#الجلابية

[smallbutkindcouch]

مفيش معروف ممكن الإنسان مننا يعمله في نفسه أكبر من إنه يصدق إنه يستحق الحب .. عشان لما يجيله الحب يعرف ياخده، مش يخاف منه، ويجري وديل الجلابية في سنانه زي عبيط القرية..

[omqo]

حدث سنة 70

مسيحية مصرية على وشك الموت ترى النبى صلى الله عليه وسلم في المنام يقول لها (أنا محمد رسول الله) ويعلمها القرآن بنفسه ويسقيها من ماء زمزم ويختفي الصليب من على يديها بلمسة يد النبي فتهتز أركان الكنائس المصرية ويتدخل خالها(البابا شنودة)بصفتها بنت أخته وفي المقابل يتدخل شيخ الازهر جاد الحق على جاد الحق لانها أسلمت ويتدخل الشيخ الشعراوي والشيخ الغزالي ومديرية الأمن والوزراء. إنها قصة حقيقة أسلم على يديها بسبب رؤيتها للنبي ص أطباء وممرضات وراهبات وقساوسة و 12 ألف مسيحي ومازالت قصتها سبباً في إسلام الألاف وقالت بلسانها(حقيقة الإسلام) والهداية لمن لا يؤمنون بإن محمد رسول الله) وهى على فراش الموت في المستشفى الإيطالي بالعباسية يُنتظر موتها بعد ساعه او أقل#بداية_القصة تحكي وتقول قعدت فترة 28 سنة راهبه.البابا خالي والدكتور ميلاد حنا عمى.يعني ناس كُبار في البلد. معدتي قفلت، وقالوا ماتنفعش.لازم تتشال المعدة واللي بيشيل المعدة في الأيام دي بيموت سافرت لندن حاولوا يعملوا العملية في لندن قالوا إنى هموت قلتهم نعملها في مصر في المستشفى الايطالي اللي عندنا في العباسية عملولي العمليةومنتظرين هموت بعد ساعة بصيت لقيت الحبيب المصطفى.مااعرفش حاجة عن الإسلام نهائي إيده على كتفي خليتني ما عنديش أي مرض! بقوله يا دكتور قالي أنا محمد رسول الله ماعرفتش أقول ايه بيقولوا ايه، لقيته بيشيل الخراطيم والحاجة وبيرميها ومسك إيديا ومشاني قمت مشيت زي متر وشوية لقيته طلع على باب الكعبة عالي وقالي هاتي إيدك يدوب إيدي مرفوعة كدة لقيته مسكني لقيتني طايرة دخلت جوة الكعبة لقيت فيها جميع خيرات الله لقيته بيقولي شيلي ايدك قلتله مش قادرة من النور والجمال.قالي شيلي إيدك ما تخافيش نور النبي مهما أقولك النور اللي شفتيه

