#اختارته

[elsoltansworld]

دكتورة في الجامعة سألت الطلاب بتوعها : هل الحب احساس ولا اختيار ؟

اغلب الردود كانت إنه احساس ...

الدكتورة كان ردها إنهم لو فضلوا مقتنعين إنه احساس فقط ، علاقتهم باللي بيحبوهم هتنتهي بسرعة .

بعد كده حكت لهم عن استطلاع عملته على ناس متزوجين ومطلقين ...

قالت إن كل اللي شاركوا في الاستطلاع ده اعترفوا إنهم جاتلهم لحظة في حياتهم والحب اللي كانوا بيحبوه للطرف التاني اختفى أو على احسن تقدير ، قل كتير عن الأول ... إن كلهم مرت عليهم لحظات ما كنوش فيها سعداء مع شريك حياتهم ... كلهم اعترفوا إن المشاعر شيء متغير جدا ، ومش منطقي إنك تبني حاجة عاوزها تعيش العمر كله على اساس مش ثابت زي المشاعر

لما سألوها طيب لما كل الناس بتحس بده ، ليه في ناس جوازتها بتكمل وفي ناس اتطلقوا ؟

قالت إن اللي لسه متجوزين في الاستطلاع قالوا إنهم لما حسوا الإحساس ده قرروا يتكلموا مع شريك حياتهم ويوجدوا لغة حوار مشتركة ، اختاروا يعترفوا إن في مشكلة وإنهم محتاجين يلاقوا لها حل ... اختاروا يعملوا حياة تستاهل إنهم يحبوا يعيشوها

اللي اتطلقوا قالوا إنهم قرروا يمشوا

وده الفرق بين الحب كمشاعر والحب كعَهد !

سهل إنك تحب حد وتتوتر وقلبك يدق بسرعة وتفرح بمشاعر البدايات ... سهل تقع في حب حد في الأول وكل صفة فيه جميلة وكل تصرف منه مُبهر وكل عيب فيه مستور بنور الافتتان ...

الصعب إنك تلتزم بالحب ده ! إن لما بريق البدايات يتطفي تلاقي نفسك لسه حابب صحبة الشخص ده ... إن في عز ما الدنيا وحشة ، إنت لسه عندك القدرة إن تلاقي فيه حاجة تقع في حبها ... إن لما تتعب أو تزهق في النص ، تقدر تبص لشريك حياتك وتحس إنك عاوز تتعب عشان تحتفظ بيه في حياتك ... والأصعب إنك تلاقي حد هو كمان عاوز يتعب عشانك ... حد يختارك زي ما أنت اختارته ... ويفضل يختارك مهما الحياة اتغيرت ...

في واحدة من اللي حاضرين قالت :

( مابقتش خ��يفة إن اللي كان شايفني دُنيته كلها في يوم يصحى ومايشوفش لمعة عيوني لما ابص له ... طول ما هو هيصبر كفاية إنه يدوّر لحد ما يلاقيها تاني ).

كان في واحدة دايما بتقول لي إن بالنسبة لها الحب هو الصُحبة ... إني لو فكرت هلاقي إن أبونا آدم - عليه السلام - شخصيا كان نفسه في الصحبة والونس والسكن ، فربنا خلق أمنا حوا ...

الحب عندها هو اختيار واعي منك إن في شخص معين- دونا عن بقية خلق الله - يستاهل إنك تتعب عشانه ويستاهل إنك تبذل مجهود عشان تحتفظ بيه في حياتك ... شخص واحد قلبك اختاره إنه يولّف حياتك على حياته وفي المقابل قلبه كمان اختار كده .

[kldha]

المرأة الفاضلة كتاب مغلق لا يقرؤه إلا الرجل الذى اختارته ليشاركها حياتها.

أنيس منصور المصدر: خلِّدها - مقولات عن المرأة

[fozdoaa]

عاوزين ننورمليز موضوع إن عادي جدًا أكون زعلانه لقرار أنا أخدته بنفسي ،أنا اختارته عشان دا الصح مش عشان دا اللي عاوزاه ،والفرق بينهم عظيم!

