#السكر والله الدنيا سكر

[ahmedalghk]

«سكر حلوة الدنيا سكر» تسببت في غيرة رشدي أباظة ورحيل سمير صبري أعادها للأذهان (فيديو)

«سكر حلوة الدنيا سكر» تسببت في غيرة رشدي أباظة ورحيل سمير صبري أعادها للأذهان (فيديو)

أعاد رحيل الفنان سمير صبري الملقب بـ “ملك الأعراس” عقول محبيه ومعجبيه إلى أشهر أغانيه مع الفنانة شادية “سكر حلوة الدنيا سكر” التي عرفها الجميع ، وهم يتذكرون المشاهير. الرقص في فيلم “نصف ساعة جواز” بين الفنانة شادية والفنان سمير صبري ، وألحان بليغ حمدي. بقلم عبد الوهاب محمد. غادر الفنان الكبير سمير صبري ، الذي كان صوته دافئًا قريبًا من آذان المستمعين ، عالمنا صباح اليوم عن عمر يناهز 86 عامًا ،…

[thameralrkabey]

#إبداع_دكتور_محمد_وقت_الحظر

🌹

كابوس خيالي :

------------------

الأستاذ عبد الرحمن عبد الرحيم مواطن بسيط من مواطني دولة الخلافة، بيشتغل أمين مخازن في شركة تابعة لديوان التموين، عبد الرحمن متجوز ومخلف تلات بنات زي القمر وعايش على اده حياة بسيطة، من البيت للشغل للجامع عشان يصلي الخمس فروض لأن ديوان الحسبة بيمر على الناس واحد واحد يجمعهم للصلاة بالأمر....

الأستاذ عبد الرحمن راجل جاد في حياته وفي شغله وحذر جدا في عمله وبيخاف من أقل غلطة، عشان كدا كان غير محبوب وسط زملاءه واكتر من مرة يتخانق مع زميل او اكتر في الشغل، وكان له مدير زمته واسعة تساع سوق الجواري بحاله وله شلة من الموظفين بيعتبرهم رجالته..

عبد الرحمن كان معصلج معاهم ومش راضي يستلم شحنة سمن وزيت من غير ما يجردها وضيع عليهم هبرة كبيرة، ومن ساعتها والمدير حطه في دماغه ودبر له مع شلته قضية سرقة واختلاس متخرش المية

اتقبض على عبد الرحمن وراح المحكمة الشرعية أمام القاضي الشرعي، قضية متقفلة تمام، الوقائع والقرائن وكمان الشهود بيؤكدوا ان عبد الرحمن حرامي ولص وسارق...

القاضي بعد ما لعب في لحيته اللي أطول من شهر أكتوبر قرر انه ينفذ الشرع وحكم على عبد الرحمن بقطع ايده اليمين.... الشرع واضح والحد واضح لا لبس فيه " والسارق والسارقة فأقطعوا ايديهما جزاء بما كسبا، نكالا من الله والله عزيز حكيم، فمن تاب من بعد ظلمه وأصلح فإن الله غفور رحيم"....

عبد الرحمن لما سمع الحكم اغمى عليه وراح في غيبوبة، طب بناتي ح اربيهم ازاي بعد ما تتقطع ايدي واترفد من الشغل، ده حتى مراتي مش بتشتغل، ح اجيب منين، لا عندي ورث ولا عندي حاجة ابيعها، حتى الشقة اللي متاويانا إيجار، يا رب أظهر الحق وانت عارف اني مظلوم، يا رب مليش غيرك يا رب....

بعد اسبوع أخدوا عبد الرحمن من زنزانته وسحبوه ع السوق في قريته الصغيرة وجمعوا الناس عشان تتفرج ويكون عبرة وعظة لغيره عشان محدش يفكر يسرق زي عبد الرحمن... مراته كانت راقدة في البيت لأنها تعبت بعد الخبر ده، وبنته الكبيرة حفصة راحت تشوف أبوها وهو بيقام عليه حد السرقة في السوق وكانت بالزي الشرعي عشان كدا محدش عرفها من الناس....

