#افلام 2013 | Explore Tumblr Posts and Blogs

mr-reda · 2 years

Video

فيلم البرئ يعتير آحد اعظم افلام السينما المصرية التي لخصت حكم العسكر منذ انقلابهم على الملك فاروق في العام 1952 ، وكانت المقولة الشهيرة آنذاك تقول “ كان لدينا ملك واحد ، الآن أصبح لدينا 13 ” محمد نجيب كنت رئيسا” نسبة لعدد الضباط الاحرار (الاشرار ) الذين انقلبوا على الملك ،وهو ما يعرف بمجلس قيادة الثورة ، على غرار مجلس الكلب الغادر/ المشير حسين طنطاوي العسكري ابان ثورة يناير 2011 المجيدة التي كان هدفها الاول القضاء على حكم العسكر للابد قبل تحالف العسكر مع جماعة الاخوان المسلمين على أهداف الثورة الحقيقية وغدر جماعة الاخوان بالثورة والثوار ظنا” منهم أن العسكر خير شريك لهم ؟ ولأن الطماع دائما ما يخسر كل شيء في النهاية انقلب عبد الفتاح السيسي على جماعة الاخوان في العام 2013 أي بعد تولي محمد مرسي الرئس الاخواني حكم مصر ؟ وللاسف طوال 70 عام من حكم العسكر لمصر ، و الذي أدى الى افقار وازلال المصريين في أسوء حقبة تاريخية تعرضوا لها وهي حكم عبدالفتاح السيسي الحاكم العسكري الطاغية المستبد ؟ فيلم الليلة صالح لكل العصور أذا أردت التعمق في حياة المصريين البسطاء التي لا تهمهم سوى لقمة العيش الكريمة شاهد هذا الفيلم حيث غاص العبقري وحيد حامد في طبقة المهمشين المصريين وهي الاكثرية في بلد يقع منه 95% تقريبا تحت خط الفقر بمراحل بينما يتمتع 5% الباقية بحياة مرفهه من كل الجوانب ستجدهم هناك في الساحل الشمالي الشرير ، في قصور وفيلات بعشرات و بمئات الملايين من الجنيهات ؟ السيسي نفسه شيد له قصرا” كقصور الف ليله وليلة (مدينه العلمين الجديدة ) ؟ في بلد يتوحش فيه الفساد والغلاء و سحق المواطن بكل الوسائل ، بلد فيه الحياة الكريمة عبارة عن إعلان تليفزيوني ، بينما يبعد عنهم عدةكيلومترات صغيرة حيث هناك أيضا على نفس ساحل البحر المتوسط تزهق أرواح الالاف من شباب المصريين سنويا غرقا في البحر على أمل حصولهم على هجرة غير شرعية الى أوروبا حيث الحياة الكريمة التي تليق بكل البشر ؟ منذ عشرات السنين تتمتع عائلات العسكر العريقة أبناء الجنرالات والضباط وكل منتفعيهم في كل المجالات باموال مصر بعدما حصلوا عليها بطرق غير مشروعه (فساد مزمن ) ترعرع وتربع في عصورهم من أول الطاغية الفاسد جمال عبد الناصر ( مؤسس دولة الاستبداد والفساد العسكرية ) حتى الآن عصر آخر رئيس عسكري لمصر وهو عبد الفتاح السيسي أسوء ما أنجبت مصر وأكاد أقتنع انه ليس مصريا أصلا ؟ من هول ما اوصلنا الية حكمه المستبد الظالم ، فهو قاهر المصريين و مفقرهم ؟ فيلم البرئ من اخراج المخرج الشجاع عاطف الطيب و من بطولة أسطورة التمثيل أحمد زكي و محمود عبد العزيز ونخبه آخرى من النجوم ، وتم انتاجة في العام 1985 و مازالت مادتة الفيلمية صالحة حتى الآن ؟ رفاهية ورغد عيش الضباط و الجنرالات وقتل المصريين الفقراء المهمشين بكل الوسائل الممكنه و الفوضى أيضا أساس حكمهم ، لا آحد يعرف قيمه و حجم ثروات عائلات العسكر منذ عام 1952 حتى الآن كم يملكون في بنوك أوروبا وأمريكا و دول الخليج ؟ الامارات مثلا ؟ لماذا لا يخبرنا السيسي بحقيقة ثروته داخل وخارج مصر ومن اين حصل عليها ؟ وكذلك ابناء مبارك و أبناء السادات وأبناء الاب الروحي للعسكر جمال عبد الناصر ؟ لماذا لا يخبرونا ؟ ألم يكذب علينا السيسي ويقول أنه شريف أوووي ؟!

