#أهلا بهالطلة أهلا

[litaniriver]

صباح الخير 🏞️🇱🇧

📸| فياض مكي

لقطة من على جسر قاقعية الجسر الموصل بين ثلاث أقضية: النبطية، مرجعيون، بنت جبيل

🔹| التلة المواجهة تتبع لقضاء مرجعيون، ويسار الصورة لقضاء النبطية

[chadi-hajji]

"سر الأرقام المتداولة عند اللبناني

بعض الأرقام في اللهجة اللبنانية لها استخدامات مختلفة جداً.. وهي 60 و 100 و 10 و 1000 و 7 و 2..

منبلّش:

-الرقم (60):

يستخدم فقط وحصرياً في الشتائم والتوبيخ دوناً عن باقي الأرقام.

مثلاً: (ابن ال60 صرماية).. (ابن 60 كلب).. ما بيقولوا مثلاً ابن 50 كلب.. ولا ابن 70 كلب.. حصراً 60 كلب فقط لا غير.

ويستخدم الرقم (60) أيضا لوصف اسوأ مكان أو وجهة.

مثلاً: (ا��قلع حدّك 60 جهنم).. أو (يروح ب 60 داهية).. 40 أو 70 ما بيمشي الحال.

-أما الرقم (100) فيستخدم للتسليمات.

مثلاً: (يا 100 أهلا وسهلا).. مامنقول يا 50 أهلا وسهلا.. لأ..

(100 السلامة).. (100 وردة بهالطلة)..

وأحياناً يستخدم رقم (100) للمبالغة:

(100 مرة قلنالك ما تعمل هيك).. هوي بكون قايلك مرة ونص أو مرتين..

(100 مرة عيطلّك).. هي بتكون 3 مرات ..

-وأما الرقم (10) فيستخدم لوصف جودة الأشياء أو الأفعال.

(الشغل 10 على 10).. تأتي بمعنى top..

أو (فتح عيونك 10 على 10) يعني انتبه..

-الرقم (1000) يستخدم تحديداً في التهنئة.

(1000 مبروك).. 100 مبروك ما بيمشي الحال..لازم 1000..

(1000) الحمدلله عالسلامة..

٩٩٩ مبروك كمان قليل

أما الرقم (7) في الوصف فهو ظاهرة غريبة جداً.. ويفيد الحيرة الشديدة أو البحث المتواصل والمتعب عن شيء أو شخص ما. مثلاً:

(دخت ال7 دوخات لحد ما لقيت فلان أو هالغرض الخ...).

كما يستخدم الرقم (7) للتعبير عن النوم العميق..

(ما رح يرد عليك.. شكلو ب "سابع" نومة)..

انتبه.. لو ب "سادس" نومة كان قام عادي ورد.. بس هي السابع نومة!

أخيراً الرقم (٢):

وهو يعبر عن أطول مدة زمنية في الكون.. وهي (الساعتين).

(صرلو ساعتين بنفس القصة) هي بتكون ٥ دقايق.. بس الله بيطرح فيهن البركة..

(صرلي ساعتين ناطرك).. (صرلي ساعتين عم فهمك هالشغلة)..

(هلكت صرلي ساعتين واقف ع إجرييّ..

قولوا غلط هالحكي لشوف😉😉

[arabwindow]

نافذة العرب

[white-tulip323]

😂 انو عنجد شو السر .. سر الأرقام المتداولة عند العرب: بعض الأرقام في اللهجات العربية لها إستخدامات مختلفة جداً .... وهي 60 و 100 و 10 و 1000 و 7 و 2 على سبيل المثال: 🌼يستخدم الرقم (60) لوصف أسوأ مكان أو وجهة انقلع أو روح في (60) داهية.. و أبداً ما حدا قال ب 80 داهية مثلاً أبداً ..   أو حدّك (60) جهنم مثلاً.. مو حدك 40 جهنم لاء.. و أوقات يستخدم رقم (60) للتوبيخ: (60) مرة قلتلك لا تعمل هيك.. هيي بتكون  مرتين. (60)  مرة ناديتلك.. هيي بتكون 3 مرات أيضاً.. 🌼أما الرقم (100) للتسليمات.. (100)  أهلا وسهلا.. ما منقول 50 أهلا وسهلا مثلاً .. (100)  السلامة.. مو 40 سلامة مثلاً .. (100)  وردة بهالطلة.. مو 25 وردة مثلاً .. 🌼أما (10) فتستخدم لوصف جودة الأشياء أو الأفعال .. الشغل 10 على 10) يعني ماشي تمام).. أو (فتح عيونك 10 على 10)  يعني انتبه.. 🌼أما الرقم (1000) يستخدم تحديداً في التهنئة.. (1000 ) مبروك.. مافي  100 مبروك مثلاً ..؟؟ (1000)  الحمدلله عالسلامة.. مافي 20 الحمدلله مثلاً ..!! 🌼أما الرقم (7) في الوصف فهو ظاهرة غريبة جداً ، وهي الحيرة الشديدة  أ�� البحث المتواصل والمتعب عن شيء أو شخص ما .. دخت ال(7) دوخات.. لحد ما لقيت فلان أو هالغرض الخ...  كما يستخدم الرقم (7) للتعبير عن النوم العميق.. (ما رح يرد عليك ، شكلو ب "سابع" نومة).. على أساس انه لو ب "سادس" نومة كان قام عادي و رد ! 🌼أما الرقم (٢) وهو أطول مدة زمنية في الكون و هي  (الساعتين ).. (صرلو "ساعتين" بنفس القصة)  هيي بتكون ٥ دقايق.. (صرلي " ساعتين" ناطرك)  هيي بتكون 7 دقايق.. (صرلي "ساعتين" عم فهمك هالشغلة)  هيي بتكون ٥ دقايق.. (هلكت صرلي " ساعتين" واقف عرجليي)  هيي كمان بتكون شي 3 دقايق .. ومليون تحية لكل من يستعمل هالارقام 😌