#اصل هنعمل ايه يعني

[3-zooooooz]

قالتلي:" والله ما ببقى عايزه اكلم حد بعدك علشان محدش ينكد عليا بعد الضحك اللي بنضحكه مع بعض "

وبعدين سألت سؤال شائك وقالت" هو احنا لو مكناش في حياة بعض كنا هنعمل ايه بجد !!!؟'..

بالنسبالي انا، اكيد كان زماني جرالي حاجه والله .

[lina-98m]

يا ستي نامي بقى اصل ملهاش حل هنعمل ايه يعني

[bobmarely91]

نام يسطا اصل ملهاش حل هنعمل ايه يعني 🤷

[mermelisamkmfmfekfirevill]

الحقيقه موجوده في عقلي اللاواعي ..كل الاسباب المقنعه لان الحوار دا يفشل موجوده وفي قصة الاسباب دي انا واحده قويه وباد اسس ويعتبر انا الليي نهيت الحوار لاني نوعا ما انا اللي بدات الارجومنت لاني كنت بدور على غلطه عشان الاقي سبب لعدم ارتياحي للموضوع برمته وكأني كنت بزن على خراب عشي وبحفرك عشان ابوظ الدنيا ومبنساش برضو ان انا اللي بدات الخناقه وفتحت الحوار بصراحه من الاول خالص يعني انا عارفه اني نوعا ما وقتها كنت عارفه اني بحط نهايه للعلاقه دي عشان في دماغي هي مكانتش مقنعه بالنسبالي وفدماغي برضو كنت عاوزه اوصل لاخره وعاوزه اعرف اخر حاجه وحشه ممكن يعملها هي ايه لاني زي ماقولت مكنتش مرتاحه وكنت حاسه دايما ان في حاجه غلط ف الموضوع وانه مش هيكمل كدا كدا وطول منا ساكته ومستسلمه فهو هيطول وكدا هبقا بضيع وقت اكشلي الفراغ وحش ,,ودا خلاني اقعد مع نفسي فتره طويله عشان ابروسيس اللي حصل وعشوائيته ووحاشته وقساوته ورد فعله اللي نوعا ما at the back of my head كنت متوقعاه بشكل ما او بأخر وان شخصيتي القويه التحليليه اللي عندها حدس قوي فشخ وتحليل للاشخاص والمواقف كانت عارفه نهاية القصه كدا كدا دلوقتي هي موجوده وبتكلمني كتير جدا فانه شوفتي احنا طلعنا صح وال delulus بتاعتك هي اللي ودتنا فداهيه كدا ولكن نفسي الواهمه الحالمه الغير واقعيه اللي كانت عاوزه الامور تمشي وتستمر فقصه حب اخرها حرفيا كان فعلا تلات شهور عشان هو دا تمامها لانه واحد مكانش هيستحمل ولا هيستوعب اللي انا هقدمه ولا هيستوعبني انا ودماغي حرفيا لانه محدود فكل حاجه اصل شخص معندوش شجاعة المواجهه بربع جنيه مع اول مشكله عبيطه هنعمل مع بعض ايه بعد كدا وانا اجدع واحده تواجه وتتكلم المهم ان نفسي الحالمه المتخلفه اللي كانت عاوزه تستمر نوعا ما بتحس بحنين وواحشه للشخص او للذكريات او للمشاعر المؤقته اللي بترفع السرتونين عندي عاوزه تحس بيها تاني وللاسف دي مشكله لان دا بيخليني ضعيفه غبيه وبسمع لافكاري تههاجمني وللقرارات الغبيه انها تهجم وتقولي نفذي نفذي الحمد لله مبنفذش حاجه ولاول مره من سنين i choose for the third time to rise above and not to go with the flow واني لاول مره اختار اني ابقا اهدى واسكت دايما كنت ببقا عنيفه ف المره التانيه بالكتير واعمل حاجه غبيه واقول اللي يحصل يحصل بس المرادي انا اختارت انه لاء ,,اختيار صعب الحقيقه والمقاومه اصعب مقاومه عريزة الانتقام وحشه اوي وبحاول اتحمل جزء من المسؤليه اني اصلا اللي سمحت لدا انه يحصل من الاول من اني اصلا سمحت للشخص نفسه انه يخش حياتي وانا عارفه تمام المعرفه انه بكللللل المقايس لاء لاء مينفعش لاء مش مناسب لاء صعب نعمر مع بعض ولاء هو عمره ماهيكون الراجل اللي احس بامان معاه تجاهلت الحقيقه دي تماما لمجرد انجرافي مع مشاعر كنت مفتقداها او كان نفسي اعيشها نظرا لاني عمري ماعشتها وغضبي ناحية انه سرق حاجه مش من حقه مشاعري ووقتي وغفلنيي وخدت على قفايا بتحمل برضو جزء من المسؤوليه ان انا اللي سمحت لدا انه يحصل وان انا اللي فلت ايدي لوهله وكحد هوايته هي الندم فجلد الذات كله واقع دلوقتي عليا ان انا اللي سمحت والحقيقه دي حاجه صعبه التعايش معاها اصل مفيش حاجه هتغير الماضي وكلنا عارفين دا ودا مولد عندي رغبه فاني لازم انتقم او اخد حقي رغم اننا عارفين ان مش دا الوقت اللي هقدر اخد فيه حقي وهو عز غضبي .. دا مش هيحصل دلوقتي ع الاقل ووارد ميحصلش خالص ودا هيبقا قمة اللاعدل بصراحه !!! مش حاسه اني استاهل دا لان ف الاول وف الاخر كيف يفلت المجرم بفعلته !! احا يعني

[a-3asfoor]

حقيقي يعني الواحد محتاج يحب ويتحب ماهو اصل هنعمل ايه بالسهر ده !

[hebabutterfly]

لما بشوف حد بيجلد ذاته وزعلان ببقي عايزة اجيبله شنطة شوكولاته وكاندي واقوله معلش اصل حمورية الانسان دي طبع هنعمل ايه يعني متزعلش نفسك❤

[islam-ahmed-elazab]

ف ورشة من ورش تعليم التمثيل ،مجموعة شباب صغيرين بيتدربوا على ايد واحدة اسمها " ستيلا إدلر " اللي جت ف يوم و طلبت منهم انهم يعملوا دور مجموعة فراخ في مزرعة هتنزل عليهم قنبلة حالاّ..

انقلبت الورشة تنطيط و بكبكة بقى من كل اللي كانوا فيها إلا شاب خد ركن بعيد لواحدة و قعد،و لما قربت منه ستيلا تسأله انت بتعمل ايه جاوبها انه فرخة و راقد عالبيض،فقالتله بس فيه قنبلة هتنزل دلوقتي!!

فرد قالها انا فرخة، هفهم منين يعني ايه قنبلة...!!

الاستاذ المحترم اللي كان راقد على البيض ده كان الاسطورة المخلدة لحد دلوقتي في السنيما الامريكية " مارلون براندو "

و لو مش عارف مين ده ف انت اكيد عارف بس مش واخد بالك او لمحت صورته قبل كده،مارلون هو البابا الحقيقي،

هو الgodfather

ف بداية مارلون كممثل هاوي على المسرح لفت عيون النقاد كلهم و خلاهم يركزوا معاه و يستنوا سطوع ظاهرة جديدة في عالمهم،و هو الصراحة مخذلهمش و اترشح للاوسكار عن نفس الرواية بس لما عملها المخرج " إليا كازان " فيلم سينمائي..