#فيلم #مصر #السيسي #فيلم البرئ

4 notes · View notes

bonboony · 3 years

Text

افلام تشوفها وانت محتاج تعيط..

- Detachment (2011)

- The Pianist (2002)

- Manchester by the Sea (2016)

- Fruitvale Station (2013)

-About Schmidt (2002)

- Biutiful (2010)

- Vera Drake (2004)

- The Boy in the Striped Pajamas (2006)

33 notes · View notes

fahed-essa · 4 years

Text

١٠ افلام دراما عن مرضي نفسيين ..

ف يوم من الأيام لما كنا نسمع عن حد مريض نفسي او بيروح لدكتور نفسي كنا بنقول ده مجنون ، وف بعض الأحيان كنا بنتجنبه كمان ، كنا بنعتبره شخص مش سوي مينفعش نختلط بيه .. لكن دلوقت الزمن اتغير والواقع بقي قاسي علي الكل فبقي المرض النفسي اسلوب حياة وموجود عند اغلب الأجيال الجديدة ومن ناحية تانية موضة بيتمسح البعض فيها عشان يكتسبوا قيمة ميستحقوهاش

المرض النفسي يعتبر من الأسرار اللي محدش بيحب يعترف بيها ف حياته أو يقول إنه خاضها إلا ف حدود ضيقة خصوصا الأمراض اللي فيها إيذاء للنفس أو للغير أو احتاجت نخش مصحات أو جلسات مستمرة مع دكاترة ، وخصوصا كمان الأمراض اللي نتجت بسبب عنف أسري أو صدمات نفسية أو حوادث تحرش وإغتصاب

دي قايمة من عشر افلام عن مرضي نفسيين سواء ف قالب درامي أو غامض أو كوميدي ، منهم ناس مروا بتجربة العلاج وناس مكنوش يعرفوا اصلا أنهم مرضي ..

1 - Black Swan ( 2010 )

“ الإضطراب الذهني ”

اول ضغط نفسي بيمر بيه الإنسان ف حياته هو الضغط اللي جاي من الأهل خصوصا لو بيلغوا تفكيرك وبيحولوك لعروسة ماريونيت بيوجهوها حسب ما هما عايزين ودي كانت البذرة اللي كبرت عليها شخصية نينا راقصة الباليه المشهورة .

لكن ف سبيل الكمال وبسبب تعلقك بشيء عاوزه بشدة سواء شخص أو شيء معنوي ممكن تناقض شخصيتك وتقدم تنازلات عشان خاطر توصل ، تنازلات هترفضها بالاول لكن بالوقت هتبقي عادي عندك .

القصة عن مخرج بيحضر لعرض مسرحي عن بحيرة البجع لكن بمعالجة بيبرز فيها البجعة السوداء ، الجزء الأعمق ف شخصية البجعة ، بيعمل تجارب لراقصات باليه عشان يختار منهم بطلة العرض وبيفاضل بين اتنين ف النهاية بينهم نينا “ ناتالي بورتمان ” .. لكن نينا شخصية عايشة ف ضل امها ، بنت رقيقة وهادية ، شخصية خاوية ، مجرد بنت شاطرة ف رقص الباليه لكن لأن الرقص شغفها الأول ولأنها حست أن الدور هيضيع منها ولأنها قدمت شخصية البجعة السوداء ف البروفات من غير احساس بعمق الشخصية بيقرر المخرج تبديلها

الفيلم بيظهر الهلاوس اللي بتتعرضلها والإضطرابات والصراعات الداخلية وبداية التمرد ع النفس ف سبيل الوصول لغايتها ، الوصول الكمال .

