود كل ساعي في الحياة. "متى القاك و انت راض عني"

الحج بيعلمنا الثبات الانفعالي، اكتر حاجة باخد بالي في الحج منها اني مغلطش، الريموت كنترول في ايدي انا و متحكم في نفسي، الثبات الانفعالي توفيق من الله لربط على قلبك و انت تسير نحو بناء عالم انقى.

يوم عرفة و الثوا الكبير اللي فيه عنباقي أيام السنة بيعلمني “كن متميزا مختلفاً حتى ان كنت تظهر في العام مرة واحدة”.

الحج بيعلمني اقوي عندي معنى البنية التحتية لمشروع ابراهيم "لن يضيعنا الله" كل حاجة بتشوفها في الحج بتثبت الجملة دي، و لازم تكون ماشي بيها في رحلة حياتك.

الحج كمان بيكشف مدى لياقتك البدنية، بكشف لنفسي تحملي الجسماني فا احرص اني احافظ عليه. احرص على ما ينفعك و لن ينفعك مثل جسدك

الحياة حج و الحج حياة. تمت سورة الحج تم الجزء السابع عشر

[light-intothedarkness]

تدبر الجزء ١٧:سورة الانبياء

السورة دي بتقولنا ان الانبياء ربنا ارسلهم عشان يفكروا الناس بان للكون ده خالق و يخرجوهم من الغفلة، و ان البشرية دايما ً بتمر بحالة غفلة و بالتالي دايماً مفيش صلاح و دايما في هدم للامة.

يعني ايه غفلة؟ يعني انك تعيش لحياتك الدنيا، يعني ان الدنيا تشدك لدرجة انك تقرب تنسى ان في ربنا و انه شايفك، يعني انك تعمل اعتبار للبشر و متعملش للخالق او انك تخاف من البشر و متخافش من الخالق، تعيش لتحصيل المال او للاهواء او عشان ترضي نفسك و تعمل اللي على مزاجك.

و عشان تفهموا قصدي، اول ايتين في الصورة لما تقراهم هتحس بصدمة شوية ان ممكن يكون الكلام ده ليك، هتحس ان موضوع الغفلة ده مش هين

اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ، مَا يَأْتِيهِم مِّن ذِكْرٍ مَّن رَّبِّهِم مُّحْدَثٍ إِلاَّ اسْتَمَعُوهُ وَهُمْ يَلْعَبُونَ

و في تذكير تاني

كُلُّ نَفْسٍ ذَائِقَةُ الْمَوْتِ وَنَبْلُوكُم بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ

و لما الايات تُذكر لينا نماذج الانبياء و عملوا ايه مع اقوامهم و ازاي حاولوا يخرجوهم من غفلتهم، الايات بتسألنا بمن تقتدي؟ انت عايز تبقى من الغافلين ولا من الصالحين ولا عايز ترتقي اكتر و تقتدي بالانبياء و يبقى ليك دور تصحي الناس اللي حواليك دلوقتي من غفلتهم؟

في السورة عرض لنماذج نوعين من الانبياء نقتدي بيهم:

١. انبياء دعوا اقوامهم و صبروا عليهن

٢.انبياء اخلصوا في العبادة و الخشوع

و اكتر حاجة مقربة لقلبي في السورة دي انه حكالنا سيرة كذا نبي و مشهده و هو بيدعي ربنا فا ربنا في اخر كل قصة بيقول "فاستجبنا له" الايات دي بتخلينا نطمن اكتر اننا ندعي و هتكون النتيجة "فاستجبنا له" مع اقتدائنا بيهم و اننا نكون صالحين زيهم.

"وَنُوحًا إِذْ نَادَى مِن قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ"

"وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ،فَاسْتَجَبْنَا لَهُ فَكَشَفْنَا مَا بِهِ مِن ضُرٍّ "

"و ذا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ،فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ"

"وَزَكَرِيَّا إِذْ نَادَى رَبَّهُ رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ، فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ"

و كل قصص الانبياء في السورة دي بيبينلك نتيجة صبرهم او اخلاصهم، ان ربنا عمل ليهم الخير و لو حتى شافوا شر و مشقة في حياتهم، و اكبر مثال على ده قصة سيدنا ابراهيم اللي هحكيها في البوست اللي بعد ده، لما كان عارف ان للكون ده خالق و كسّر اصنام قريته و حط الفاس في رقبة اكبر صنم و قالهم هو اللي عمل كده فا خدوه عشان يحرقوه و ربنا غير خصائص النار عشان يطلع منها سليم و بعد كده طلع من قريته و استغنى عن اهله عشان كانوا ضالين فا ربنا بدله بذرية صالحة طلع منها اسماعيل و اسحاق و يعقوب انبياء الله.

بعدين تيجي اية تبينلينا ان الرب واحد و الرسالة واحدة على مرور الزمان و ان كل نبي بيجي يكمل الرسالة على اللي قبله، فا اللي هيمشي على خطاهم هو اللي هيفوز في الدنيا و الاخرة "إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ"

"قُلْ إِنَّمَا يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَهَلْ أَنتُم مُّسْلِمُونَ"

و لما تاخد الانبياء قدوتك هتبقى النتيجة في النهاية ان الارض هتتصلح و ده هدفنا في الدنيا.

تمت سورة الانبياء

[light-intothedarkness]

تدبر الجزء ١٦: سورة طه

بسم الله الرحمن الرحيم

طه(١) ما انزلنا عليك القرآن لتشقى(٢)

هدف السورة في تاني اية منها، السورة دي بتعالج مشكلة عند تقريبا كل الناس في الزمن اللي فات و في زمننا: ان الدين مش شقاء و كئابة و منع من متع الحياة، و ان الاسلام في الحقيقة سعادة بس ناس كتير شايفينه تعب و تعاسة.

و ان القرآن اللي هو منهج الدين نازل من عند الرحمن، فا ازاي تفكروا ان القرآن او الاسلام شقاء و اللي انزله عليكم الرحمن الذي لا يرضى لعباده الشقاء. "الرَّحْمَنُ عَلَى الْعَرْشِ اسْتَوَى" ٥

سورة طه من احلى السور في رواية قصة موسى عليه السلام من اول مولده في مصر لحد خروجه من مصر و قيادته لبني اسرائيل، و قصته دليل على ان مش معنى ان منهج الدين سعادة يبقى مفيش اي صعوبات خالص عشان متشككش في الدين، هتواجهك صعوبة قدام الثبات على مبادئك اللي واخدها من دينك، هتواجهك صعوبة لو انت ملتزم و هتواجهك صعوبات لو انت عايز تدعي حد للدين و غير كل ده هتواجهك صعوبات في الحياة عامةً، بس المؤمن الحق هو اللي هيحس ان كل الصعوبات دي بتهون و بيفضل عنده سلامه الداخلي عشان متصل بربنا و مش هيبقى محور حياته امور دنيوية، و هيلاقي رحمات من ربنا وسط الصعوبات زي ما ربنا كان دايما بيقول لموسى في كذا اية

"وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَى عَيْنِي"