مين " إليا كازان " ده هو مخرج فيلم " ڤيڤا زاباتا " واحد من علامات السينما، لما أشتغل إليا مع مارلون أول مرة ف رواية عملوها مع بعض،اول حد رشحه لبطولة إليا لفيلمه " ڤيڤا زابتا " كان مارلون،

و برضه بعد الفيلم اترشح ل اوسكار لتاني مرة بس مخدهاش و خد جايزة احسن ممثل عن الدور في مهرجان كان،تالت مرة يترشح براندو للاوسكار كان عن فيلم يوليوس قيصر،بس المرة دي ياخد الاوسكار...

الدنيا كلها ف سوق السينما بدأت تلتفت ل مارلون،مين يا جماعة اللي كل ما يعمل دور يترشح لاوسكار ده او يخبط ف جايزه..

الكلام ده كله كان في الخمسينيات،في الستينيات انقلب السحر عالساحر،بالتحديد اول الستينيات يدخل مارلون فيلم يسقط سقوط يسمع في الوسط،سقوط الفيلم كان ليه اسباب طبعا من اهمها كان مارلون نفسه اللي وراهم وش و شخصية تانية خالص،سهر،ستات،مفيش اي إلتزام بمواعيد تصوير،تدخل في النص و المشاهد،ده غير أجر مارلون عن الفيلم ده اللي وصل ل مليون و ٢٠٠ دولار ف اول الستينيات تحديدا سنة ١٩٦٢،

تحول غريب جدا وغير متوقع لدرجة ان ابن مارلون ��يحكي ف مقابلة اعلامية عن الفترة دي قال ان العيلة في الوقت ده كانت مش مستقرة خالص و كان طبيعي اني اقوم الصبح اقعد على الفطار الاقي ناس اسألهم انتوا مين...

سنة ١٩٦٩ نزل السوق رواية اسمها ( the godfather ) لمؤلف اسمه " ماريو بوزو " كسرت الدنيا و باعت اكتر من ٩ مليون نسخة في سنتين بس...

سنة ١٩٦٧ و قبل ما رواية " بوزو " تنزل السوق بسنتين كان فيه شركة انتاج في السوق اسمها " استوديو باراماونت " أعلنت انها هتحول رواية المؤلف " ماريو بوزو " الجديدة لفيلم سينمائي،. ده بسبب ان الشركة دي كان عندها وظيفة اسمها كشاف ادبي دوره انه يجبلهم روايات و قصص تتعمل افلام،

و ف الوقت ده وقع ف ايده مسودة ل رواية و اتفق مع " بوزو " اللي بيتقال انه في الوقت ده مديون بسبب القمار على انه يكملها و تتعمل فيلم مقابل ٨٠ الف دولار،فوافق..

استوديو باراماونت الوقت ده ��انت بتمر بمفترة زي الزفت،اخر ٣ افلام ليها في السوق تقريبا اتصرف عليهم حوالي ٨٥ مليون دولار و مفيش فيلم فيهم نجح...

و لما أعلنت عن ال godfather اتحط ميزانية للفيلم ٢ و نص مليون دولار ، بعد ما كانت بتحط ميزانية ب ال٢٠ و ال ٣٠ مليون دولار في للفيلم الواحد...

و بدأت الشركة تحضر للفيلم،يلا يا جماعة هاتولنا مخرج يعمل الفيلم..

مفيش!!

الفيلم اتعرض على ١٢ مخرج و مفيش مخرج فيهم وافق،لحد ما الفيلم راح لمخرج صاعد اسمه " فرانسيس كوبولا " الانتاج شاف انه فيه المواصفات اللي كان بيدور عليها،مخرج من اصل ايطالي،هيرضى بمبلغ قليل عشان لسة يعتبر جديد و كمان فيلمه للاخير سقط و ده برضه هيقلل اجره و يخليه يركز ان فيلمهم ينجح..

بس المفجأة ان كوبولا بعد ما قرأ الرواية رفض الفيلم و قالهم انها رواية ضعيفة و فيها إثارة زايدة عن اللازم،بس الكل ضغط على كوبولا لانه كان مديون ب ٤٠٠ الف دولار ف الوقت ده..

كوبولا اول ما حط ايده في الفيلم جاب الاستاذ " مارلون براندو " عشان يلعب دور الشخصية الرئيسية في الفيلم، و " آل باتشينو " ك ممثل مساعد..

الدنيا قامت ماقعدتش و الانتاج اعترض،يا عم براندو مين اللي انت جايبهولنا ده احنا مش ناقصين عطلة و دربكة،آه صحيح ان براندو ممثل تقيل و معجون تمثيل بس احنا مش حمل اللي بيعمله دلوقتي،ثم إن مين آل باتشينو ده كمان احنا مش ناقصين هواه..

آل باتشينو كان ممثل صغير جدا يكاد يكون مهمش،كل رصيده تقريبا فيلم واحد و سقط برضه و كان ماضي مع شركة انتاج تانية و لو دخل الgodfather هيدفع شرط جزائي و هو معهوش اصلا،غير الناس دي يا عم كوبولا احنا مش ناقصين حوارات...

كوبولا يركب دماغه و العرق الايطالي يظهر و يقولهم يا الاتنين دول يا أنا مش في الفيلم،شوفوا حد تاني...

ف الانتاج يستجيب و يقول ل كوبولا انه موافق المهم الفيلم يخلص،يشتغل الطلياني و يختار كاست و يرجع يفركشه و فضل على كده شوية لحد ما الانتاج قاله تعالا انت بتخسرنا ف اليوم الواحد حوالي ٤٠ الف دولار باللي انت بتعمله ده،و كلموا مخرج تاني عشان يحل محل كوبولا اللي قالوا عليه انه معندوش خبرة لسة بسبب اللي بيعمله و مش هينفعنا و هيبوظ الدنيا و كان المخرج ده هو كازان اللي اشتغل مع براندو ف الاول خالص،بس المرة دي براندو هو اللي وقفلهم و قالهم انا برة الفيلم لو كوبولا برة...

الانتاج بقى ف موقف زي الزفت،طيب يغير الناس كلها، بس مفيش فلوس،كوبولا واخد ١٢٥ الف دولار،براندو ٥٠،آل باتشينو ٣٨ الارقام دي مفيش حد هيوافق بيها...

طيب هنعمل ايه في كمية المشاكل دي،ده حتى براندو اتقل واحد فيهم و اكترهم موهبة و خبره بقى عنده مشاكل ف الحفظ و الممثلين اللي بيقفوا قدامه بيعلقوا الاسكربت على بطنهم عشان براندو يقراه...

يمين شمال،مفيش حلول..

خلاص يا جماعة نستسلم للامر الواقع،

و ف ٦٣ يوم فقط لا غير يتصور و يتمنتچ فيلم اسمه " the godfather " للمخرج فرانسيس كوبولا و ينزل الافيش شايل اسم براندو و آل باتشينو و يغرق السوق..

