ourworldofwderlust

[ourworldofwderlust]

M E K O N G    D E L T A, 7.12 -9.12 

au gnännt “was füren Seich!!”. Hahaha.

Aso die Tour isch nur wege de Lüt guet gsi.. euse Tourguide ischn Lustige gsi. Hät am Afang grad gseit. “you are my family for 2 days. After 2 Days you’re not my family anymore”.

niice. haha. 

Mir händ so richtige Tourischissdräck gmacht. Vomne schwimmende Märt, wos eim alles wänn ahdreihe bis zunere Kutschefahrt usw.

aaaber mir händ cooli Lüt kenneglernt. es Italopäärli, wo mrs Luschtig gha händ und zwei Dütschi Mädels, wo beidi au kündt händ und go reise sind. Super tolli Gspröch händ mr gha.

Oh jaa!! das hani ganz vergesse. Mir wäred fascht bim Hotel ahcho, wo plötzlich de Bus haltet... und alli ustieget..  UNd was isch es? en Panne händ mr! HAHAHAHA. uf de AUTOBAHN! Dänn händs en Tögel ufgstellt, öbe 50 Meter vom Bus. Und ja, wüsseder was dänn passiert isch? yep, genau.. 2 Töfflifahrer händs natürli gnau nöt gseh und zäg buuum, sinds umgheit. HAHAHA. Ja, ich weiss, s isch nöt luschtig. Aber mal ehrlich, irgendwie scho. S ischne nür schlimms passiert.

[ourworldofwderlust]

HO CHI MINH, 5.12 - 7.12.17 Ich han gmerkt, dass ich eifach nüme so riese texter chan schriebe, will ich kei zyt und lust han haha. Nei, s brucht eifach viil zviel zyyt. sorry mini Liebe. Anyway, herzlich willkomme in Ho chi minh.  Öbe glich wie Hanoi eifach viiil wärmer!!  Was mr da gmacht händ: 1. Es Reisebüro ufzsueche und vonere Dame berate zwerde, wo kei English chan. Mhm, ja genau, planet ihr mal eui Ferie eso haha. Buecht händ mr dänn 3 Trips. Ein Citytour dur Ho chi minh, Chu chi Tunnels uuund Mekong Delta. 2. Mir sind eus dur t Läde go durefresse und trinke. Bis mr nüme händ chönne.  3. Die Citytour isch ganz oke gsi. S Vietnam War Mueseum isch verdammt ihdrücklich gsi. Grausam was da passiert isch.. Münd mal nalese. 4. Chu Chi Tunnels. En ganze Tag sind mr dur die Tunnels duregloffe und händ t Gschicht nöcher bracht becho. Das isch eifach wahnsinn, was die da händ müsse duremache. Ich meine ihr wüssed ja wie chli ich bin oder? Au wenner mich scho lang nüme gseh händ haha. Gwachse bini nöt, kei Angst... amal nöt it höchi hahaha. Ufjedefall, han ich mich krass müsse bücke demit ich da dure ha chönne. Und s isch soo heiss gsi. Nach 5 Minute hani wieder usse welle..  Und die händ döte une glebt!!!! Sich vor de Amis versteckt, döte gesse und gschlafe usw.

[ourworldofwderlust]

HOI AN! 30. November - 5. Dezember.

Oh Hoi An, du gmüetlichi Stadt! mir händ eus soo puddelwohl gfühlt ah dem Ort, drum händ mr grad na 2 Nächt verlängeret. Mir händ imne wunderbare Homestay übernachtet. Und ja, was mr ih dene ganze 5 Tag da gmacht händ: Schlafe, gesse und zwar sehr guet gesse!!, eusi Fründin t Martina troffe, gshoppet wie die wahnsinnige uund eifach nur gnosse.  In Kafis ineghocket, zmörgelet und dur t Strasse gschländeret. Mir händ sogar euses lieblingskafi gha.. S isch sogar sowit cho, dass mr drüü mal am Tag döte gsi sind. Gueti Getränk, suuper Lüt und am wichtigste: ed sheeran musik!!! Ich meine, was wotsch na meh?

Hoi An mir liebet Dich!!!!! <3

Sorry, mueni dich enttüsche, git nöt zviel zverzelle da.  Unter anderem wüsstis wahrschiendli au nüme haha, willi so hinedri bin mit schriebe. Aber hey, gnüss t Fotis!

Big hug.

debby und Oli.

[ourworldofwderlust]

HALONG BAY - 27. - 29. NOVEMBER 2017 Hallo mini liebe Fründe,

Hahaha, ich han denkt ich hegi letzt mal grad en Fuulheitsphase gha, aber dasmal hanis trotzdem na übertroffe. Ganzi drü wuche bini hinedri. Aber mr erlebt sovill, muen au vill plane und ja, denn chani mich nöt überwinde na was zschriebe. Aber ezt hani chli was woni eu will schriebe. Enjoyy!! 27. November 2017 Wiedermal früäh ufstah, tralala. zmorge het Frenchtoast gäh. Mit öbe zeh fremde Lüüt sind mr uf chline Kindergartestüehl um de Tisch gsesse. Han glaubs ih mim Lebe nanie so schnell gesse, will ich denkt han euse Guide chönd jede Moment cho!! Alles um suscht. De Typ isch natürli erscht öbe 30min spöter cho. Anway, 3 Stündigi Fahrt zum Hafe wartet uf eus. T Fahrt isch nöt würki spannend gsi. Gschlafe händ mr und bettet, dass mr bald en Stopp mached, will mr eus susch jede Moment it Hose brünzlet. und TADAAA. scho haltemer ah inkl. öbe 3 Milllione anderne Lüt. Ih dem riiiiesige Lade het mr alles chönne chaufe. Vo Schmuck, Möbel bis zu Snacks. Scho voller Luscht sind mr grad zum Snack Regal übere grännt. T Priiiise sind jenseits vo Guet und Bös gsi..  Ich meine, ich han die Lindt Schoggi gseh. Die schööni, feeini Lindt Schoggitaffle. Die händ gaaanzi 9 Franke für das welle. Ich meine hallo? Sie isch ja scho guet, aber ich meine 9 fr? Chani da in Asie en Übernachtig zahle haha. Trotzdem händ mr zuegschlage natürli sind mr OHNI DIE ÜBERTÜÜRTI LINDTSCHOGGI at Kasse ahgstande. uund witier gaht t Fahrt. Am Hafe acho, händ mr zerscht mal en rundi döte gwartet. und denn sind mr mitemen chline Böötli döt ussegfahre. Uuu viel Schiffli häts döte gha. Und daaa isch euses! Öbe zeh Vietnamese winked eus zue. Haha. An Bord ahcho und nur gstuunet. Sooo schön isch es gsi. Suuber, hammer Service! im obere Deck, wo mir au gesse händ, hät eus T Anna begrüesst. Han t helfti nöt verstande, aber isch u en netti gsi. Nachdem sie fertig gschwätzt hät, sind mr abe it Kabine und händ eus ihgrichtet. Und denn wieder ue, wiiiiill, oh ja, es giiit zmittaag!! Ah eusem Tischli hät es Briefli gha, wo drufgstande isch, was es alles git. Vo Suppe bis Dessert. Es 5 Gang Menu. OH JA! Läck isch das guet gsii! s witere Programm isch gsi, dass mr go Kayake gönd. Hahah, de Oli und ich hend eus scho ahglueget. Erwähnenswert isch, dass euses letzte Kayak Erlebnis nöt de hammer gsi isch haha. Churz gseit, ich has zstreng gfunde und er het t Arbet gmacht. Aber nöt dasmal!!! :-P Churz it Kabine abe, Bikini und Badhose welle ahlege… und da seit  de Oli. Fuck, hey, han mini Badhose nöt!! hahah. Ich luege chli dur de Koffer.. jaa geil, ich han mini beide BIKINIS au nööööt. Ja wo sind dänn die schöne Schätz.. *ratterratterratter* machts ih eusem Hiiirni! Jap,jap - die sind na in Myanmar. Ufm Balkon am henge. MINI SCHÖÖNE BIKIIIINIIS! Schniff, Schniff. Aber ezt händ mr leider ke zyt meh zum s Problem löse, will mir münd go Kayake. Beidi chli gnervt uf das Teil druf gstiege und siehe da, mir händs vill besser im Griff gha als letzt Mal. Usser, dass de oli Blattere ah de t Duume becho het und sich am Abig mit Pflästerli zuedeckt hät. Nachm Kayake händ mr Zyt zur ferie Verüägig gha, wo mr LEIDER nöt händ chöne im Whirlpool verbringe, will mr ebe kei Badsache gha händ und nackt ie gah isch leider au kei Option gsi, wil mr zvil Lüt gsi sind. Haha. Mir händs trotzdem zoberstobe ufm Dekc na gnosse. T Ussicht isch traumhaft gsi. Denn hend mr en chlini “Kochkurs” gha. Fresh Springroll händ mr gmacht. Sauguet! Wenn Mir Dich gern händ,, kochemer die mal für Dich. Und denn gits endlich wieder znacht! Again!  5GANG MENU! da dra chöntemer eus grad gwöhne haha. Ufm Schiff häts zwei Päärli, wo Ihri Honeymoon gfiiret händ. Es jungs spanischs Päärli, wo mit de Familie it Flitterwuche isch. Warum mr das macht, böö, hani au kei ahnig. Und s zweite Päärli isch chli es elters gsi und au frisch verhüüratet. T anna, t Chefin vo de Crew, isch drüber informiert worde,dass ebe t Honeymoon Ferie vo dene sind. Die herzigi Anna wieder oder!!? Die ganz Crew het sie ahgstifet zum en Überraschig mache. Jede vo dene het was ih de Händ treit; Champagner, Rose, Cherzli usw. Sowie bim Rebeliechtliumzug sind die vo de Kuchi zu eus gloffe. Natüli mitemne ultrakitschige Lied. Wartet, da hanis!! Extra für eu gsuechet: https://www.youtube.com/watch?v=dRLq2mc5IZk De oli chönts übrigens au singe, aber naja, weiss nöt inwiefern das schön wär haha. Anyway, was bi dem mega super romantische Uftritt luschtig gsi isch isch, dass die Lüt, zweimal um de Tisch gloffe sind, wills nöt gwüsst händ, welli Päärli e sind. Recht witzig gsi. Nachm esse sind mr grad go pfüsele. Morn gahts witer ufen Usflug. 28. November 2017 Kayake, Caves, Ussichtspünkt - die Sache stönd hüt ufm Programm. Mir sind die einzige gsi, wo das Programm gha händ, will die andere hend nur ei Nacht buechet. Mitemne Böötli sind mr mit eusem Privateguide zu dere Gruppe wo de Tagesufsflug stattgfunde hät. S Schiffli erreicht, sind mr zumne elter Päärli angehocket. Beidi Türke. Sie wohnt in Istanbul und er in Stockholm. Mir händs sooo guet und luschtig mit ihne gha. Hend fein gesse, vill Sache entdeckt, am oli sini t Duume na meh beschädigt dur s Kayake.   Todmüed sind mr wieder hei gange resp zu eusem Schiff.  Uu hungrig hend mr versuecht drüü Stund z überbrücke bis euses Znachtesse parat gsi isch. Am Abig sind mr na go “SQUID FISHING” go mache. S het demit geendert das mini Fischerruete kaputt gange isch. Hahah. und äh nei, mir händ kein Squid gfange. LOGO oder?! Guet Nacht.

