#اكل صح��

[a7md2468]

تغيرنا بعد الجواز ومشاعرنا بردت مبقاش لا في شوق ولا لهفه ولا كلام حلو ...عشان من البدايه مكوناش بنبني صح ولا تفكيرنا ولا مفهومنا عن الجواز كان صح كان محصور في فستان وطرحه وفرح وتلاجه كام قدم ومروحه ولا تكييف والشبكه والمعازيم واخيرا هيتقفل علينا باب واحد ولحد هنا خيالنا وقف مفكرش للحظه ان كل ده زفه كدابه وبتخلص بتاخد من العمر شهور او سنتين تلاته بالكتير واللي بعدهم هو الاهم ...المبدا اللي لازم يتفق عليه كل عريس وعروسه من قبل ما يتقفل عليهم باب واحد هو ازاي هنبقي واحد مع اختلاف شخصيتنا وتربيتنا والبيئه اللي اتربينا فيهاازاي مش هنصطدم او نختلف او نصغر دماغنا والعناد يدخل بينا ويفرقنا ميجمعناش ...منطق اننا نبقي واحد ده لو وارد يعني انا انت وانت انا يعني انا مينفعش اجي عليك لانك انا ولا انت تيجي عليه لاني انت ...مبدا ان يبقي في تفاهم ومشاركه والراي والراي الاخر بحب مش بغباوه ولا بعند ... مبدا اننا اما بنتكلم فاحنا بنتكلم عشان نختار الاصلح لينا سوي بدون ماحد فينا يبقي متضايق او مخنوق او مغصوب علي حاجه لان دي حياه مش يوم وهيعدي ...مبدا اني انسان وانت انسان محدش ليه انه يهين التاني اصلا او يقهره او يفقداحترامه معاه مرفوض اساسا ومش وارد اصلا ...مبدا اننا عاوزين نعيش نسعد بعض ونريح بعض ونقرب من بعض ونطمن بعض ...مبدا اننا نقول لبعض الحاجه مره واحده انها بتضايق ومتتكررش ومينفعش تتكرر اصلا عشان لو قلبنا علي بعض هنبقي حريصين جدا منزعلش بعض ولا نضايق بعض ...لازم يبقي جوانا احساس اننا في مركب والمركب دي لو غرقت هنموت المركبدي هيه مصلحتنا سوي مع بعض هنوصل لبر الامان ولو اختلفنا هنغرق ولو النقاش وصل لخلاف هسمع كلامك وكلمتك اللي هتمشي في الاخر لانك مش بس جوزي انت ابويا واخويا وظهري ولانك انت المسئول عن حمايتي وراحتي...مفيش انسان مبيتعصبش بس لو حصل ووارد يحصل طبعا سواء كان من الزوجاو الزوجه بنفوت لبعض مينفعش اشوفك متعصب وارد عليك اصلا ولا انت ينفع تلاقيني متعصبه وترد او تستفزني احنا واحد ينفع ايدي تلاقيني متعصبه تلطشني مثلا ؟؟ انت ايدي انت اقرب ليه من ايدي كمان ولو قلبك عليه بجد هتاخدني في حضنك وهتهديني زي مانا اكيد هعمل معاك كده عشان راحتنا احنا الاتنين سوي مش هنلاقيها الا مع بعض وتحت سقف البيت ده ...هنمر بأذمات وارد جدا او مشاكل سواء في شغل او من الاهل اين كان المشاكل او الصعاب بالاتفاق سوي هنعرف نعديها طول ماحنا سوي وواحد هنبقي اقوي ومش هنيجي علي بعض طالما انت معايا ممكن اجي علي نفسي واتحمل اهلك لانك تستاهل وانت كذلك طالما انا معاك هتيجي علي روحك وهتشيل اهلي علي راسك لانك بتحبني ولاني استاهل ...الحياه ابسط من اننا نعيشها في مأسويات وحروب ومشاكل وخناق ونديه وعند الحياه اجمل بكتير لو كبرنا واستوعبنا وفهمنا ان محدش باقيلنا الا بعض ... فيه عيوب وانا كمان فيه عيوب احنا بشر محدش كامل بس اين كانت العيوب دي بنحاول نتغلب عليها ونحتويها ومنفضلش طول الوقت حطينها تحت الميكرسكوب ومركزين مش شايفين غيرها عشان ده نص الكبايه الفاضي لو ركزنا في الكبايه ككل هنلاقي نصها التاني مليان مزايا ومن النظره السوده إليبنبص بيها مشوفنهاش ...الكلمه الحلوه والمعامله الطيبه بتقرب احنا اتجوزنا يعني اختارنا بعض عشان نكتفي ببعض عن الدنيا بحالها ونكمل كل اللي ناقص عندنا من بعض يعني انت بالنسبه لي كل الرجاله وانا بالنسبه لك كل الستات ..يعني الدلع كله هشوفه معاك والحنيه كلها هتشوفها معايا يعني لا هحتاج اسمع كلمه حلوه من مخلوق غيرك لانك مشبعني كلام حلو ولا انت عينك هتشوف ستات غيري لاني هعرف املي عنيك ... اتجوزنا يعني ميهونش عليه اكل اكله حلوه متدوقهاش ولا انت يهون عليه تخرج وتتفسح من غيري ..اتجوزنا يعني مينفعش نزعل من بعض اصلا ولا نسيب بيتنا ولا حتي نسيب اوضتنا ولا سريرنا مينفعش نهون علي بعض لدرجه اننا ننام زعلانين ميجلناش نوم اصلا لو مش في حضن بعض ...اتجوزنا دي كلمه معناها اكبر من الحب بكتير معناها ابديك علي نفسي وتبديني علي نفسك معناها ان راحتنا وامننا وسعادتنا مبنوصلهاش اصلا الا سوي وهي دي الموده والرحمه ...وهو ده المعني الحقيقي اللي لازم نقعد ونتكلم ونوصله بجد نوصله بنيه صافيه نوصله عشان من غير كل المعاني دي مفيش حياه اساسا نوصله عشان احنا عاوزين نعيش بجد مبسوطين مش نعيش وخلاص ...