"فَرَجَعْنَاكَ إِلَى أُمِّكَ كَيْ تَقَرَّ عَيْنُهَا وَلا تَحْزَنَ"

"فَنَجَّيْنَاكَ مِنَ الْغَمِّ "

"وَاصْطَنَعْتُكَ لِنَفْسِي"

"قَالَ لا تَخَافَا إِنَّنِي مَعَكُمَا أَسْمَعُ وَأَرَى"

"قُلْنَا لا تَخَفْ إِنَّكَ أَنتَ الأَعْلَى"

"قَالَ خُذْهَا وَلا تَخَفْ سَنُعِيدُهَا سِيرَتَهَا الأُولَى"

فالقرآن اللي بيديك كل ايات الامان دي و كل يسر بعد عسر كان فيه موسى و خرج منه بسهولة، هيبقى كتاب فيه سعادتك ولا كئابتك؟ و هنحكي قصة موسى كما جاءت في سورة طه بالتفصيل بعد كده عشان نفهم اكتر يعني ايه تدابير ربنا للشخص المؤمن بيه مهما الدنيا شدت عليه ربنا دايما بيديله الراحة او القَدَر اللي يخليه مرتاح.

في ختام قصة موسى مع السحرة بيوضحلنا حاجة مهمة، ان السعادة لو انت مشفتهاش كلها في الدنيا فانت هتشوفها في الاخرة، و لو كانت ظروفك و الدنيا اللي حواليك هي اللي مش مخلياك سعيد فانت اولى الناس بالسعادة في الاخرة، و قالنا على مصير فرعون في الدنيا ان ربنا غرقه و مصيرة في الاخرة انه في جهنم.

اللي عايز يفهم اللي حصل مع السحرة و فرعون يراجع قصة موسى و فرعون https://light-intothedarkness.tumblr.com/post/184923191639/%D9%82%D8%B5%D8%A9-%D9%85%D9%88%D8%B3%D9%89-%D9%88-%D9%81%D8%B1%D8%B9%D9%88%D9%86

بعد كده ربنا بيقول ان العاصي لربنا لو كان في وسط مال الدنيا هيبقى مش مرتاح و دايما عنده مشكلة بسبب معصيه بيعملها، مشاكل في العلاقات او في المال او النفسية العامة، فا البعد عن الله هو اللي قمة الشقاء "وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى"

و حكالنا قصة ادم و الشيطان، و ركز في موضوع ان ادم لما كان قريب من ربنا قي جنته كان سعيد و انه لما سمع للشيطان بقى تعيس بس ربنا تاب عليه فا استعاد نفسه، و من مظاهر رحمة الله و يسر منهجة التوبة " ثُمَّ اجْتَبَاهُ رَبُّهُ فَتَابَ عَلَيْهِ وَهَدَى" ١٢٢

و بين ان اللي بيتبع هدى الله مبيتوهش في الطريق ولا بيشقى " فَإِمَّا يَأْتِيَنَّكُم مِّنِّي هُدًى فَمَنِ اتَّبَعَ هُدَايَ فَلا يَضِلُّ وَلا يَشْقَى" ١٢٣

ختام السورة، اعمل ايه في حياتي عشان ابقى سعيد؟

١- فَاصْبِرْ عَلَى مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا وَمِنْ آنَاء اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَى (عبادة الله تعالى و الصبر على توائب الدنيا و كلام الغير)

٢-وَلا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى ( ارضَ بما قسمه الله لك ولا تتدخل في حياة غيرك)

٣-وَأْمُرْ أَهْلَكَ بِالصَّلاةِ وَاصْطَبِرْ عَلَيْهَا لا نَسْأَلُكَ رِزْقًا نَّحْنُ نَرْزُقُكَ وَالْعَاقِبَةُ لِلتَّقْوَى (خلي الناس القريبة منك هم كمان قريبين من ربنا و عارفينه)

و افتكر، ان رغم صعوبات الدنيا بس السعادة هتلاقيها في الطريق لربنا.

تمت سورة طه

تم الجزء السادس عشر

[light-intothedarkness]

كل سنة و انتوا لسه بخير و بتزيدوا خير

اللي كان متابع السنة اللي فاتت، كنت بنزل تدبر السور اللي في الجزء اللي بيوازي ايام رمضان و كنت قلت اننا لو قرينا كل يوم جزء و عرفنا تدبره احسن كتير من اننا نعمل كذا ختمة في الشهر و منعرفش ايه الهدف منه و لا اتعلمنا ايه من كل سورة نطبقه و نعيش بيه في حياتنا، و كنت منزله الحجات دي على هاشتاج #القرآن_منهاج_حياة

السنة اللي فاتت انا نزلت تدبر السور لحد الجزء ال ١٥ بس، و هو ده اللي لحقت اقراه و اختمه في الشهر، الشهر ده ربنا يعين و انزل بقيت الاجزاء في النص التاني في رمضان عشان كلنا نستفيد.

السنة دي هزود حاجة، هعمل ريبلوج لتدبر الاجزاء كل يوم بالجزء بتاعه اه، و زيادة عليه باذن الله هشوف اي قصص في الجزء ده و احكيها بالتفصيل (لو متمش ذكرها في التدبرات) فا هنبدأ هاشتاج جديد اسمه #قصص القرآن عشان و انت بتقرا تعرف بالظبط ربنا بيتكلم عن قصة مين هنا و حصل معاهم ايه و ايه ممكن نستفيده من اللي حصل و نطبقه على الجهة التانية في حياتنا.

رمضان كريم و كله خير و مغفرة و اصلاح على الكل يارب.

[light-intothedarkness]

تدبر الجزء ١٦: سورة مريم

الجزء السادس عشر بعدما تتحرك المشاعر لدين الله في سورة الكهف ,تتحرك في الأرض تدعو صاحب الجنة وتسافر تطلب العلم مع موسى عليه السلام وتجاهد في الأرض مع ذي القرنين تتجه ل [محراب العبادة ] في سورة مريم حيث واحتك التي تستريح فيها ، تعبد فيها الله وتتلقى غذاء قلبك من الوحي ,تدخل المحراب وتلجأ إلى الله .. تلجأ إليه بمشاعرك ومخاوفك , تبحث عن عطاءات الله ,وعونه لنصرة هذا الدين. 

مريم هي سيدة نساء العالمين، ربنا كرمها على العالمين و اصطفاها، لو رجعنا لقصة سورة ال عمران و امرأة عمران قالت انها عايزة تخلف ولد عشان ينصر الدين و عشان تنقذ المسجد الأقصى، فا ربنا رزقها بمريم فقالتله انها كانت نذرت اللي في بطنها لربنا ايا كان فا طلعت مريم عابدة عارفة بالله.

لينك قصة ال عمران https://light-intothedarkness.tumblr.com/post/184782174899/%D9%82%D8%B5%D8%A9-%D8%A2%D9%84-%D8%B9%D9%85%D8%B1%D8%A7%D9%86

مريم هي المرأة الوحيدة اللي ذكرت في القرآن ٣٣ مرة بعدد سجدات اليوم عشان هي كانت كثيرة السجود.