[mg23official]

‏عاوزين ننورمل موضوع إن عادي جدًا أكون زعلان لقرار أنا أخدته بنفسي

أنا اختارته عشان دا الصح مش عشان دا اللي عاوزه

والفرق بينهم عظيم!

[elsaqqa-4ever]

اسوء ما في حياتنا .

انك تعتقد بالقسمه والنصيب.

وانك تعتقد أن دعائك يرد القدر .

وانك تمشي في طريق انت اختارته وتقول ربنا اللي كاتب كده .

هي دي العقول اللي حواليك ..😊

يبقي العزله اجمل من معاشره المختلين

[gomls-world]

هتلاقي دايما في كل اسرة او كل شلة اصحاب او شغل ؛ حد شايل الطين ؛ مش من حقه يفرح ؛ كأن الحياة اختارته دون عن البشر كلهم انه يضحي ؛ واوقات كتير مش بيضحي بمزاجه هو مجبر ؛ ميقدرش يرتاح او حتي ينهار هو مكمل مهما حصل.

ارحمنا ابوس ايدك والكلام ليكي يا جاره

[mahmoudezzat]

تحيا حقوق الإنسان..

الأبيض

ولتحيا حياته

حتى وهو بيدبح في اخواته

يقصفهم (من غير تمييز

في اللون أو في المعبود

بين حمر وصفر وبني وسود)

يقصفهم وفقاً للكود

بيطهرهم من خطاياهم

بالدبابة

بيحضّرهم للمدنية

بالطيران الحربي

يزرع حب الغير

جنب الألغام

اللي هتفضل للذكرى

لسنين قدام

تخطف من أحفادهم قدام عينهم

أياديهم والأقدام.

وتفكرهم بهباته.

تحيا حقوق الإنسان

الأبيض

الأخلاقي سياسياً

يقصفهم بالكتالوج

بعد ما يرميلهم منشورات

إزاي تتطهر عرقياً

وكتيب إرشاد المقصوف

ولو الأعداد مؤذية

للعين أو للنفسية

يطرح وقف التنكيل

في المجلس للتصويت:

ارفع إيدك واختار

لمدينة بحالها قرار

الرحمة ولا الموت؟

١٠٠ صوّتوا الرحمة

١٠١ للموت

شكرا حضرات النُبلا

قرر مجلس نواب

الدولة العظمى البيضا

موقف رسمي: جبروت

قررنا إنك معلش

تمسك في ابنك وتموت

اتطمن

مهما هيحصل

هنقول اللي انت اختارته

يتحط في خانة الچندر

هيكون واقع وحقيقة

في ورق تحويل أشلائكم

لمواد طيبة للبيئة

تحيا حقوق الإنسان

الأبيض..

أما الباقي كسور

متشالة لوقت العوزة:

في صور حفلات الشاي للبليونيرات تتبر��

في دعاية الانتخابات، لو موضة النت "تنوّع"

في رقم للاحصائية اللي بدقة بتتوقع

حجم بياض المتقدم

لشرف أفضال الفيزا

وجدارته يشوف النور

في غلاف بيانات الزور

عن تنوير الغابات

من حيوانات بشرية

لقرود تعمل أفلام بتروح المهرجانات

وقرود تكتب مقالات وكتب صعبانيات

وقرود تعمل مزيكا تستطعمها السفارات

إيه لازمة فن القرية

لو من غير البهارات

اللي عايزها الألمان؟

إيه معنى الشعر الشعبي

لو في الترجمة بهتان؟

لو فيلمك هيروح "كان"

لكن مش من مواضيع

لستة منح الإنتاج؟

تحيا حقوق الإنسان

إلا اللي يقرر يا��د

حقه دون استئذان

تحيا حقوق الإنسان

إلا الـ ٢ مليون

محبوس عطشان وجعان

تحيا حقوق الإنسان

إلا لو مش بيقاوم

زي مقاومين السيما

تحيا حقوق الإنسان

أكبر قطعة بحرية

بأسطول الأمريكان.

