#اخواتى

[t-ablog]

اللهم

توج صباح اخواتى وأصدقائى بذكرك

وعافهم واعف عنهم بفضلك ،،

اللهم

كن لهم حبيبا ولدعائهم مجيبا ....

واجعل لهم من رحمتك وكرمك حظا ونصيباً

ووفقهم لما تحب وترضى

واسمعني عنهم ما به النفس ترضى

ولا تنسيهم ذكرك سرا وجهرا

وأبلغهم مني سلاما يفوح مسكا وعطرا

صلوا علي شفيعنا يوم القيامه

🤲🤲 يآرب 🤲🤲

T

[cutyrozy]

انا وبنات اخواتى 🤭😘❤️

[mohamedyoussef1]

كنت فى فرح يوم الاربع بنت خالتى وكان حلو جدا لان اول مناسبه من زمان كل العيله متجمعه كل اخواتى وشباب وبنات العيله كلهم.. فكان يوم لطيف بس طبعا لازم حاجه تكدرنا فى النص ..

فيه ناس معينه كل مااجى اسلم عليهم يقولولى (عقبال عوضك ) او (ربنا يعوض عليك ) ، وطبعا دا معناه واضح انى حصلى مصيبه زمااااان وربنا هيعوض عليا فتلقائى بفتكر انى كنت متجوز وطلقت (من اكتر من سنتين) يعنى حرفيا نسيت . واكتشفت حاجه رهيبه بقى جداا من كلام حد معين، ان كله فى العيله بيقول انى لسا بحبها فعشان كدا متجوزتش ، حد انا نسيته ولما بفتكره لاسباب معينه بقول حسبى الله يقولو اصل انا اسا بحبها ، والمشكله انهم عارفين كم الاذيه اللى اتاذيتها زمان فى القصه دى ، والمفروض بكونو عارفين انى تعافيت تماما منه

الناس تقريبا مبتسبش حد فى حالها خصوصا اللى بيشوفوك كل سنه مره دول بس متابعين اخبارك جدا وبيسمعو عنك بس من برا ، البجاحه بس ان اللى بيننا ميخليهومش يدخلو ف تفاصيل كدا وينصحونى ويلا اتجوز ويلا عايزين ربنا يعوض عليك ، ياعم انت مين ..

يلا خير

[fozdoaa]

بقالى فتره بقنع ماما بحاجه عايزه اعملها واخيرا اقتنعت

اخواتى...

[mustaphi]

القاهرة، فى ٢٣ أكتوبر ٢٠٢٤ م

بعد آخر مكالمة بيننا، روحت البيت و طلبت من ماما و اخواتى ان مهما حصل محدش يجيب سيرتها قدامى.

كانوا عارفينها و بيحبوها.. و لحد قبل المكالمة ماما كانت دايماً تسألنى "مفيش أخبار؟!"

الصراحة احترموا طلبى، بس عيونهم ما عرفتش.. و زى ما عوَّدت نفسى على الفراق، و منعت نفسى عن انى حتى أعرف عنها أى حاجة و لو حتى صدفة.. زى ما اتعودت انى اتجاهل كلام عينيهم.

و تشاء حكمة القدير إنى أسافر مدينة تانى.. مدينتها.. أشتغل على بعد دقايق من بيتها، و أسكن على بعد دقايق من شغلها.. و فى الحقيقة مش عارف هل فضل بيتها زى ما هو، و لسه ف نفس الشغل.. أكيد حاجات كتير اتغيرت زيها.

و بدأت اتقن مهارات اكتر فى فن التغافل و أنا كل يوم بروح شغلى و أرجع مروراً بنفس الشوارع و نفس الأماكن.. و دفعت من احساسى تمن قاسى و ما زلت. تمن محاولة تجاهلك لحد بنيت كل أحلامك معاه، و كنت عارف عدد دقات قلبه يومياً، و ف لحظة ما بقاش ف حياتك أساساً.

صحيح أنا نفيت نفسى، بس المدينة تأبى إلا انها تفكرنى بكل التفاصيل. يا لسخرية القدر أن إنى أعيش قريب من أحلام كنت دايماً ببنيها ف خيالي، بس الواقع هدَّها. ما املكش إلا التأمل في الذكريات، و أنا كل طموحاتى انى ألاقى السلام في طيات روحى.

حنَّى عليا شوية يا بنت المُعِّز.. غيرى ملامح شوارعك مع الأيام، و انتى يا أيَّام.. ساعدينى ألِّم اللى اتبعتر منى و أبنى من اللى عرفت ألمُّه إنسان جديد.

و على فكرة و من قلبى، ربنا يخليهالك.. بس يا ريت تعلميها كويس اوى إنها ما تقربش من قلب حد لو ما كانش قلبها صادق و ما بيخونش عهد.. علميها الوفا. جايز تكون أحسن منك!!

مش سلام.. مش سلام خالص!!

[somaas-world]

اخواتى فاتحين حوار ونقاش فى دور الرقابه على الافلام والمسلسلات وازاى كانت لها دور فعال لضبط الذوق العام والمحافظه على اخلاقيات المجتمع

قومت انا فجأه دندنت بصوت مسموع لمنير .فينك انا من غيرك انا مش عاقل ولا مجنون

رد اخويا وقال اهى اول واحده لازم يتحط عليها رقابه ٠٠😁😁😁

لازم ابوظ اى نقاش عميق بيدور بينهم 😃

[ffatma45]

مصدوم في أهلي وخِلَّاني

لا عادى دا خدوا حق وميراث امى اخوتها ولا حد فيهم يعرفنا ولا نقدر نعمل حاجه علشان تقول اخواتى

في الحالات دي مفيش حاجه اسمها اخواتي

ربنا يعينكم ويعوضكم ♥

[arwannn]

ساعات بحس انى باجى اطلع طاقة سلبية هنا وامشى وده بيضايقنى انا مش نكد كدة خالص ف الحقيقة بالعكس بحس بالذنب وانا بعمل كدة بس هفضل مكملة فيه بقى معلش انتو زى اخواتى بردو استحملونى لغاية ماختفى 🤩🤩

[t-ablog]

أفاض الله على قلوبكم نور الرضوان ......

وعلى أحاسيسكم حلاوة الإيمان ....

وعلى أجسادكم عافية الأبدان .....

وعلى أسماعكم عذوبة القرآن •

وعلى ألسنتكم ذكرالرحمن •

"ربي"

إنهم اخواتى وأهل مودتي فخصهم ياربي بقولك:

( طبتم ياأهل الجنان )

بارك الله يومكم وشرح صدوركم وانزل محبته في قلوبكم وسخر البشر لمحبتكم

صلوا علي شفيعنا يوم القيامه

T

[mohamedyoussef1]

غالبا طول ما انا فى قعده متونس بيها زي الايام دي مع اخواتى وابويا وامى ومتجمعين مبفتحش تمبلر تقريبا ، متونس بيهم ومش لوحدى ، مع صحابى بردو ..

انا باجى هنا كل مابحس انى لوحدى ودا كتير بصراحه ولأسباب تانيه بردو

ليلتكم حلوه

[fozdoaa]

ماما حد من اخواتى عملها مصيبه فى المطبخ والله فى المطبخ فنازله تقطيم بصيغه الجمع وانا عادى مبردش فجأه لقيتها بتقول اييه مافيش ضمير خالص انا مجبتش حد عنده ضمير يعنى ! وراحت بصالى فانا بصتلها بتوجس من اللى جاى بعد كده وانا بفكر اخر مصيبه عملتها ايه هتقطم عليها ياترى واهى تاخدنى بجمله اللى بيتقطموا! لقيتها بتقولى الا انت الوحيده اللى ضميرك قايم عليكى فضحكت ضحكه نصر اللى هو لقد نجانا الله من تقطيم ملناش دعوه بيه وعندك ملحقتش لقيتها بتقولى وعلشان كده قعدالى ومطوله معايا😁