فيلم مفقود فيه الامل انتاج شركة كانت خلاص هتعلن افلاسها تقريبا يحقق ايرادات عدت ال ٢٧٠ مليون دولار و يصنف تاني احسن فيلم في تاريخ السينما الامريكية لحد دلوقتي و تاني احسن فيلم في تاريخ السينما عموما على موقع قاعدة بيانات الافلام، و يحقق ٣ جوايز اوسكار...

طبعاً واحدة منهم للاسطورة اللي سكتت كل الانتقادات اللي كانت بتتقال عليه " مارلون براندو "

و الكل وقتها قال ان ده عصر جديد ل براندو و انه تقريبا اتولد من جديد و العالم كله مجد ف الظاهرة براندو من جديد...

يسكت بقى براندو!!

لا طبعا ميصحش، يوم توزيع الاوسكار والعالم كله بيتابع الحدث يتفاجئ الكل ب بنت من الهنود الحمر تطلع على خشبة المسرح عشان تستلم الاوسكار بدل براندو و تعلن قدام العالم نقلا عنه اعتراضه و رفضه على اللي عملته امريكا في الهنود الحمر..

و يكتشفوا بعدها انها مش من الهنود الحمر ولا حاجة دي مجرد ممثلة مش معروفة هو كان مأجرها، و تستمر المواقف و التصرفات الغريبة على المستوى المهني و الشخصي من براندو لحد ما يتوفى ف ٢٠٠٤ و هو سايب عدد لا بأس به من علامات الاستفهام...

[shu-rooq]

ازيك يا شروق

يا رب تقدري تساعديني اخد قرار

في حد اعرفه من زمان شوية سنتين تلاتة كده على الفيس بوك وبعدين بطلنا نتكلم عادي ورجع من فترة واتكلمنا وانا بستلطفه من بدري اوي ولما رجع كان لطيف وحنين وكلامه حلو اوي وبقى يقولي وحشتيني وكده وانا كنت بقوله وانت كمان وبعدين امبارح بنحكي عادي واتفتحت سيرة الجواز هزار يعني فلقيته فضل يقولي في محاضرة كبيرة طويلة عريضة عن اننا مننفعش بعض واننا مختلفين ومش هستحمله واننا فترة في حياة بعض مسيرها تخلص وان انا لسه قدامي كتير على موضوع الجواز وانا دوغري معاكي ومش معشمك بحاجة (هو مقالش بحبك) بس بيكلمني فون كتير وفيديو كول مع كل فرصة وبيقولي وحشتيني وفي كلام لطيف كتير يعني وانا من ساعة ما سمعت الكلام بلمت اوي ومش عارفة اخد قرار اتكلمنا بعدها عادي بس قفلنا ننام وانا معرفتش انام، انا كنت بقول مش بيحبني بس كنت على امل يعني يمكن انما لما قالي احنا سوا فترة معينة وبعدين هيجي وقت ونقطع مع بعض طب ليه؟ وقعد يقول انا مرتاحالك وانتي عجباني جدا وانا حابب الكلام معاكي وكلامنا سوا بيخلي يومي احسن وبيغير مزاجي طيب ايه ؟

ازيك يا حبيبتي،

تعالي كدة اقفي جمبي وبصي معايا ف المراية دي عشان هقول الكلام لينا سوا مرة واحدة.

أنا عايزة افهم يعني احنا بنسيب كل الكلام الواضح والصريح عن نية اللي قدامنا ونقول اصل اكيد هو حاسس بحاجة لينا بس مش قادر يلزم نفسه تجاهنا عشان ظروفه. لأ، هو مش مش قادر، هو مش عايز! عشان لو عايز كان قدر عادي. هو قالها صراحة، احنا فترة ف حياة بعض ومسيرها هتخلص وانا مش معشمك بحاجة يبقى متفضليش تفكري إن وحشتيني والكلام الملبس والمعسل ده وراه أي غرض حقيقي. لأ ده ملئ فراغ عاطفي مش اكتر.

هو عمل اللي عليه وكان صريح ف نواياه. انتي بقى اعملي اللي عليكي وشغلي مخك وفكك من النزعات العاطفية المتحكمة دي.

هو حلو؟ اه حلو. بيونسك؟ اه فشخ. بتطمني معاه وحنين؟ غالبا كدة. شيفاه مناسب ؟ اكيد يعني اومال مدلوقة على ايه. بس برضو مينفعش. الحاجة إن مكنتش تيجي من الاتجاهين تبقى ماسخة وملهاش طعم.

انتي عارفة الإجابة بس مش قادرة تنطقيها عشان لسة مصدومة من اللي حصل إمبارح، وده حقك وطبيعي عشان هو كان فاتحها على البحري وواخد إمتيازات مش بتاعته وانتي مكنتيش مستوعبة إنه الموضوع مش مكمل وكان عندك أمل. بس يا بنت الناس إن مكنتش الـ أه صريحة ومتقالة قولا وفعلا تبقى لأ من غير تفكير ومبررات. فما بالك بقى لما تبقى الـ لأ متقالة صريحة؟

هنعمل إيه؟ هنعيط ونرجع نتعود تاني إن نقضي يومنا لوحدنا وهو مش موجود فيه ونلهي نفسنا لحد ما نقابل الشخص المخلوقين من ضلعه نكون له ونسكن له. لو تعرفي ترجعيه خطوة لورا ويبقى صديق بس ومتشوفيهوش حاجة تانية خليه ف حياتك عادي. بس اسحبي منه الامتيازات اللي واخدها دي كلها. وسيبي له شوية حاجات على قد الصداقة كدة.

الكلام بقولهولي قبلك، عشان بإختلاف السيناريو أنا معاكي ف نفس المركب يعني بتاعة الكلام واضح بس أنا اللي بقاوح.

[shoman]

= خير يا انسه في حاجه؟

- هو انا شكلي وحش؟

= نعم؟

- بسألك بجد..شكلي وحش؟ رفيعه زياده عن اللزوم؟

شعري شكله مُخيف؟

= لأ شكلك حلو جداً

- وشعري؟

= لونه جميل

- طب ليه محدش بيقولي كدا؟

= محدش بيقولك ايه؟

- محدش بيقولي اني شكلي حلو وشعري لونه جميل

هو انا صباره؟ محدش بيحبني؟ محدش مهتم يديني ثقه في نفسي؟

= لا لا مش كدا..ممكن مبيلاحظوش

- طيب متشكرة لزوقك..ممكن تعزمني علي قهوه؟..

ايه مالك تنحت ليه كدا؟ في كافيه حلو قريب من هنا اعزمني فيه..بص انا ممكن انا اللي احاسب بس انت اللي تعزمني

= انا مش فاهم انتي بتقولي ايه بس انا حقيقي ورايا شغل ومتأخر عليه ف ممكن امشي؟

- بتشتغل ليه؟

= بشتغل في شركة

- لا مبقولش بتشتغل ايه..بقولك بتشتغل ليه؟

يعني ليه كل يوم تصحي بدري وتلبس لبس شيك زي اللي لابسه دلوقتي دا وتروح شغلك؟

علشان الفلوس؟ .. متعرفش ان كلنا هنموت ومش هنعمل حاجه بالفلوس ولا ايه؟

= ايه قنبله التفائل اللي فتحت في وشي دي؟

- ششش انا اقتنعت خلاص..يلا اتفضل قدامي علي الكافيه

= يابنتي انتي ملبوسه؟

- لا ما انا مش هشرب قهوه لوحدي النهاردة

= لو سمحتي سيبيني من فضلك انا متأخر

- اتفضل

= اتفضل ايه؟

- روح شغلك اللي متأخر عليه..