لقيت نور النبي سبحان الله أقوى من النور اللي بيقولوه عشان

شفته طبيعي قالي اقعدي قعدت اداني دورق قالي اشربي شربت قالي دي مياة زمزم قالي.أنا هقول وانتي ردي قالي الفاتحة وقل أعوذ برب الفلق.وقل أعوذ برب الناس قالي انا اقول وانتي ردي كأني حافظاهم طول عمري صوتي وأنا بقولهم المستشفى بحالها دخلوا الدكاترة لقوني قاعدة ولا عملية ولا حاجة.عملوا مؤتمر صحفي وفرحوا بيا وأسلموا وكانت حاجة جميلة قوي والراهبات اسلموا جات الريسة قفلت عليا قالت الورديات كلها هتسلم الرؤية الثانية تاني يوم نفس اللي حصلي في أول يوم كملي القرآن ودخلني زمزم وشربت دخلوا عليا الراهبات في الوردية الثانية اسلموا الرؤية الثالثة جالي في تالت يوم قالي اخرجي طيب يا حبيبي يا رسول الله.أنا لابسه قميص العمليات أخرج ازاي أول ما مسك إيدي راح الصليب هما أسلموا لما الصليب راح الأيد مافيش صليب ودي معجزة إلهية) قفلت عليا الريسة 3 أيام جالي الحبيب وقالي إن أنا لازم اخرج طب أخرج إزاي مش عارفه جئت واحدة بتنضف الأوضة قلتلها لو سمحتي عايزه أخرج قالتي تقطعي عيشي وأنا بربي أيتام قلتلها لو مسكوني مش هقول عليكي جات الست تشكر قلعت الجلابية وادتهاني ولبستهاني واديتني طرحتها وخرجت وراهم وهم خارجين ماعرفونيش جات مودياني الأزهر كان منتظريني الشيخ الشعراوي والشيخ جاد الحق والشيخ محمد الغزالي وعملولي اجتم��ع كبير وفرحوا بيا قوي وودوني مديرية الأمن.كانوا مبلغين إني أنا اتخطفت مدير الأمن بيقول للوزير.الراهبة هنا وهم مبلغين إنها اتخطفت.قالوا لأ مااتخطفتش الوزير جه فرحان وقالي هنعمل روتين صعب قولتلوه أي حاجة تحت رجليا انا شفت النبي مش مهم اي حاجة جابوا قسسه سمعوا القصة كاملة اسلموا الـ 12 قسيس جابوا مطارنة اللي أكبر من القس8 منهم أسلموا وهم في منهم دعاة إسلام هناك القس ابراهيم عبد السيد وكتير يعني مقابلة البابا شنودة جه قال دي بنت أختي وهي ماتقدرش تقول حاجة قام جه قالي انتي حطيتي راسنا في الطين قلتله لأ أنا شرفتكم

بالإسلام قلتله مهما تقول أنت مش عاملي الصليب الصليب راح فين طلع مشي جابولي دكتور وعملوا الإسعافات وعملولي احتفال إشهار إسلامي وجايين يكتبوني خديجة لقوا مكتوب

(الله جل جلاله)الشعراوي قال تتسمى إجلال علي وكانوا فرحانين بيا الوزير قال لازم تطلع بحراسة اتكريمت في السعودية طبعا أنا اتكرمت في السعودية بحجة وعمره الملك فيصل الله يرحمه وداني حجة وهو أعطاني تذكار صور لقبر النبي ومياه زمزم من الأبيار وعمامة النبي وكانوا عايزيني اسافر امريكا وماتكلمش في الإسلام عشان ناس كتيرة بتسلم اسلموا على إيديا 12 ألف ونشكر كمان وزير الأوقاف الشيخ زقزوق موقع يوتيوب يمكن العثور عليه مع أول عملية بحث كما أنها نشرت على صفحات الجرائد المصرية والعربية وكانت في السبعينات قضية رأي عام هذه القصص صلاة على رسول الله صلى الله عليه وسلم

#ما_المسيح_إلا_رسول

[ibrahimshoukri]

الجلابية البلدي و كوبايه الشاي على قهوة وسط الزرع و الخضرا و نسمة هواء بتشاور نفسها و صوت صفادع ابن $#$@

[colored-entropy]

تمشية سريعة بالجلابية في البلد الساعة حداشر بالليل، ودي ساعة متأخرة جدا في البلد لكن لأنه رمضان فلا تزال الشوارع مشغولة حبتين والقهوة عليها شوية عواجيز بيتفرجوا على ماتش الأهلي والبنك الأهلي. مشوار سريع لحد الصيدلية للحصول على دوا كحة وزيارة خاطفة لعم أحمد الشرقاوي الترزي المفضل لأبويا عشان أسيبله الشال اللي جابتهولي منة من الأقصر يسرفله أو يرفيه على حسب الأفضل والأمتن. تعالى خده بكرا بعد الضهر، ماشي ياعم أحمد هعدي عليك. أسيب الشال وأقفل الباب ورايا وأخد علبة الدوا في ايدي وأقرر أخد لفة سريعة في الطرق القديمة بدل ما أرجع البيت من الطريق المختصر. الجلابية مبطئة حركتي السريعة بطبعها والشوارع جزء كبير منها اتسفلت وجزء لسه بشوط ترابه بصوابعي ووش رجلي.