ناتالي بورتمان فازت بأوسكار عن دورها

2 - One flew over the cuckoo’s nest ( 1975 )

“ مجموعة أمراض ”

المشاهد السطحي لما هيتحط ادامه فيلم زي ده هيشوفه فيلم قديم عن مستشفي “ مجانين ” .. لكن الحقيقة الفيلم ده ملحمة وساعات هتحس أنه مليان إسقاطات ع الواقع .

الفيلم حبكته الأساسية عن متهم ف قضايا إغتصاب بيتدعي الجنون عشان يتحط ف مصحة امراض نفسية بدل السجن لكن الحقيقة بيكتشف أنه دخل سجن اكبر وبيجاهد عشان ينول حريته من تاني . الفيلم هنا مش معركة بين الخير والشر لكن معركة بين الحرية والقمع ، السجين والسجان ، بين جاك نيكلسون والممرضة الديكتاتورية اللي بتمنع كل وسائل البهجة علي المرض والحياة داخل المصحة ما هي إلا روتين وعلاج قاسي بالكهربا بل والعقاب نفسه بالكهربا .

المرضي نفسهم منهم اللي بيعاني من إضطرابات عقلية أو عصبية وهتحس انك جوة الأحداث بل وهتخاف يبقي مصيرك زيهم لما تشوف شخصية جاك نيكلسون العاقل اللي كان عاوز يدخل الحياة ف قلوب المرضي لكن واحدة واحدة بيلاقي نفسه بقي شبههم ، مسجون ف سلطة الممرضة الديكتاتورية

الفيلم فاز ب ٥ اوسكار ، منهم واحد لجاك ومنهم للممثلة اللي عملت دور الممرضة

3 - Silver linings playbook ( 2012 )

“ الإضطراب ثنائي القطب ”

لما تحب توضح لحد يعني ايه مرض نفسي بطريقة بسيطة وخفيفة ممكن ترشحله الفيلم ده ، بعدها هيبدأ يفهم أن المرض النفسي مش جنون وف نفس الوقت مش هيستقل بيه

قصة الفيلم عن مدرس خرج من المصحة بعد ماقضي فيها فترة طويلة بسبب صدمة اثر خيانة مراته له ، بيخرج بشرط يفضل ياخد علاجه علي امل يرجع طبيعي زي الأول وبعد بخروجه بفترة بيتعرف علي تيفاني “ جينيفر لورانس ” اللي بدورها لسه خارجة من صدمة وفاة زوجها ويمكن اول دردشة بين الاتنين كانت عن انواع المهدءات والأدوية اللي كانوا بياخدوها أثناء ازمتهم

الفيلم هيقربك من نوبات الإضطراب ثنائي القطب وحالات تقلب المزاج الشديد بطريقة بسيطة متحسسكش انك ف محاضرة بل بالعكس الموضوع متوظف كويس جدا ف دراما رومانسية بين الإتنين هتخليك تحب الفيلم وتحب تشوفه تاني ، يمكن ده من اكتر الأفلام الرومانسية اللي بحبها لأنه مكنش عن الاتنين بس ، عن العيلة والصحاب ، الدايرة اللي بنكون جواها لحد ما نموت .

جينيفر لورانس خدت اوسكار عن دورها

4 - A beautiful Mind ( 2001 )

“ الفصام ”

قصة حقيقية عن عالم الرياضيات جون ناش واللي كان بيعاني من الفصام ، تخيل ناس ملهمش وجود بل وبيعتبرهم صحابه وإيهام نفسه أنه الجندي المجهول اللي هينقذ امريكا من الروس

الجميل في الفيلم العلاقة بينه وبين زوجته اللي مهربتش بعد ماعرفت الحقيقة ، بل بالعكس هي اللي فضلت جنبه وساعدته لحد ما خد اكبر جايزة ف مجال الرياضيات لأن مرضه مكانش مساعده ف شغله وبيضعف قدرته علي التفكير والإبداع ، يمكن لو جون ناش كان البطل بسبب عبقريته وبسبب مرضه ، فزوجته كانت البطلة بسبب أصالتها وإخلاصها وصبرها ، يمكن هي المثال اللي اي راجل بيدور عليه لأن لو كل الدنيا علينا فهتفضل اللي زيها السند والضهر والحيطة اللي بنستخبي وراها