اتحقق في مريم ٣ حجات مكانوش في غيرها من البنات التانيين.

١-حب شديد لربنا في سن صغير، قصتها اللي ذكرت و عبادتها بدأت من و هي عندها ١٥ سنة

٢-العمل الخيري التطوعي (كانت بتخدم بيت المقدس) و معنى اسم مريم في الاصل "خادمة العباد"

٣-عبادة التفكر ( التأمل في خلق الله حولها)

فا تخيلوا لما بنت في السن ده يكون عندها الصفات دي، طبيعي ان ذريتها تبقى معجزة و هو سيدنا عيسى ابن مريم.

السورة دي عايزة تقولنا ايه؟ لما يبقى عندكم ابناء او اولاد خلي عندكوا هدف في الاول في تربيتهم اكبر من اي هدف دنيوي، انكوا تطلعوهم يحافظوا على الدين، عشان تحافظوا عليه و تورثوه لاجيال و اجيال.

يعني نطلع اجيال يشيلوا الدين و يتعاملوا بيه و بالخير في الارض من بعدنا، فا خلوا النية الاولى عند ولادة اي طفل انك هتحقق الهدف ده، و هنشوف الامثلة اللي تبين الهدف في الايات.

*في بداية الايات هتلاقوا دعوة سيدنا زكريا ان ربنا يرزقه بابن لان الوقت ده مكانش في حد يقدر يقوم بدعوة الناس و يرث دين زكريا و يشيل مسؤولية الدعوة، فا ربنا استجاب له و رزقة بيحيى و بقى نبي الله من بعده ورث دينه "يَا يَحْيَى خُذِ الْكِتَابَ بِقُوَّةٍ وَآتَيْنَاهُ الْحُكْمَ صَبِيّا"

*في كمان كذا مثال عن وراثة الدين و نية كل واحد منهم انه يطلع حد يحيي الدين زي نية امرأة عمران لما نذرت اللي في بطنها لله، و زي ابراهيم لما دعى ربنا ان ذريته تبقى صالحة فا بقى ابو الانبياء اللي اولاده اسماعيل اللي جه من نسله محمد، و اسحاق و ابنه يعقوب وباقي الرسل من نسله.

*مريم و عيسى، هنا مثال على البر الخالص بسبب ان عيسى ابن مريم متربي على الدين فا طلع بار بوالدته، فا لما الاباء يربوا ولادهم كده بيطلعوا بارين بيهم.

*مثال ابراهيم عليه السلام مع ابيه، من بر ابراهيم عليه السلام انه كان بيتكلم مع ابوه عن الدين و بياخد باديه باسلوب فيه رقي رغم معارضة ابوه الشديده له و للي بيدعو ليه، فا بيقولنا ممكن تختلفوا انتوا و اهلكوا و ده ميخليش ليك حق انك تنهرهم رغم الاختلاف " يَا أَبَتِ إِنِّي أَخَافُ أَن يَمَسَّكَ عَذَابٌ مِّنَ الرَّحْمَن فَتَكُونَ لِلشَّيْطَانِ وَلِيًّا" ٤٥

فا لما لقى ان ابوه معارضه و الناس اللي حواليه اعتزلهم و كانت العزلة شديدة عليه كأي انسان و كانت امرأته لا تنجب فا ربنا عوضه عن صبره و اعتزاله الكافرين انه رزقة ب اسماعيل و اسحاق و يعقوب"فَلَمَّا اعْتَزَلَهُمْ وَمَا يَعْبُدُونَ مِن دُونِ اللَّهِ وَهَبْنَا لَهُ إِسْحَاقَ وَيَعْقُوبَ وَكُلا جَعَلْنَا نَبِيًّا" ٤٩

*اسماعيل و اولاده، كان حريص على انهم يربيهم تربية ترضي ربنا فا كان بيؤمرهم بالصلاة و الزكاة و يذكرهم بيها، و كل دي امثلة ازاي احنا كمان نربي ابنائنا " وَاذْكُرْ فِي الْكِتَابِ إِسْمَاعِيلَ إِنَّهُ كَانَ صَادِقَ الْوَعْدِ وَكَانَ رَسُولا نَّبِيًّا،وَكَانَ يَأْمُرُ أَهْلَهُ بِالصَّلاةِ وَالزَّكَاةِ وَكَانَ عِندَ رَبِّهِ مَرْضِيّ��ا" ٥٥

*الانبياء الباقيين كمان كل واحد طلع من ذريته ناس صالحين و انبياء "أُوْلَئِكَ الَّذِينَ أَنْعَمَ اللَّهُ عَلَيْهِم مِّنَ النَّبِيِّينَ مِن ذُرِّيَّةِ آدَمَ وَمِمَّنْ حَمَلْنَا مَعَ نُوحٍ وَمِن ذُرِّيَّةِ إِبْرَاهِيمَ وَإِسْرَائِيلَ وَمِمَّنْ هَدَيْنَا وَاجْتَبَيْنَا إِذَا تُتْلَى عَلَيْهِمْ آيَاتُ الرَّحْمَن خَرُّوا سُجَّدًا وَبُكِيًّا" ٥٨

يعني كل راجل صالح بيطلع لحد دلوقتي من ذرية ادم، ادم و كل اللي بعده بيثابوا عليه لحد يوم الدين فانت كمان لو عملت زيهم و طلعت حد صالح هتثاب على ذريته الصالحة لحد يوم الدين.

و كل دول ربنا خلد ذكرهم في الكتاب بسبب التربية، فا انت كمان هيخلد ذكرك في الارض و عند الله لو انت مشيت على نهجهم.

بعد كده بينلك في الايات النقيض، ان في اجيال اهتمت انها تاكل اولادهم و تشربهم و تجيبلهم فلوس من غير الاهتمام باخلاقهم او دينهم، و قارن النوعين ببعض و ذكر جزاء كل واحد، فيا ترى تحب انت تبقى من اي نوع فيهم؟ "فَخَلَفَ مِن بَعْدِهِمْ خَلْفٌ أَضَاعُوا الصَّلاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا" ٥٩

بعدين الايات بتبين ان الله مش محتاج لولد و ان البشر هم اللي محتاجينه عشان اثرهم يفضل.

ليه سميت السورة مريم؟ تكريم لمكانة المرأة و الام، لان الام هي النموذج الحقيقي الصالح و مصنع التربية السليمة، و انها مثال كبير لمن ورثوا الدين لابنائهم عشان نساء الامة يتخذوها قدوة صالحة و هيشوفوا خير في اولادهم باتخاذها قدوه في تربيتهم.