هي دي الشوارع؟ هي دي البيوت ودول الناس وده المعهد الديني والجامع والنادي والمدرسة؟ هو ده الزمن اللي سيبته ورايا من سنين لما قفلت على نفسي الأوضة ثم سيبته تاني لما مشيت نهائيا وسافرت؟ من حسن حظي ان بيتنا في أول البلد ومبحتاجش أمشي غير بتاع 50 من متر من أول ما بنزل م العربية لحد ما أرن جرس الباب وأمي تفتحلي. البلد كلها ورا ضهري وأنا لا فاكر ولا عايز أفتكر انا كنت بعمل ايه. شكل الشوارع متغير، المساحة الواسعة فشخ اللي كانت قدام دوار العمدة ومكنة الطحين كلها اتبنت، الشوارع اتسفلتت أو جزء منها على الأقل. عواميد نور كتير اتحطت ولسه فيه حتت مضلمة زي ما كانت من أربعتاشر سنة. دروس الثانوية العامة والمشاوير على العجلة والمذاكرة مع الشباب في الجامع بعد صلاة العشا، وفي الامتحانات بعد صلاة الفجر واللعب في المايكروفون. كنا عايزين نغير العالم، أو أنا كنت عايز أغير العالم. النادي وترابيزة البينج بونج، كنا بنقول تنس عادي. وكل مرة اتغلبت فيها عشان بدأت اللعبة متأخر عن زمايلي فكان مستواهم أعلى مني فشخ، ما سبب لي حرجا منعني من الاستمرار في اللعب ومن ثم منعني من تطوير نفسي.

هي الشوارع صغرت ولا أنا اللي كبرت؟ وفين الغيط اللي كان هنا؟ اتبنى ده كمان؟ البلد لضمت في البلد اللي جمبنا ولما بشوفهم ع الخريطة بيبقوا عاملين زي مثلثين لازقين في بعض من زاوية واحدة وعلى وشك يلزقوا في بعض تماما. وبحر النيل قدامنا اهو، لسه محتفظ بصور المرة اللي عدينا فيها وكلنا خس، عم حمامة، وحمامة ده اسمه الحقيقي، لما عرف احنا مين وولاد مين عزم علينا بخس، قعدنا ننضفه جمب المكنة ونغسله وناكل زي السلاحف ونضحك، الكلام ده من حداشر سنة. مرّات كتيرة عدينا للجزيرة وكلنا وشربنا شاي أو مجرد قضينا اليوم هناك. فين الصحاب دول دلوقتي؟ واحد اكتشفت بالصدفة بسبب صور تيليجرام انه مخلّف عيل وشايله على كتفه، والتاني حصل بيني وبينه سوء تفاهم من سنين وقاطعته ومعرفش عنه حاجة، كومنتاته بتطلع لي في ميموريز فيسبوك، مبتضايقش عادي. بس بستغرب من الزمن.

من أول يوم في الأجازة وأبويا بيقولي نروح التُرب. القفل مصدي والبوابة مبتفتحش وعايزين نصلحها. حاضر يابا صحيني أي وقت ونروح، لا أنا مش هصحيك اصحى لوحدك. مروحناش لحد دلوقت. هنروح بكرا، فاكر آخر مرة روحت فيها التُرب، فاكرها عشان كانت آخر خناقة كبيرة وزعيق بيني وبين أبويا. كان عايز يقصقص شجرة الجهنمية اللي بقالها أربعتاشر سنة مزروعة وكبرت وغوّلت وكلها شوك، وينقل رفات ستي لغرفة من غرف التربة بدل ما هي مدفونة في مصطبة لوحدها. ويزرع شجرة فيكس من اللي لون ورقها أصفر دي. روحت يوم قطع الجهنمية ثم حصل الزعيق فمروحتش تاني. يمكن سنتين أو تلاتة الكلام ده، بس فاكر كويس اني يومها تهت شوية في المقابر ومكنتش عارف ألاقي التُربة بتاعتنا. كل دي تُرب اتبنت؟ كل دي ناس ماتت؟ وتربتنا اللي كانت في وسط الغيطان بقت مزنوقة وحواليها مباني من كل جهة؟