29. November 2017 Hüt früäh ufgstande, go zmörgele und alles packt. Letzti Aktivität de grössti CAVE go bsueche und denn wieder hei fahre. Mir händs aber nöt so toll gfunde, wills eifach zviiiiel zviiel Lüt gha hät. Mir händ halt geschter wunderschöni Ört gseh gha. Zrug an Board, namal gesse und ab an Hafe gfahre. Am Hafe ahcho, händ mr eewigs umegwartet und keeein Bus isch cho. Leck isch das müehsam gsi!! Normalerwiis würs mich nöt störe, aber mir händ am Abig en Rückflug gha und da de t Fahrt öbe 4h gange isch, bini nöt grad beruhig gsi. AAABER nach seehr seehr langem warte hets denn klappet. Flüger verwütscht und tadaaa mir in DA NANG ahcho. Viel Spass bim Bilder ahluege.

dicke Schmatz

debby und oli

[ourworldofwderlust]

WUNDERSCHÖNS MAI CHAU.

[ourworldofwderlust]

Vietnamesischs Gummitwist! Erst luege, wenn ers glese händ susch ischs nur halb so luschtig.

[ourworldofwderlust]

24.11 - 26.11.2017 MAI CHAU au Diätcamp gnennt! :-P

am 24.11 sind mir am halb achti dusse i de chelti gstande und hend uf euse Guide gwartet, will hüt gönd mr uf MAI CHAU! yippieh. Imne schwarze Van isch de Typ vorgfahre und mir sind ihgstiege. Eich hets sölle en Gruppereis sii, aber mir sind dänn nur zdritte gsi; de Oli und ich uuuund t Martina. En elteri Dame. Soone liebi! Mir sind zwei Stund gfahre und hend denn ah somen Märt inkl. Ussichtspunkt en Pause gmacht. Ich han euch ja verzellt wie chalts in Hanoi isch? das isch nüüüüüt gsi im Gegesatz zu da. Aso ich han mini Leggings ahgha und han drüber namal es paar Hose ahgleit und öbe drü jaggene. Mir händ bi dem Märt “Sticky Bamboo Rice” probiert mitere feine Gwürzmischig. Uuu mega guet gsi!!! Nach dem mr en Rundi gfrohre händ, simmmer schnell wieder is Auto gstiege und witer gfahre und zwar für witeri 2,5h. I de Lodge ah cho, hend mr en Grüentee becho und händs ih euses Bungalow chönne. Es meega herzigs Bungalow. S hät es Himmelbett gha, s Bad isch aber halbe dusse gsi, was bi dene Temperature nöt so toll isch uuund en chlini Terrasse, wo en schöne Garte zur Ussicht gha hät. Denn sind mr grad witergange und zwar hets zmittag binre Familie gä. Sehr gsunds Esse, will die ja kein Migros und Coop hend wie mir und alles selber ahpflanzet, hets das au zmittag gä. aber isch fein gsi. Währendem zmittagesse sind 2 Päärli mit ihrne zwei Töffli verby cho. Völlig verlore. Sie händ nöt gwüsst, wo ane sie müend und was sie sölled gseh und na dezue ischs verdammt chalt gsi. Bini grad froh gsi händ mr öber gha, wo sich uskennt. Nachm Zmittagesse händ mr Velo’s usglehnt und sind dur t Gegen gfahre. Wunderschöni Landschafte, schüüchi & uu herzlichi Lüt uuund gaaanz viell Schmetterling!! Absoluti Hammer! und öbe 5 Hünd sind mit eus mit gloffe haha :D S Velofahre hät au gege t Chelti ghulfe. 

Nach dem wunderbare Namitag sind mr zrug it Lodge gange. De Oli und t Martina sind na chli dur dä Garte vo eusere Lodge umegschlenderet und de oli het na chli Drohne gfloge.. was ich gmacht han? schnell ih euses Bungalow zrug grännt, mis Tolino gschnappet und samt allne Kleider under t Bettdecki. Es guets Bueche glese und nüüüme welle ufstah, aaaaber s hät ja na z Nacht gä. Oke, dass schaffi!! Für s Esse stahni uf und gang i die iiischalti wält usse. (Nöt, dass es bi eus im Bungalow wärmer gsi wär. Ich glaube sogar s isch chälter gsi haha) 1,2 uuund drü - schnell usse usm warme Bettli!! Führe gfloffe, wos znacht scho parat gsi isch. Wieder ganz gsund; riis, Chicken, Gmües, Suppe! Bin glaubs ih mim Lebe nanie so froh um en Suppe gsi. haha. Ebe, alles Bio das Znachtesse. Rächt schnäll sind mr fertig gsi mitm esse und mir händ mit dä liebe Martina na chli gschwätzt. Sie isch vo Holland und en wahnsinnig liebe Mensch! Scho schöön wer mr so alles ahtrifft uf Reisene. Inere Stund gits na en Show für eus aber bis döthi namal ab is Zimmer zum eus chli ufwärme. Punkt achti sind mir zvierte inkl. eusem Guide uf eusen Stüehli gsässe und händ gspannt gwartet. Natürli wie überall au hend mr Chinese ih eusem Hotel gha. Die sind au gspannt uf t Show gsi. sooo, die erschte drü Tänz vo dene herzige Ladies sind lässig gsi. Schön zums mal gseh. Vom Butterflydance bis zum Lovedance - alles händs gä! Aaaaber  s luschtige isch s letzte gsi. Ich nänns “S Vietnamesische Gummitwist” haha. Und zwar funktioniert eso: Öbe sächs Lüt sind ah dem lustige Spiel beteiligt. Am Bode knüüdlet/Sitzend fangt s ganze ah. Sie hend so Bambusstöck und jewils zwei Lüt hebet zeme zwei vo dene Stöckli und ueeepaa los gahts. Im Rythmus bewegets die und du muesch denn drüber springe haha. Nei leck, muen ich lache... Die Fraue sind dänn natürli vo Publikum Lüt go hole.. Klar oder.  De Oli und ich sind mit einre mit... HAHAHA. Mich verbesets jetzt na. Churzgseit; de Oli isch immer zschnell gsi, eusi netti Dame immer voll im Rythmus und ich hinedri, sodass “pääm, tätsch, buum” mini Füess vo dene Bambusstöck verhaue worde sind. Was mich nurna meh zum lache bracht het.. und das widerrum het dezugfüährt, dass mini Füess na me vo dene blöde Bambusstöck iklemmt worde sind. Die armi Frau het sicher denkt mir sind nöt ganz putzt. Aber hey, s isch en luschtigi Erfahrig gsi. (Video im Ahang.. und nei, nöt, dass vo mir undm Oli. Mir händ zum Glück keis hahaaha) Verby ischs aaber nanig, denn ezt fangt “t Suuferei” vo de Vietnamese erscht rächt ah. Ines Gfäss häts ihre Wiii inegschüttet und öbe siebe Bambusrööhrli inetätscht.  Ueeepa, Drink, Drink, Drink... und mir natürli probiert.. Leeeck, isch das gruuuussig gsi! Ui nei, wie öbis, wo abgloffe isch häts gschmöckt. Und die immer wieder; DRINK, DRINK,DRINK und mir so denkt; NOO, NOOO,NOOO PLEEEASE NOOOOOO! hahaha. Ach, isch das luschtig gsi. Soo luschtig, dass mir t Chälti für 2 Stündli vergesse händ.  Ab is Zimmer und früäh go pfuuuse. Morn wird en strenge Tag...