تحيا حقوق الإنسان

أحدث أسلحة نوعية

للقتل بدون إزعاج.

منحة لأطفال الحرب

ترسم ايدها المبتورة.

دعوة لهدنة فورية

نملى الطيارة ذخيرة.

حق مؤكد وأساسي

تنزل قبله على ركبك

وتقول اللي نقولهولك

تلعن نواياك الشاذة.

تحيا حقوق الإنسان

شبكة إرسال الرحمة

المقطوعة فوق غزة.

[su3luk40]

"تلك الليالي السرمدية التي لا تنتهي في الساعة الثانية عشرة بل تليها الثالثة عشرة الرابعة عشرة، وهكذا دواليك حتى تصل إلى العشرينات ثم الأربعينات لا شيء يمنع تلك الليالي من ممارسة ذلك إن اختارته."

– فيريجينا وولف

[es-r-aa7]

مساء الخير العزيز تمبلر

وحشك صياحي انا عارفة 😅😅 .. مش عارفة ليه اغيب اغيب ودماغي تحشرني ف نقطة ( هو الانسان مخير ولا مسير ) وبعد الكثير من الهري والسيرش و المرجعيات الدينية ف مش هندخل ف جدالات ملهاش لازمة لأن الانسان مخير ومسير وكلنا عارفين كدة بس بنحب ندور ع شماعة نعلق عليها فشلنا او أخطاءنا..

المهم من كام يوم كدة شوفت حتة بتاعة بودكاست عمرو اديب مع احمد سعد وهو بيتكلم عن اخوه سامح العالم واللي كان الاول ف مجاله ف اليابان وامريكا اختارته عشان تمول بحثه العلمي وكل الكلام الجميل دا وان د.أحمد زويل الله يرحمه دعاه انه يجي جامعة النيل ويكمل بحثه هنا ويطوره والراجل وافق وساب كل حاجة وجه مصر 😅

كل اللي كان مضايقني ف الموضوع السخرية اللي كان بيتكلم بيها احمد سعد وهو عارف انه انسان تافه وضربت معاه مش اكتر ..

ف كل مجال حرفياً في ناس بنسميهم moneymakers سواء ف مجال الطب الصيدلة الهندسة البلا ازرق .. ياما دكاترة عاملين اسم وعيادات ومستشفيات - دا مش حقد والله 🥲😅- وما شاء الله معاهم فلوس كتير .. وناس تانية مش دي حتتها - انها تبقى moneymaker -

استوقفني سؤال لنفسي هل انتي يا إسراء تعرفي تعملي كدة ! .. الإجابة ببساطة ايوة وجداً كمان ، بس هل هتعملي كدة ! الإجابة بعد تجربة مش سهلة ابداً هي لأ مش هعمل كدة .. لاسباب كتير اوي منها اني نفسي ضعيفة وقلبي لسة مش ثابت ف ايمانه، جربت طريق الفلوس واللي كان بيشتغل معايا عارف كويس اوي ان كار الصيدلة وال community pharmacies دا اتعمل للي زيي واني اتحركت فيه بسرعة جداً حداً - مش لسواد عيوني بس عشان شطارتي وهي تحقيقي لاي تارجيت و مكاسب كبيرة للمكان اللي بشتغل فيه - ودا ياخدني لنقطة ان اهلي شخصياً كانوا مستحرمين اني معملش بزنس لنفسي ، بس هل إسراء فالفترة دي كانت شخص كويس !

في شعراية بين انك تبقى دكتور بتعامل الناس بمهنية ، وانا دكتور صاحب بزنس هو دا رزقك ورزق ناس فاتحة منه بيوت والبزنس يحب الزيادة 😅

ف انا اتسحلت ف الزيادة و نسيت المهنية .. لدرجة وحشة .. سنتين غيروا فيا كتير لدرجة اني انا وقفت واجهت نفسي قولت اني كدة بشتري دنيا وببيع آخرة وانا لازم اختار من غير ما اخلي نفسي تتحايل عليا وتخدعني عشان اوهمني اني مش بعمل حاجة غلط - ف ظاهر الامر فعلاً مفيش غلط - واني نسيت مهنية الصيدلانية وبقيت ابص ع الهامش الربحي اللي عايزاه يكبر.