طب امتى آخر مرة أروح التُرب قبل المرة بتاعة الخناقة؟ مش فاكر، يمكن سنين، يمكن وقت دفنة عمي. مش فاكر فعلا. بس بقالي سنين مقاطع كل شوارع البلد، لدرجة ان أقل مشوار اضطراري برا البيت بيعكنن عليا، ليه متعكننتش النهاردة؟ اتوترت شوية من احتمال مقابلة حد انا مش مستعد أقابله بس ليه متعكننتش؟ يمكن عشان خلاص خلعت جذوري من الأرض دي وبقى عندي أرض تانية؟ عشان بقالي صحبة ودايرة ومساحة تانية قادر أكون جواها وليا معنى وعارف انا مين وبعمل ايه؟ يمكن. يمكن ده كمان اللي مشجعني السنة دي أروح الترب في العيد؟ بفكر كمان أصلي العيد السنة دي بعد انقطاع حوالي خمس سنين عن الجوامع، لسه مقررتش بس ممكن أعملها. ليه لا؟

بقالي كم سنة كل سنة بقول هروح مع أمي المقابر بتاعة عيلتها العيد ده، ومبروحش، علوقية كبيرة مني أنا عارف، عايز أروح العيد ده ولو حتى من باب التعرف على السكة، معرفش ��تي وخالاتي مدفونين فين! ميصحش ده. على عكس مقابر بلدنا الصغيرة، مقابر المدينة ضخمة وواسعة وزي الشوارع، وأمي نفسها ساعات بتتوه على ما توصل، محتاج أنجز الخطوة دي وأروح أسلم على ستي وخالتي الكبيرة. لأني أصلا محضرتش دفنتهم.

زمان كنت بحلم بالمقابر كتير جدا، وفكرت أكتب حاجة ليها علاقة بمظاهر الحياة والموت في القرية والمدينة، الموت في المدينة شيء غريب وملوش معنى ولا طعم، حزن شخصي خالص محدش بيشاركك فيه، العزاء منصوب في القائد ابراهيم والشباب ع الكورنيش بتكروز بالعربيات على مسافة أقل من خمسين متر! أحا ايه ده؟! عندنا الموت حدث جماعي، على الأقل ده كان المألوف قبل الكام سنة الأخيرة. هنا لسه عيب شوية انك تفرح وبيت جارك فيه حزن، ولو مضطر تفرح فلازم تستأذن. معلش يا جماعة احنا التزمنا بمواعيد وعزمنا الناس والفرح كمان تلات ايام فمش هنقدر نلغي. اعذرونا.

تمشية سريعة في البلد، البلد اللي كلها على بعضها شارعين أساسا، وعدد أهلها يملا عمارتين في القاهرة، بتمشى للبيت وبفتكر كلام أبو سفيان في المسلسل وهو بيقول: وإني لأتلفت حولي فأرى أطياف القديم تنبعث لي من كل ركن وطريق، والقلب لا يمتلئ بالجديدة دفعة واحدة. بس أنا قلبي اتملا بالجديد خلاص، وقعت في الاسكندرية ولا أقول وقعت في الحب لأني وقعت فيما هو أكبر وأعمق وأعقد من ذلك. ومش عارف اذا كان ممكن أنجو من الوقوع الجميل ده، أو اذا كنت عايز أنجو أصلا.

