shinycrownpanda

[shinycrownpanda]

1000 likes!

[shinycrownpanda]

جب کوئی عشق میں ہارا ہوگا

ٹوٹا ایک ستارہ ہوگا

شرک میں معافی ملنے لگی تو

تم سے عشق دوبارہ ہوگا

اس نے مڑ کر پھر دیکھا ہے

پچھلا قرض اتارا ہوگا

یہ تو گھر کی بات ہے اس نے

دل کو جان سے مارا ہوگا

تیری آنکھ سمندر ہو گی

میرا ظرف کنارہ ہو گا

ہم نے عشق کیا تھا ۔ ۔ ۔ ۔

تم نے وقت گزارا ہوگا

[shinycrownpanda]

Barbaadiyon ka jayeza lene ke vaaste,

Wo puchte hain haal hamara kabhi kabhi...

[shinycrownpanda]

غرور تو دیکھو اس موسم کا

لگتا ہے ان سے مل کر آیا ہے ..!¡

☺️☺️😍

[shinycrownpanda]

خواب پہلے لےگیا پھر رت جگا بھی لے گیا

جاتے جاتے وہ میرے گھر کا دیا بھی لے گیا

دھوپ ہے اب اورنہ بادل ہے نہ خوشبو ہے نہ پھول

سارے موسم لےگیا آب وہوا بھی لے گیا۔۔۔۔۔۔۔۔۔۔۔

زندگی اے زندگی طے ہو مسافت کس طرح

سمت منزل لے گیا وہ راستہ بھی لے گیا۔۔۔۔۔۔

ایک مدت ہو گئ بیٹھی ہوں سنگ ِ میل پر

راستوں کے ساتھ اپنے نقش ِ پا بھی لے گیا

ہاتھ پتھر ہو گئے لب کپکپاتے رہ گئے۔۔۔۔۔

وہ دعا بھی لے گیا دست ِ دعا بھی لے گیا

کیسے دیکھوں گی میں اپنے چہرے کی کتاب

وہ گیا تو آرزو کا ۔۔۔۔۔۔۔۔۔۔۔۔۔۔۔۔۔۔۔آئینہ بھی لے گیا

[shinycrownpanda]

نت نئے نقش بناتے ہو ، مٹا دیتے ہو

جانے کس جرم ِتمنا کی سزا دیتے ہو

کبھی کنکر کو بنا دیتے ہو ہیرے کی کنی

کبھی ہیروں کو بھی مٹی میں ملا دیتے ہو

زندگی کتنے ہی مُردوں کو عطا کی جس نے

وہ مسیحا بھی صلیبوں پہ سجا دیتے ہو

خواہش ِدید جو کر بیٹھے سرِ طور کوئی

طور ہی ، برقِ تجلی سے جلا دیتے ہو

نار نمرود میں ڈلواتے ہو خود اپنا خلیل

خود ہی پھر نار کو گلزار بنا دیتے ہو

چاہِ کنعان میں پھینکو کبھی ماہ ِکنعاں

نور یعقوب کی آنکھوں کا بُجھا دیتے ہو

بیچ�� یوسف کو کبھی مصر کے بازاروں میں

آخر ِکار شہ ِمصر بنا دیتے ہو

جذب ومستی کی جو منزل پہ پہنچتا ہے کوئی

بیٹھ کر دل میں اَنا الحق کی صدا دیتے ہو

خود ہی لگواتے ہو پھر کُفر کے فتوے اس پر

خود ہی منصور کو سولی پہ چڑھا دیتے ہو

اپنی ہستی بھی وہ اک روز گنوا بیٹھتا ہے

اپنے درشن کی لگن جس کو لگا دیتے ہو

کوئی رانجھا جو کبھی کھوج میں نکلے تیری

تم اسے جھنگ کے بیلے میں اڑا دیتے ہو

جستجو لے کے تمہاری جو چلے قیس کوئی

اس کو مجنوں کسی لیلیٰ کا بنا دیتے ہو

جوت سسّی کے اگر من میں تمہاری جاگے

تم اسے تپتے ہوئے تھر میں جلا دیتے ہو

سوہنی گر تم کو مہینوال تصور کر لے

اس کو بپھری ہوئی لہروں میں بہا دیتے ہو

خود جو چاہو تو سر ِعرش بلا کر محبوب

ایک ہی رات میں معراج کرا دیتے ہو

ناز خیالوی

[shinycrownpanda]

تھے خواب ایک ہمارے بھی اور تمہارے بھی

پر اپنا کھیل دکھاتے رہے ستارے بھی

کسی کا اپنا محبت میں کچھ نہیں ہوتا

کہ مشترک ہیں یہاں سود بھی خسارے بھی

بڑے سکون سے ڈوبے تھے ڈوبنے والے

جو ساحلوں پہ کھڑے تھے بہت پکارے بھی

امجد اسلام امجد

[shinycrownpanda]