تمت سورة مريم

التالي سورة طه

[light-intothedarkness]

تدبر الجزء ١٥: سورة الكهف ١

السورة اللي بنقراها كل جمعة و يمكن عارفين قصصها من كتر ما قريناها او من سؤالنا عنها بس مش عارفين ايه الحكمة اننا نقراها كل اسبوع في يوم الراحة بتاعتنا؟  الرسول صلى الله عليه وسلم قال في فضلها حديث مهم:  عن أبي سعيد الخدري عن النبي صلى الله عليه وسلم أنه قال: "مَن قرأَ سورةَ الكَهْفِ ليلةَ الجمعةِ، أضاءَ لَهُ منَ النُّورِ فيما بينَهُ وبينَ البَيتِ العَتيقِ "

ايه هدف السورة دي و ليه فضلها ده كله و ليه اصلا بنقراها؟ المره دي مش هقول هدف السورة في الاول، هقوله بعد ما احكي القصص اللي فيها عشان نفهم مع بعض هدف كل قصة و ايه علاقة القصص ببعض: 1-قصة اصحاب الكهف:  دول اولاد في المراهقة مثلا او في العشرينات كانوا مؤمنين بربنا و على المسيحية الحقة بعد ما جاء بيها عيسى عليه السلام و موحدين بالله، و القرية اللي هما كانوا فيها مكانش فيهم حد مؤمن ابدا و كان الملك بيموت اي حد موحد لله في الوقت ده، فا الاولاد دول اتقابلوا من الناس و الحاكم برفض شديد وصل انهم كانوا هيتعرضوا لأذى بس هما كانوا بيجاههدوا انهم ينشروا الدين، فا ربنا اوحى لهم ينعزلوا عن الناس في كهف فا ناموا و لما صحيوا لاقوا نفسهم عدى عليهم 309 سنة و لما طلعوا من الكهف لاقوا الناس كلها مؤمنة موحدة،  و القصة هنا بتقولنا مهما كنتوا صغيرين او قليلين في العدد تقدروا تنشروا دينكم، تقدروا تعملوا مشروع ينجح و ينتشر، و متستصغروش اي حاجة بتعملوها حتى لو مفيش امل في الوقت الحالي، يعني هما حطوا بذرة ايام ما كانوا بيواجهوا الكافرين و دعوا للدين مع ان مكانش في امل، و حصدوا ثمار بذرتهم دي بعد 309 سنة لما كل اللي في القرية بقوا مؤمنين، فا بذرتك باقية رغم صغرها و ممكن تاخد عليها اجر لحد يوم الدين حتى و انت مش موجود على وجه الأرض.

2-قصة صاحب الجنتين:  ده راجل كان عنده جنتين او حديقتين كانوا من احسن الحدائق في بلاده و كانت مليانة بالزرع و الثمار و كان في نهر في وسطهم و كان عنده اولاد، و الخير الكتير ده خلاه يطغى و يحس انه مالك الدنيا و محدش زيه فا تكبر و قال لصاحبة انا عندي اكتر منك في المال و الولد و قال انه ماظنش ان الجنتين دول هيتهلكوا في يوم من الايام و مش مؤمن ان القيامة هتيجي فا كفر و مشكرش الله على نعمتة فا ربنا اهلك الجنتين دول و مبقاشعنده اي خير فا يا جماعة اللي عنده شوية مال او رزق زيادة عن غيره ماينفعش يشوف نفسه عليهم لان اللي جابلك الرزق ربنا مش انت فا هو قادر انه يضيعه منك في غمضة عين و اشكر ربنا و ارضى و تواضع.

3-قصة موسى و الخضر: طبعا من اشهر القصص اللي ممكن حد يسمعها و تبينلك قد ايه انت متعرفش حكمة ربنا ورا القدر اللي بيحصللك ده، في البداية موسى عليه السلام كان من اعلم اهل الارض في الوقت ده، و كان فاكر انه اكتر واحد على الأرض عنده علم و حكمة، بس ربنا قاله لا في اللي اعلم منك، و واحد عادي مش نبي و عنده علم اكبر منك، فا سيدنا موسى مستكبرش ابدا و راح عشان يدور عليه عشان يتعلم منه لانه كان كل ما يلاقي علم لازم يتعلمه و يستزيد، و من اصراره الشديد انه قطع مسافة كبيرة جدا عشان يلاقي منهو اعلم منه و هو الخضر، و قطع مسافة قد من الأردن للسودان عشان يلاقي مجمع البحرين (التقاء النيل الازرق بالنيل الابيض) و من اصراره قال (لا ابرح حتى ابلغ مجمع البحرين او امضي حقبا) يعني مش هيأس ولا همشي الا لما الاقي اللي هيزدني بالعلم و حتى لو فضلت قرون، و كانت العلامة انه يلاقي الخضر اول ما يفقد السمكة المشوية اللي ربنا امره يشيلها معاه و اول ما يفقدها هيلاقي الخصر، فلقاه ساعة ما فقدها عند مجمع البحرين و قاله علمني و كان متواضع (ستجدني ان شاء الله صابرا)و عشان يعلمه حصلت ال 3 قصص اللي احنا لو فكرنا فيهم بكل الطرق هنقول مستحيل يبقى وراها الحكمة دي

نكمل في بوست تاني  يتبع../

[light-intothedarkness]

تدبر الجزء ١٥: سورة الكهف ٢

3- قصة موسى و الخضر: نكمل مع القصة دي و اللي هيوضحلنا سببها بعد  سرد اللي فيها، وهتحبوها اوي و هتحبوا الهدف منها لأن كلنا بنعاني بسبب قلة ايماننا بالهدف ده..

المهم حصلت 3 قصص اولهم انهم جم يركبوا على سفينة و يقال انها كانت زي المعدية كده بتعدي الناس للبر التاني و كان اللي على السفينة دي ناس فقرا بيجيبوا قوت يومهم بالشغل عالسفينة دي بس، و كانوا كرما معاهم فا الخضر راح عمل ثقب في السفينة بتاعتهم في الظاهر هتقول ازاي يعمل كده دي ممكن تغرق و هم معندهمش غيرها بس كان في حكمة، سيدنا موسى استعجب طبعا و قاله انت بتعمل ايه؟ قاله اصبر انا قلت من الاول انك مش .هتصبر على اللي هتشوفه فا قام سيدنا موسى قاله اعذرني و سكت

تاني قصة انهم راحوا منطقة فا لاقوا فيها ولاد صغيرين بيلعبوا فا الخضر كان بيدور على واحد فيهم، فا لما لقاه قتلة على طول، طبعا موسى نبي الله مكنش ينفع يشوف ان الخضر بيقتل طفل مالوش ذنب برئ كده و يسكت، فا لامه و قاله ازاي تقتل، قاله انا قولت انك مشهتصبر عاللي هتشوفه، قاله خلاص اعذرني و لو المرة الجاية اتكلمت ليك الحق انك متعلمنيش تاني.

اخر حاجة في نهاية رحلتهم كانوا جعانين فا وصلوا لقرية و طلبوا من اهلها انه ضيفونا و قدمولنا الاكل، فا الناس رفضوا يضيفوهم اي حاجة فاعرفوا ان القرية دي اهلها بخلا و جشعين، فا الخضر كان ساعتها بيدور على بيت فا لقاه و لقى جداره خلاص هيقع فا بناه تاني و عدله، فا موسى قاله انت بتبنيلهم و هم رفضوا يضيفونا؟ انت المفروض تاخد اجر على ده.