بكرا هروح الترب أصلح القفل مع أبويا وأسقي شجرتين الفيكس وأقرأ الفاتحة للي راحوا، وأعدي على عم أحمد الشرقاوي أخد منه الشال وأرجع البيت، أفطر وأجهز أشيائي وأسافر اسكندرية، أقابل منة، هنسهر ونشيش ونلعب مع القطة الصغيرة اللي بتستخبى تحت عربية السجق اللي جمب قهوتي المفضلة. والقلب مكشوف بس مش مجروح

[5005-2]

أمبارح بليل كان عندي فرح و كنت لابسة بقى و متشيكة على الآخر و قابلت فيه ناس كتير أعرفهم منهم صحاب اختي اللي جم دلوقتي و انا بنضف الشقة ولابسة الجلابية ورابطة القمطة و بنضف ال 120 شباك اللي ابويا عاملهم دول 🐸 فا فضلو متنحين شوية كدة و قعدو يتريقو عليا اللي يشوفك امبارح ميشوفكيش النهاردة و انتي سنية الشغالة 😂 هنضف بسواريه يعني عيال حقيرة صحيح 😒 و بعدين الست الشاطرة اللي تعرف تعمل الأتنين 😇

[muhammed-albehairy]

عيد آخر بدون زوجة تكويلي الجلابية

[caffeine-00]

اليوم الصعب

الحياة ليست عادلة

النهارده الذكرى الثامنة لابويا وحشتني اوووووي يا بابا ٨ سنين محروم فيهم منك محروم منك في كل حاجه الدنيا كلها من بعدك مش دنيا وحشني الشبشب بتاعك قدام الباب عارف أنا في ال ٨ سنين دول بموت كل ثانيه فيهم من غيرك مفيش رحمة في الدنيا كلها كلها ضرب ضرب مفيش إيه رحمة حتي اخواتي كلهم ولا كأنهم مش موجودين أصلا حتي أخويا كمان يا بابا مش هو الصغير بس هو كمان بعيد عني سبتني لوحدي في الدنيا كلها عارف أنا فاكر يوم موتك كويس يا بابا فاكر قبلها كنت عند الدكتور أول مرة في حياتك تقولي أطلع هات الدكتور أنا روحي بتتسحب مني وحشتني اوووووي يا بابا فاكر يا بابا يومها طلعت جبت الدكتور ماسكه في ايدي وكان كل حد بيتكلم معايا يومها كنت بضربه عمرك ما روحت من بالي في ال ٨ سنين دول و أنا لوحدي حرفيا حرفيا حرفيا حرفيا لوحدي بطولي من غير سندك ليا ولا من غيرك يا أبويا كله من خيرك يا أبويا بس برضه أنت وحشتني اوووووي يا بابا الدنيا كلها عندي متسواش ضفرك عندي فاكر يا بابا يوم وفاتك بالملي حرفيا كانت أول مرة في حياتي اصحا من أول مرة في حياتي كلها يوم قبل الفجر بالظبط امي دخلت عليا الاوضة قالت ليا قوم كلم أبوك عاوزك اتنفضت من السرير كنت بالشورت وقتها قعدت ضهرك يا بابا فاكر عشان اسندك علي صدري و اخدك في حضني وأنا بعيط فاكر يا بابا وقتها كنت بقولك انطق الشهادة فاكر يا بابا اقولك أنا مش مصدق إني أنا اللي غسلتك و كنت بكفنك كمان أنا دفنتك يا أبويا بأيدي أنا محتاجلك اوووووي محتاجلك والله يا بابا عارف أنا معنديش حد اروح له لما بكون تعبان أنا تعبت يا بابا من بعد موتك وصتني عليهم كلهم و انت بقا وصيت مين عليا وأنا الكل بعيد عشان بتكلم دايما بالحق في كل حاجه الدنيا كلها بقت نار من غيرك يا بابا أنا عايش في جهنم بس في الأرض الدنيا كلها نار بتحرق فيها ومحدش داري بيا انت وحشتني اوووووي مش عارف اقولك ارجع أقولك ارجع ازاي اموت مكانك مثلا والله تعبت يا بابا من غيرك وحشتني قعدتي معاك بالليل وحشتني الجلابية بتاعك حتي الشبشب الجلد بتاعك وحشني إني اشوفه قدام باب الشقه ٨ سنين محروم من صوتك محروم إني اشوفك حتى محروم إني اتكلم معاك حتى يا بابا ٨ سنين كل يوم فيهم بموت من غيرك يا بابا ٨ سنين جهنم علي الارض 💔

[ammo--scar]

نزلت القهوة أقعد مع ناس صحابي، وأنا لابس الجلابية البيضا بتاعة صلاة الجمعة، واحد فيهم قالي "كسم جمال خطوتك"

حاسس اني رقم واحد في كوكب الأرض.