25.11.2017 - Mai Chau / Diättag Nummer 2 Nanie hani soo fescht welle im Bett bliebe wie hüt!! es isch soooo soo chalt. Ich chas gar nöt in Wörter fasse. Mol, eich scho; s isch so als würsch dusse schlafe.  Sehr schwer ischs eus gfalle us dem warme Bett ussezcho, aber mir händ eus parat gmacht und sind führe go zmörgele; Green Tea, Pancakes, Banane, frische Honig, Eier und Toastbrot. Isch fein gsiii! Zrug is Zimmer, Trekkingschueh ahgleit, Rückseckli packt und ab gahts. Hüt gömmer 12 Kilometer go wandere. Am Morge sind mir am nüüni losgange und sind eifach wieder duur unglaublichi Landschafte duregloffe und s schöne isch gsi, dass es wiit und breit KEIN EINZGE TOURISCHT gha het. Defür umso meh Schmetterling!!! Han ih mim Lebe nanie sovill Schmetterling gseh; chlini, grossi, farbigi - eifach alles!  Chüeh und Wasserbuffalo’s  hend mr au ganz vili uf eusem Trekking ahtroffe. Letzteres sehr ungern, da euse Guide immer gseit het, dass die sehr gföhrlich und aggressiv sind und ich jedes mal schier en Herzbarage becho han, woni die gseh han. Anyyway, mir händ eus scho langsam ufs zmittagässe gfreut. uund gesse händ mr binre Familie dihei. Das händ mr uuu schöns gfunde. Intressant isch gsi, dass de Bode vo Ihrne Hüttene us Bambus gmacht sind. Wenn mr s erscht mal ue gaht und umelauft, denkt mr mr gheit jede Moment abe, aber dem isch nöt so. Sie händ amal sogar riiiese Feschter ih dene Hüüser.. Bis zu 50 Lüt! Wowie!!!  S isch aber au bewundernswert wie die lebet.. Vor allem ih dene chalte Täg. Dene ihri Hütte isch praktisch dusse.. Heizig kennet die nöt. Mir händs scho guet dihei! Nichts desto trotz sinds sooo liebi Mänsche!! De Husherr het eus sogar Wiii ahbote.. Gemäss em Guide isch das sone Art Willkommensgeste. Ja, dänn chan mr nöt ablehne. Hahaha am Oli sis Gsicht isch U N B E Z A H L B A R  gsi!! Bild dueni au na uelade!! Ich han nöt trunke.. bis de Husherr namal cho isch und mit mir het welle ahstosse.. Ja super oder.. haha. Eis ganz chlises Schlückli hani gna.. uuuui, s hät mi hineusse tätscht. Kei ahnig, was de mir da ihgschenkt het.  Nach dem feine Zmittagesse (natüürli wieder alles seehr gsund!!) isch euse Hike wieder witer gange.. Namal es paar Stündli dur Wald, Flüss, Riisterrassene usw. gwanderert. Bettina, wenn das liesisch; ja, ich bin so gwanderet wie mir damals für 2 Mönet!! Wienes ÖÖMI! De Driver het immer schön uf mich glueget, dass mich nirgends uf de Latz haut haha. De Hike isch würki soooo soo toll gsi! Als letzt hend mr  na imne Dörfli ahghalte und ganz viiil Chind gseh. UU schüch sinds gsii. Immer wenn de Oli Kamera füührezückt het, sinds grad wäggrännt und händ glachet und gschroue haha. T Martina het en Packig Lolipops debbie gha und hets de Kids gä. Ganz schüüch hendses ahgna.. usser ich, ich has grad sofort gna, wo sie mir na eis ahbote het. hahaha.  Ui, isch das lang her sit ich so eine gha han!! Ihr au?  yummsyumm.

Und ezt zrug it Lodge fahre. Han soo dringend ufs WC müsse Leute und die Strasse vo dene sind nöt grad fördernd gsi, dassi mir das ganze chan verthebe.. Unde ufe und abe und ufe und abe hets eus im Auto umegschlüderet haha. Chönd eu schomal vorstelle wie schnell ich us dem Auto is Zimmer gsecklet bin. Denn hets wieder es meega gsunds Znachtesse gä und ab is Zimmer. Hüt hend mr eus gseit mir gönd go Dusche.. Ich meine,s isch soo verdammt chalt.. und denn na dusse dusche. Mal ehrlich, wer macht das freiwillig?? ja, mir ghöret au nöt zu dene. Aber die lieb Martina het gmeint es tögi u guet. Oke guet, euse strategische usdenkte Plan: Alles parat mache, Handy ihstecke, Wecker stelle, Pischi parat mache, abschminke (Aso nur ich, de oli nöt haha), demit mr nach de Duschi nurna chönd is Bett renne und eus kein ZENTIMETER meh müned bewege.  Heiss, heiss, heiss - so hend mr duschet!! S hät würkli u guet ta. mir händ ih dere Nacht 13 Stund gschlafe. Soo guet!!

26.11.2017 - Letzte Tag vo Diät/Sportcamp

Au hüt sind mr wieder früäh ufgstande und go zmörgele. Hüt isch de einzig Tag, wo t Sunne würkli schiiint. Nachm zmorge wieder Trekkingschueh go montiere und go laufe. Dasmal nur mit eusem Guide. Ernännenswert isch au dass de Driver all eusi Trekkingroutene kennt het, da er da ufgwachse isch. Euse Guide dementsprechend nöt chöne.. Was au dezue gfüährt het, dass mr am Endi vo eusem Hike imne Wald gsi sind und euse Guide gseit het: da abe müend mr... han leider keis Bild, aber lönds mich so beschriebe, dass mir all drüü ufeimal gseit händ. WAAS??? DA ABE??? WEISCH WO MR SIND?? s isch steil durab gange und alles volle Gebüsch, rutschige Bamboobletter und Bäum. Immer wieder ischr stah bliebe und het chli überleit, wo mr duremönd. Äh mol ja, so fühlt mr sich sicher und geborge hahah. Dur jenstes Zügs simmer gwanderet. Einisch hend mr sogar be 3-4 CM Abstand vomne Biendlinescht gha, aber hey, susch alllleees eaasypeasy!! Mir händs aber na gschafft. Logisch. Such chönti ja das nüme schriebe. Danke liebe Guide!  Mir händ ufm Wäg au ganz viiil Welpe gseh, soo süess!! Eis isch gaanz allei im Nirgendwo gsii. Und mir händ denn sis Dihei ufgsuecht. uu süess isch gsi. Und eis Hündli isch zwüschet Äst amne Fluss entlang stecke bliebe. Wo de Guide im zur Hilf geeilt isch, hettr en fascht t Bisse, was s Befreie vo dem Hundi relativ erschwert het. De Oli und de Guide hends aber nacher no gschafft. 

Nach dem schöne Wandermorge gahts wieder ab uf Hanoi. 5 Stund Autofahrt ligget vor eus. Schön gsi du wunderbars MAI CHAU! Danke, dass eusi Kilo wegpurzlet sind und mir so traumhafti Täg gha händ.