قاله (هذا فراق بيني و بينك) ولو لاحظتوا اي حاجة بتحصللنا في الدنيا بتقف عند المرحلة دي، بس الفرق بيننا و بين اللي حصل مع موسى انه عرف الحكمة من القدر انما احنا مش عارفين الحكمة من اللي بيحصللنا، احنا لو عرفنا الحكمة زي ما سيدنا موسى عرفها كده هنحب القدر جدا وهنحب تدبير ربنا لينا بس احنا لسه عندنا قلة ايمان بالقدر و بنقول ليه يارب يحصللي كده و ليه اشوف المصايب دي و ليه محصلش زي مانا عايز.. ببساطة لحكمة لا يعلمها الا الله

فا قام الخضر قاله اولا السفينة دي كان الملك الظالم اللي بيحكمهم هياخدها لنفسة و هتتقطع كل السبل في انهم يجيبوا رزق فا عملت في السفينة عيب عشان لما يجي ياخدها يلاقيها معيوبة يسيبها و ضرر صغير يتصلح احسن من ضرر كبير، الموضوع يبان ان السفينة هتغرق و رزقهم هيضيع بس في باطنة رحمة (مشكلة الأرزاق)

تاني حاجة الولد اللي قتلته ده كان هيكبر و يبقى كافر و طاغي و ظالم و باباه و مامته مؤمنين و صالحين فا كان هيبهدلهم و ممكن كان يخليهم يفقدوا ايمانهم، فا لما انا موتته و هو صغير لسه صفحته بيضا كده هيروح الجنة و اهله هيفضلوا مؤمنين و هيروحوا هم كمان الجنة عشان لو كنت سبته و كبر كان هتبقى النتيجة عكس كده، و في الاخر هما هيخلفوا تاني و ربنا هيديهم احسن منه و هيبقى صالح مؤمن، فا الموضوع يبان ان اب و ام فقدوا ولدهم و حاجة صعبة بس في باطنه رحمة (فقد الأولاد)

تالت حاجة: كان في في القرية البخيلة دي ولدين يتيمين فقيرين باباهم اتوفى و سابلهم كنز كبير و دفنه تحت الجدار ده، و كان صالح الراجل ده فا صلاحة انقذ ابنيه الاتنين دول من الضياع، لان القرية دي كانت بخيلة و جشعة و لو كان الكنز ده ظهر من و هم صغيرين كده كان الناس هتاكل هقهم فا الخضر اقام الجدار عشان هما لما يكبروا كده و يبقوا مسؤولين يطلعوا هم الكنز و يبقى ليهم، الموضوع يبان ان الرزق بتاعهم متأخر و انهم هيعيشوا 20 سنة في فقر و يتم بس في باطنه رحمة (تأخير الأرزاق)

*مشكلة الأرزاق *فقدان الاولاد *تأخير الارزاق دول محاور ال3 قصص عشان ربنا يقولنا ان دي اكتر مصايب في دنيتكوا و اكتر حاجة بتوجعكوا، بصوا اخرها خير ازاي؟

عشان كده اللي فعلا عنده مشكلة مع القدر لازم يتعمق في القصة دي، الخضر هنا تمثل كإنه القدر، بيتصرف معاك تصرفات انت مش فاهمها في حياتك بس الرضا بقضاء الله و قدره هو اللي هيخليك دايما تقول ده اكيد في حكمة  و ممكن المشكلة اللي تعباك في حياتك تكون هي السبب لحاجة خير و تكون اكتر حاجة حمياك من الشر و ممكن لو انتوا بصيتوا على النجاحات اللي في حياتكوا هتلاقوا معظمها بعد محنة شديدة او كرب و قمتوا منه كويسين

فا رددوا (رضينا بقضاءك يارب خيره و شره، امننا بك يا الله، رضيت بالله ربا و بالاسلام دينا و بمحمد صلى الله عليه وسلم نبيا، يارب رضِنا بقضاءك) يتبع../

[light-intothedarkness]

السور اللي فاتت

هحط لينكات كل السور اللي تم كتابة تدبرها عشان اللي مكانش متابع معانا يتابع و يارب تستفيدوا عشان لما تيجوا تقروا او تسمعوا سورة تبقوا عارقين بتتكلم عن ايه

هحط كل 5 سور في بوست منفصل

 سورة الفاتحة

1- http://light-intothedarkness.tumblr.com/post/173988614609/%D8%A7%D9%84%D9%81%D8%A7%D8%AA%D8%AD%D8%A9-%D9%A1

2- http://light-intothedarkness.tumblr.com/post/173989447234/%D8%A7%D9%84%D9%81%D8%A7%D8%AA%D8%AD%D8%A9-%D9%A2

سورة البقرة

1- http://light-intothedarkness.tumblr.com/post/174002839229/%D8%A7%D9%84%D8%A8%D9%82%D8%B1%D8%A9-%D9%A1

2- http://light-intothedarkness.tumblr.com/post/174003208159/%D8%A7%D9%84%D8%A8%D9%82%D8%B1%D8%A9%D9%A1-%D9%A2

3- http://light-intothedarkness.tumblr.com/post/174038891444/%D8%A7%D9%84%D8%A8%D9%82%D8%B1%D8%A9-%D9%A2

4- http://light-intothedarkness.tumblr.com/post/174059077209/%D8%A7%D9%84%D8%A8%D9%82%D8%B1%D8%A9-%D9%A3

ال عمران

1-http://light-intothedarkness.tumblr.com/post/174065680184/%D8%A2%D9%84-%D8%B9%D9%85%D8%B1%D8%A7%D9%86-%D9%A1

2-http://light-intothedarkness.tumblr.com/post/174066241729/%D8%A2%D9%84-%D8%B9%D9%85%D8%B1%D8%A7%D9%86-%D9%A1-%D9%A2

3- http://light-intothedarkness.tumblr.com/post/174098696764/%D8%A2%D9%84-%D8%B9%D9%85%D8%B1%D8%A7%D9%86-%D9%A2

النساء

1-http://light-intothedarkness.tumblr.com/post/174099560439/%D8%A7%D9%84%D9%86%D8%B3%D8%A7%D8%A1%D9%A1

2-http://light-intothedarkness.tumblr.com/post/174132155229/%D8%A7%D9%84%D9%86%D8%B3%D8%A7%D8%A1%D9%A2

المائدة

1- http://light-intothedarkness.tumblr.com/post/174165142949/%D8%A7%D9%84%D9%85%D8%A7%D8%A6%D8%AF%D8%A9-%D9%A1

2- http://light-intothedarkness.tumblr.com/post/174190624529/%D8%A7%D9%84%D9%85%D8%A7%D8%A6%D8%AF%D8%A9%D9%A2-%D9%86%D9%83%D9%85%D9%84-%D9%85%D8%B9-%D8%B3%D9%88%D8%B1%D8%A9-%D8%A7%D9%84%D9%85%D8%A7%D8%A6%D8%AF%D8%A9-%D8%A7%D9%84%D9%84%D9%8A-%D9%82%D9%88%D9%84%D9%86%D8%A7-%D8%A7%D9%86-%D9%87%D8%AF%D9%81%D9%87%D8%A7