الاهتمام مبيطلبش يا حضرت ، بكرا لما تكبر وتعجز هتندم علي كوبايه القهوه اللي فاتتك دي ..

بَ��لِي شويه وبعدين مشي ، روحت الكافيه وقعدت لوحدي كالعادة بس مطلبتش قهوه..يمكن لأني قولتله مش هشرب قهوه لوحدي النهاردة؟ مش عارفه

طلبت نسكافية وطلعت روايه من شنطتي وفضلت اقرأ فيها

فجأة لقيت حد بيقعد علي الكرسي اللي قدامي ، لما بصيت لقيته هو..نفس الشخص اللي وقفت اتكلمت معاه في الشارع..

- اتأخرت؟

= ايه الي جابك؟ مخوفتش علي شغلك؟

- بصراحه استخسرت فيهم الطقم الشيك اللي انا لابسه ف قولت اجي اقعد بيه فالكافيه

= اه جاي تشقط يعني؟ البنت اللي وراك ناحيه اليمين دي قمر جداً اتفضل قوم اشقطها وسيبني في حالي

- انا مش كدا علفكره!

= امال جاي ليه؟

- خوفت لما اكبر واعجز اندم علي كوبايه القهوه دي لو فاتتني

= تقريبا انا نسيت اقولك حاجه مهمه

- ايه؟

= القهوه بتاعتهم هنا طعمها وحش جداً..بكلمك بأمانه يعني

- مش انتي قولتي ان القهوه بتاعتهم حلوه؟

= اه ما انا ساعتها مكنتش بكلمك بأمانه

ضحك وبعدين قالي طيب اعزمك علي ايه؟

= انا بشرب نسكافيه دلوقتي..اطلب حاجه ليك

نادي الجارسون وطلب نسكافية زيي ، مكنتش عارفه المفروض اقوله ايه..هو كدا ممكن يكون فاهمني غلط؟

- بالمناسبه انا اسمي غيث

- مقولتليش بقا اسمك ايه؟

= اسمي هدى

- اسمك جميل اوي

= هو انت فاهمني غلط؟

اصل ان بنت توقفك في الشارع وتسألك شكلها حلو ولا لأ وتقولك تعزمها علي قهوه اكيد هتتفهم غلط ف انت فهمتني غلط؟

- لا انتي مش شكل بنت مش محترمه..شكلك هبله

= اه عندك حق انا فعلا هبـ..ايه؟ لا انا مش هبله!

- عبيطه طيب؟

= اهو انت الي عبيط وستين عبيط..انت جاي تعكرلي مزاجي؟

- حد قالك تقوليلي اجي؟

= مكنتش اعرف انك مستفز!

- كويس اديكي عرفتي..

بتقرأي ايه؟

= ملكش دعوه..عموماً انا اتأخرت ولازم امشي

- مش هشوفك تاني؟

= بكون موجودة هنا كل يوم

مشيت..اتبسطت انه جه مع اني معرفهوش ولا حتي هو كان يعرفني..ايه اللي يخلي واحد يغيب يوم من شغله علشان يقعد مع واحده هو ميعرفهاش؟

واضح اني مش هبله لوحدي..

فضلت اروح الكافيه كل يوم زي عادتي بس مكنتش بلاقيه ، كنت بحس اني مضايقه ، مكنش بيوحشني بس مكنتش عايزه افضل لوحدي..

عدا 3 اسابيع مشوفتهوش فيهم وفقدت الامل انه يجي

قعدت وطلعت رواية وبدأت اقرأ..

سمعت صوت الكرسي بيتشد ف عرفت انه جه..

- صالحني

= اصالحك؟

- اه مانت بقالك كتير مبتجيش وبفضل قاعدة لوحدي ودا شئ يستدعي انك تصالحني

= ولو مصالحتكيش؟

- هنادي علي الجارسون واقوله انك بتطفل عليا وقاعد علي نفس الترابيزه من غير موافقتي ف هيقولك تقعد علي ترابيزه تانيه ولو موافقتش هيضطر يقولك تمشي

= طب مش تسأليني الاول مكنتش باجي ليه؟

- اممم..طيب..مكنتش بتيجي ليه؟

= كنت في تركيا

- تركيا؟

= اه سفريه تبع شغلي

- الله..ان شاء الله المره الجاية تاخدني معاك..انا قررت خلاص

= تيجي تعيشي حياتي بدالي؟ تيجي والله؟

- بتتريق؟

= اصل دا مش كلام ناس عاقلين يعني؟

- قصدك اني مجنونه؟

= انا مقولتش كدا

- اه بس اكيد قولت كدا في سرك

= سري وانا حر فيه

- لا سرك ميجيبش سيرتي علي لسانه ،احسن والله ا..اا..اقطعه واخليك ماشي من غير سر كدا والناس تقول اللي من غير سر راح اللي من غير سر جه

= ما علينا..شكلك حلو النهاردة

- انا ديماً شكلي حلو

= لا هتتغري شويه كمان هقوم امشي

- بجد شكلي حلو؟

= اه وشعرك شكله جميل

- اه منا حطاله زيت غالي..فاكرني بستخدم حاجات مش غالية؟ لا دا انا بنت ناس اوي لعلمك

ضحك وبعدين قالي بتقرأي ايه بقا؟

- بقرأ رواية لـ حسن الجندى

= بتحبي تقرأيله؟

- اه بحب اقرأله اوي

= القراءه حاجة حلوة جداً..المهم انا مضطر امشي علشان لو اتأخرت عن كدا هيطردوني من الشغل

- طيب وايه يعني ما تطرد علشاني؟

= انا ماشي يا هدي قبل ما اشتم

- متقدرش تشتمني اصلاً لعلمك

= ليه هتضربيني؟

- لا هعيط

فضل يبصلي ويضحك

- هعيط لو شتمتني والله مبهزرش!

= متخافيش انا محترم..سلام

تاني يوم جه بدري يقعد معايا قبل شغله...

- هو انت ليه بتتعب نفسك وتيجي بدري وبعدين تروح شغلك؟ قصدي ليه غاوي فرهده لنفسك؟

= بحس بأنبساط وانا قاعد معاكي ، انتي بقا بتيجي تقعدي هنا كل يوم بدري ليه؟

- خلصت دراسه من فتره ، ومعنديش صحاب ف بتبسط لما بكون هنا وبستمتع بالقراءه هنا

= اممم..طيب علفكرا انا جبتلك هديه علشان اصالحك

- تجيبلي هديه ليه انت تعرفني؟ قصدي هتصاحبني يعني؟

لا مش قصدي كدا..قصدي انت ليه تجيبلي هديه انت جوزي؟ يوووه..جايب هديه ايه وريني

= دبش..دبش كتير طفح في وشي..هو انا بقولك تعالي نروح اوضه في فندق؟

- احترم نفسك!