يآسيـــن ♥

[waelahmedsblog]

مجرد راى.

" لازم نعترف أن مشاكل الستات كلها واحدة .. ومشاكل الرجالة كلها برضه واحدة ..

بس .. في الأول و في الآخر الراجل هوة المسؤول ..

يعني ..

أما تكون الست اللي معاك بتديلك من اصل عشر حاجات انت محتاجهم تمانية .. يبقا ماتجيش انت و تحاسبها ع الاتنين ال مش موجودين !

لازم تقدر ال 8 حاجات اللي هيه بتعملها ..

انا اتعلمت من جوازي الاولاني المسؤولية ..

يعني مثلا .. الست ممكن في يوم تصحى فجاة متجننة ..

و مالوا .. ما تتجنن ..

و انا استحملها .. لأنها اكيد استحملتني في حاجات كتير هيه كمان ..

بالعكس انا لازم اقعد معاها و أفهم ايه مضايقها و أحاول اهديها .. "

* فاكر كويس جدا صديقة عزيزة اتصلت بيا فجاة و هيه منهارة عياط ..

كان سبب عياطها أنها كانت راكبة مع سواق تاكسي ف مراته اتصلت بيه تعيط أن الفلوس اتسرقت منها في السوق ف السواق فضل يضحك و يهديها و يقولها فداكي يا ستي .. في داهية الفلوس .. و النبي ما تعيطي .. اقولك .. ما تطبخيش النهاردة .. انا ها أجيب اكل و اجيلك ..

بتقولي لقيت نفسي ب أوقف التاكسي و أنزل اعيط في الشارع زي المجانين .. انا عمر جوزي ما طبطب عليا كدا و لا عرف يهديني أو يحتويني في أي موقف صعب ..

مع أنه أعلى كتير من سواق التاكسي .. دة ..

التقدير في العلاقات عامل زي النجمة اللي كانوا بيحطوهالنا المدرسين زمان أما نجاوب صح أو نكتب بخط حلو ..

كنا ب نبقى طايرين بيها في السما حرفيا .. وحاسين انه ماحدش قدنا ..

وهيه حتة نجمة ورق ب قرش !

التقدير ممكن يبقا كلمة .. نظرة .. فعل .. لمسة ..

ممكن يبقا حاجة لا تذكر فعلا .. لكنها ب توصل رسالة واضحة للي معاك بتقول " انا مقدر اللي ب تعمله عشاني "

صدقني .. لو ب يتعبلك مرة .. ها يتعبلك الف بعدها ..

لمجرد أنه " عارف " انك مقدر ..