[sam-amr]

عجبنى فكرة اعلان فودافون لياسمين عبد العزيز

نيجى لفكرة الجلابية الشعبى للنساء فى مصر هانلاقى فكرة الجلابية متاخدة من رداء القمر واللى بموت فيها النتر باستت 🐈 ومش فاهم ايه دخل الجلابية بالرقص انا فاهم انها سيكسى وبتظهر معالم الانوثة والجمال 💁‍♂️

[smallbutkindcouch]

بتابع اكتشاف الأمريكان لخطاب بن لادن، ومش فاهمة هي مأساتنا ليه مصممة تتحول لفقرة في سيرك العالم، يعني بعد كل السنين دي بقى بن لادن was right

الانبهار اللي هما فيه ببن لادن شيء مضحك ومرعب، يعني أصل العالم كله بياكل خرا على حس مين رئيس أمريكا النهاردة، فدول بقى اللي بيقررولنا ناكل خرا لونه ايه النهاردة؟.. احنا مصيرنا في ايدين شوية الفلاحين دول يعني؟ .. دول اللي يقولوا هل أصحى الصبح أروح الشغل، ولا أموت تحت أنقاض بيتي؟

الفكرة إنه مش المواطن الأمريكاني بس اللي فلاح وحاطط طرف الجلابية في سنانه وبيجري ورا عربية الرش، لاء دا الإنسان الأبيض الأفريدج بردو كدا.. أنا روحت ألمانيا مرتين في حياتي، في المرة الأولى، كنت تبع برنامج تبادل ثقافي عربي ألماني عن مستقبل الصحافة، وفي يوم واحنا بنتغدى في مطعم تركي في برلين، كان قاعد قدامي، صحفي ألماني عنده بتاع خمسين سنة، حب يكسر الصمت، فقالي انه بيحب " البقلاڤة"، وإنه بيحب الحلويات التركي، قولتله اسمها بقلاوة ودي حلوى شامية مش تركية، ضحك ضحكة سمجة وقالي ( ماهي بلاد الشام كانت جزء من الخلافة التركية).. حاجة خيو خيو خيو طبعًا، كنت هتنقط، ولقيتني بقوله (عندك حق، كل حاجة بتروح للمحتل، هتلر لو كان قدر يحكم العالم، كان زمان البقلاوة بقت ألماني)، وقعدت أضحك، وهو ساعتها اتوتر، واعتذرلي إنه مش خبير في أصل الطعام، وإنه أكيد أكيد ضد هتلر، وضد النازية

في المرة التانية ، كنت في ألمانيا ساعة ما كان بقى فيه لاجئين سوريين هناك، صديقة أمريكية عايشة في برلين، كانت ممتعضة من وجود السوريين هناك، وبمنتهى البجاحة قالت ( ما السعودية تاخذهم، هي مش دي دولة الإسلام) تاني دمي اتحرق فشخ، وقولتلها هو حقيقي اللي المفروض ياخدهم، هو السبب في مأساتهم، يعني أعتقد لازم اللي تاخدهم أمريكا لإن أمريكا هي اللي بتمول التنظيمات الإرهابية في الشرق الأوسط، برقت إنه إزاي بقول كدا على أرض الحرية، قولتلها دوري ع الانترنت عن مس��ندة أمريكا لبن لادن في الحرب ضد السوفييت في أفغانستان ، وانتي تعرفي فلوس القاعدة جاية منين.. كان نفسي أكلمها عن ١١ سبتمبر وأشرحلها مصطلح " بضاعتكم ردت إليكم" بس قلت هقعد أشرح كتير ومش هتفهم.