[light-intothedarkness]

3

هود

http://light-intothedarkness.tumblr.com/post/174470660949/%D9%87%D9%88%D8%AF

يوسف

http://light-intothedarkness.tumblr.com/post/174476953509/%D9%8A-%D9%88%D8%B3-%D9%81

الرعد

http://light-intothedarkness.tumblr.com/post/174515578059/%D8%A7%D9%84%D8%B1%D8%B9%D8%AF

ابراهيم

http://light-intothedarkness.tumblr.com/post/174530521074/%D8%B3%D9%88%D8%B1%D8%A9-%D8%A7%D8%A8%D8%B1%D8%A7%D9%87%D9%8A%D9%85

الحِجر

http://light-intothedarkness.tumblr.com/post/174598730609/%D8%B3%D9%88%D8%B1%D8%A9-%D8%A7%D9%84%D8%AD-%D8%AC%D8%B1

النحل

http://light-intothedarkness.tumblr.com/post/174683281029/%D8%B3%D9%88%D8%B1%D8%A9-%D8%A7%D9%84%D9%86%D8%AD%D9%84

الاسراء

http://light-intothedarkness.tumblr.com/post/174698586694/%D8%B3%D9%88%D8%B1%D8%A9-%D8%A7%D9%84%D8%A7%D8%B3%D8%B1%D8%A7%D8%A1

الكهف

1-http://light-intothedarkness.tumblr.com/post/174744377034/1-%D8%B3%D9%88%D8%B1%D8%A9-%D8%A7%D9%84%D9%83%D9%87%D9%81

2-http://light-intothedarkness.tumblr.com/post/174745224464/%D8%B3%D9%88%D8%B1%D8%A9-%D8%A7%D9%84%D9%83%D9%87%D9%81-2

3-http://light-intothedarkness.tumblr.com/post/174746430014/%D8%B3%D9%88%D8%B1%D8%A9-%D8%A7%D9%84%D9%83%D9%87%D9%81-3

مريم

https://light-intothedarkness.tumblr.com/post/185046445689/%D8%AA%D8%AF%D8%A8%D8%B1-%D8%A7%D9%84%D8%AC%D8%B2%D8%A1-%D9%A1%D9%A6-%D8%B3%D9%88%D8%B1%D8%A9-%D9%85%D8%B1%D9%8A%D9%85

طه

https://light-intothedarkness.tumblr.com/post/185048191559/%D8%AA%D8%AF%D8%A8%D8%B1-%D8%A7%D9%84%D8%AC%D8%B2%D8%A1-%D9%A1%D9%A6-%D8%B3%D9%88%D8%B1%D8%A9-%D8%B7%D9%87

الانبياء

https://light-intothedarkness.tumblr.com/post/185116132814/%D8%AA%D8%AF%D8%A8%D8%B1-%D8%A7%D9%84%D8%AC%D8%B2%D8%A1-%D9%A1%D9%A7%D8%B3%D9%88%D8%B1%D8%A9-%D8%A7%D9%84%D8%A7%D9%86%D8%A8%D9%8A%D8%A7%D8%A1

الحج

https://light-intothedarkness.tumblr.com/post/617735979438047232/endless

https://light-intothedarkness.tumblr.com/post/617956783438331904/%D8%AA%D8%AF%D8%A8%D8%B1-%D8%A7%D9%84%D8%AC%D8%B2%D8%A1-%D9%A1%D9%A7-%D8%B3%D9%88%D8%B1%D8%A9-%D8%A7%D9%84%D8%AD%D8%AC-%D9%A2-%D9%83%D8%A7%D9%86-%D8%B6%D8%B1%D9%88%D8%B1%D9%8A-%D9%86%D8%B9%D8%B1%D9%81-%D9%83%D9%8A%D9%81%D9%8A%D8%A9

[light-intothedarkness]

تدبر الجزء الثاني: البقرة ٢

في الجزء الثاني من القرآن، اكيد كل اللي قروه حسوا ان معظمة احكام و تشريعات و اوامر و نواهي، لو ربطتم ده بهدف السورة هتفهموا ان الجزء ده عبارة عن "كيف تصبح خليفة في الارض" لو لاحظتم ان السورة دي زي دستور نمشي بيه، مقدمة الكتاب فيها اسلوب حياتنا و ايه الطريقة او البيئة الصالحة لاعمار الارض، ربنا بيساعدنا و بيكلم كل واحد فينا

زي ما قولنا في الجزء الاول في السورة ربنا بينلنا نماذج و انواع الناس في الارض، وذكر لينا اسباب ان امة بني اسرائيل مكملوش واكبر سبب هو عدم ايمانهم بالغيب، بعدها في الجزء ده ازاي نبقى نموذج صالح ايه الطريقة ايه الاوامر ايه العبادات ايه النواهي اللي نمشي بيها فا نزدهر، ونزلت الايات تخاطب الرسول والصحابة وهم الجيل الاول في الاسلام ومن بعدهم احنا.

في البداية الله تعالى اختبر المسلمين في الطاعة، و كان اختبار شديد و هو تغيير قبلة المسلمين من المسجد الاقصى الى المسجد الحرام، فا حصل جدال كتير والكافرين كذبوا الرسول وكان ده اختبار لتسليم من آمن مع الرسول، عشان يبان مين المؤمن ومين المنافق، و تغيير القبلة كان من باب التمييز للمسلمين عن من سبقهم، واشاره عن نزع الانتفاع من بني اسرائيل وتسليمه لأمة محمد صلى الله عليه وسلم اللي احنا منها، وهنا ربنا عايزنا احنا نتميز دايماً بعقيدتنا وهويتنا، منمشيش ورا اي موضة، ورا اي جمع من الناس بيتكلموا بشكل معين او بيعملوا افعال معينه فيها معاصي بهدف ان كده هنبقى بشكل احسن-وفقاً للمجتمع- او هنكسب اكتر..

وبعدها اختبار تاني في الصفا والمروة -ودول الجبلين اللي بنسعى فيهم في العمرة والحج- وده مش من باب تعظيم الاحجار او الاصنام زي ما كان بيحصل في الجاهلية لانهم كانوا بيطوفوا فيها للهدف ده (وكان سيدنا ابراهيم عندهم معظّم وهو اللي اذن للناس بالحج من زمان جداً على الحنيفية الصحيحة فا طقوس الحج كانت موجودة من قبل الرسول بس كانوا بيعملوها بمقصد غلط)، فا اسعوا فيها ولكن المرادي امتثالا لأوامر الله تعالى وتأكيد على توحيد ربنا جوا النفوس، ان انا بعمل عبادة انتَ يارب امرتني بيها وعايزة بيها وجهك وحده بكل اخلاص، فا ربنا بيصلح للناس العقيدة."وَإِلَٰهُكُمْ إِلَٰهٌ وَاحِدٌ ۖ لَّا إِلَٰهَ إِلَّا هُوَ الرَّحْمَٰنُ الرَّحِيمُ"

الجزء اللي بعد كده في السورة اوامر ونواهي اساسية.