[m-anarrr]

النهاردة يوم الاتنين ودي حاجة واضحة وبدايهة كده يعني اكيد مش هيبقي تلات او اربع في مكان تاني صح

والمهم اني حقيقي عندي شغل كتير بس عندي جهد ١ % لدرجة اني عايزة اقفل كل حاجة واشيل شنطتي بشكل درامي كده واخرج من المكتب بشكل درامي اكتر واعلن الغاء رحلتي بشكل درامي اكبر واكبر

وامشي لحد البيت افتح الباب وانط علي السرير وكأني لا ابالي بالعالم كله

وداخليا انا لسه عايزة اكل رز وملوخية بس بجهدي ال ١% ده مش هعمل حاجة اكلها ربنا يخليلي ساندوتش الجبنة 😂

[yassmeenamoustafa]

ممكن اكلمكوا في موضوع !؟

انا صحيت م النوم بدأت السيشنز بتاعتي من ١ ل ١١ بليل

اللي هي من ساعة دي يعني خلصت من ساعة

المفروض اكل وانام زي اي حد عمل مجهود وتعب ومكلش كويس طول اليوم وفرهد في نفسه

صح ؟ المفروض اروح في النوم حتى وانا قاعدة كدة

انا مصحصحة وفايقة بطريقة مخيفة ! انا من جوايا نفسي انام عشان حاسة اني هلكانة اووووي

ملحوظة : منمتش غير ساعتين متقطعين من امبارح

السؤال هنا ؟

ازاي مروحتش في النوم ؟ وليه الأرق ليه؟ ليه ؟ ليه ؟ ليه ؟ ليه ؟

[groupfalcon]

👽‼💔

:

:

+

ثعلب : يا خرا هي شفيها اختج تطالعنا وتدمع !!؟ 👽‼

مروان : تعبت تطبخ حق ناس ما تسوى 💨🗿

اليكس : ما عليه خلها مريت بحالتها دمعت ولحست دموعي بعد من القهررر 💨😑💔

ثعلب : يا خرا حتى انتو يطلع منكم دموع نفسنا ؟ 👽

اليكس : اي عيل شيطلع ديزل ؟

مروان : صح البشر يبجون تهقى الحراس الموتى يبجون بعد ؟😐

اليكس : شدراني انا كا ثعلب قدامك سوو عليه تجاربك 😐

ثعلب : يا خرا اللي يلمسني راح اعوره 👽

مروان : قاعد نضحك معاك شفيك اكل بس ورانا شغل 👀

+

:

:

🔇🔇

[unbreakablesal]

كنت مختارة الكوشة و شكل الفستان اللى حابه ألبسه، قايمة الاغانى، هنعزم مين بالظبط، و الاطباق اللى هنحط فيها اكل للناس، كنت بآخد اسكرين شوت لكل حاجه عجبتنى اتمنى اشوفها فى بيتنا، كنت حابه اوي فكرة بيتنا دى و اننا بنقرب للخطوة دى! كنت بآخد صور للدبل اللى بتعجبنى و الدبلة اللى كان نفسي اجيبهاله و اكتب عليها اسامينا ..

كنت محدده كويس انا عايزه ايه و حابه ايه و عايزه اكمل معاه ليه، و كل حاجه انتهت فى يوم و ليلة ، كل حاجه حصلت بسرعه بشكل ما استوعبهوش عقلي ابدا. كل حاجه حصلت بشكل غير متوقع و مزعج و مؤسف بس فى نفس الوقت فتح عيونى على حقيقة انى كنت عارفه انا عايزه ايه بينما هو كان تايه و مش عارف و مش عايز ، كنت بزق فى حيطة كبيرة لوحدى ! ما طبيعى ما تتحركش .. المجهود من طرف واحد مؤسف و مؤلم جدا و بيخليك تبص لنفسك على انك ما تستاهلش ، تبص و تقول " هو انا يعنى ما استاهلش حد يحاول عشانى؟ هو انا يعنى ما استاهلش انى اتحب بجد و حد يجي يساعدنى نزق الحيطه دى بدل ما انا اعمل كل حاجه لوحدى؟ هو انا كنت استاهل اتخذل علنى قدام اهلى و صحابي و كل الناس اللى حاربتهم عشانه ؟ هو انا عملت ايه عشان يحصل معايا كده بس يارب؟ يارب طب دى ذنوبي صح؟ انت بتطهرنى من ذنوبي صح؟ انا راضية يارب انا راضية مهما كنت متضايقه او حزينه على اللى حصل و لكن انا عارفه انك كالعاده ياربي ليك حكمه هعرفها بعدين او ممكن اعيش و اموت و انا ما اعرفهاش بس يارب .. يارب احمينى من نفسي، احمينى من انى اقع على وشي تاني، احمينى من شيطانى اللى بيسوقنى لسكك انا مش ضامناها ، احمينى من قلبي الغبي اللى بيختار اسوأ ناس على الأرض يحبهم ! يارب اهتار لى و لا تخيرنى فآنى لا أحسن الاختيار"