الفيلم فاز بأوسكار افضل فيلم وافضل ممثلة مساعدة “ جينيفر كونلي ” الزوجة ، وجوايز تانية

5 - The Machinist ( 2004 )

“ الأرق والبارانويا ”

تريفيور “ كريستيان بيل ” عامل بيعاني من الأرق من حوالي سنة تقريبا بسبب حادث بيحاول يفتكره وبسبب الأرق صحته بتتأثر وبيتوهم ببشر ملهمش وجود مع بعض الهلاوس وبسبب حالته وإحساسه بالمؤامرة بيقطع ايد حد من زمايله ف المصنع

الفيلم عن عقدة الذنب وقدرتها علي تحطيم حياة إنسان لدرجة أنه يكون شبه الهيكل العظمي من قلة النوم ، الفيلم سوداوي ومخدش شهرة كافية اعتقد بس ده واحد من الأفلام اللي كريستيان بيل غير فيها شكل جسمه عشان دوره ، نزل من وزنه هنا ٢٦ كيلو عشان يكون متقمص الدور كويس ، اكله كان عن عبارة علبة تونة وتفاحة لمدة أربع شهور

6 - Revolutionary Road ( 2008 )

“ الاكتئاب ”

زواج الواقع بالخيال أو الروتين بالتمرد مبينتجش عنه غير الخوف والفشل ، خصوصا لما يكون الخيال والتمرد متجسدين ف صورة المرأة مش الراجل ، وده فيلم عن دور العلاقات في صناعة الأمراض النفسية

قصة الفيلم عن موظف بيتجوز ممثلة مسرح عن حب ، بتمشي الحياة عادي لحد مابتقترح الزوجة أنهم يعيشوا ف باريس بروح جديدة وحياة جديدة يحققوا فيها احلامهم ويعتزل الزوج وظيفته ويعتزلوا الروتين ، ينقذوا زواجهم من الرتابة والملل

بعد جدال طويل بيوافق الزوج وبيتحمس للفكرة ، الفكرة اللي اتكتب فيها ملايين الاغاني والقصايد ، انك تاخد حبيبك وتهربوا من زيف العالم لعالم احلامكم لكن ترقية الزوج ف شغله وزيادة مرتبه بتخليه يعيد حساباته ويرفض الفكرة وميسافروش ، فبتبدأ هنا المعركة بين البحث عن الإستقرار والبحث عن الحرية ، بتتوتر علاقة الزوجين لأبعد حد وبتتدهور نفسية الزوجة بالتحديد ، عشان كان نفسها ف واقع جديد ، روح جديدة وشغف جديد ، خصوصا أن شغفها الشديد بالفكرة اتحول لحالة ثورة داخلية ضد زوجها لحد ما بينتهي الفيلم بنهاية مأساوية

7 - Persona ( 1966 )

“ الصمت الانتقائي ”

أعمق فيلم ف الليست ومش كل الناس هتقدر تستوعبه أو تحبه ولكن يقال انه أفضل الأفلام الأوروبية .

الفيلم بيتكلم عن ممثلة مسرح بتقرر تصمت بإرادتها للأبد نتيجة وحشية وزيف العالم ، بتدخل لمشفي يساعدها ع الكلام وبترعاها ممرضة ف بيت بيطل علي البحر وعلي النقيض الممرضة مبتبطلش كلام وحكايات طول الفيلم ، عن خطيبها وعن نزواتها علي امل التانية تستجيب وتشارك ، لكن طول الفيلم حد بيحكي وحد بيسمع ف بيت بعيد عن كل البشر ، الفيلم فلسفي واعمق من فكرة اتنين بيتكلموا ومن اكتر الأفلام اللي نزل عنها مقالات وتحليلات ، خليط بين السينما وعلم النفس والفلسفة ، انصحكم بيه لو بتدوروا ع القصة مش ع التسلية

8 - Good Will Hunting ( 1997 )

“ الإضطراب الذهني ”

قصة عن شاب مضطرب نفسيا بسبب طفولة قاسية نتيجة عنف منزلي ، بتشاء الظروف أنه يكون عبقري في الرياضيات لكن المؤسف أنه بيعيش ف وضع بائس وسط حي فقير وبيشتغل عامل نظافة ف معهد ماسوتشوستس لحد ما بيكتشف موهبته بروفيسور ف المعهد ده ، قصة عن شاب فاقد لهويته وميعرفش هو عايز ايه ف حياته بسبب الخوف وسيطرة الماضي علي عقله الباطن .