Für die Nacht händ mr es ganz günstigs Hostel buechet gha, da mr nur ein Nacht händ müsse übernachte und am nächste Tag gahts scho wieder uf die nechsti TOUR!!  Im Hostel ahcho, ihcheckt und alles is Hotelzimmer ta. Wüsseder was mr als ersts gmacht händ? Nach drü täg nur riiis gmües, riis gmües und sooovil sportliche Aktivitäte... Hä? wüsseders?? ...

 ...

...

klaar, bingo! Pizza und Pasta Resti go ufsueche und go iiineebiege. Restaurant 4P sölls sii! Verby gange und die hend eus gseit, dass sie erscht inre stund en tisch frei händ. Jaa eaasy. Gits halt erscht am halbi nüüni znacht. Defüür händ mr na Zyt für de absoluti phänomenali EIEEERKAFI!!!  De gits ebe nur im Nordvietnam. Ah Isch de guet!! t Creme obedra schmöck sowie, wenn mr d Tiramisu macht und denn t Schüssle uslecke chan! hell yea! so guet!  Denn sind mr na dur dä NIghtmarket! Wie ich die Nightmarkets liebe! Ihr au?? Nöt mal öbis z chaufe sondern eifach dure zschlendere. Ups! scho halbi nüüni! Schnell zrug grännt. PIZZAAAA mir chömed!! es isch uu fein gsii. zrug is hotel und go pfuuse. Morn gahts wieder los uf es AAABENTÜÜÜÜR. Guet nacht liebi Lüt.

[ourworldofwderlust]

21.11 - 24.11.2017 - HANOI DU FIESI STADT.

Wie mr scho em Titel entnä chan, sind mir gar kei Fans vo Hanoi. Mir beide lieeebet asiatischi Städt, aber die, liebi Lüt... huch.. wo sölli nur afange. T Lüüt sind soooo unfründlich und wänn mr grad vo Myanmar chunnt, verstärkts das ganze na.. Lüt ignorieret dich, Hilfsbereitschaft isch Fähl am Platz.. Defür wirsch eimal jedi 10 Minute umegschupft. Na dezue häts drümillione Töffli, huuupet bis zum geht nicht mehr. Isch au völlig oke. Isch wie in myanmar mitm Unterschied, dass t Töfflifahrer chli Rücksicht uf dich nähmed.. da häsch eifach Pech gha, wenns dich denn mal breicht.. Na dezue isch es nöt wärmer worde als am vorherige Abig. Langi Hose und Lederjagge führe packt. Soo, zerscht mal zmöörgele. Wichtigst Mahlzyt vom Tag. Vom sächste Stock schnell abegfätzt mitm Lift, Türe uuf uuund NZZ NZ NZ NZZZ,. tootal luuti Musik.  S Hostel isch total für jungi Lüt denkt so chli à la Australian Style.  halbe ahgschroue händ mr die Serviertochter wegm zmorge, was nüt bracht het, will sie sowieso kei englisch het chönne, hend mr aber erst nacher bemerkt. Führe at Bar sind mr euses zmorge go bstelle: Banana Pancakes and Breakfast Burger. Erstuuundlich guet gsi. Wüürki. yummy yumms. Euses Ziel für hüt, em 22.11, isch, dass mr die witere Täg planet. S Hostel isch nöt nur es Hostel gsi sondern glichzitig en Travelagency.. wowie! s git nüt, wo nöt chönnt die Lüüt haha. Guet, schnell führe zu dene. Und mit dere verdammt luute Musik und ihrem asiatische Englisch het sie eus versuecht  z erkläre, was mr nach eusm Ufenthalt in Hanoi na mache chönt. Ich erspar eu ezt t Details.. sie het eus eifach alli Partytourene vo euses Hostel hät, ahdreit. Enttüscht, aber defür mit drüü Broschürene sind mir us dem Hostel ussegloffe. Drü Schritt gmacht und zäg, buuum! TRAVELAGENCY!! Schüch bini ine gange go frage, ob Sie Tourene händ.. Sie hend eus sooo guet berate und alles organsiert. DAOS TRAVELAGENCY, falls öber mal in Hanoi isch. Soo toll isch sie. Buecht händ mr: MAI CHAU TOUR und HALONG BAY!  Total happy sind mr wieder us dem Büro ussegloffe.  Nechst Ziel: SIM KARTE postne. Ih eusem Hostel ischs eus z tür drum sind mr na chli witer go luege, aber händ nirgends was gfunde uusser en alti Dame, wo en Stand hät mitemene Schildli “SIM CARD”.  Zu ihre anegloffe, zwei Sim Karte postnet und uf vietnamesisch het sie eus erklärt, wies funktioniert. Äh ja, null hend mr verstande. Muen immerna lache, wenni ah die Szene denke. “uuäätää, tschii, tschii, uää” öbe so hät sichs für eus ahgloset, was sie gseit hät haha. De Deal isch ziemli günstig gsi, aber ob das guet isch... we will see. tschau tschau liebi Frau.

Chli witer umegloffe. Hanoi isch recht touristisch vorallem wenns mr mit Myanmar verglicht. So touristisch wie alles, wo mr so uf de Welt gseht. bin u happy hani dass mit dem NÖT TOURISTISCHE mal dörfe erlebe. S isch es ganz anders feeling. Ezt gseht mr mal, was für negativi Site de Tourismus uf es Land usüebt. Soo ufdringlich sind die Lüüt. Wahnsinn! S wär ja na s eine, aber sind eifach würli stinkfrech! Wenn mr öbis fragt, luegets eim nur bös und arrogant ah, zum teil ignorierets eim.. aso würki nöt schön. Fein und günstig hets zmittag gä und zwar imne Resti, wo eusi Travelagencyfrau eus empfohle hät.  Denn na chli is Hotel go usruebe und dänn isch am Oli die brennendi Idee zugfloge, dass er go haaaare schniede möcht. Mached mr oder! Solangs sini Haare sind hahaha. En Frisörsalon het er schomal ussegsuecht. Ufem Wäg döthi isch eus aber en andere is Aug gstoche. Uuu en chline Barbershop.  Für 6fr hendes ihm gschnitte und de Mr. Gisin isch wunschloos glücklich gsi. Am liebste hett er ihn grad mitgna haha. Znacht hets imne Rooftopresti gä. Abgseits vom Rummel.  Döt obe ischs wie inre andere Wält. Sooo ruhig. Wunderbar. Die erschte Schwizer hend mr döt obe sogar ahtroffe. Schnell alles abgeschlunge, bizli t Ussicht und t Rueh gnosse und ab is Hostelzimmer. Normalerwiis freut mr sich ja ufs Schlafe haha, aber s isch sooo chalt gsi!!! s ganze Prozedere vo geschter namal wiederholt. gooood night!!! 23.11.2017 - New Day in Hanoi. Hüt wänd mr vo dere Free Walking Tour vom Hostel profitiere sowie füüfefüzg anderi juungi Hostelgescht. yiipieh. lets go! uu viiel Australier drunder und es paar Brite. Euse Guide isch en junge gsi. Er het eus ganz viel Sache zeigt. S erschte isch de Märt vo Hanoi gsi; Drü Stöck voooolle Ständ. Ah dem Market chan mr allles chaufe, Söcke? Schmuck? Lämpli? h&m Schueh? - No Problemo for the people of Hanoi!! Ich han mir 10 paar Chätzlisöckli für 3Fr kauft.  Aber lang händ mrs döte ine nöt usghalte. Umegschüpt händ die unfründliche Lüt wie nüt. Adios amigos oder ebe non amigos! haha. Witer gahts mit de Tour. Irgenden religiösi Statue sind mr go ahlueg und es paar vo de Gruppe händ ebe gfraget, wieso die so speziell isch und de Guide hät selber nöt esoo ahnig gha und hät immer wieder gseit; becaaaause, yeea, its ooold, you know, oold, yea. hahaha. aso ja, mir wüsseds, alti Statue. S französische Viertel händ mr au bsuecht; T strasse sind breiter, edleri Shops und en “Notre Dame” häts au gä. T Partystrass hät er eus au zeigt. Jedi Bar verkauft Bier, Bier, Bier. Aber sie hät nur immer bism 12i offe. 