و كل اللي هيجي لحد اخر السورة تحت عنوان "اتقوا الله" لان انت لو اتقيت ربنا في كل كلمة او فعل او اقدام على فعل او ناس انت مسؤول عنهم او في نفسك ده السبيل للصلاح و لانك تبقى خليفة الله ميزك عن باقي المخلوقات، و هتقدر انك تنفذ كل حكم و تبعد عن كل نهي ربنا حطه في الكتاب

هتلاقي الايات كلها احكام، و هي دي اللي المسلم الحق ماشي بيها في حياته لحد يوم الدين، زي

احكام التشريع الجنائي

احكام المواريث

تشريع الصيام

فرض الحج

احكام الاسرة (الزواج-الطلاق-الرضاعة-الخطبة)

*و جت احكام الاسرة بعد كل التشريعات دي لسبب و هو ان اللي يتبع اوامر الله و يعمل بكل الاحكام اللي فوق دي هيعرف انه يبني اسرة صح.

احكام القتال

احكام الانفاق

و لو اخدتوا بالكوا، السورة دي فيها اركان الاسلام الخمسة كلها، من شهادة بالله و الرسول بالغيب، ايقام الصلاة، ايتاء الزكاه، الصوم، الحج.

يعني دي الركائز اللي المفروض احنا نبني نفسنا عليها عشان نوصل لتحقيق الهدف لخلقنا في الارض مع الاعمال الصالحة و تقوى الله في كل خطوة.

و ختام الجزء بقصة طالوت و جالوت، القصة اختصارها ان بني اسرائيل راحوا يجاهدوا في سبيل الله و كان طالوت قائدهم فا في ناس منهم كتير تخلفوا عن الجهاد ومراحوش، بعد كده اراد الله اختبارهم فا مروا على نهر و طالوت قالهم متشربوش منه الا غرفة بالايد بس فا ناس كتير مسمعوش كلامه و شربوا كتير فا تخلفوا عن الجهاد، فا اللي بقي عدد قليل، فا لما وصلوا لساحة الحرب شافوا جالوت و الجنود اكتر و اقوى منهم، فا تخلف عدد كبير منهم بسبب انهم خايفين، و اللي بقي مع طالوت عدد قليل من المؤمنين، و قالوا ان ربنا معانا عمرنا ما هنخسر، و فعلا مع انهم اقل من التانيين بكتير غلبوهم، بس بثقتهم في الله و صبرهم و ايمانهم.

تم الجزء الثاني من القرآن

[light-intothedarkness]

من اعجاز القرآن الكريم انه ممكن يلخص حجات الن��س بتدرسها او بتتعلمها في آية واحدة.

عرفت انهارده ان اداب الضيافة متلخصة في آية في سورة الذاريات، من موقف سيدنا ابراهيم مع ضيوفه

هَلْ أَتَاكَ حَدِيثُ ضَيْفِ إِبْرَاهِيمَ الْمُكْرَمِينَ

إِذْ دَخَلُوا عَلَيْهِ فَقَالُوا سَلامًا قَالَ سَلامٌ قَوْمٌ مُّنكَرُونَ

فَرَاغَ إِلَى أَهْلِهِ فَجَاءَ بِعِجْلٍ سَمِينٍ

فَقَرَّبَهُ إِلَيْهِمْ قَالَ أَلا تَأْكُلُونَ

فراغ الى اهله دي معناها انه راح لأهله من سكات و براحة و من غير ما يقولهم تشربوا ايه ولا نجيب عشا؟ مشي على طول و قال لأهله يعملوا اكل على طول و مش اي اكل، احسن حاجة عنده.

فقربه اليهم معناها ان لو الضيف جالك قربله كل حاجة حلوة عندك، و اعزم عليه متحطش الحاجة قدامه و تسيبه او تقوله البيت بيتك و براحتك، ولا تقعده على سفرتك و قدامه رز بس و اللحمة و الاكل الكويس بعيد عنه، لا قربله كل حاجة لعنده و اتوصى بيه.

و اعرف ان مش من الادب في الضيافه انك تسأل الناس اعمل اكل؟ او هجيب شرب، طبيعي هم هيقولوا لا مش عايزين انما لما تحط قدامهم الحاجة بتديلهم مساحة انهم يقبلوا او يرفضوا الحاجة.

[light-intothedarkness]

2

سورن الأنعام 

1-http://light-intothedarkness.tumblr.com/post/174196660944/%D8%A7%D9%84%D8%A3%D9%86%D8%B9%D8%A7%D9%851

2- http://light-intothedarkness.tumblr.com/post/174215728234/%D8%A7%D9%84%D8%A7%D9%86%D8%B9%D8%A7%D9%85%D9%A2

الأعراف

1- http://light-intothedarkness.tumblr.com/post/174244533109/%D8%A7%D9%84%D8%A3%D8%B9%D8%B1%D8%A7%D9%81-1

2- http://light-intothedarkness.tumblr.com/post/174286793049/%D8%A7%D9%84%D8%A3%D8%B9%D8%B1%D8%A7%D9%81-%D9%A2-%D9%8A%D8%A7%D8%B1%D8%A8-%D9%81%D9%8A-%D8%A7%D8%AE%D8%B1-%D9%8A%D9%88%D9%85-%D9%85%D9%86-%D8%A7%D9%8A%D8%A7%D9%85-%D8%A7%D9%84%D8%B1%D8%AD%D9%85%D8%A9-%D8%A7%D8%B1%D8%AD%D9%85%D9%86%D8%A7-%D9%88

الأنفال

1- http://light-intothedarkness.tumblr.com/post/174309164939/%D8%A7%D9%84%D8%A3%D9%86%D9%81%D8%A7%D9%84-%D9%A1

2- http://light-intothedarkness.tumblr.com/post/174315109169/%D8%A7%D9%84%D8%A3%D9%86%D9%81%D8%A7%D9%84-1-2

3- http://light-intothedarkness.tumblr.com/post/174317394164/%D8%B3%D9%88%D8%B1%D8%A9-%D8%A7%D9%84%D8%A7%D9%86%D9%81%D8%A7%D9%84-2

التوبة

1-http://light-intothedarkness.tumblr.com/post/174372401774/%D8%A7%D9%84%D8%AA%D9%88%D8%A8%D8%A9-%D9%A1

2- http://light-intothedarkness.tumblr.com/post/174374184994/%D8%A7%D9%84%D8%AA%D9%88%D8%A8%D8%A9-2-%D9%86%D9%83%D9%85%D9%84-%D9%85%D8%B9-%D8%B3%D9%88%D8%B1%D8%A9-%D8%A7%D9%84%D8%AA%D9%88%D8%A8%D8%A9-%D8%A7%D9%84%D9%84%D9%8A-%D9%86%D8%B5%D9%87%D8%A7-%D9%81%D9%8A-%D8%A7%D9%84%D8%AC%D8%B2%D8%A1