قعدوه على كرسي وغموا عنيه بعصابة سودا ومسكه تلات رجالة ضخام واقوياء وواحد سحب ايد عبد الرحمن اليمين وربطها بحبل قوي وشدها على الترابيزة اللي ادامه وحطوا حاجز خشبي على ايده عند النقطة اللي حددها القاضي للبتر، قطعة خشبية تشبه المقصلة بتاعة الثورة الفرنسية......

عبد الرحمن كان في حالة ذهول ومش مصدق انه يحصل له كدا وكان بيبكي بصوت عالي وينتحب خلي حفصة تبكي هي كمان لكنها كانت بتحاول تكتم صوتها عشان محدش يعرف انها بنته وعشان كمان ما تتعاقبش لأنها تعاطفت مع مجرم يقام عليه الحد.... شدوا يد المسكين الباكي وثبته الرجالة كويس ومرة واحدة نزل الجلاد بكل قوة على اليد الممدودة بالساطور الحاد اللي كان بيلمع من أشعة الشمس الساقطة عليه.....

صرخ عبد الرحمن من الألم والوجع ومن القهرة، وشهقت بنته لما شافت ايد ابوها منفصلة عن دراعه، الايد اللي ياما شالتها وياما طبطبت عليها واللي ياما حضنتها ومسكتها في الطريق، ايد ابوها عبد الرحمن عبد الرحيم......

صبوا على ايده المبتورة زيت مغلي عشان يحسم الجرح ولفوها بشاش تقيل وقطن كتير والصراحة كانوا ( رحماء جدا) وصرفوا له مضاد حيوي ومسكن آلام وكريم للجرح وروحوه بيته بيبكي من الألم والقهر والعار

علقوا كفه في مدخل السوق عشان ا��كل يشوفها ويرتدع، ولما روح البيت فضل يوم كامل شبه مغمي عليه، ومرت الايام وهو في البيت بيتألم كل يوم عن اللي قبله وأيده بيزيد انتفاخها ولونها بقى أخضر على ازرق وبدأ يخرج منها سوايل غامقة وريحة كريهة، راح للطبيب اللي صدمه بأن الجرح اتلوث وأيده فيها غرغرينة منتشرة ولازم بتر من المعصم، عبد الرحمن انهار ورفض البتر مرة تانية، ليه يا ربي كدا ليه؟ المرة الأولى ايدي تتقطع ظلم واترمي في الشارع واترفد من شغلي وامد ايدي - ايدي؟ - للناس واتجرس واتفضح مع انك عارف اني مظلوم وغلبان وعمري ما أذيت حد، وبعدين كمان بقية دراعي يجيه غرغرينة وتتقطع بقية ايدي كلها.... يا رب ليه بس كدا يا رب...

الطبيب بلغه انه عنده سكر ومرتفع جدا وهو السبب في تدهور حالة دراعه واصابته بالغرغرينة، المسكين جه له السكر لما سمع الحكم بقطع يده....

عبد الرحمن مكنش معه يعمل العملية وسلم أمره لله وكان بتعالج في البيت اللي بقى اطلال، ام مريضة وأب مبتور اليد ومنتظر بتر الدراع كله والبنات لا حول ولا قوة، كآبة وحزن ومرض وفقر وظلم وقهر...

ساءت حالة عبد الرحمن الجسدية والنفسية ورحل عن الدنيا بعد ما يأس من كل أمل وبعد ما كفر بكل القيم، رحل وساب مراته وبناته بلا سند ولا مأوى ولا حتى معاش....

بعد سنة من وفاة عبد الرحمن، تم القبض على المدير الفاسد وشلة الموظفين المرتشين واعترفوا بكل جرايمهم ومن ضمنها قضية عبد الرحمن المسكين، لكن بعد ايه؟ قالتها حفصة لرجال ديوان القضاء لما جم يبشروها ببراءة المرحوم....