= اسف مقصدش ، اتفضلي

لقيته جايبلي روايه لـ حسن الجندي ، فرحت..اول مره يجيلي هديه..فضلت بصاله وساكته

- ايه عجبتك؟

= مش عارفه اعبر بس انا حقيقي مبسوطة

- ضحكتك حلوه..افضلي اضحكي ديماً

= لا انا بحب اعيط

- يلا يابت روحي العبي بعيد ، انا ماشي علشان متأخرش ، خلي بالك من نفسك ، بالمناسبه..شعرك شكله حلو اوي النهاردة، سلام

فضلت بصاله وهو ماشي وحسيت قلبي طاير من الفرحة ، كنت ماسكة الروايه في ايدي ��ليمين وبلعب في شعري بايدي الشمال..

كان بيجي يقعد معايا كل يوم ، بدأت احس اني بحبه..

هو عادي احبه؟ مش عارفه بس انا مبسوطة....

- صدقيني مش بايدي ياهدي..مش هفضل هناك اكتر من 3 شهور والله

= وهما 3 شهور دول شويه؟

هقعد 3 شهور اشرب نسكافية لوحدي؟ 3 شهور مبشوفكش؟ طب وارخم علي مين؟ افقع مراره مين؟

اروح اجيب حد مالشارع ارخم عليه؟

كنت عارفه اني ولا حاجه بالنسبالك..

يا غيث لو رايح تركيا تتجوز هناك قولي وانا مش هتخانق معاك صدقني؟ انت متجوز ومخلف هناك ومخبي عليا صح؟ صداقتنا مش مهمه بالنسبالك؟ مفكرتش فيا قبل ما توافق علي السفر؟ دول 3 شهور بحالهم

= هدى انا بحب اشوفك..بحب اشوف ضحكتك..

بحب شعرك وهو سايب كدا وشكله جميل..

بحب اتكلم معاكي ، اكيد مش هسيب كل دا بمزاجي كدا..

انا فعلاً محتاج السفرية دي وغصب عني مضطر اروح

- طيب وجاي تقولي ليه؟ عايز تضايقني وخلاص؟

= يوووه..طيب ياهدي انا غلطان اني جيت قولتلك واسلم عليكي قبل ما امشي..انا ماشي..سلام

- طيب ،امممم..اتنيل خلي بالك من نفسك

ضحك وقالي حاضر

لما مشي اخدت حاجتي ورجعت البيت وفضلت اعيط ، قررت اني مش هروح الكافيه غير لما الـ 3 شهور يعدوا......

اول ما الـ 3 شهور عدوا روحت الكافية بس ملقيتهوش..فضلت قاعده مستنياه كتير بس مجاش

خوفت..معقول حصله حاجه؟

فضلت قاعدة للساعة 5 بس مجاش

اخدت شنطتي وخرجت لقيته داخل الكافية

- اي ياقمر مكشره ليه؟ اتأخرت عليكي صح؟

اسف بس كنت بجيب حاجة

= اتخضيت عليك افتكرتك مت

- يارب ارحمني من الدبش دا

= بلا دبش بلا نيله دلوقتي ، تعالي نقعد فالكافيه نتكلم جوا دا انت وحشتني اوي

- لا كافيه ايه دلوقتي..تعالي هاخدك مكان بحبه

= بتستدرجني علشان اروح شقتك صح؟

لا مش انا يا استاذ..شوف واحدة من الشارع هي اللي تروح معاك انا بنت ناس متربيه

- دماغك هتفضل شمال كدا كتير؟

= لا انا كنت بهزر..انت شاب محترم متعملش كدا

- طيب يلا تعالي

اخدنا تاكسي وروحنا عند النيل

- بتحبي النيل؟

= اه بحبه بس مكنتش بحب اجي

- ليه؟

= مبحبش اجي لوحدي

- هو تقريباً اقدر اقول انك من النهاردة مش هتكوني لوحدك تاني

= بمعني؟

- انا عايز اتجوزك ياهدي

...=

- لا مش وقت تتنيح دلوقتي صحصحي معايا كدا..

- ‏احسن والله اروح ادي الخاتم اللي انا جايبه دا لبنت تانيه

= اي بنت تانيه وخلاص؟ علي كدا بقا مبتحبنيش؟

- لا انا بحبك ، اكتشفت ان حياتي وحشه من غيرك ، عارفه؟ انا في ناس كتير اوي في حياتي بس عمري ما حسيت بـ ونَس غير معاكي ، محدش خلاني مبسوط غيرك ، انا فعلاً كنت هندم اوي لو كوباية القهوه فاتتني ، سافرت علشان يكون معايا فلوس اتجوزك..مش علشان عايز اسافر والله ، مكنتش عايز اسيبك

= هتاخدني معاك السفرية الجاية؟

- اه لو وافقتي تتجوزيني ، غير كدا لأ

= موافقة..اممم..علفكرا وافقت علشان اسافر بس لعلمك

- يعني مبتحبنيش؟

= لو هتفضل تجيبلي روايات ف انا بحبك ، لو مش هتفضل تجيبلي ف فكرني كدا انت مين؟

- انتي طالق

= اية دا بس احنا لسه متجوزناش؟

- اه منا بطلقك قبل الجواز علشان بعد الجواز مش هقدر اطلقك ف كنت حابب اجرب الكلمه وكدا

= عايز تتجوزني ليه بجد؟

- انا حقيقي بحبك ياهدي ومش عايز حياتي تكمل من غيرك

= وانا كمان بحبك قد البحر وسمكاته

- كل سمكاتة؟

= اه من غير استثناء ولا سمكة

............

!!!!!!!!!!!!

[hoperose4]

أنا خايفة وتايهة..

أول مرة قالت مش هتتكلم علشان محدش في البيت يسمع.

تاني مرة لما كلمتها ومحدش موجود قالت مش هتتكلم غي وبابا موجود علشان الكلام ميتفهمش غلط ويتقول عالمزاج.

كلمتها تاني دلوقتي.

طول النهار اصلا بلف وراها زي اللي عنده حاجة عند حد.. ومش عارفة ده شعور داخلي بسبب المشكلة اللي جوايا ولا بجد بس كنت حاسة وكإنها مستمتعة بشعور الذل اللي هي حاطاني فيه بقالها 3 أيام.

لما عمالة اشوف وقت مناسب واروحلها اطلب السماح وانها تعرفني غلطي، ولما قعدتلها علي الأرض جمب سريرها أطلب تعرفني غلطي وتديني فرصة أصلحه وبرده مرديتش تقول وطلبت انها متزعلش مني طيب.

أنا علي قد ما بكره شعور الذل علي قد ما مبقدرش اتعايش مع التنشنة والمعاملة الوحشة وبتأذيني نفسيا جدا فا حقيقي مش قادرة اتعامل مع معاملتها دي.

ودلوقتي نزلتلها بقولها فاضية شوية قالتلي ريحي دماغك بقي انا مش عايزة اتكلم.