الفيلم بيظهرلك الإنسان ف الحالة دي لما بيتحب بيتصرف ازاي ، بيعامل حبيبته دي ازاي ، هيقدر يحبها بكل طاقته وبدون خوف ولا ، هيكون عنده الثقة أنه يكمل ؟ .. بيظهرلك أما الانسان ده تجيله فرصة يخش التاريخ من أوسع ابوابه بسبب عبقريته هيستغل الفرصة ولا هيرفضها ، انسان زي ده لما يتحط ادام دكاترة نفسيين عشان يعالجوه ويقيموا حالته هيساعدهم ولا هيكابر إقتناعا بأنه مش محتاج علاج ، الإنسان ده هيكون ايه دور صديقه المقرب وهو بيشوف صديقه بيعاند نفسه والناس ، بيعاند مستقبله .

الفيلم نفسي من الأفلام اللي بتجمع بين كذا خط ، وخط الرومانسية فيه للناس اللي بتحب قصص الحب المخلوطة بالألم النفسي هيتحب جدا ، واخيرا فيلم فيه روبن وليامز كدكتور نفسي ده لوحده قصة تانية

الفيلم فاز بكذا اوسكار منهم افضل ممثل مساعد لروبن وليامز ، افضل سيناريو اصلي “ مات ديمون / بن افليك ” .. هما اللي كتبوا القصة وده اول دور ليهم

9 - What’s Eating Gilbert Grape ( 1993 )

“ التأخر الذهني ”

بداية مشوار ليوناردو دي كابريو مع جوايز الأوسكار ، اول فيلم يترشح عنه للأوسكار في سن ال ١٩ ، وده من اوائل الأفلام اللي شوفتها ف حياتي عموما ، اول مرة شوفته كان من ١٥ سنة علي الأقل فهو من الأفلام العزيزة لاني شوفته بنفس بريئة وكنت لسه نضيف وقتها .

الفيلم عن جيلبرت الاخ الاكبر اللي بيرعي اخوه الصغير وعيلته بعد انتحار أبوه بسبب عدم قدرته علي رعاية أولاده ، بجانب الأم اللي بتعاني من سمنة مفرطة خلتها مخرجتش من بيتها من ٧ سنين ، وبين الإلتزامات اللي بتقيد حركة جيلبرت وحريته بيقابل بالصدفة بنت بتعطل عربيتها ف مدينته . بيتعلقوا ببعض بعد فترة وده بيخليه يهمل أخوه المريض اللي بيحتاج رعاية خاصة ، وبين جمال التعلق وسوء القيود جيلبرت بياخد موقف مع الحب .

انا بحب الافلام اللي بتتضمن فكرة العيلة لأسباب شخصية ، فكرة البطل اللي ماشي ف مسار ما وتأثير المسار ده علي الأهل سواء بالإيجاب أو بالسلم ، يمكن ده بيفكرني بالمجتمعات الشرقية اكتر ، العيلة ثم احلامك

10 - Enemy ( 2013 )

“ إضطرابات نفسية ”

يمكن ده من الأفلام اللي هتحتاج انك تشوفه اكتر من مرة عشان تفهم قصته لكن مش هتحس بملل معاه .

الفيلم عن استاذ جامعي حياته روتينية ومملة مفهاش شيء مبهج ، بيقترح عليه زميله ف الشغل يشوف فيلم وبعد تأجيل لفكرة مشاهدة فيلم كزا مرة بيقرر يبدأ يشوفه ف ليلة كان في توتر ف علاقته بزوجته لكن بيلاقي أن في ممثل ف الفيلم شبهه بالظبط ف الشكل وف الصوت وف كل حاجة فبيبدأ رحلته ف البحث عن الممثل ده ومعرفة شخصيته عاملة ازاي .