[mrvictive]

ازاي بتقدر تبقى صاحي معظم الوقت وبتعمل إيه لو حسيت انك عايز تنام وعندك حاجات عايز تعملها ؟

اعتقد انت اللي باعت ال 2 asks دول يا ان��ن.

انا بقالي ٢٠ يوم علي الحال ده. متوسط نومي كدا ما بين ٣ ساعات ل اربع ساعات.

بعمل ايه لو حسيت اني عاوز انام؟

مش هنام بكون اصلا من الجري و جهد الشغل تعبان و عاوز انام بس بتغلب علي ال Pain ده واصحي و اذاكر.

الأول الموضوع كان مؤلم للغايه و متعب جدا.

حاليا بقي عادي...

قولتلك مش هتموت ولا هتنهار لو نومك قل. لو مجهودك زاد لو شغفك راح. مش محتاج غير انك تفضل مكمل. مفيش حاجه تستاهل انك تقف.

عارف ان كلامك ممكن يكون صح. في رمضان اللي فات لل اللي قبله كنت بذاكر كورس مهم و كنت بنام ساعتين بس. و قفت السهر الكتير ده لما حسيت ب Pain في صدري مش بيخليني اتحرك. ف كنت لما ابتدي احس ب كدا ب انام.

دلوقتي مش بحس غير بارهاق و تعب و قله تركيز بس بجبر نفسي علي التخطي و التركيز و اني اعافر و مكمل. و الحمد لله أنجزت حجات كتير.

مش عارف مخاطر اللي بعمله بس انا لسا حاسس اني كويس. ووعندي plan اني اقضي ال ٦ شهور اللي جايين كدا.

لو عندك حاجه تقدر تساعدني بيها قولي؟ كشف معين تحليل معين اكل معين؟ هكون شاكر ليك يا انون

[nochnicht]

متهيألي مافيش حد اكل عيش على قفا لغته قد الأمريكان. أصيع انسان عرف يستثمر علوقيته صح. لقى نفسه مركز العالم والناس كلها مضطرة تتعلم كلامه ف خد الإنجليزي الأصلي وقعد يقصقص فيه وياكل حروف ويدمج جمل ويعمل reductions. وبعدين قال للعالم يلا بقى تعالى أدرسلك الكلام ده كله على انه أكسينت ليها قواعد وأصول ولو متعلمتهاش هتبقى فلاح

أي أمريكاني دلوقتي لو طلع عمل كورس أمريكان أكسينت أو حتى فيديو شرح ع اليوتيوب طوب الأرض هيتلم حواليه ويكسب دهب من الهوا عشان يعلمهم ازاي يقولوا Watcha doin بدل من What are you doing وصب مان بدل هاو أر يو.

اللي هو بالظبط تخيل لو ف يوم الزهر لف واللغة العالمية بقيت لغتك انت ولقيت نفسك واقف وسط البشر كلها وهما عايزينك تعلمهم بالأكسينت بتاعتك ازاي يقولوا فشخ بدل جدا أو يا بوي بدل أوه ماي جاد

[nona318]

العصافير بتاكل الاكل اللى على الوش و بتفتكر انه خلص لانها سابت بواقى الاكل مغطى الاكل تحته

بتفتكر ان اكلها خلص و تفضل تصرخ عايزه اكل جديد

رغم انها لو نكشت البواقى هتلاقى الاكل كتير

احنا زي العصافير دى

شايفين الدنيا من على الوش و بواقى الذكريات مدارى و مغطى الرزق و الذكريات اللى ممكن نصنعها لو شوفنا الصوره صح

اخرج من اطار العصفوره و شوف اللى ورا الصوره

[es-r-aa7]

ليكي نفس تاكلى حلويات وتتبسطي وبينك وبين غزة كام كيلو بيتقتلوا هناك !!!