Soo und ezt chumi zum HIGHLIGHT vo de ganze laaange Gruppetour: EIERKAFI / EIER SCHOGGI. hää?? waas? spinnet die ezt völlig? dänkeder IHR wahrschiendli. Aber ich sege eu, jede einzelne wo das liest, die ganze sächs Lüt, wo das leset, mhm, japs.  Wänn ihr mal dahi chömed, müneder das probiere und zwar im “Giang Café”. Es isch u versteckt und mr sitzt uf soo ganz chline Stüehli, sowie im Chindergarte öbe haha. und bstellt sonen eierkaffi oder ebe eierschoggi für 1fr. Obedra isch es so creeeeeemig und une dra isch de Kafi/Schoggi, wo uf dich wartet. Leeeck, isch das guuet!! *saaber, saaber* Das isch de letzti Stopp gsi vo eusre drüstündige Tour. Schnell chli päuselet im Hostel und denn ab go Zmittagesse, s hät Dumplings gä. Im Resti ineghockt, hend mr denn gmerkt, dass es nöt so cooli und feini Dumplingsuswahl git wie mirs gern hend. Nichts desto trotz hend mir es paar bstellt. Ih de Zwüschezyt isch en chinesische Familie ie cho; Frau und ma au Mami und Papi  und ihre dicke 16 Jährige gamesüchtige Sohn. äääch, wie ich die Chinese verabscheue.. sorry. sind die drüü aneghocket, hend bstellt. Keis lache nüt. T Muetter am Telefon, de Vater in Stuehl inegsunke und au am surfe und de Sohn am Game, es Wunder, dass sis gsicht nöt uf sin Gameboy gheit isch. Nöt emal was esse cho isch hetter ufglueget und jap, au nöt bim esse. Nur gamed!! s gliche für t eltere uusser wo t Suppe cho isch, wo ihne nöt passt het: DRAMA BABY, DRAMA. Hen die arme Serviermänsche en neui mösse go mache. grussigs Volk. Amal die wo mir troffe hend. Nanig gsettigt sind mr usse und ines nechste Resti sones Spezialitätesandwich go probiere, wo am Oli sin Kolleg eus empohle het. lecker gsi, Danke Phi! ( Fall es liesisch) haha.

s nächste wo mr händ müsse mache, isch sones Kameradingsbums (äh ja chumme voll drus) für de oli go chaufe zgah. Etlichi Kamerastores sind mr go durchsueche, obses hend. Eine unfründlicher als de ander. Leck, nerved die eus.. Schlussendlich sind mr fündig worde respektiv er hets bi sim Kolleg müsse bstelle und inre Stund händ mrs chönne go hole gah. Natüürli hend mr nöt welle en Stund ih dem Lädeli warte und sind drum sind mr na chli dur Hanoi gwanderet. Ufm wäg zumne Kosmetiklade hend mr beid driingend ufs WC müsse und mir händ bimne Cheescakelade en chline Stopp gmacht. S hät HAPPY HOUR geh!! geeeil, endlich mal nöt nur bi Alkoohol. Zwei Cheescake zumne Priis vo eim. OH YES!!! So hanis gern. Nechste Stopp: Kosmetiklade inkl. unfründliche Bedienig Han öbis bestimmts gsuecht, gfrögt  und sie hät mr irgendwas anders zeigt und han nei gseit ich sueche öbis anders, ob sie das nöt het. Isch sie eifach devo gloffe. nett oder? egal, ussegloffe und mir händ zrug zum andere müsse. Zerst aber na Geld abhebe. Hey, das isch au en Challenge gseh. sicher öbe 5 ATM probiert bis mr mal eis gfunde het, wo eusi Karte akzeptiert und schlussendlich wo mr endlich eine gfunde hend, ahoi horrendi Spese! Janu, was wotsch mache. Mr müend abhebe. Zrug zu dem Jögeli, Kameradinggsbums kauft.  Er het na welle wüsse, ob de oli en youtube channel  het. Oh ja, aber sicher. Grad abbonniert hett er ihn und es paar Videos ahgluegt. Hahaaha und ezt chunnts bescht; er het na es Foti mitm Oli welle.  Äh ja isch ja berechtig, never know... vilicht wird er mal berüähmt oder? Hoffe ihr händ ihn all abbonniert im Youtube. S chostet nüt und s machtn würklich happy. Ein Klick liebi Lüt. Daaanke! www.youtube.com/olivergisin UBER bstellt, UBER cho, Is Auto Ieghockt, UBER het eusi Fahrt cancelled, danke! Neus Uber bstellt und unkompliziert hei cho. znacht hend mr im Hostel gesse. s isch uu fein gsi. und ab go schlaaaaafe. Dasmal hend mr endlich en richtig Decki becho!! Sone kuschligii warmi. Wenigstens für die letzti Nacht.

Morn gaht es neus Abentüür los. Mit ganz schööne Fotis.  tschüüüss Debby und Oli.

[ourworldofwderlust]

Goood morning Vietnam oder ebe au nöt....

21.11.2017 - De Tag, genau de Tag, wo mir endlich uf Vietnam reiset. Ruckseckli packt, am Oli sindi siebehundersiebenesiebezg Kamersache au, Köfferli abgschlosse - check! Let’s go!! Euse Taxidriver isch pünktlich gsi und ich han ihm gseit zu wellem Terminal mir mönd. Ufm Ticket isch nämlich gstande: Terminal 1! Guet, de netti Herr eus abglade. Mir mit eusne Ruckseckli führespaziert und die Suche kann beginnen.. drütusigmal hin und her gloffe, aber mir händ euse Schalter vo dere Fluggsellschaft eifach nöt gfunde..  Oke, die Suechi entwicklet sich zumne Fragespieli und zwar sind mir vo de Ahgstellte vom Informationpoint bis zu de Housekeepingcrew, wo ja, wien ihr eu da scho denke chönt.. kei englisch chönt. Aber mir sind soo verzwieflet gsi, dass mir de Schriftzug “housekeeping” uf ihrem hellblaue Tshirt nöt bemerkt hend.. Ihr glaubets nöt.. niemer het eus chönne witerhelfe!! Kein Security, kein Airporttante, kein Housekeepingmensch het gwüsst, wo eusi verdammti Fluggsellschaft isch. Oke, next Level... S Fragespieli verwandlet sich in Panik... Bim Oli au scho chli in Wuet hahaha. Ezt sind mr zumne Schalter vonre andere Fluggsellschaft gange und die seget eus, dass euse Flüger 6h verspötig het, aber das hebet sie eus bereits vor füüf täg per mail mitteilt.. ööh, nei, nöt würklich!!! Öbe drü mal hend mr sie gfraget, ob das würklich stimmt. yes, yes, no flight this afternoon. Only evening. na tolll.. verbringed mr en Tag am Flughafe oder... S isch erscht 1 gsi und mir flüget erst am halbi achti. YEEE. Aber us so schlechte Sache mached mr s beschte. De oli isch namal schnell dur t Securityschlange demit er usse chan und eus mit esse chan zuedecke. Ich meine, s git kei Situation, wo esse nöt hilft. Ja, denn hend mr de ganz Nami, Serie gluegt, Föteli bearbeitet, mit irgendwelche komische Männer us Singapur gschwätzt, wo mr sini “Visitekarte” ahdreit hät. Büüüü, was das au gsi isch,weissi nöt. Die Stunde sind langsam verby, seehr langsam. Ufm Flüger hets natürli au kei Esse und nöt emal ztrinke verteilt. In Hanoi ahcho, Köffere gholt und völlig übermüedet und verdurstet, händ mr es UBER bstellt.  Schön gmüetlich am warte gsi uf euse Uber, rüeft eine, wo für Taxis zueständig isch: TAAAXII???? Mir: neeeei, mir händ en UUUBER. witer gwartet... Chunnter namal mit irgendemne verhängte Typ und seit: das isch eue Uber fahrer. much cheaper!! Mir händ eus eifach nur ahgluegt und glachet.. Spinneli im Chopf die. Mit dem wäri nöt emal gratis mitgfahre haha. Euse Uber Fahrer isch cho, gfahre, gfahre, gfahre und nöt gschwätzt, nöt gschwätzt, nöt gschwätzt und plötzli haltet er uf de Autobahn bim Pannestreife ah.. nei, nei, nei.. bittttee nöt. Mir wänd nur is Hotel. huch, nur schnell usgstiege und öbis ah de Reife go kontrolliere. Isch nüüt gsi!!:D witer gahts. Mir händ es Privatzimmer im Hostel buechet gha.  Wo eus de Taxifahrer ussglade hät, händ mir de früüschi Wind scho gspüürt und händ na zunenand gseit; uuii, da isch denn aber chalt da am ABIG...  mhm, am abig... Guet, at “Reception” gange. Zwei übermüedeti Receptioniste händ eus schnell ihchecked und S Zimmer zeigt..  Seehr gross und suber.. wunderbar! UUUU chalt isch es aber ih dene Zimmer.. uu chalt! Kei Probelm für mich, denn ich han mini fluffige, rosarote Kuschelsocke!! Nothing can’t stop me now!! hahaha. Hani denkt oder..  Grad wo de ussegange isch, händ mir eus Bett parat gmacht und sind grad is Bettli gsprunge. Pääm, häts eus abgschmetteret. Also mir sind würklich nöt heikel, aber das Bett liebi Lüt, isch keis Bett gsi. Wenner doch öbis ufs Bett rüehret, sei es Handy oder susch was, duets doch biz abgumpe. Nöt bi dem Bett.. hmm, churz erklärt: s isch als würsch nur ufm Metallrost schlafe, dusse, i de chelti und zum na eis dezue geh: KEI DECKI!! Sondern nur sones Douvet!. Oh yeaaaa! Fangt ja schomal guet ah. Eusi Northface Fleecejäggli montiert - check! Kuschelsöcke montiert - check! Am Oli sini Skiunterwösch chlaue und montiert - check! ganz nöch anenand knuddle wie siamesischi Zwilling - check! chli wärmer händ mr gha, aber s Bett.. immerna glich unbequem. Mir händ je zwei Küssi gha und hend eis under euse Buch ta demits chli “bequemer” wird hahaha. Aber das hät nöt lang ghebet.  Irgendwenn sind mr ihgschlafe..

goood night. auii, auiii. See you tomorrow!