فآه المواطن الأبيض الأفريدج جاهل وغبي ومتخلف، وفلاح، واحنا حياتنا بيحددها شوية فلاحين سواء كانوا معانا هنا في بلادنا، او فلاحين في بلاد تانية.. والعالم دا كله مفيهوش مكان آمن لإنسان عنده شوية مخ ودم وإحساس.

[unspokenthings02]

خلينا نتفق انو الجلابية “الدشداشة” على الرجال هيبة

[3-zooooooz]

كنت عايزه اقول ان الجلابية طلعت عسولة واني فرحانه بيها قوي 🌚❤️❤️

[memo-de-ana]

- كاسفنا في كل حتة .. قايلك مليون مرة ابقى البس بنطلونين فوق بعض واحد اتفتق التاني يداري .. وبعدين اللي زيك يلا ملوش غير في الجلاليب

= ما انا جربت لبس الجلابية .. كان دايماً بتنحشر في نفس مكان الفتق

- نفس مكان ال .. خلاص البس ستريتش بقى بعد كده

[muhammed-albehairy]

يلا مش مهم، هكوي الجلابية العيد دا كمان ويا رب العيد الجاي بقى هي الي تكويها.

[hindstore]

ما هي مميزات الجلابيات الناعمة التي يمكن ارتداؤها في عيد الفطر!

الجلابيات الناعمة تعتبر من الخيارات المثالية لعيد الفطر، حيث تجمع بين الأناقة والراحة.

مميزات الجلابيات الناعمة:

الراحة: القماش الناعم مثل القطن، الحرير، أو الشيفون يوفر شعورًا بالراحة والنعومة على البشرة، مما يجعلكِ تشعرين بالراحة طوال اليوم.

الأناقة: تصاميم الجلابيات الناعمة غالبًا ما تكون مزينة بتفاصيل جميلة مثل التطريزات أو الألوان الهادئة، مما يعزز من إطلالتك في المناسبة الخاصة.

التهوية: المواد الناعمة تتيح تدفق الهواء، مما يساعد في الحفاظ على برودة الجسم خاصة في الأجواء الحارة.

التنوع: تتوفر الجلابيات الناعمة بتصاميم متنوعة، من البسيط إلى المزين بالتطريزات والألوان الزاهية، مما يتيح لكِ اختيار ما يتناسب مع ذوقك والمناسبة.

كيفية اختيار الجلابية المثالية:

اختيار القماش: ابحثي عن قماش ناعم ومريح مثل الحرير أو القطن. تأكدي من أن القماش لا يسبب الحساسية أو الانزعاج.

التصميم: اختاري تصميمًا يتناسب مع شكل جسمك ويعزز من مظهرك. الجلابيات ذات الألوان الفاتحة أو المزينة بتفاصيل فنية تناسب أجواء العيد.

الراحة: تأكدي من أن الجلابية مريحة وتناسب قياس جسمك، مع مراعاة أن تكون غير ضيقة أو واسعة بشكل مفرط.

التفاصيل: قد تفضلين الجلابيات المزينة بالتطريزات أو الأنسجة اللامعة، لتضيف لمسة من الفخامة إلى إطلالتك في عيد الفطر.

باختيار جلابيات ناعمة للعيد ، ستتمتعين بإطلالة أنيقة ومريحة تجعل من عيد الفطر مناسبة مميزة.

زوري متجر هند ستور الآن - اكتشفي كل جديد في عالم البجامات النسائية

[sauditowzef]

وظائف في جدة للنساء راتب 4000 ريال مع حوافز مبيعات إضافية

وظائف في جدة للنساء للعمل لدى شركة واحة الجلابية التجارية المحدودة حيث توفر عدد من الوظائف الشاغرة في محافظة جدة ، إذا كنت مهتم بالانضمام إلينا واكتساب خبره يرجى إرسال سيرتك الذاتية إلى البريد الإلكتروني أدناه: