#اتباف_ابرک

[gugegul]

#اتباف_ابرک #گل #گل_جی #رامے #رامےولاز #رامے_ولاز #ولازرامے #ولاز_رامے #رامےالیکٹرک_اینڈ_الیکٹرونکس #رامے_الیکٹرک_اینڈ_الیکٹرونکس #رامےکمپیوٹرزاینڈموبائلز #رامے_کمپیوٹرز_اینڈ_موبائلز #رامےٹریڈرز #رامے_ٹریڈرز #این_جی_مارٹ #رامےمارٹ #رامے_مارٹ #رامےفوڈز #رامے_فوڈز (at ولاز رامے) https://www.instagram.com/p/CCAoFspl9wo/?igshid=i0k8eowvryge

[waz-ahmed]

‏اے خدا جب تو روبرو کرنا

اپنے بندے کو سرخرو کرنا

تو ہے نزدیک میری شہ رگ سے

کاش آ جائے گفتگو کرنا

تیرے ہاتھوں میں فیصلے سارے

کام میرا ہے جستجو کرنا

برمحل پُر اثر دعا دے دے

سیکھ بیٹھا ہوں بس غلو کرنا

پھر سے ابرک ہے سر جھکائے ہوئے

پھر سے حاجت ہے، قبلہ رو کرنا

‎#اتباف_ابرک 🍁

One of my favourite poet .

[nooratiya1]

‏ہم جو محفل میں آئے بیٹھے ہیں

لوگ سب خار کھائے بیٹھے ہیں

سانس بھی ڈر کے لیجئے صاحب

لوگ نظریں جمائے بیٹھے ہیں

داد و تحسین کی نہ ضد کیجئے

لوگ سب دل جلائے بیٹھے ہیں

آپ کا نام کیا لیا ہم نے

لوگ سب تلملائے بیٹھے ہیں

خوش گمانی کی حد ہے یہ ابرک

لوگ دل میں سمائے بیٹھے ہیں

‎#اتباف_ابرک

[muslimmaahh]

اس جہاں کے حساب ٹھیک نہیں کچھ بھی کر لو جواب ٹھیک نہیں ڈھونڈتا کیا میں اس کی تعبیریں جانتا جب کہ خواب ٹھیک نہیں کیا سکھائے گا ڈھنگ جینے کا خود زمانہ جناب ٹھیک نہیں قافلہ کب ہیں ہم ہجوم ہیں بس جس کا اک ہم رکاب ٹھیک نہیں ہار کر خود کو ہم یہاں جیتے ہم سا بھی کامیاب ٹھیک نہیں جو بھی کہنا ہے صاف کہہ دیجے گفتگو میں حجاب ٹھیک نہیں تھا لڑکپن تلک جہان حسیں جب سے آیا شباب ٹھیک نہیں جو نہیں پاس ا�� پہ مرتے ہیں اور جو دستیاب ٹھیک نہیں خود وہ دل شمع سے لگا بیٹھے اور ضد ، آفتاب ٹھیک نہیں جھک کے کہتے ہیں اس محبت سے آپ سا بھی عتاب ٹھیک نہیں اور ابرک میں کچھ برائی نہیں دل کا خانہ خراب ٹھیک نہیں #atbafabrak #اتباف_ابرک #شاعری #poetry

[ahtishamabdullahalvi-blog]

‏یہ تیرا مُغالطہ ہے، شبِ غم گُزار بیٹھا

شبِ غم کہاں گُزری کبھی زندگی سے پہلے

‎اتباف_ابرک

[muslimmaahh]

زنگ لگ جاتا ہے محبت کو کیوں یہ جذبات مرنے لگتے ہیں جن پہ ہم جان تھے کبھی دیتے کیوں وہ انجان لگنے لگتے ہیں اسی عادت پہ ہم کو رنجش ہو کبھی جن عادتوں پہ مرتے تھے بات ہر اک وہی پرانی ہے پریہ لہجے نئے نئے سے ہیں سامنے ہیں سبھی وہی منظر فرق کیوں سب دکھائی دیتا ہے کبھی سوچا کہ راز کیا اس میں کبھی سوچا کہ کیوں یہ ہوتا ہے کیوں تعلق یہ بوجھ بنتے ہیں کیوں محبت یہ روگ لگتی ہے وہ جو گلزار بن کے ملتے تھے کاہے بے زار ہو کے جیتے ہیں ہاں محبت ہی روپ بدلے ہے یہ تعلق ہی ، ڈھنگ بدلے ہے جیسے شے طاق میں پڑی کوئی اپنا حلیہ یا رنگ بدلے ہے جیسے دیمک سی اسکو کھا جائے ریت کچھ قیمتی سا ہو جائے کوئی پھل دار پیڑ بھی جیسے بے دھیانی سے سوکھ سا جائے یہی کچھ حال ہے محبت کا سانس کے ڈور سے یہ نازک ہے ہم نہ اس کا خیال جب رکھتے اپنے اندر ہی مر سی جاتی ہے لگے کائی زدہ سی شے ہے کوئی دیکھنا بھی جسے محال لگے بڑی بے رنگ سی دکھائی دے جیسے اک بو سی اس میں پڑ جائے ایک افسوس سے اسے دیکھیں پھینک دیں پھر اسے ہمیشہ کو ہمیں احساس بھی نہ ہو پائے اور سب ہاتھ سے نکل جائے جیسے شیشہ کبھی نہ جڑ پائے وقت بھی لوٹ کر نہیں آئے سو یہ اب فیصلہ تمہارا ہے اس کو رکھنا ہے یا گنوانا ہے جیسے مچھلی کو جل ضروری ہے اس محبت کو دل ضروری ہے صرف زندہ یہ دل میں رہ پائے غم سبھی ساتھ مل کے سہہ جائے پر جو دل سے اسے نکالو گے تم سے یہ انتقام بھی لے گی اس کو بھولو گے یہ بھلائے گی اس کو مارو گے مار ڈالے گی زنگ لگ جاتا ہے محبت کو کیوں یہ جذبات مرنے لگتے ہیں جن پہ ہم جان تھے کبھی دیتے کیوں وہ انجان لگنے لگتے ہیں #اتباف_ابرک #atbafabrak #poetry #shayeri

[muslimmaahh]

یہ دنیا ہے ارے ناداں نہ اس کے جال میں آنا کہا کچھ اور جاتا ہے کیا کچھ اور جاتا ہے یہ سودا ہے نرا دھوکا نظر کا کھیل ہے سارا دکھایا اور جاتا ہے دیا کچھ اور جاتا ہے ہے مانا زندگی تیری مگر مرضی نہیں تیری سو جینا اور ہوتا ہے جیا کچھ اور جاتا ہے ترا تھا گھاو ہی ظالم طبیبوں کی خطا کیا ہے ہوا کچھ اور گہرا جب سیا کچھ اور جاتا ہے محبت تیری باتوں میں یہ کیسی چاشنی ہوتی کہ مطلب اور ہوتا ہے لیا کچھ اور جاتا ہے یہ ابرک شاعری ہے یا کہ ہے یہ دل لگی تیری حقیقت اور ہوتی ہے بتا کچھ اور جاتا ہے #اتباف_ابرک #atbafabrak #poetry

[muslimmaahh]

ہے سکوں اتنا کہ آزار کی ضد کرتے ہیں ہم وہ مجرم ہیں کہ خود دار کی ضد کرتے ہیں تھک گیا ہوں در و دیوار سے کہتے کہتے اب تو یہ غم کسی غمخوار کی ضد کرتے ہیں ہم اصولوں کے نہیں ہم ہیں اناؤں والے سر کٹا دیتے ہیں دستار کی ضد کرتے ہیں ہے تباہی کہ ہمیں راس نہیں آزادی ہم وہ در ہیں کہ جو دیوار کی ضد کرتے ہیں کوئی سمجھے تو مری دھرتی کی مشکل کو ذرا بے وفا سب ہیں وفادار کی ضد کرتے ہیں بہ خوشی تخت نشیں اب وہ کئے جاتے یہاں زندہ بستی میں جو مردار کی ضد کرتے ہیں خود کو بیچ آئے جو اغیار کے ہاتھوں سارے ہم سے وہ بھی یہاں کردار کی ضد کرتے ہیں ہاتھ آ جائے کوئی عیب ہمارا ان کے سر قلم کرنے کو تلوار کی ضد کرتے ہیں ہے گھٹن اتنی کہ لفظوں کا بھی دم گھٹتا ہے لوگ سادہ ہیں کہ اشعار کی ضد کرتے ہیں مانا غفلت میں ہے ڈوبی یہ مری قوم مگر اب بھی زندہ ہیں جو انکار کی ضد کرتے ہیں اپنے ہاتھوں ہی بدلنا ہے زمانہ ابرک کون کہتا ہے کہ بے کار کی ضد کرتے ہیں #اتباف_ابرک #atbafabrak #poetry #shayeri

[muslimmaahh]

گر قلم بیچ کے کھاتے ہو تو کیوں لکھتے ہو خود کو بازار بناتے ہو تو کیوں لکھتے ہو سچ ہی جب لکھ نہیں پاتے ہو تو کیوں لکھتے ہو جھوٹی دنیا جو بساتے ہو تو کیوں لکھتے ہو راہ سیدھی نہ دکھاتے ہو تو کیوں لکھتے ہو ظلم انصاف بتاتے ہو تو کیوں لکھتے ہو وقت کی دھونس میں آتے ہو تو کیوں لکھتے ہو شاہ کے ناز اٹھاتے ہو تو کیوں لکھتے ہو خضر رہزن کو بتاتے ہو تو کیوں لکھتے ہو دیے جلتے کو بجھاتے ہو تو کیوں لکھتے ہو آنکھ دیکھا نہ دکھاتے ہو تو کیوں لکھتے ہو خونِ ناحق جو چھپاتے ہو تو کیوں لکھتے ہو بات بے وجہ بڑھاتے ہو تو کیوں لکھتے ہو نفرتیں دل میں جگاتے ہو تو کیوں لکھتے ہو حق کو باطل سے ملاتے ہو تو کیوں لکھتے ہو معنی مرضی کے سُجھاتے ہو تو کیوں لکھتے ہو کفر مجبوری بتاتے ہو تو کیوں لکھتے ہو حکم اللہ کے بھلاتے ہو تو کیوں لکھتے ہو خود کو نظروں سے گراتے ہو تو کیوں لکھتے ہو سر قلم کا جو جھکاتے ہو تو کیوں لکھتے ہو خود کو لفظوں میں نچاتے ہو تو کیوں لکھتے ہو بس خریدار رجھاتے ہو تو کیوں لکھتے ہو #اتباف_ابرک #atbafabrak #poetry #shayeri