Schmerzensgrüessli

debby und oli

[ourworldofwderlust]

20.11 - Travelday

hoi mitenand,

und wieder emal hanis gschafft, dassi voll hinedri bin. Sonen Blog zfüähre isch au en Challenge. Zur minre Verteidigung.. Mir händ sooo vil erlebt die letzte Täg. Bin eifach nüme dezue cho. Woni t Site vo mim Blog ufmgacht han, hani eifach nur denkt; Shit, scho sit Myanmar nüt me gschriebe.. haha.

Ich fange mal wieder ah und zwar ja, sind mir am 20.11 ufgstande, sind na go zmörgele und denn het scho euses Taxi uf eus gwartet zum eus an Flughafe zbringe. Mir sind uf Yangon gfloge demit mr nacher witer uf Vietnam chönd flüge. Wieder mal puurs Chaos ah dene Flughäfe und fuurzchli  :-D S isch aber alles guet gange und mir sind heil uf Yangon ahcho und döte hend mr es Taxi ih euses Flughafehotel gna. Es eifachs und günstigs Hotel, aber s hät vörig glanget. T Zimmer sind suuber gsi und s Esse isch würkli uu guet gsi. Ich glaube mir sind die einzige Gäst gsi hahah. S isch grad de Manager vo dem Hotel döte gsi, wo alli Ahgstelle überprüäft het. Die arme!! Döte würi nöt welle schafe. Mir sind so gmüetlich am Znachtesse gsi  und denn lauft de ah eus verby mit sine siebe Ahgstellte, wo ihm hinedra gwätschlet sind und bliebt bi eus stah und seit; you want ketchup??? someone give her ketchup!!! und ich nur so denkt; ooooke, alles guet!! chan au ohni Ketchup haha. Ufjedefall händ mr ziemli nüt gmacht usser gesse und usgruebt und denn sind mr go schlafe. Sorry für de unspektakuläri Post. Blieb aber dra, ich schwör, s wird besser!!! :-D big hug

debby und oli

[ourworldofwderlust]

Second video online!

Pünktlich für eue fiirabig, schicked mir eu chli wärmi hei. (Obwohl mr sie da in hanoi au nüme händ hahaha)

Ich säg nur: luege, luege, luege und denn umezeige,umezeige,umezeige und denn ja denn, wür ichs persönlich namal luege 😂

Link fürs video: https://youtu.be/j9VQpNSuBWc

S isch echt guet und mir freuet eus über eui unterstützig!

Chalti grüess us hanoi

Debbyy und Oli

[ourworldofwderlust]

Bilder vo eusne traumhafte Strandferie in Myanmar 16.11 -20.11.2017

[ourworldofwderlust]

BEACHDAYS 16.11 - 20.11.2017 Soo soo schön isch es da.  Da stömer sogarn gern uf zum go zmorge esse. Es grosses und seehr feins Buffet gits nämlich. yumms yumms. En Strandspaziergang häts jede Morge gä zum euses langersehnts zmorgebuffet zerreiche. Speck,, frisches Gebäck, frischi Frücht, verschiedeni Brotsorte, Cornflakes und und und…  Yap, 2 Kilo hani sicher schomal zuegna und nei, de oli nöt.. de chan ja esse was er will. Er het s Privileg, dassr nie zuenimmt.   Teller mit leckere Sache gfüllt und ah euse Tisch mit Meersicht aneghöcklet und hends eifach gnosse bis zu dem Zytpunkt, wo ich irgendöbis ah mim Bei gspührt han.. Schnell abegluegt.. irgendwas langs isch am chrable gsi. Zäg, tätsch, päm inkl. emne chline Schrei hani das Fiich abegschlage. T Serviertochter und s britische Päärli hinder eus hend grad t Ufmerksamkeit uf eus kehrt. “ALL EYES ON ME” MMHHM (kenneder de Britney Spears Song oder?) haha. So, denn erklärt eus die lieb Serviertochter, dass das Fiich, wie sie so schön gseit het: NO, THIS IS, LIKE SKORPION. VERYY DANGEROUS. ja geil oder.  Und das het natürlich grad zu mim Bei gfunde under all dene Hotelgescht. Janu, s isch ja namal alles guet gange.  Nachm feine zmorgeesse sind mr an Strand gange und hends döte voll gnosse, buech glese, musik glost öbe die het die Fruchtverk��uferin eus zum tusigste mal wieder zuegwunke und gschroue “MANGOOOO??”, “PAPAAYAAA??”. Irgendwenn hets eus eifach nurna gnervt. Ich meine, wenn ich sonen blöde Mango will, dänn chumis dänn scho go hole. S isch ja eher kontraproduktiv, wenn sie eus siebätusig mal am Tag winkt. Chömed ja denn nöt plötzlich Luscht uf ihri Frücht über.  Nevermind.  Abgseh vo ihre ischs en entspannende Tag am Strand gsi.  Am Abig simmer au da wieder is Hotelresti go esse. Chan nöt gnueg sege, wie schön t Stimmig döte gsi isch. Falls öber en Hüratsahtrag mache will, döte isch en guete Ort. hahaha.  Aber wie gseit, t Portione sind immerna chli bliebe :-(. Mit vollem Buch gömmer go pfüsele. Guuute Nacht.

18.11.2017  mir glaubets nöt. S isch namal sonen Tag. Sonen Tag mit guetem zmorge!! HELL YEEES. Münd nöt lache. Mr weiss erscht z schätze was mr hät, wänns mr nüme het! Und bi eus isches halt zmorge.  Ufgstande, Strandspaziergang und ab go inefuettere.  Hüt isch en Poooltag!! Gnosse hend mrs au hüüt wieder: De oli isch t drohne gfloge, Musik glost, Buech glese und am Strand hend mr denn na “Sandschlacht” gmacht hahaha. Mir händ halt kei Schnee.  De Sunneuntergang isch au hüt wieder es muess.   Hüt händ mr beschlosse uswärts go esse zga respektiv Take away Pizza. Grad gegenüber eusem Hotel häts es Resti gha “Jones Pizza”, wo super Bewertige gha hät. Döte ahcho seit sie: TIIIRTIII MINUTES.  oke guet. Chömed mr dänn wieder.  Chönd drü mal rate, obs ässe denn parat gsi isch. bingo! NEI.  Seat, seat. Seit sie zu eus.  guet, seatemer down oder. Es Päärli ca. 50gi händ mr sie gschätzt sind au aneghocket und lueget zu eus übere.. resp vorallem de oli und seget zunenand aber ebe glichzitig au zum oli haha: “ma lui é italiano??”  für all die wo leider na kei italienisch chönd, s heisst: “isch er italiener??” De Oli völlig verwirrt, sini blaue Auge lueget hin und her und er seit zu mir “hä, was??”  töötörtööm, ich superheldin han s Rätsel ufglöst. Nei, er isch kein italiener. das hani ihne denk uf italienisch gseit und han au na ahghenkt, dass ichs defür bin. Denn hends mit eus afange schwätze und gseit, dass das Resti super isch eifach t Wartezyte eeeewigs sind. Toll, das ghört mr gern, wenn mr fascht am verhungere isch. 50min - 1,5h heget sie scho uf ihres esse gwartet.  Und grad ih dem Moment isch es chooo. judihuii. Allne tschaaau gseit und ab ih euses Hotel grennt. Mir händ euse Balkon endlich mal usgnützt und hend znacht döte gesse. Musik, Pizza und min Schatz. Perfekt! nyoomm, nyomm, nyomm.

Nachdem hets na en Serie gä.  Momentan luegemer “Orphan black”. Kännts öbert? Guute Nacht. De Pooltag isch au verby.