[3mrr]

مهما كان عندى فى حياتى حاجات حلوة مظنش هيكون فى حاجة حلوة زى اخواتى

[na-nncy]

حنيه وطيبه عمري ماشوفتها ولا هشوفها تاني مش ابويا بس اللي مات ابويا وابنى وصاحبي وحبيبي اللي ماتوا واخد قلوبنا معاه عمر ماحد هيفهم انا او اخواتى بابا كان بالنسبه لينا ايه خمس سنين واحنا بنخبط ف الدنيا وتايهين من غيره ف وجوده بعد ربنا كانت كل حاجه سهله وبسيطه دلوقتي ابسط الأشياء صعبه ربنا يرحمك وتكون فى احسن الاماكن يحبيبي :"((

[sam-amr]

اخواتى الكبساوية تعيشوا وتاكلوا غيرها

قولنالكم بلاش الاهلي اهو السعودية كلها ناميت فى عيونها دموع 😂😂😂

[nermeanissawy]

انا اكتشفت مؤخرا انى بحرق وقتى وعمرى وطاقتى ومجهودى فى أماكن غلط مع ناس غلط واوضاع متناسبناش ظنا منى انى جايه هنا أصلح العالم واسيب اثر واخلى حياه اللى حواليا افضل

بس برده اكتشفت ان التغير بيجى من جوا واللى عايز ينجح بينجح واللى عايز يعمل كاريير بيعمله واللى عايز يفضل ياخد على دماغه بيفضل ياخد على دماغه وهى دى قوه الجذب او بمعنى اصح الافكار تجذب الاقدار يعنى لو انت فاكر انك جاى الحياه تعدل المايله وتصلح حيوات الناس وتحدث فرقا فا اعرف انك لسه برياله ومنضجتش لان المايل بيفضل مايل

طول ماهو معندوش استعداد يبقى مش مايل !

فا احفظ اللى باقى من وقتك وطاقتك ومجهودك وادى اللى حواليك اد على اد اللى بتاخده منهم لانك فى الاخر مش هتستلم كأس التميز

مبقولش متعملوش معروف فى حد اعملو المعروف فى اهله وغير اهله ومفيش حاجه عند ربنا بتضيع بس فى حدود متهلكش نفسك فى مساعده ناس هما مش عايزين يساعدو نفسهم

عشان بعد وقت هتلاقى نفسك ضعيف وهزيل ومش قادر تقوم من السرير حتى تواجه العالم وساعتها هتكتشف انك ضيعت كتير وفى الفاضى

ابعدوا عن مصاصى الطاقه اللى مبيسمعوش غير نفسهم وطول الوقت عايزين ياخدو وعاملين مشاكلهم هى محور الكون وانت اولع عادى لانك وقت ماهتقع محدش هيقولك انت فين

فكر فى نفسك واحتياجاتك اولا ثم البقيه تأتى ودى مش انانيه عشان انت لما بتدي اكتر من اللى قدامك يستحقه بيفتكره فرض عليك

ومره على مره على مره بتلاقي نفسك بتعمل اكتر من اللى المفروض تعمله وبتتحمل اكتر من اللى المفروض تتحمله وفى الاخر مبتتشكرش

اه عايزه اقولكم كمان ان الدايم هو ربنا واى حاجه تانيه فانيه ومتغيره ( متغيره)

ويلا نروح ننام وان شاء الله بكره يبقى يوم احسن من النهارده وتحصل فيه حاجه قادره تخلى حياتنا كلها احسن ❤️

تصبحو على خير انا بحبكم واى حاجه حصلتلى مؤخرا كنتو انتو السبب فيها بشكل ما ( خاصه نسوانى حبايب قلبى ) اخواتى الصغيرين والكبار❤️❤️

[excitinglifee]

يوم 264 : من الذي يجعلك تشعر بالرضا عن نفسك؟

والله الموضوع الرضا دة صعب لكن اعتقد مامتى و اخواتى و ❤️

ودلوقتي بحاول أرضا عن نفسى