اممممم

يعني ك شخص اندفاعي انفعالي كنت هرد رد يزعلك، بس انا صاحية بقول سبحان الله حياة الكبار اثرت ف شخصيتي وبقيت بحاول مكنش اندفاعية غشيمة

ف هقول ببساطة انا حزينة والله وتقريباً مش بعرف انام كويس من شهر ١٠ والايام الاخيرة اللي زاد الطينة بلة اني بقيت مُلمة بما يحدث ف السودان ومدركة ان في كارثة بتحصل دلوقتي ف لبنان وبيتم التعتيم عليها

وبطبيعة الحال انا شخص مسئول عنده شغله و امتحاناته و مسئولياته اللي بجانب حزني مش صح حالتي تأثر عليها وإلا كدة هيكون العائد للاسوء مش تحفيز للاحسن.

انا مقاطعة من اول يوم ولسة كان ف بالي فكرة ان جه اليوم اللي اقاطع فيه حاجات نفسي تشتهيها ( مش اكل وشرب بس ) منتجات كنت زمان بحوشلها تحويش حالياً فلوسها معايا وببساطة اقدر اجيبها بس لأ .. راحو وراحت منتجاتهم وافكارهم معاهم ف اكبر سلة زبالة.

ف جالي شعور سعيد جداً اني مثلاً بعد ما اكمل ١٠٠٠ يوم مقاطعة 😇 .. حياتي ناقص الكام سنة دول هكملها مقاطعة

دا مش سهل ع فكرة يعني عشان دا اسمه جهاد نفس وكله بيجاهد بطريقته.

بغض النظر بقى اني كنت اتنفخت ف امتحان انا اصلاً رايحاه ونفسيتي ف الارض ومورطة نفسي ف مذاكرة وقرف وانا اصلاً مش مضطرة اعمل كدة لو مش حابة اكون شخص احسن.

ف يعني بدل ما اطلع اعيط واجيب ناس تعيط وادخل ف مود اكتئاب حبيت اخفف وطئة الوضع بالسكريات ( حل غلط بس معلش )

ف لا حتى بدون الحاجات اللي بتحصل ف اخواتنا .. انا ف الوضع دا تحديداً مش مبسوطة بس مش هينفع شحطة كبيرة كدة تطلع تعيط ف الشارع من امتحان 😄

ف خليك فريش عشان لينا يوم وميعاد وربك وحده هو اللي هيحاسب كل واحد عمل ايه لاخواته.

[rrrrrrrr-rrrrrrr]

اولا انا كيتو ف مش عارف اكل حاجة دلوقتي للاسف

ثانيا انا كل سنه بنجيب بطاطين ف الصاله انا واخواتي ونتفرج على هوم الون بس السنه دي مش هعمل اي اجواء علشان فلسطين والحزن اللي ف قلوبنا كلنا

ف ممكن plan B بقا

#m

معلش ف السؤال يعني ايه انا كيتو عشان انا تعليم حكومه والله ي انون هو ع حسب معلوماتي انك كده نباتي يعني ف مش بتاكل اي حاجه او تقريبا ده نظام دايت بتمشي ع حاجات معينه صح يارب اكون بهبد صح

[cinnamonilla]

الحمدلله على كل حال

بس انا بعيش اسوء ايام حياتي

تعبانة جسدياً و مضغوطة نفسياً

ومفيش حاجة ماشيه صح لا اكل ولا شرب ولا نوم و لا عيشة

لا عارفة اعيش حياتي ولا انا حتى جاهزة للموت

ربنا يحلها من عنده

[m-anarrr]

لسه صاحية من النوم وحاسه اني متلغبطة ومليان بكم مشاعر غريبة وعقلي مش فاهم ليه اصحي دلوقتي ...ليه مفضلتش نايمة للصبح؟

ليه عملية طبيعية زي النوم احيانا بتكون صعبة او مليانة قلق ؟

بقالي شهور بعافر بس ده منطقي اننا نعافر ؟ لان الاشياء اللي فيها هدوء وبتحصل بشكل سلسل دي ظواهر مش ثوابت صح؟

حاسه اني مخنوقة ومشاعري طابقة علي نفسي بالمعني الحرفي ،الاكل بيخليني اهرب بس فكرة ان عندي أهداف معينة مبتدنيش الاريحية اني اكل عشان اهرب

ولو اكلت عشان اهرب فهكون محملة بنوع من الذنب اللي بيحسسني ان ملاذي ده لعنة.

