Last Seen Blogs
Text
كل الحكاية انا محتاج شوية حب بس ، اقل فعل حب حقيقي بحسه بيفرحني جدا ، بيخليني سعيد لاقصي درجة من اي حد ولد او بنت اي حد انا بس عاوز احس اني كويس ، اي حد ارتبطت بيه كان لازم يمشي لاني بعلق عليه امالي وطمحاتي وكمان طلباتي بيرهق منها وبالتالي انا قدامي حل اني استقبل الحب من الاولاد وتويتر والفيس وكله بس ابطل شكوي علي تويتر ممنوع الاستجداء باي شكل ، وبعدها اقوي نفسي علشان اقدر اواجه الدنيا لواحدي بعد كده ،هاعمل ده ازاي ؟
١- هافكر نفسي كل يوم اني مستقل وان دي حياتي واني بحاول اكون اقوي
٢- اني مش محتاج حد يلم ليا حياتي كلها ،انا هاخد بس اجزاء تعيني علي اني اوصل.
٣- اكتب ارائي وضحك وهزار علي تويتر مش شكوي ابدا ابدا ،
٤- اعتمد علي نفسي فالاساس في اسعاد نفسي
0 notes
Text
الزدواجية دي برضه غلط ، هو بيمتع نفسه بالنظر للبنات وانا كمان بستمتع لما ببصلهم لان ده ممتع للراجل بس انا بحس انه غلط مدام بيتضايقو ، مدام بيتضايقو انا هابطل لان انا محترم مش عاوزهم يتضايقو ،هو بقي عكسي فالحتة دي ياخد حقه واللي يتضايق يتضايق انا مالي ،انا عاوز اعمل زيه فحقوقي زي النهاردة كده انا اخدت حقي من صاحب الشغل حتي لو هو زعل ،ومع ذلك انا حاسس بتانيب ضمير ان هو زعل بالرغم من ان ده حقي ،انا مابحبش حد يكون زعلان ، بس اعتقد انه الصح ان لو ليا حق اللي يزعل يزعل ،لكن غير كده راعي مشاعر الناس
0 notes
Text
اهم حاجة اعتقد اني ابقي عارف انا عاوز ايه وايه المعوقات اللي عندي، اه انا عاوز الجنس وعاوز البنت حلوة بس كزوجة وكحاجة حلال واه احيانا بضعف طبعا وبعمل حاجات غلط ، انت عمرك ما هاتقدر تغير تفكير الستات كلهم ولا الرجالة كلهم ،انت عارف نفسك انك مش كده ، عندك فلان ،بيستغل الستات علشان مصلحته بس هو ده اسلوبه مش اسلوبي وده اختلاف بيني وبينه ، هو بيعرف بنات عاوزين نفس اللي هو عاوزه برضه ، عاوزة تستمتع وخلاص ،فكرة الملائكية دي للبنات المفروض تتلغي فعلا وكله يفتح عينيه بقي
0 notes
Text
<p>لو انثي الفهد قررت فيوم من الايام انها ماتدربش الاشبال انما تفضل تنتقدهم وتقولهم انتو مش نافعين والله ما انتو نافعين بعد كل محاولة صيد فاشلة مش هايطلع فهد ، هايطلع كائن تاني بيستسلم بعد نص المسافة حتي لو بمقدورة يكسب. لانه جواه مقتنع انه اقرب للخسارة والفشل وان النجاح بتاعه اي نجاح هو مجرد صدفه. هو مقتنع عن نفسه انه فاشل. بقي جواه لوام صغير كل ما يحاول يعمل حاجة يقوله انت هاتفشل انت مهما عملت هاتفضل فاشل. اهو انا بقي الفاشل ده اللي في زيه مليون واحد فمجتمعنا ، انا اللي طلعت فاسرة بتقتنع بالدعم المادي وبتحتقر الدعم المعنوي واي غلط هو لانك فاشل ، انا اللي طلعت بالشكل ده وكل افكاري عن نفسي اني هافشل حتي اني هافشل اكمل مذاكرة المادة او المحاضرة حتي للاخر بدون ما اقوم او أضيع وقت. انا الفهد اللذي افتقد تلك الثقة. علي الرغم من اني لما اتحطيت فمواقف صعبة واختبارات حقيقة ابدعت بس مكانش قدامي وقت اشك فنفسي او اقلل منها واضعفها. <br>
اوعو تشكو فنفسكم انتو مش ناقصين ايد ولا رجل ولا موهبه انت تقدر تعمل اللي ربنا خلقك ليه ، انك تعمر الارض وتنتج. الفهد سيظل فهدا لا يعوقه شئ</p>
0 notes
Text
تعليقات اغلب الناس علي موضوع تونس ده مستفزة جدا
ناس ماشية بنغمة مش لما ياخدو حقوقهم الشرعية الاول نبقي ندور ع المساواه ، وكلام من نوعية هيييهيييي هو يعني الميراث ده هايكون ايه ده كلهم حلتين نحاس ..... دول طبعا خو*** بتوع الرقص ع السلم علشان مايخسروش لايكات ويتعملهم انفولو من اي حد.
نوع تاني يقولك ماهو دي احكام ماتتماشاش مع العصر اصلها ولازم تتغير والفتوي مش حكر علي حد وبس بقي علشان بتقمص وطبعا الفتوي فالطب مش حكر علي حد ولا فالقانون حكر علي حد ولا فاي حاجة بقي ولا هي جت ع الدين يعني اللي احكامه اي حد يصحي من النوم يلعب فيها بمزاجه كده يعني ، ماشي نص الشيوخ الموجودة وحشة واغلب العلماء مختفيين اصلا ولا حد سامعلهم حس بس ده مش منطق يعني ان اي حد اهبل كده يجي يفتي ، ما هو الفتوي دي ليها ناسها ،نروح ندرس بقي الاول وبعدين نبقي نسمع كلامك ياسيدي ، والفتوي يبقي ليها اصول كده وتتنشر كلها زي اي بحث علمي بكل حيثياتها والادلة عليها والاسانيد اللي استند عليها فالفتوي دي .
وواحد يقولك مهو احنا موقفين حد قطع اليد للسارق ،اشمعني جت علي دي ،طب ياسيدي اقرأ ليه واقف قبل الخرا ده يعني
وواحد يقولك مهو سيدنا عمر عطل حد السرقة سنة اشمعني احنا مانعملش زيه ليه لان الاحكام دي مابقيتش تنفع دلوقتي ، هو اي حد كده عادي
0 notes
Text
ابويا وامي متحكمين فحياتي بشكل بشع حتي اصغر التفاصيل عاوزين يتحكمو فيهم ،الواحد بيفقد احساسه بال personal power فعلا ، شعور وحش جدا ان تحس ان حياتك مش ملكك بس الصراحة هو تدريب فشيخ انه مهما اتحيط فمكان تقدر تسيطر علي نفسك ومحدش يمشيك ابدا وده فعلا اللي بدا يحصل ،وتدريجيا هايزيد باذن الله
0 notes