وقالت انا كذا مرة كنت عايزة افتح الموضوع مع باباكي واستخرت وبعدين قررت خلاص مش هقوله حاجة علشان ميحصلش مشكلة ما بينكوا واحنا ما صدقنا بقينا كويسين.

وقالت وانا لوحدي هصفي مع الوقت بس بطلب منك بس تخفي عني وتبطلي تأذيني، وانا عمري ما هأذيكي انتي بنتي... انا مش عارفة انتي بتعملي كده ليه بس انا عمري ما هأذيكي.

قالتلي طبعا انتي عارفة انا بتكلم عن ايه

قولتلها لأ وﷲ انا حقيقي عايزة اعرف

قالتلي انا مش قادرة اتكلم والموضوع تقيل عليا ومش عايزة اعمل مشاكل

وبعدين قالتلي انا عارفة ان وجودي تقيل علي قلبك بس هنعمل ايه طيب اروح فين... انا بس علشان اخواتك الولاد مستنية بس علي ما يخلصوا وبعدها هنتصرف ولا ممكن اكون مت ولا انتي اتجوزتي يا عالم...بس علشان الغلابة دول انا مش هقدر اصرف عليهم اصرف عليهم منين.

المهم يعني اني حقيقي مفهمتش اي حاجة خصوصا اني من وقت ما رجعت البيت وانا بعاملها كإنها صاحبتي المقربة وكل حاجة اقف معاها واي حاجة اعملها اكلمها فيها وهشرب حاجة اعملها معايا وحقيقي قبل ما فجأة الوضع يقلب مكنتش بقول اي حاجة اطلاقا تخصها بجد حقيقي وﷲ فا مش فاهمة في ايه بس انا بجد خايفة وحاسة اني محتاجة مساعدة

انا مش فاهمة ايه ��للي بيحصل معايا... هو ان�� بعمل حاجات من غير ما اوعالها ولا مثلا جوايا شخصية بتتصرف تصرفات مبعرفش عنها حاجة ولا انا ملبوسة وبعمل حاجات غصب عني ولا ايه بالظبط لإني وﷲ ما عارفة ايه اللي بيتكلموا عليه ده 😔

أنا حاسة اني عايزة أروح للدكتور أقوله أرجوك ساعدني وعالجني :'(

هي أصلا قعدت تقول انا لو ابوكي فتح الموضوع هقوله عالجها بقي... خدها ولف بيها وشوف المطلوب وعالجها اصل دي مش عيشة.

يا رب أنا بجد مليش غيرك... يا رب خرجني من التوهان ده ودلني واهديني وكون معايا. يا رب خليك معايا :'(

[nahnotesblog]

= خير يا انسه في حاجه؟ - هو انا شكلي وحش؟ = نعم؟ - بسألك بجد..شكلي وحش؟ رفيعه زياده عن اللزوم؟ شعري شكله مُخيف؟ = لأ شكلك حلو جداً - وشعري؟ = لونه جميل - طب ليه محدش بيقولي كدا؟ = محدش بيقولك ايه؟ - محدش بيقولي اني شكلي حلو وشعري لونه جميل.. هو انا صباره؟ محدش بيحبني؟ محدش مهتم يديني ثقه في نفسي؟ = لا لا مش كدا..ممكن مبيلاحظوش - طيب متشكرة لزوقك..ممكن تعزمني علي قهوه؟.. ايه مالك تنحت ليه كدا؟ في كافيه حلو قريب من هنا اعزمني فيه..بص انا ممكن انا اللي احاسب بس انت اللي تعزمني = انا مش فاهم انتي بتقولي ايه بس انا حقيقي ورايا شغل ومتأخر عليه ف ممكن امشي؟ - بتشتغل ليه؟ = بشتغل في شركة = لا مبقولش بتشتغل ايه..بقولك بتشتغل ليه؟ يعني ليه كل يوم تصحي بدري وتلبس لبس شيك زي اللي لابسه دلوقتي دا وتروح شغلك؟ علشان الفلوس؟ .. متعرفش ان كلنا هنموت ومش هنعمل حاجه بالفلوس ولا ايه؟ = ايه قنبله التفائل اللي فتحت في وشي دي؟ - ششش انا اقتنعت خلاص..يلا اتفضل قدامي علي الكافيه = يابنتي انتي ملبوسه؟ - لا ما انا مش هشرب قهوه لوحدي النهاردة = لو سمحتي سيبيني من فضلك انا متأخر - اتفضل = اتفضل ايه؟ - روح شغلك اللي متأخر عليه.. الاهتمام مبيطلبش يا حضرت ، بكرا لما تكبر وتعجز هتندم علي كوبايه القهوه اللي فاتتك دي .. بَصلِي شويه وبعدين مشي ، روحت الكافيه وقعدت لوحدي كالعادة بس مطلبتش قهوه..يمكن لأني قولتله مش هشرب قهوه لوحدي النهاردة؟ مش عارفه طلبت نسكافية وطلعت روايه من شنطتي وفضلت اقرأ فيها فجأة لقيت حد بيقعد علي الكرسي اللي قدامي ، لما بصيت لقيته هو..نفس الشخص اللي وقفت اتكلمت معاه في الشارع.. - اتأخرت؟ = ايه الي جابك؟ مخوفتش علي شغلك؟ - بصراحه استخسرت فيهم الطقم الشيك اللي انا لابسه ف قولت اجي اقعد بيه فالكافيه = اه جاي تشقط يعني؟ البنت اللي وراك ناحيه اليمين دي قمر جداً اتفضل قوم اشقطها وسيبني في حالي - انا مش كدا علفكره! = امال جاي ليه؟ - خوفت لما اكبر واعجز اندم علي كوبايه القهوه دي لو فاتتني = تقريبا انا نسيت اقولك حاجه مهمه - ايه؟ = القهوه بتاعتهم هنا طعمها وحش جداً..بكلمك بأمانه يعني - مش انتي قولتي ان القهوه بتاعتهم حلوه؟ = اه ما انا ساعتها مكنتش بكلمك بأمانه ضحك وبعدين قالي طيب اعزمك علي ايه؟ = انا بشرب نسكافيه دلوقتي..اطلب حاجه ليك نادي الجارسون وطلب نسكافية زيي ، مكنتش عارفه المفروض اقوله ايه..هو كدا ممكن يكون فاهمني غلط؟ فاهم اني بنت مش كويسه؟ - بالمناسبه انا اسمي غيث =… - مقولتليش بقا اسمك ايه؟ = اسمي هدي - اسمك جميل اوي = هو انت فاهمني غلط؟ اصل ان بنت توقفك في الشارع وتسألك شكلها حلو ولا لأ وتقولك تعزمها علي قهوه اكيد هتتفهم غلط ف انت فهمتني غلط؟ - لا انتي مش شكل بنت مش محترمه..شكلك هبله = اه عندك حق انا فعلا هبـ..ايه؟ لا انا مش هبله! - عبيطه طيب؟ = اهو انت الي عبيط وستين عبيط..انت جاي تعكرلي مزاجي؟ - حد قالك تقوليلي اجي؟ = مكنتش اعرف انك مستفز! - كويس اديكي عرفتي.. بتقرأي ايه؟ = ملكش دعوه..عموماً انا اتأخرت ولازم امشي - مش هشوفك تاني؟ = بكون موجودة هنا كل يوم مشيت..اتبسطت انه جه مع اني معرفهوش ولا حتي هو كان يعرفني..ايه اللي يخلي واحد يغيب يوم من شغله علشان يقعد مع واحده هو ميعرفهاش؟ واضح اني مش هبله لوحدي.. فضلت اروح الكافيه كل يوم زي عادتي بس مكنتش بلاقيه ، كنت بحس اني مضايقه ، مكنش بيوحشني بس مكنتش عايزه افضل لوحدي.. عدا 3 اسابيع مشوفتهوش فيهم وفقدت الامل انه يجي قعدت وطلعت رواية وبدأت اقرأ.. سمعت صوت الكرسي بيتشد ف عرفت انه جه.. - صالحني = اصالحك؟ - اه مانت بقالك كتير مبتجيش وبفضل قاعدة لوحدي ودا شئ يستدعي انك تصالحني = ولو مصالحتكيش؟ - هنادي علي الجارسون واقوله انك بتطفل عليا وقاعد علي نفس الترابيزه من غير موافقتي ف هيقولك تقعد علي ترابيزه تانيه ولو موافقتش هيضطر يقولك تمشي = طب مش تسأليني الاول مكنتش باجي ليه؟ - اممم..طيب..مكنتش بتيجي ليه؟ = كنت في تركيا - تركيا؟ = اه سفريه تبع شغلي - الله..ان شاء الله المره الجاية تاخدني معاك..انا قررت خلاص = تيجي تعيشي حياتي بدالي؟ تيجي والله؟ - بتتريق؟ = اصل دا مش كلام ناس عاقلين يعني؟ - قصدك اني مجنونه؟ = انا مقولتش كدا - اه بس اكيد قولت كدا في سرك = سري وانا حر فيه - لا سرك ميجيبش سيرتي علي لسانه ،احسن والله ا..اا..اقطعه واخليك ماشي من غير سر كدا والناس تقول اللي من غير سر راح اللي من غير سر جه = ما علينا..شكلك حلو النهاردة - انا ديماً شكلي حلو = لا هتتغري شويه كمان هقوم امشي - بجد شكلي حلو؟ = اه وشعرك شكله جميل - اه منا حطاله زيت غالي..فاكرني بستخدم حاجات مش غالية؟ لا دا انا بنت ناس اوي لعلمك ضحك وبعدين قالي بتقرأي ايه بقا؟ - بقرأ رواية لـ حسن الجندى = بتحبي تقرأيله؟ - اه بحب اقرأله اوي = القراءه حاجة حلوة جداً..المهم انا مضطر امشي علشان لو اتأخرت عن كدا هيطردوني من الشغل - طيب وايه يعني