الفيلم بيغلب علي الصورة بتاعته اللون الأصفر المطفي ، درجة اللون دي هتحسسك انك ف متاهة أو مسجون ، معرفش ليه ، بس هتدخلك وسط موود الفيلم بسرعة ، مش هتفهم الفيلم من اول مرة بسبب عمق التفاصيل جواه لكن هتحبه .

يومكم لطيف ❤

114 notes · View notes

egsoon · 2 months

Text

فيلمFaraaz 2023مترجم | إيجي سون

#أحدث الافلام هندية #فيلم فيلمFaraaz 2023مترجم

0 notes

dealifnd · 2 years

Text

افلام عن الاكتئاب

أقوى افلام عن الاكتئاب تم إنتاجها في تاريخ السينما الأمريكية مميزة جدا وتستحق المشاهدة، جمعناها خصيصا لك. افلام عن الاكتئاب أفضل افلام عن الاكتئاب أنتجتها أكثر العقول إبداعات على مر التاريخ لتحظى بمشاهدة ممتعة للغاية. 1. آثار جانبية – side effects افلام عن الاكتئاب سنة الانتاج تم إنتاج الفيلم عام 2013 مدة العرض 106 دقيقة التقييم حاز الفيلم على تقييم 7,1/10 من تصويتات المتفرجين على موقع…

View On WordPress

#أفلام عن الوحدة و الاكتئاب #أفلام مصرية عن الاكتئاب #فيلم عن الانطوائيين

0 notes

arab-moviez · 5 years

Text

فيلم الرعب والاثارة Evil Dead 2013 مترجم اونلاين

New Post has been published on https://cimazoom.com/movies/%d9%81%d9%8a%d9%84%d9%85-%d8%a7%d9%84%d8%b1%d8%b9%d8%a8-%d9%88%d8%a7%d9%84%d8%a7%d8%ab%d8%a7%d8%b1%d8%a9-evil-dead-2013-%d9%85%d8%aa%d8%b1%d8%ac%d9%85-%d8%a7%d9%88%d9%86%d9%84%d8%a7%d9%8a%d9%86/

فيلم الرعب والاثارة Evil Dead 2013 مترجم اونلاين

0 notes

c0mplicated96 · 3 years

Text

افضل 9 افلام اكشن

إذا كنت تحب مشاهدة الأفلام الأجنبية في أوقات فراغك وبالأخص أفلام الأكشن وترغب في معرفة أفضل أفلام الأكشن على مر التاريخ للبدء في مشاهدتها أون لاين أو تنزيلها على جهازك لمشاهدتها في وضع عدم الاتصال بالإنترنت؟ فتابع هذا المقال الجديد لأننا سنتحدث عن 10 أفلام أمريكية من بين أقوى أفلام الاكشن على مر التاريخ على مر التاريخ، مع العلم أن الأفلام التي سأعرضها عليكم في هذا المقال تم اختيارها بعناية من بين عشرات العناوين التي يتم إطلاقها كل عام وفيما يلي سنطلع على أهم وأبرز أفلام الأكشن التي تعرضها نخبة من أفضل مواقع تحميل الأفلام.

أفضل 10 أفلام أكشن أمريكية على مر التاريخ

فيلم Mad Max: Fury Road

فيلم Mad Max: Fury Road من أشهر أفلام الأكشن الأمريكية على مر التاريخ، وهو الجزء الرابع من سلسلة ماد ماكس للكاتب والمخرج جورج ميلر، وتدور أحداثه المثيرة للجدل لما بعد نهاية العالم حيث يجتمع فيوري رود مع ماكس روكاتانسكي الذي يلعبه توم هاردي في أرض خراب يحكمها طاغية وتقوم مجموعة من النساء السجينات بقيادة تشارليز ثيرون ورجل مضطرب عقليا وتائه وهو ماكس روكاتانسكي بالتمرد على زعيم الطائفة إيمورتان جو بحثاً عن موطنهم الأصلي ويحاولون الهروب منه مع العلم أن طريقهما إلى الأمام سيكون مليئا بالمطبات. تم إطلاق هذا الفيلم لأول مرة في عام 2015 من اخراج جورج ميلر وبميزانية انتاج وصلت إلى 150 مليون دولار أمريكي.