19.11 - Biendlikriegtag Hey, ich langwile ich ezt nöt mit eusem Zmorgeesseritual. De kenneder scho. Ja, mir händ eus au hüt wieder gfreut.  Au hüt hend mr gseit isch wieder Pooltag. Da de Oli schnell glangwilet isch, hetter beschlosse sich en Massage go zgönne. Keis Problem für mich, denn solang ich mis Buech han isch alles guet!! Das hät s Biendli gschmöckt, mini positive Gedanke, mini inneri Rueh..  ZZZZZZZzZZZzZ… S erscht mal uf mis Knü gfloge. Sones richtigs fetts Fiich. Ich weiss nöt emal, obs es Biendli gsi isch. Ufjedefall, hani wieder witer glese. 5 Minute spöter namal. Bini grad go Liegestuehl wechsle. jeeeee, s isch nüme cho.

…

….

für öbe en Stund. denn hets ahgfange. De Krieg zwüsched mir undem Biendli. ich erspar eu Details.. s het demit geendet, dass ich mini FLIPFLOP nachere grüehrt han, In Panik mini Sache packet han und bim Hotelwägli ca.10 Meter vom Liegestuehl gwartet ha. Und nei, sie het mich nöt in Ruehgla.. Denn bini an Strand go warte. Aber verdammt, s isch so heiss gsi.. De oli isch by the way immernanig da gsi.. Nach 15 Minute am Strand zwarte bini zrug is Zimmer.  Cheibe myanmaresisches Biendli!! Min letzte Pooltag het sie mir gna. Parat gmacht zum euse Sunneuntergang go luege. S isch wieder emal magisch gsi!! MAGISCH!  Znacht hend mr au wieder feins gesse und ab go pfuse. Morn gahts ab uf Vietnam. GOOOD MOORNING VIETNAM!! Ghöret vo eus. oder mir vo eu. 

big hug

debby und oli

[ourworldofwderlust]

Das bild nänn ich; “s einzige Foti vo eusem Inle Lake Stay” Danke min Schatz. i love you!

[ourworldofwderlust]

Inle Lake 14. 11 - 16.11.17

Soo, t Busfahrt isch super gsi, abgseh, dass arschchalt gsi isch und ich ein Decki über de Kopf gha han und eini um min Körper. De oli de Schwitzichopf het super chönne schaffe und denn pfüsele.  1,5h bevor mr ahcho wäred, isch en Dame eus go wecke cho, mir müssed Bus wechsle. Völlig verwirrt hani de Oli versuecht wach z bringe. Gschafft! Schnell, usseghüpft und Bus gwechslet. Nurna 1,5h fahre. “INLE LAKE”, rüefet 2-3 Ahgstellti. Eusi siebe Sache packet und ussegange. De Taxifahrer het scho uf eus gwartet. d Temperature sind da recht niedriger. Vill chälter.  De Taxifahrer het nöt es typischs auto gfahre, sondern ufemne Töffli ghocket und mir dihine uf so Bänk. Han leider keis Foti chönne mache, wills stockdunkel gsi isch. Öbe 10 Minute simmer gfahre und denn im wunderschöne Hotel ahcho. En nette Herr mit praktisch kei Englischkenntnis het eus in Empfang gna und na 2 Hünd. Eine isch ganz wuschelig gsi. Eusi Päss händs beschlagnahmt und gseit sie zeiget eus ezt s Zimmer und de Rest vom Check in chömer nacher mache, wenn mr usgschlafe sind. Sin Vorschlag hemer ahgna und nachdem er eus s Zimmer zeigt het, hemer t Liechter usgschalte und bis am 1 Pfüüselet.  Nachdem simmer at Recpetion und hend eus chli berate la, was mr da so chan mache. Für morn hend mr denn en Bootstour buechet gha und hüt hend mr eifach beschlosse end easyday zmache; esse, massage, pfüsele. Mir händ es super Resti gfunde gha, LIVE DUMPLINGS. Da mir beidi Dumplingslovers sind, simmer döt ie gloffe und händ scho fantasiert, was für feini Gricht es alles wird ha.. Döte ahcho sind all die schöne Bildli im eusne Köpfli zerschmetteret worde, wo die Dame gseit het; OPEN TWO OCLOCK.  Mir sind soo am verhungere gsi! Und s isch so heiss gsi. Denn hemer eus zerst es Sitzplätzli gsuechet gha demit mr überleget, was mr als nechsts chönt mache. Nach 15 Minute chunnt die Dame wieder usse und seit; NOW OKE, OPEN. Vilicht het sie Mitleid mit eus gha oder susch Lust gha früähner ufzmache.. who cares. Hauptsach s git esse!! :-D Sovill feini Sache hemmer bstellt. Es asiatischs Meze! Und zum Dessert fritierti Banane mit Vanille Ice Cream und Fritierts Vanille Glace. En Traum!  Nachdem himmlische Esse hend mr eus uf de Weg gmacht zum Massagesalons abzchecke. Mir händ denn eis gfunde, wo eus s Hotel sowieso empfohle gha hät; AQUA LILY. Super fründlichi Lüt! De Termin hend mr ursprünglich uf die 8ti gsetzt gha, will mr na vorgha hend irgendwo de Sunset go ahzluege. Zrug is Zimmer sind mr gschlenderet und hends na chli döte chillt.. S Wetter isch nöt de hammer gsi drum hemmer beschlosse eifach jetzt scho t Massage go mache. Oli het sich 90 Minute massiere la und ich en Stund defür nacher na en schöni Pedicure! Isch au Zyt gsi!! Nach dem Super Erlebnis het de Oli hunger becho und mir isch chli schlecht gsi und han uf nüt Apetit gha. Er defür umso me und drum hets en feini Pizza als Takeaway ge. Im Zimmer ahcho, hani mich Bett parat gmacht und han welle go pfuse, will mich Kopfweh, Buchweh und Übelkeit plaget händ. De Oli het chli ah sim Video gschaffet. (Hoffe hends bis ezt all gseh! und susch verstahnis nöt :P) OH ja, öbis witzigs isch na passiert. T WC Schüssle isch verstopft gsi, japs, s spüehle isch für t Katz gsi. Nüüt isch me gange. Und nei, s het nöt demit ztue, dass mir zviel eusi Gschäfter verrichtet hend ih dem WC, sondern , dass mr s WC Papier nöt zu oft dörf inerüehre. hahah. Alles hemmer probiert; Spüehle, warte, mit somne chline Wasserschlüchli na me Wasser iepumpt.. Nüt! S Wasser isch immer na meh gstiege. Oh yeah! Voll peinlich. Ezt mümer de Reception ahlüte und sege, dass eusi WC Schüssle verstopft isch. Natürlich han ich das müsse mache.  5 Minute isch gange und en Herr mitere grosse Schufle und emne Güselsack isch ih eusem Zimmer gstande. De armi!! Nei, das het eus so leid da für ihn. Ich glaube mir hettet das nöt chönne. De het au sicher denkt mir sind nöt ganz putzt, wo mir abwechsligwiis tusig mal “thank you”,  “thank you”, “thank you”, “thank you”, “thank you”, “thank you”, “thank you”, “thank you”, “thank you”, “thank you”, “thank you”. Grüeft händ. Wie zwei Hündli, wuff, wuff. Ebe zrug zu mim Misserfolg was s Schlafe ahgaht.   Die ganz Nacht bini me im Bad gsi als im Schlafzimmer, drum hani beschlosse Decki und Chüssi znä und grad döte “zschlafe”. S schlafe het,us die ganz Nacht youtube Filmli luege, bestande. hiphip hurrah!!  Während de Oli schön pfuset het. Ja, hanen nanie so beniedet!  Aber er het sich liebevoll um mich kümmeret. So glücklich sonen wunderbare Ma ah minre Site zha, woni das grosse Abentür dörf erlebe. Endlich isch es siebni gsi und de oli isch au wach worde. Ganz irritiert luegt er ufs Bett übere: KEI DEBBY. Ussegluegt het er anschienend.. Ja, ich han ihn au gfragt, wieso er zerst usse gaht go luege und nöt zerst is Bad. Wie,dass es normaler wär, wenn mr am 7 am morge ussegaht anstatt is Bad. Haha. Anyway, schüch hebt er denn sin Chopf dur t Badzimmertür.. Debby?  Ja, debby isch da, am Bode, zerstört haha. Nei, s isch mr echt übel gange. T Putzfrau isch am morge ie cho und het alles suber gmacht sogar t Bettwösch gwechslet, wo sie gmerkt het, dass es mir schlecht gaht, het sie de oli gfragt; she sick? und er ja. und innerhalb vo 10min sind öe 5 Lüt ih mim Zimmer gstande. Besser versorgt als ih de Schwiz bini gsi. Sorry Papi, sorry Nonna. Hahaha. Normalerwiis ischs nöt so geil chrank zsi ih de Ferie, aber da.. aso da.. isch es hammer haha. En Tee hend mr en Dame immer gmacht.. Falls er mal Buchweh hend; Grüentee mit 3 Löffel Zucker! Hammer!  Sogar de Manager isch vor de Tür gstande und het gseit, falls mr Medis oder en Arzt bruchet, eifach sege. Und denn sind susch na 2 döte gstande. Bü,, weiss au nöt wieso. Aber heyy! Han mich so ufghobe gfühlt. De hammer!  De arm Oli het dank mir au nöt vill chönne erlebe, da mir t Bootstour au händ müsse absege. Guet, mr muen sege, s het voll gregnet. S Wätter isch uf eusre Site gsi. Danke Wätterfee! Er isch sich denn öbis go esse zhole und na Snacks für mich und ROSENE! Zuckersüess isch er!! De Tag chamer eich mitm Bruno Mars sim Lied “the lazy day” beschriebe: “today i don’t feel like doing anything..* düürdüüdüd. Sorry, mir händ kei Bilder. Ah mol eis hani.  Guet Nacht. und ah alli wo au chrank sind, hoffe eu gahts besser.  Am 16.11 simmer früäh ufgstande, will euse Flug am Morge gange isch. Chli zmörgelet, ich han nanig sovill möge defür het de oli umso meh gesse. Bim Zmorgeesse sind mit etlichii Lüt go frage cho; “are you feeling better?” uu herzig, aber s isch chli unagnehm gsi fascht so wie wenn mr ih de Schuel vor allen Happy Birthday vorgsunge bechunnt. Roti Bäggli und schwitzigi Händ ahoi!! Taxi het scho uf eus gwartet. 1Stund ischs bis zum Flughafe gange. Und ufm Weg hend mr na en Heissluftballon gseh! uuuund er isch grad bi de Strass zuene glandet! Was für es Spektakel! Wooow.  Euse Taxifahrer het sich chum chönne erhole. Immer zu eus gluegt und uf de Ballon zeigt und glichzitig au na gfilmet.  Am Flughafe ahcho,het irgenden eltere Ma eusi Köffere gna und eus zu de Airline begleitet.. was öbe 100 Meter gsi sind haha. Mr chan sich de Flughafe vo Inle Lake öbe wienen Workshop vorstelle; jedi Fluggsellschaft het en wiiinzig chline Stand und anstatt Broschüre und gratis Stift ussezgä, gebets Flugticket usse haha.  Guet, ihcheckt uf myanmaresischi Art simmer. Köffere dur en Sicherheitscheck gla und abge, dur t Immigration, und namal dur Sicherheitskontrolle.  Yep, das ischs gsi. S isch öbe 5 Min gange haha. Und denn hend mr eus en Stuehl gschnappet und hend im Wartebereich, was mr au als Bazar beschriebe chan, gwartet.  S isch ein grosse Platz mit Plastikstüehl. Ab und zue rüeft eine en Flugnummere uf, wo mr nöt verstaht, will s Mikro kabutt isch. Jedesmal wenns grüäft händ, bini führe go frage haha. 10 Minute bevor mr abgfloge sind, isch Boarding gsi.  Bis zum Flugzüg hemer dörfe laufe. Winziig isch das gsi. uf eusne Boardingkarte isch t nummere 17 gstande, denn hani denkt das sind eusi Plätz. Woni im Flugi dine gsi bin und scho öber ih dere Reihe ghockt isch und ich voll verwirrt dir glueget han, seget öbe drü Lüt glichzitig “FREEE SEATING”. oke, oke. Min verwirrte Blick hani also druf. haha. here we goo. 1h ih de Luft. Schnell ue und denn wieder abe.  