ما تطرد علشاني؟ = انا ماشي يا هدي قبل ما اشتم - متقدرش تشتمني اصلاً لعلمك = ليه هتضربيني؟ - لا هعيط فضل يبصلي ويضحك - هعيط لو شتمتني والله مبهزرش! = متخافيش انا محترم..سلام ——— تاني يوم جه بدري يقعد معايا قبل شغله - هو انت ليه بتتعب نفسك وتيجي بدري وبعدين تروح شغلك؟ قصدي ليه غاوي فرهده لنفسك؟ = بحس بأنبساط وانا قاعد معاكي ، انتي بقا بتيجي تقعدي هنا كل يوم بدري ليه؟ - خلصت دراسه من فتره ، ومعنديش صحاب ف بتبسط لما بكون هنا وبستمتع بالقراءه هنا = اممم..طيب علفكرا انا جبتلك هديه علشان اصالحك - تجيبلي هديه ليه انت تعرفني؟ قصدي هتصاحبني يعني؟ لا مش قصدي كدا..قصدي انت ليه تجيبلي هديه انت جوزي؟ يوووه..جايب هديه ايه وريني = دبش..دبش كتير طفح في وشي..هو انا بقولك تعالي نروح اوضه في فندق؟ - احترم نفسك! = اسف مقصدش ، اتفضلي لقيته جايبلي روايه لـ حسن الجندي ، فرحت..اول مره يجيلي هديه..فضلت بصاله وساكته - ايه عجبتك؟ = مش عارفه اعبر بس انا حقيقي مبسوطة - ضحكتك حلوه..افضلي اضحكي ديماً = لا انا بحب اعيط - يلا يابت روحي العبي بعيد ، انا ماشي علشان متأخرش ، خلي بالك من نفسك ، بالمناسبه..شعرك شكله حلو اوي النهاردة، سلام فضلت بصاله وهو ماشي وحسيت قلبي طاير من الفرحة ، كنت ماسكة الروايه في ايدي اليمين وبلعب في شعري بايدي الشمال.. كان بيجي يقعد معايا كل يوم ، بدأت احس اني بحبه.. هو عادي احبه؟ مش عارفه بس انا مبسوطة ..