محتاجة انغمس علي ذاتي واحاول افهم بس بقالي سنين بحاول هيجرا ايه لو استسلمت النهاردة؟

في ايام بكون واثقة من حالي وفي ايام بحس اني مش مرتاحة في جلدي ...بس المهم الكفة اللي بتغلب والسنة دي كانت اني واثقة في حالي.

ان الواحد يبقي عنده عله او مرض ما بيحاول دايما انه يتأقلم معاه او يتعامل كأنه تمام ساعات بتخلي حالاتة تسوء عشان انت بتجبر جسمك المعلول انه يتعامل معاملة الجسم الطبيعي...ف دايما حاطة في خانة المقارنة بحاجة مش في ايديه ودي حاجة عمرها ما هتخليك احسن.....تقبل وتأقلم وابتدي اتعامل مع نفسك الجديدة بطريقة هي تستحقها

مجهدة جدا من كتر التفكير بس عارفة ان كل حاجة مكتوبة واني محتاجة اهدي ...

وحشني الكلام البوح والفضفضة وحشني الحكي وحشتني ذكرياتي اللي بقيت بعافر من تاني عشان افتكرها.....

[fozdoaa]

كنت فى البنك انهارده وقضيت ساعتين ولولا صدفه من صدف القدر حصلت معايا كنت كملت ساعتين كمان فى بروسيس مأخدتش فى ايده تلت دقايق .

كان فى بنوته صغنططه جميله فى موازتى ضحكتلها من الشباك وضحكتلى ضحكه جميله قوى خلتنى بعتلها بوسه ع الهوا وقالتلى شكرا وهى بتضحك كانت لحظه حركت فيا مشاعر امومه جميله خلتنى اقول ربنا هب لنا من أزواجنا وذرياتنا قرة أعين.بس للأسف الطريق فصلنا .

السواق وانا بنزل قولتله تمام هنزل هنا لو سمحت قالى مع السلامه قولتله شكرا كان لسه موقفش قالى تانى مع السلامه قولتله ربنا يكرمك قالها تالت قولت لاءه بقى دا انا اقولك الله يسلمك بقلب جامد طالما تكيت ع السين دا انت بقيت من العيله كده يراجل 😂

Ps عندى شويه معتقدات هبله كده تنم عن نسبه تخلف عقلى وعته اجتماعى يعنى مثلا زى السواق لما قالى مع السلامه معرفش ارد واقوله الله يسلمك بحسها متتقالش غير للناس القريبين قووى زيها زى القلب ❤️ بنكسف جدا اعمله لأى حد ولو عملته ببقى متأكده جدا أنى عايزه اعمله وفعلا طالع من قلبى مش معنى كده انى لما اعمل🌸 انها مش من قلبى بالعكس انت هتلاقى نصها كسوف انى اعمل ❤️

انا قولتلكوا ان عمو ابراهيم صاحب بابا اخد منى اربع بوسات غصبا بس بمزاجى🙈 كان طالع من زمتى اتنين هو كملهم اربعه فقولت عديها يا توتا بس اللى كان اكتر حاجه قريبه لقلبى فورهيد كيس ات ووز اميزينج منه علشان هو حد حنين قووى فأصبح مجموعنا اربع بوسات وواحده فورهيد وحضن

دخلت ادفع فاتوره النت وانا شايفه انه هو بيعمل فون كول برا دخلت مكنش فيه غيرى وعارفه انه كان المفروض اقعد ع الكرسى قدامه بس هو مكنش موجود ومقاليش اتفضلى فقعدت فى كراسي الويتينج لما دخل فيرست معتذرش تدرى ليه لأنه فضل فتره وعمل بدل الفون اتنين والأكيد ان واحد فيهم ان لم يكن الإتنين بيرسونال بس انا التكيف كان تمام ومكنتش مستعجله فقولت عادى بما ان الدنيا فاضيه بس كنت شايفه انه المفروض يقول سورى ع الإنتظار او التأخير بس ماعلينا ،الغريب انه قالى( تعالى) فانا سمعت الكلمه وحصلى حاله فصام كتاتونى فى مكانى كده اللى هو انا سمعت صح !هو قالى تعالى! لقيته بيعدها تانى قالى تعالى بصوت أعلى هو انا قومت اينعم بس كنت حاسه انه المفروض يقول اتفضلى نوت تعالى او تكبر منى ولا غرور ولا انا بنت ناس وهو لاءه خالص الفكره انه مش المفروض تبقى تعالى احنا مش صحاب اسمها اتفضلى بس افتكرت كلمه ماما وهى بتقولى احنا مش هنربى الناس ،وهو هو نفس الشخص عملى غلطه فى الفاتوره ودفعنى اكتر حقيقه فى دى اعتذر انا قولتله عادى جدا محصلش حاجه كده كده الزياده موجوده فى حسابى ومحسستوش انه فى مشكله .