ليه اللفة دي كلها طيب ! .. دي عشان بس اقول اني بصيح كتير عشان ورطت نفسي ف حتت محتاجة مذاكرة - عشان المهنية 😂 - لحد ما اموت وانا كنت حالفة ميت يمين ما اخطي العتبة دي ، وجيس وات روحتها برجلي لأ وكمان بحوشلها 🥲

ان شاء الله اوصل للنقطة اللي اعرف اكون فيها moneymaker بس مبيعش آخرتي.. معادلة صعبة ف بلد اعوذ بالله من كل شئ فيها.

[m-anarrr]

في حاجات كتير مهمة في الدنيا وهي سلامي النفسي وده القرار اللي اختارته وانا بشرب قهوتي الاخيرة بعد الفطار

لأن حقيقي وجع القلب والتفكير والدوشة حاجات متشبهنيش خالص وهوفر الاحزان علي حاجات عليها القيمة زي اني مالقيش طرحة العيد او جزمة العيد غير كده شكليات ،ومحدش يقولي منار العيد بكرا

بكمل الاوتفيت بعد العيد عادي

[actuallysarasworld]

محتار وياه بهرب من قلبي ولا انا ماشي وراه ونسيت الماضي ولا نستني معاه وطريقي اختارته ولا ده كان مكتوب 🙃

[pinkflowerperson]

*Miracle of Life: Baby Adam Al-Madhoon Emerges Safely from the Rubble After Israeli Airstrikes in Southern Gaza*

Adam Al-Madhoon, a baby of two months, has emerged safely from the wreckage of the shelter his family sought refuge in following their displacement from northern Gaza to the south. Their home fell victim to airstrikes by Israeli warplanes, without any prior warning, in southern Gaza.

Baby Adam was found under the rubble, but thanks to the heroic efforts of rescue teams and volunteers, he was successfully extracted in good health. This success is considered a tale of resilience and hope in the face of the challenging conditions experienced by the residents of Gaza.

*”معجزة الحياة : الرضيع آدم المدهون يخرج سالماً من تحت أنقاض منزله بعد هجوم إسرائيلي في جنوب قطاع غزة”*

خرج الرضيع آدم المدهون، البالغ من العمر شهرين ، بسلام من تحت أنقاض منزل اختارته عائلته كملجأ بعد نزوحهم من شمال قطاع غزة إلى جنوبه. حيث تعرض هذا المنزل للقصف فوق رؤوسهم من جراء هجوم طائرات حربية إسرائيلية، دون أي تحذير مسبق، في جنوب قطاع غزة.

الصغير آدم وجد نفسه تحت الأنقاض، ولكن بفضل الجهود البطولية لفرق الإنقاذ والمتطوعين، تمكنوا من استخراجه بحالة صحية جيدة. يعتبر هذا النجاح قصة تحدٍّ وأمل في وجه الظروف الصعبة التي يواجهها السكان في قطاع غزة.

#gaza #palestine #israel #free #freepalestine

[kldha]

المرأة الفاضلة كتاب مغلق لا يقرؤه إلا الرجل الذى اختارته ليشاركها حياتها.

أنيس منصور المصدر: خلِّدها - مقولات عن المرأة

[fozdoaa]

شوف العظمة ، بيقول لك :

Until you get comfortable with being alone, you’ll never know if you are choosing someone out of love or loneliness.

لغاية ما تبقي مرتاح في قعدتك لوحدك ، عمرك ما هتبقي عارف الشخص ده انت اختارته عشان بتحبه و لا عشان تهرب من وحدتك ..