——- - صدقيني مش بايدي ياهدي..مش هفضل هناك اكتر من 3 شهور والله = وهما 3 شهور دول شويه؟ هقعد 3 شهور اشرب نسكافية لوحدي؟ 3 شهور مبشوفكش؟ طب وارخم علي مين؟ افقع مراره مين؟ اروح اجيب حد مالشارع ارخم عليه؟ كنت عارفه اني ولا حاجه بالنسبالك.. يا غيث لو رايح تركيا تتجوز هناك قولي وانا مش هتخانق معاك صدقني؟ انت متجوز ومخلف هناك ومخبي عليا صح؟ صداقتنا مش مهمه بالنسبالك؟ مفكرتش فيا قبل ما توافق علي السفر؟ دول 3 شهور بحالهم ياغيث! = هدي انا بحب اشوفك..بحب اشوف ضحكتك.. بحب شعرك وهو سايب كدا وشكله جميل.. بحب اتكلم معاكي ، اكيد مش هسيب كل دا بمزاجي كدا.. انا فعلاً محتاج السفرية دي وغصب عني مضطر اروح - طيب وجاي تقولي ليه؟ عايز تضايقني وخلاص؟ = يوووه..طيب ياهدي انا غلطان اني جيت قولتلك واسلم عليكي قبل ما امشي..انا ماشي..سلام - طيب ،امممم..اتنيل خلي بالك من نفسك ضحك وقالي حاضر لما مشي اخدت حاجتي ورجعت البيت وفضلت اعيط ، قررت اني مش هروح الكافيه غير لما الـ 3 شهور يعدوا ——– اول ما الـ 3 شهور عدوا روحت الكافية بس ملقيتهوش..فضلت قاعده مستنياه كتير بس مجاش خوفت..معقول حصله حاجه؟ فضلت قاعدة للساعة 5 بس مجاش اخدت شنطتي وخرجت لقيته داخل الكافية - اي ياقمر مكشره ليه؟ اتأخرت عليكي صح؟ اسف بس كنت بجيب حاجة = اتخضيت عليك افتكرتك مت - يارب ارحمني من الدبش دا = بلا دبش بلا نيله دلوقتي ، تعالي نقعد فالكافيه نتكلم جوا دا انت وحشتني اوي - لا كافيه ايه دلوقتي..تعالي هاخدك مكان بحبه = بتستدرجني علشان اروح شقتك صح؟ لا مش انا يا استاذ..شوف واحدة من الشارع هي اللي تروح معاك انا بنت ناس متربيه - دماغك هتفضل شمال كدا كتير؟ = لا انا كنت بهزر..انت شاب محترم متعملش كدا - طيب يلا تعالي ——- اخدنا تاكسي وروحنا عند النيل - بتحبي النيل؟ = اه بحبه بس مكنتش بحب اجي - ليه؟ = مبحبش اجي لوحدي - هو تقريباً اقدر اقول انك من النهاردة مش هتكوني لوحدك تاني = بمعني؟ - انا عايز اتجوزك ياهدي =… - لا مش وقت تتنيح دلوقتي صحصحي معايا كدا.. احسن والله اروح ادي الخاتم اللي انا جايبه دا لبنت تانيه = اي بنت تانيه وخلاص؟ علي كدا بقا مبتحبنيش؟ - لا انا بحبك ، اكتشفت ان حياتي وحشه من غيرك ، عارفه؟ انا في ناس كتير اوي في حياتي بس عمري ما حسيت بـ ونَس غير معاكي ، محدش خلاني مبسوط غيرك ، انا فعلاً كنت هندم اوي لو كوباية القهوه فاتتني ، سافرت علشان يكون معايا فلوس اتجوزك..مش علشان عايز اسافر والله ، مكنتش عايز اسيبك = هتاخدني معاك السفرية الجاية؟ - اه لو وافقتي تتجوزيني ، غير كدا لأ = موافقة..اممم..علفكرا وافقت علشان اسافر بس لعلمك - يعني مبتحبنيش؟ = لو هتفضل تجيبلي روايات ف انا بحبك ، لو مش هتفضل تجيبلي ف فكرني كدا انت مين؟ - انتي طالق = اية دا بس احنا لسه متجوزناش؟ - اه منا بطلقك قبل الجواز علشان بعد الجواز مش هقدر اطلقك ف كنت حابب اجرب الكلمه وكدا = ��ايز تتجوزني ليه بجد؟ - انا حقيقي بحبك ياهدي ومش عايز حياتي تكمل من غيرك = وانا كمان بحبك قد البحر وسمكاته - كل سمكاتة؟ = اه من غير استثناء ولا سمكة —— النهارة يوم فرحنا.. زي ما كان سمك البحر بيكتر كان حب هدي ليا بيكبر .. لحد النهاردة انا ممتن لكوباية القهوة اللي مفاتتنيش ، لأني لما اكبر واعجز هي اللي هتكون جمبي مش شغلي

[nora-sat]

تحميل تطبيق توكلنا APK للاندرويد والايفون

دقيقة والثانية قلت له اعمل ايه وضبطت هنا بقى المهم ان هو سالته في وسط الكلام والله اصل انا عامله ايه عندك دلوقت الابتدائي ساعه ما أخذت منك الجهاز مفتحتهاش وراء مره قلت له ليه اجيبهم فاتحه خلاص بقى يعنى ممكن لنا مشكله انك قنوات لازم تكون فاتحه بس مش شرط اللي انا رحت فين على فكرة اجنبي مش هيجي له هو بيقوله وه   ,   حل مشكلة تطبيق توكلنا ,   يكمل الفيلم لا هو دقائق وبيقول لك وخلاص لو فيلم اجنبي جديد ولا حاجه وابقى فيلم مترجم كمان و افلام اكشن قويه افلام حلوه والا لا انا خلاص مش مهم عندي ان ا   ,  تعريف رقم جوال توكلنا  ,   لقنوات فاتحه بس لقيت وقالب على القصر علشان يشوف المباريات انا طالب على القمر اصلا وده رقمه الصوتية بقى احنا هنعمل بنسال ونبقى عندنا شغل فظيع للحاجه بعد كده انت الحاجه دي عندي غاليه عندنا وتشتغل ويبقى شحنتها احنا كده تبقى بعينك كان ثاني يعني بني ادمين ان شاء   ,   تحميل تطبيق توكلنا apk ,   الله قريب هتفتح ولا كمان اللي هتفتح شاء الله فيديوهات الجلال استاذنك مفيش اخبار عن الموسيقى للاندرويد المنتظرة مواصفاته تقريبا اهلا يفك عني ان شاء الله قريب ربنا يعزك يا استاذ يا حبيبي

https://mohamed-sat.blogspot.com/2021/06/tawakkalna-apk.html

[a7med-7gag-3]

عاوزة ارقع مية صوت

كل حاجة وحشه فعلا ومهلكه ومتعبه هنعمل ايه هى الدنيا كدا دا الواقع للاسف يعني.. السؤال بقى هل هتفضلى تقعى ف نفس الغلطه ؟ هل هتفضلى تتعبى نفسك ع اي حاجة ؟ حرام عليكي نفسك صدقيني حرام تعذبى نفسك بنفسك مهما كان اللى حصل ف هو هيعدى .. لازم تخرجى من حاله الاكتئاب و العزله والكره والضعف لازم تبقى قويه عشان نفسك عشان حرام تهلكى نفسك بنفسك .. ابعدى نهائى عن اللى بيهلكك وانتى هتبقى كويسه انتى مش صغيره انتى كبيره وتعرفى تتحكمى ف نفسك ومشاعرك وحياتك كلها اخرجى من الكآبه وعيشى حياتك بقى حتي لو هتضحكى ع نفسك وتمثلى انك كويسه اصل مينفعش تهلكى نفسك بنفسك كدا بجد ربنا هيحاسبك

[yassmen1]

الأنون الي سبق واضح تطبع بعرف المجتمع فصار يعتبر كلام البشر مع خالقه هزار ...و الحقيقة إنو لما كنا صغار كنا بنعرف ربنا في خيالنا كنا بنقول ربنا حيعمل كده و كده و لما نكبر بنفقد الخيال و بنخسر المحادثة السرية الي بتكون دايما مع ربنا ... كملي ربنا صحبك ايواه و هو أدرى من أي واحد في الكون ده ايه لازمك و مش لزمك

انا محبتش اتعب نفسي وارد عليه بكلام اد كده وافهمه بصراحه،وانا مع كلامك ده جدا حقيقي احنا ممكن نكلم كل الناس بحساب ونحسب كل كلمه بنقولها بس اكيد مش هنعمل ده مع ربنا لان بكده هنفقد كل حاجهاحنا حتي مش بنكلمه زي م بنكلم صحابنا لا زي م بنكلم نفسنا وبمنتهي الاريحيه،حتي لو فقدنا خيالنا الطفولي بس بيكون في جزء بسيط من المحادثه الطفوليه السريه مننا لربنا ما زالت موجودهيعني م هو اصل ربنا عارف كل حاجه وعارف قصدنا كويس فمثلا مش هجري ورا الانون ده واقوله لا انا كان قصدي كذاكل واحد فينا عامة ليه طريقته الخاصه للتواصل مع ربناشكرا ع كلامك ي انون حقيقي،وربنا يغفرلنا جمعيا..

[hebabutterfly]

ماهو اصل معلش يعني هنعمل ايه