rahma23sblog

[rahma23sblog]

التخطي كذبة محدش يقدر ينسي ازاي اتسرق من قلبه الأمان.

[rahma23sblog]

أنا بعتذر لكل شخص قلتله هاخلص واكلمك... انا لغاية دلوقت لسه مخلصتش....

[rahma23sblog]

انا بجد معنديش اي مشكلة مع الاشخاص الحساسين وبقدر اتعامل معاهم وافهمهم واراعي حساسيتهم لاني زيهم

بس فيه نوع من الحساسية اللي بتتلكك..اللي هو الشخص بيتلكك عشان يزعل ويتقمص وياخد جنب منغير مايتكلم ومن اقل فعل غير مقصود .. ويعمل حاجز نفسي بسهولة

ده بيبقى مرهق بالنسبالي ومبقتش اقدر عليه ولا على المحايلة دي وبيبقى شيء تقيل على قلبي وبقيت اتجاهل

وده شيء بيحسسني بالسوء بس طاقتي بتنحدر وبتضيع وبتستهلك .. وبحس بتقل اني بتجاهل برضو لاني مش متعودة اتجاهل

فربنا يرحمني من دماغي

[rahma23sblog]

‏الراحه مش إنك تتكلم مع حد ويسمعك، الراحه إنك تتكلم مع حد ويفهمك .

[rahma23sblog]

اغلب اللي بيإذونا بيكونوا اتعرضوا لأذى مشابه للي أذونا بيه

بيقولولنا الكلام الوحش اللي كان بيتقالهم ومش بيحبوه .. بيعملوا نفس السلوكيات اللي كانت بتتعمل ضدهم

بس بسأل نفسي كتير يعني اسامحهم واتعاطف معاهم واعتبرهم شوية ناس مش في وعيهم ياعيني؟

وده للأسف شيء سيئ يعني .. ممكن اتعاطف مع تغيب عقلهم .. ممكن اتعاطف انهم مش اقويا كفاية لمواجهة الاذى ده .. بس مش هتعاطف انهم بيإذوني واسيبهم يكملوا .. عشان مش عايزة يجي وقت وانا كمان اكون زيهم مؤذية بعد مااسمحلهم يشربولي الأذى بالمعلقة واقولهم طعمه حلو عاوزة كمان عاوزة ابقى مؤذية زيكوا

وده كان بيحصل كتير معايا يعني .. الاقي نفسي غصب عني بعمل فعل كان بيتعمل فيا لحد مابقيت احاول اسيطر شوية واتحكم في كلامي وافعالي

هما ناس مقدروش يوقفوا الدايرة سواء بسبب عجزهم سواء بسبب عدم احساسهم بالمسؤولية سواء بسبب انهم شافوا الاذى اللي اتعرضوله حاجة حلوة اصلا زي الطفل اللي بيتضرب ويكبر ويضرب اطفاله .. لأي سبب ايا كان .. هما مجاهدوش نفسهم ومحاولوش يستوعبوا الاذى ده.. رغم اني عارفه انه شيء صعب بجد ان الانسان يجاهد نفسه في النقطة دي .. بس محاولوش يستوعبوا انهم بقوا مؤذيين هما كمان .. للأسف

[rahma23sblog]

انا بحب اسيب الاشياء والاشخاص بكل سماحة نفس لغيري مش لشيئ اكتر من قناعاتي ان كل اللي يخصني هيفضل يخصني وملكي بدون ما اخوض اي حروب او مهاترات في دنيا فانية .. كثرة التمسك بأشياء -هي مش خير ليك في باطنها- او الاستماته في المحافظه عليها واستبقائها احيانا مش بيكون ذكاء بل هي حالة من الاستنزاف والنزيف الجسدي والنفسي يا عزيزي ..

[rahma23sblog]

يارب اللهم امين

‏الحاجه الوحيدة اللي محدش هايختلف فيها في العلاقات هي احساس الامان ، إنك تحس إن مكانك محدش يقدر ياخده غيرك مهما بذل من مجهود ، وإن مفيش زيك ولا هايكون ومهما ظهر حد تاني أحسن منك هايتقابل بالرفض ، وإن غيابك كفيل مايخليش اليوم يعدي ، وانك مهما تعبت أو انطفيت لسه متشاف أحسن حد .

يارب ارزقنى الامان ده 🙏🙏

[rahma23sblog]

‏الإكثار من قول لا حول ولا قوة إلا بالله عبادة عظيمة، فإذا لزِمتَها أنارَ الله بصيرتك، وألهمَك رُشدك، وثبَّت قلبك، وسدَّد رأيك، وقوّى عزيمتك، وأعزَّ نفسك، وجمع أمرك، وفرّج همّك، وسدَّ فاقتك، وشرَح صدرك، وفتَحَ لك وأعانَك..

إننا نقوى بالله، ونتعافى بالله، ونطمئن بالله.

نحن لا قوة لنا إلا بالله.'

[rahma23sblog]

هههههههههههه

والله لو المنبه عرف انا باخد كام في الشغل ما هيرن

[rahma23sblog]

تقريبا الحاجة الوحيده اللي اتعلمتها. ف٢٠٢٤ ان متعلقش ب أي حاجة ولا اشخاص

[rahma23sblog]

السلام عليكم

يا بخت اي حد عنده صاحب جدع

انا نفسي اعيش اللحظة اللي الاقي حد فكرني من اللي كنت بحبهم

مبقتش عارفه الغلط في مين

بس انا حاسة اني ناقصني صاحب يبقي قريب جدا ليا

[rahma23sblog]

٢٩سنة ومعرفتش اعمل اصحاب حقيقيين

[rahma23sblog]

[rahma23sblog]

الناس هنا بتكلم نفسها بطريقة بتحسيني اني مش لوحدي

[rahma23sblog]

انا عمري معرفت ادي لحد الامان الكامل ..عشان عمري ما اعرف هو اي اصلا

[rahma23sblog]

كان نفسي وقت المعركة

أمد إيدي _اللي انتِ قطعتيهالي _

أحوش عنك

خبطة واحدة وسط سيل الخَبْط

_ شفت انتِ عملت إيه؟

* آه شُفْت ..

أنا و انتي موتنا ف نفس المعركة .. بالظبط