روحت لمحمد الترزى وكالعاده فتح جاعورته عليا وقالى انتى زهقتينى انا نص السنه بوسع والنص التانى بضيق قولتله على فكره انت ظالمنى المره دى سوسته ضحك عليا ومشانى ومعملهاش برضه .

ماما عامله محشى وحقيقه انا بقالى اسبوعين مليش نفس للأكل خالص حاسه انه بيحتاج طاقه ومجهود فى الحر ده بلس ان معدتى كانت وجعانى فكنت حابه افضل خفيفه ووقت ماكل اكيد مش هيبقى محشى ،ماما فضلت تتحايل عليا وقالتلى اكل رز الحشو بتاع الفرخه وقطعتهالى فى طبقى نقنقت علشان متزعلش وفضلت اتكلم معاها وقومت فعلا مكنتش قادره.

دخلت مواعيد غلط فى بعض وكركبت الدنيا ومطلوب منى اظبطها فمحتاجه رغى كتير وتشغيل دماغ وانا مش قادره اشغلها خالص وضميرى كل شويه يفكرنى وينقح عليا بس لما بفتكر انى هتصل وارغى يجيلى هبوط نفسي فاهرب واعمل نفسي قال ايه لسه قدامى وقت وانا فى الأصل مزنوقه جدا فى الوقت

كتوتال لليوم الحمد لله يارب والله فضل ونعمه

[groupfalcon]

☺️💟 ... !!

:

:

+

الخادمه اروى : هاااا شلوون الاكل اليوم لذيييذ صح همممم 😊

خالد : اي ما شاء الله زووووغه تسلم ايدج البطه 😏

اوس : اي غريبه اول مره تسوي اكل لذيذ زين الزف فاد معاها 🙂

اروى : همممم عافيه عافيه 😊😊😊

وردة : ليش مسويه لهم اكل خاص ! شفييش انتي لا تدورين رضاهم خلاص 😕‼

اروى : ههمممم انا عنيدة وردة حيييل عنيدة واحب اتحدى نفسي بهالامور ، يعني قلت ليش ما يكون فعلا اكلي في شي غلط 😊‼

وردة : والله مدري شاقولج بس هم بيتنمرون عليش ترا مهما سويتي 😐

اروى : وردة حبيبتي اخذي اكلج وروحي تغدي شكلج وايد ضعفانه 😑💨

+

:

:

🔇🔇

[sheeree]

و شايف الحل الفردي ايه و الحل المجتمعي ايه ؟

الحل الفردي في الاوقات والظروف دي بيكون واقع اكتر على

النخبة سواء كانت دينية او ثقافية زي ما حصل كده والنخبة

المثقفة نصبوا محمد علي والي على مصر! بصرف النظر عن ان

ده كان صح او غلط، لكن النخبة لما هتتحرك عامة الشعب هيمشي

وراها! مش مطلوب من كل الناس تكون جمال الدين الأفغاني

او محمد عبده! عامة الشعب مش مطلوب منه الكثير طول مهو

مطحون في لقمة العيش، وحياته مهددة بالخطر يوميًا، الحل

المجتمعي، لازم يكون نابع من مجتمع سليم عنده اساس سليم

ومسار واضح، واحنا بنفتقد ده حاليًا، عشان كده مفيش حلول

جذرية في التغيير، لازم كل حاجة تاخد وقت، والحل المجتمعي،

هيكون واضح بعد ما المجتمع يحصل على اساسيات حياته

المعيشية، اكل، صحة، تعليم، الوضع مش هين، مطلوب من كل ام وأب يربوا عيالهم كويس، اعتقد ده الحد الادني حاليًا…