عشان يبقي من اهم الاسئلة ازاي الانسان يبقي comfortable with being alone ؟ ازاي الانسان يبقي مرتاح في قعدته لوحده ؟؟

... المدهش بقي ان مفيش حاجة اسمها comfortable with being alone ، اه و اسمع مني للاخر .. اي حد يقول لك في راحة في القعدة لوحدك يبقي بيشتغلك او مجربهاش .. مما لا شك فيه القعدة لوحدك من اسوء الحاجات اللي ممكن الانسان يمر بيها ، بس الصياعة مش انك تصارع و تحزق عشان تبقي مرتاح في قعدتك لوحدك .. إنما انك تتأقلم و تتعايش مع الشعور المؤلم الناتج عنه ، تحتوي وحدتك متعاديهاش ! ..

.. بصوا يا اخوانا ، الاصل الانسان موجود لوحده ، بس شعوره الطبيعي بالصحبة بيخليه يكون صداقات و علاقات .. بمعني اصح إحتياجه بيدفعه للحاجة ديه ، فيبقي في العموم الاحتياج بيسوق الانسان و اي حد يقول لك تاني اكبت الاحتياج ده او اردم عليه يبقي متخلف ، إنما تروضه ! و أول خطوات الترويض ان الاحتياج يتساق بالعقل مش بالمشاعر ..

فالعقل هو اللي هيفوقك لو سرحت كدا و فكرت تدخل في علاقة مش مقامك ، العقل هو اللي هيفكرك كل شوية بقيمتك ، هيقعد يزن كل شوية و يقول لك ( يعني انت مبسوط بشكلك و منظرك كدا ؟! ) .. فاحنا بنعرف نعدي ألم الوحدة لما نتصدم بواقع ألم العلاقات المؤذية ، الم الاستهلاك النفسي و الاستغلال ، بنعرف نعدي ألم الوحدة لما عقلنا يثبت لنا حقيقتنا و قيمتنا .. ساعتها هنستخسر طاقتنا و وقتنا يترموا في الارض ، بنعرف نعدي الوحدة لما نعيد اكتشاف نفسنا ، و نصدق فعلا انها تستحق تستمع و تتحب و نستثمر فيها ، نسمعها حبة موسيقي حلوين يملوا روحها ، نفسحها فسحة حلوة او نفرجها علي فيلم .. ساعتها بنعدي الوحدة و احنا مش حاسين انها حاجة وحشة ، إنما وقت حلو ببيمر .... مش مستنين حد إنما اللي يجي اهلا و سهلا نشاركه اجمل ما فينا ..

[gheeda926]

جالسةً على تلِ الأعوامِ التي قطعتهَا ركضًا ووثبًا وزحفًا وحبوًا

‏كانت تنظرُ بندم .. ‏إلى المغامراتِ التي لم تخاطر بها

‏إلى الحماقات التي لم ترتكبها

‏إلى الأخطاء التي لم تقترفها

‏لكنها تعرف؛ أن الزمانَ لو عاد بها لذاتِ الطريق ، ‏لاختارت ذات ما اختارته

‏هي هكذا ولن تتغير.

- روضة الحاج

[sara-sabbara]

السبت: 24 - 8 - 2024 | الساعة: 1:32 صباحاً

أود قول الكثير من الأشياء، لكنني لا أستطيع ترتيبها!

مثلا: أود أن أقول أننا نتجادل أحياناً على أمور - بالنسبة لي على الأقل - تافهة ولا تستحق أن تأخد من يومي ووقتي وتفكيري شيئاً، لكنها في الحقيقة تأخذ الكثير!

أود أن أقول: أن أختي تعيسة! ولا تشعر بالسعادة مع زوجها الذي اختارته بنفسها. مع أنني عندها ارتبطت به، قلت لها بأنه لا يناسبها.. لكنها أصرت بأنه الأفضل..

أود أن أقول: أن أمي تضع على كاهلي أحيانا ما لا أحتمله!

أود أن أقول: أنني طموحة، ولدي الكثير من الأمور لأنجزها قبل أن أرحل عن هذه الدنيا؛ لكنني فقدت بوصلتي نحوها! أعرف ما أريد ولكنني لا أعرف كيف ومن أين أبدأ! ولا أعلم إن كنت حقاً أستطيع أن أصل أم لا..