Vefur, frumsýning/opnun í Tjarnarbíó 21. febrúar 2019.
Samfélag af frumum sömu tegundar sem gegna sama hlutverki.
Í verkinu mætir okkur lítið samfélag kvenna, sem koma úr ólíkum áttum en mynda hér saman eina heild. Í verkinu liggur leit okkar að augnabliks skilningi, einhvers konar samþykki. Von um tengingu án fordóma. Eitt augnablik myndast vefur utan samfélags, innan annars. Augnablikin óræð en fara þó ekki á milli mála. Andartak sem ekki verður auðveldlega lýst, heldur einungis fundið fyrir. Í verkinu má finna vísbendingu um traust og mannlega tengingu, einlægni og styrk. Einfalt og flókið á sama tíma, varkárni í öruggu afli.