يونس

1-http://light-intothedarkness.tumblr.com/post/174389717524/%D8%B3%D9%88%D8%B1%D8%A9-%D9%8A-%D9%88%D9%86%D8%B3-%D8%A8%D9%82%D9%8A%D9%86%D8%A7-%D9%81%D9%8A-%D8%A7%D9%84%D8%AC%D8%B2%D8%A1-%D8%A7%D9%84%D8%AD%D8%A7%D8%AF%D9%8A-%D8%B9%D8%B4%D8%B1-%D9%85%D9%86-%D8%A7%D9%84%D9%82%D8%B1%D8%A7%D9%86-%D9%85%D9%86

2- http://light-intothedarkness.tumblr.com/post/174444234739/%D9%8A%D9%88%D9%86%D8%B3-%D9%A2

3- http://light-intothedarkness.tumblr.com/post/174445266074/%D9%8A%D9%88%D9%86%D8%B3-2-2

[light-intothedarkness]

تدبر الجزء الخامس:النساء٢

الايام بتمشي و احنا لازم كل ما كام يوم يعدي من الشهر الكريم نراجع احنا عملنا ايه فيها، فاضل ٥ ايام زي اللي فاتوا في العشر الاوائل في جزء الرحمة من رمضان فاغتنموا الفرصة

نكمل في الجزء الخامس مع سورة النساء، قولنا ان هدفها الاساسي هو العدل و الرحمة و خُصصت للنساء اولا و لكل معرض للظلم ضعيف على الارض و فيها حقوق العباد.

من الادب القرآني ان زمان كان في عبيد، فا في اية بتقول لو عايز تتجوز عبده بإذن اهلها، مع ان العبده ليها سيد او سيده، بس قال هنا عليهم اهلها عشان احساسهم.

بعد كده بينت الايات وحذرت من العدو الداخلي وهم المنافقين اللي ممكن يفسدوا في المجتمع اللي انت قاعد تصلح فيه بعدل واحسان، ودعت الايات للتوحيد لان ده اساس الايمان "وَاعْبُدُوا اللَّهَ وَلَا تُشْرِكُوا بِهِ شَيْئًا ۖ وَبِالْوَالِدَيْنِ إِحْسَانًا وَبِذِي الْقُرْبَىٰ وَالْيَتَامَىٰ وَالْمَسَاكِينِ وَالْجَارِ ذِي الْقُرْبَىٰ وَالْجَارِ الْجُنُبِ وَالصَّاحِبِ بِالْجَنبِ وَابْنِ السَّبِيلِ وَمَا مَلَكَتْ أَيْمَانُكُمْ ۗ إِنَّ اللَّهَ لَا يُحِبُّ مَن كَانَ مُخْتَالًا فَخُورًا "

ولو اخدنا بالنا ان الاحسان بالوالدين جه تاني مرتبة بعد عدم الاشراك بالله لعلو قدرهم ولان الاحسان بالوالدين اولى عشان تقدر تصلح في المجتمع، بعدين ذكر الاحسان للقرايب واليتامى والمساكين والجيران القريبين والبعاد، والصحاب، وابن السبيل.. كل احسان لكل فرد من دول عند ربنا كبير اوي.

بعدين امرنا بالاحسان في العبادة، وامر المسلمين ساعتها-قبل تحريم الخمر- انهم ميقربوش للصلاة وهم سكارى وده بيبين مراعاة ربنا للتدرج في التحريم، حرم الاول شربها قبل الصلاة بعد كده تدرج في تحريمها لحد ما حرمها نهائي.. و في هنا وقفة ولفتة لينا احنا كمان يَا أَيُّهَا الَّذِينَ آمَنُوا لَا تَقْرَبُوا الصَّلَاةَ وَأَنتُمْ سُكَارَىٰ حَتَّىٰ تَعْلَمُوا مَا تَقُولُونَ" يعني قدر الاستطاعة نكون عارفين احنا بنقول ايه في الصلاة مش لاهيين في الدنيا او عايزين نلحقها او نلحق اللي بيفوتنا وبنفكر في ده واحنا في الصلاة، ومن الاحسان في العبادة كمان الايات ذكرت الاغتسال والتيمم.

بعدها ربنا عايز يبينلنا ان الحجات اللي هو فرضها علينا عشان نعدل و نرحم دي ما هي الا رحمة و عدل منه هو في الاساس

يُرِيدُ اللَّهُ لِيُبَيِّنَ لَكُمْ وَيَهْدِيَكُمْ سُنَنَ الَّذِينَ مِنْ قَبْلِكُمْ وَيَتُوبَ عَلَيْكُمْ وَاللَّهُ عَلِيمٌ حَكِيمٌ

وَاللَّهُ يُرِيدُ أَن يَتُوبَ عَلَيْكُمْ

يُرِيدُ اللَّهُ أَنْ يُخَفِّفَ عَنْك��مْ وَخُلِقَ الإِنْسَانُ ضَعِيفًا

بعد كده ايات في العدل و عدم الظلم في الانفس و الاموال وانهم امانة من ربنا لينا، يعني نفسك غالية وامانة متضرهاش، يعني نفس غيرك قيمتها كبيرة عند ربنا متضرهمش ولا تظلمهم، و مالك انت مسؤول عنه و مال غيرك لو معاك يبقى امانة عليك متاكلش حقهم، فا وضح ازاي الناس ممكن تتداين لبعض وسبحان الله القرآن هو منهجنا الاساسي اللي ممكن نقيم بيه مجتمع مسلم كامل ومتكامل.

وحذرت الايات من بعض الفئات اللي هتظهر في المجتمع زي ضعيفي الايمان ومن حكمة ربنا ان رحمته مش بتنقطع وبابه مفتوح ومسابش فئة الا وذكرها عشان يجبر النقص ويكمّل المجتمع"وَإِنَّ مِنكُمْ لَمَن لَّيُبَطِّئَنَّ فَإِنْ أَصَابَتْكُم مُّصِيبَةٌ قَالَ قَدْ أَنْعَمَ اللَّهُ عَلَيَّ إِذْ لَمْ أَكُن مَّعَهُمْ شَهِيدًا" وبكده انتقلت لبيان بعض احكام الجهاد في سبيل الله لان بكده المسلمين هينقظوا ضعيفي الايمان من الفتنة في الدين وقمع حرية اختيار الدين.

وبعدين اتكلمت عن حكم القتل العمد والقتل الخطأ.

واتكلمت الايات وشددت على حقوق النساء، حذرت من اكل مال اليتامى من النساء، والعدل بينهم، وهتلاقوا لفظ (تقوى الله) موجود كتير في الايات دي.

في النهاية زي ما ذكرلك ازاي تبقى عادل، ذكر الاسباب اللي تخليك متعدلش ولا ترحم

١) البخل: لان البخيل هيظلم مراته و ولاده و اي مستضعف هو مسؤول عنه

٢) الرياء: انك تبين قدام الناس عكس طبيعتك، و في بيتك يبقى ليك وش تاني فا هتطغى

في النهاية الله يعاملنا بالعدل "إن الله لا يظلم مثقال ذرة وإن تك حسنة يضاعفها ويؤت من لدنه أجرا عظيما"

تمت سورة النساء