لأول مرة حفصة من يوم تأسيس دولة الخلافة تعلي صوتها على رجال الدولة وتزعق، قالت لهم، الحكم بتاعكم قطع ايد ابويا ظلم واتشردنا بسببكم وابويا مات من القهرة والمرض وامي ماتت بعد منه بشهرين وانا واخواتي طلعنا من التعليم وبشتغل في البيوت عشان اصرف عليهم، كان ممكن تحبسوا ابويا من غير ما تقطعوا ايده عشان لما يطلع من السجن يلاقي شغلة يشتغلها ويصرف على بناته، كان ممكن تطردوه من شغله وتطردوه من البلد لكن تسيبوا له ايده يقدر يشتغل بها عشان يحافظ على أسرته من الضياع والتشرد، كان ممكن تعملوا اي حاجة غير انكم تقطعوا ايده وتقطعوا رزقنا احنا كمان، انتوا كفرة مجرمين، ملعون ابوكم على ابو حكمكم على ابو القاضي على ابو الدولة على ابو الخلافة ع الخليفة على شرعكم......

حفصة دلوقتي بقي لها تلات ايام مصلوبة على مدخل المدينة بتهمة سب الخليفة والكفر بالله

منقول

[tal3at3amer]

- خد جيب اللي انت عايزه

= أجيبلك كباب ولا جمبري؟

- والنبي ياخويا متتريقش عليا

= أمال أعمل إيه؟ أجيبلك إيه بالنص جنيه ده؟!

- تجيب بربع جنيه طعمية سخنة وبربع جنيه عيش مفقع

= مفقع !!! تصدق انت فقعت مرارتي.. اتنين طوال عراض زينا كده معهومش غير ٥٠ قرش!

- يا ابني انت عايز الفلوس تعمل بها إيه؟ حاول تستمتع بالحاجات البسيطة اللي في الدنيا، الفلوس قيمتها في قِلتها مش في كترتها فاهم ولا لأ؟ يعني عندك لو واحد مليونير مثلاً..

= وعيان إيه فايدتهم مش كدا ؟!!

- لا مش كدا، لو سليم وعنده الفلوس دي فى البنك قاعدة تشتغل وهو برا مش مستمتع بالدنيا قلقان على الفلوس دي، إيه المتعة في كدا ! ... لكن شوف انت بقى بالنص جنيه الغلبان اللي معاك ده قدرت تجيب بيه عيش مفقع وطعمية سخنة، منتهى المتعة

= لقيت بريزة معايا كمان

- بسسسس يبقى حزمتين جرجير كمان .. المتعة كملت

= تصدق إن انت هتشلني .. بقالي ٣ أيام مكلتش وماشي فى سكة الحلال بتاعتك

- بس ضميرك مستريح .. نايم راضي و مبسوط .. والله العظيم انت من ساعة ما مشيت فى الحلال وانت وشك منور

= وشي منور ! وشي اصفررر من الجوع ... ياعم أنا رايح أجيب الطعمية

- مرسي احنا عندنا شاي؟؟

= في تلقيمة من امبارح بس مفيش سكر

- أحلى، كده تقدر تتذوق نكهة الشاي الطبيعية زي الانجليز، السكر بيبوظ طعم الشاي.. وبعدين السكر ده العلماء قالوا عليه هو والملح السم الابيض

تحب تشرب الشاي بـ سم ولا من غير سم؟

#عباس_الأبيض_في_اليوم_الأسود

[yassmen1]

انا هعوز ايه من الدنيا بعد م الكراش بتاعي بقي بيعملي نيسكافيه وقلب ع وشه وبيضحكلي كل م يشوفني؟ مش كفايه اني بشوفه كل يوم؟  بالرغم من انه بيكون طعمه مش حلو بس كله يهون  علشانه والله لما بيقولي السكر طلع مظبوط المره ده ببقي عاوزه اقوله هو ف سكر اكتر من كده؟ :D