فيلم Gladiator

Gladiator هو فيلم أكشن تاريخي من إخراج ريدلي سكوت ومن تأليف ديفيد فرانزوني وجون لوجان وويليام نيكولسون، تم إطلاقه في عام 2000 وتدور أحداثه حول Russell Crowe الذي يلعب دور الجنرال الروماني مكسيموس ديسيموس ميريديوس الذي يعاني عند وفاة الإمبراطور الحالي ماركوس أوريليوس على يد ابنه كومودوس (يلعب دوره خواكين فينيكس) الطامح للاستيلاء على العرش والذي يريد قتل ماكسيموس ليصبح هو الامبراطور ولكن ينجو مكسيموس من مصيره فقط ليجد نفسه في أرضية الكولوسيوم في روما وتستمر الأحداث حتى وفاة ماكسيموس متأثرا بجراحه التي نتجت عن طعنة بسكين كومودوس الخائن.

فيلم Kill Bill: Volume 1

الجزء الأول من Kill Bill مليء بالإثارة ويشرح بالتفصيل الانتقام الهائل الذي قامت به Uma Thurman بعد أن حاول عشيقها السابق قتلها في يوم زفافها وذلك بعد أن استيقظت من غيبوبتها التي دامت أربع سنوات فهي مصممة على الانتقام من جميع الشركاء السابقين الذين تركوها وطفلها الذي لم يولد بعد ميتاً بما في ذلك قائدهم بيل الذي يلعب دوره ديفيد كارادين وبدأت بالرجل الذي كان يريد اغتصابها في المستشفى قبل أن تستفيق من غيبوبتها بالإضافة إلى ممرض كان يتاجر بجسدها خلال غيبوبتها وبعدها تعزم على قتل Bill وأعضاء الفرقة الأربعة الآخرين وتبدأ في البحث عن كل منهم، انطلق الجزء الأول من كيل بيل في عام 2003 وبعد أن انتشر بشكل كبير بين المستخدمين وحصل على أكثر من 180 مليون دولار في شباك التذاكر تابعته الشركة المنتجة بالجزء التاني وكان ذلك في عام 2004. يمكنك متابعة تفاصيله الكاملة عبر موقع تقني 101.

فيلم Die Hard

في الثمانينيات من القرن الماضي كانت أفلام الأكشن تميل إلى أن تكون حكراً على الرجال أصحاب العضلات الذين يشقون طريقهم إلى تعداد الجسد اللامتناهي؛ في نهاية العقد قام نجم كوميدي تلفزيوني ومخرج خيال علمي ورعب بعمل فيلم اكشن تحت مسمى Die Hard تدور أحداثه حول شرطي من نيويورك يدعى جون ماكلين الذي يلعبه Bruce Willis والذي يجد نفسه باستمرار في وسط أزمة حيث يكون الأمل الوحيد ضد الكارثة وذلك بعد أن تم اختطاف زوجته وابنتيه تسمتر احداث الفيلم لمدة 5 اجزاء تم إطلاقهم على فترات حيث تم إطلاق الجزء الأول في عام 1988 والجزء الثاني في عام 1990 والجزء الثالث في عام 1995 والجزء الرابع في عام 2007 والجز الخامس والاخير في عام 2013 ووفقاً للشركة المنتجة فأن سلسلة الأفلام مجتمعة حققت ايرادات تبلغ 1.4 مليار دولار في جميع أنحاء العالم.

فيلم The Dark Knight

The Dark Knight هو فيلم اكشن أمريكي انطلق لأول مرة في عام 2008 مبني على شخصية قصص دي سي المصورة باتمان وبداخل هذا الفيلم تم تسليط الضوء على العلاقة النقضية بين باتمان والجوكر حيث يقوم الجوكر بقتل ريتشيل داوس أحد أقرب الشخصيات من بروس واين وأيضاً قام بقتل العديد من الأشخاص خلال الفيلم ومع ذلك امتنع باتمان عن قتله في النهاية، هذا الفيلم الأمريكي من تمثيل كريستيان بيل وهيث ليدجر وغاري أولدمان وآرون إيكهارت ومايكل كين ومورغان فريمان وحقق إيرادات وصلت إلى 1.04 مليار دولار.

فيلم Aliens

يعتبر فيلم Aliens أحد أفضل 10 أفلام أكشن أمريكية على مر التاريخ وذلك بسبب الشهرة الكبيرة والجوائز العديدة التي حصل عليها فور إطلاقه في عام 1986 وتدور أحداث الفيلم حول Sigourney Weaver التي تجد نفسها في مواجهة عدواً شرساً متعدد الأسنان في مستعمرة فضائية مهجورة لكنها الآن محاطة بالعديد من الإسلحة بالإضافة أن هذا الفيلم يتمحور حول هوس شركة يسيطر عليها الذكور بتطوير أسلحة بيولوجية بغض النظر عن الثمن البشري، إنه نوع من الاستعارة لشرور الأعمال التجارية الكبرى؛ الممثلون سيغورني ويفر وبول ريزر ولانس هنريكسن ومايكل بين وبيل باكستون وكاري هين.

فيلم The Matrix

في عام 1999 تم إطلاق أكثر من فيلم أجنبي من مختلف الفئات بما في ذلك فيلم The Matrix الذي ينتمي إلى فئة الأكشن والذي تم إخراجه بواسطة لانا وتشاوسكي وليلي وتشاوسكي من بطولة كيانو ريفز ولورانس فيشبورن وكاري آن موس وجو بانتوليانو وهوغو ويفينغ وماركوس تشونغ، تدور أحداث هذا الفيلم في ما بعد نهاية العالم الذي انتصرت فيه الآلات في الحرب ضد البشر فنحن نواجه سيناريو معقدًا يتخطى فيه انتقاد المجتمع الشاشة الكبيرة في شكل مؤامرة بينما يستمتع بمشاهد حركة سريعة الوتيرة من Neo الشخص المختار لقيادة البشر والفوز بالثورة ضد الآلات، وعلاوة على ذلك فأن فيلم The Matrix حصل على العديد من الجوائز التي جعلته من بين افضل 10 أفلام أكشن أمريكية على مر التاريخ.

فيلم Predator

Predator هو فيلم أمريكي آخر عبارة عن مزيج من فيلم حرب رجال في مهمة وفيلم فضائي ينزلق به بعض الضربات الشديدة الخبيثة في نوع الحركة جنباً إلى جنب مع بعض المشاعر المثلية إنها مليئة باللحظات المميزة مثل تدمير الغابة الأول غير المؤلم والمعركة الطينية الأخيرة بين رجل واحد وجيش ويمكن القول إن أرنولد لم يكن أفضل من ذلك أبداً ومع ذلك قام المخرج John McTiernan بتجريده إلى أجزائه المليئة بالزيت مثل أحد مجموعات قاذفات القنابل اليدوية الهجومية للحفاظ على الأعصاب متوترة والقادم وعلاوة على ذلك فيمكنك رؤيتها كنوع من الفكوك المدججة بالسلاح في الأرض الثابتة حيث يتصدى فريقها الأشيب من المرتزقة بقيادة Arnie’s Dutch Schaefer.

فيلم The Bourne Ultimatum

يعتبر The Bourne Ultimatum من أحداث الأفلام في قائمة افضل 10 أفلام أكشن أمريكية على مر التاريخ من إخراج بول غرينغراس هذا الفيلم مستوحى من رواية إنذار بورن للكاتب روبرت لودلم وهو عبارة عن فيلم اكشن محكم الإغلاق يعطي أخيراً بعض الختام لتجربة Treadstone الأكثر نجاحاً ولكن لا يمكن التنبؤ بها بينما يشرع في جولة عالمية سريعة، إنه جيد حقاً في البقاء على قيد الحياة ومحاولة قتله والفشل يزعجه وشارك في تمثيل هذا الفيلم الرائع كل من مات ديمون وجوان ألين وديفيد ستراثيرن.

مشاهدة اكشن اون لاين

افلام اكشن , احدث افلام الاكشن والحركة , مشاهدة افلام اكشن وحركة , Action , مشاهدة مسلسلات اكشن وقتال , مسلسلات اكشن وفنون قتالية , مشاهدة افلام اكشن واثارة , افلام اكشن اون لاين , مسلسلات اكشن ومتعه Cima4u السينما للجميع

4 notes · View notes