Welcome to Ngapali Beach.  Mr merkt scho, dass mr anre Badeferiedestination sind; Schwiiiizer, schwizer überall. Und natürli t Franzose. Die sind immer debbie! hahaha. und t Prise sind au recht höcher. Taxi isch organisiert. Ab is Hotel. Wow, wow, wow! Welcomedrink und denn is Zimmer gfüährt worde. HImmelbett, schöni Terrasse mit Dschungelsicht und gad bim Strand zuene. Mir glückliche. Das isch euses Dihei für die nechste 4 Nächt. Am Namitag simmer chli am Strand gsi und am Abig simmer is Hotelresti go esse, will ich angst gha han, dass mis Mage für de Streetfood nanig abghertet isch. Feini Spaghetti hets gha. Uere chlini Portion.. :-( Aber defür lecker! Und sie sind au im Büchli bliebe. Freudestanz! und ab go schlafe sind mr.  Schnarch, schnarch.

Küssli, debby und oli

[ourworldofwderlust]

 13. November 2017 - De Tag ah dem mr euses Geld verschwendet händ. Soo, am 13te November sind mr immerna in Mandalay gsi. Hüt hämer en super Tour buecht.. händ mr denkt. Ich meine t Broschüre het super usgseh.. uu viel Sache zum ahluege, zmittag debbie, en Fahrer und en Guide!! was will mr na meh? …huch, wo sölli afange. Es war einmal.. En Frau und en Ma, wo bi de Reception gwartet hend. Nei Seich, haha. Aber nei, mir händ würkli ah de Reception gwartet bis euse Guide cho isch. Nebst zwei Päärli simmer die einzige gsi. S einte Päärli hät nur uschecked und s andere, het sich ussegstellt, isch au uf die Tour cho. Sind vo Dütschland, Hallo liebi Melanie und Thomas, falls er das leset! :-D Is Büsli ihgstiege, sind mr los gfahre.. Wüsseder na vo dere Broschüre woni gschwärmt han? Mit all dene tolle Aktivitäte ? Nix da.. de Vormittag hend mr demit verbracht vo Giftshop zu Giftshop zgah.. bin echt hessig worde, will euse Guide en fuule tabakchätschende und spuckende typ gsi isch.. S einzige wo mr eus druf gfreut händ, isch zmittag gsi… aber au um suscht.. s isch nöt würkli fein gsi. Na dezue hemmer t Getränk müsse separat zahle. Das isch de grössti Fail gsi, wo mr bis ezt gha händ.. Eifach schad ums Geld. Wenn mr bedenkt,was füren super Guide mr in Bagan gha händ und en super Taxifahrer am Vortag. Nachm zmittagesse sind mr gaanz viel Tempel go besichtige.. De Guide hät eus natürli nüt drüber verzellt, isch ja nöt so als wärs sin Job. Trinkgeld chaner schomal vergesse..  Leider ischs nöt besser worde. Nöt emal, woni en drum bitte han, dass er chli vo de Gschicht vo dene Tempel verzellt. Nur am Tabak chätsche und spucke ischr gsi  und mit anderne am schwätze.. oh ja, was er au na gmacht hät: Fotitipps gä. Stah so ane, fötele das, lueg so gsehts us.. und nöt nur bi eus.. sondern bi allne Lüt, wo döte gsi sind. Ah ja, na zum Tabak.. Wüsseder da in Myanmar ischs standard, dass mr Tabak chaue duet.. Meistens macheds taxifahrer.. So Guides und Recpetionist usw. mached das ih de Regel nöt amal nöt, wenns am schaffe sind.. Usser natürli euse. S isch eifach würkli grussig zum mit ahzluege us dem grund, will sie t schnorre voll vo dem züg händ, s gebiss, wo us bruune zäh bestaht, sich in dunkelrotem Saft bade duet und zu gueter Letzt spuckets das Zügs au na usse.  YUMMS! das häts für eus praktisch unmöglich gmacht ihm zuezlose.. Nöt, dass es notwendig gsi isch, will er het ja nie was intressants verzellt. hahaha. Janu. Aber s schlimmste chunnt erscht na: T Kutschfahrt. Sonen richtig touristische Seich und die schlimmsti Kutschefahrt eeeever. Wüsseder wieso? hm, wie erklär ich das ezt, dass mr sich das bildlich chan vorstelle. Es bild hani eu sicher mal ahghenkt. 1. s hend nur zwei Lüt hindedruf Platz gha 2. jedesmal bim ihstiege, hani denkt sie gheit eztde grad ussenand. 3. T Redli sind scho so alt gsi, dass sie die nöt sehr guete Wäg möge hend verliede 4. so schnell sinds umegfahre, egal obs voll durab gange isch oder duruf. who cares right?! die Schnelligkeit wos druf gha hend, het zur Folg geh, dass euses “Töörli” 3mal uf isch und mir fast usse gheit sind, aber sie hends lustig gfunde. Plus hets eus umegrüttlet, dass mr de Sitz nüme under eusem Füdli gspührt händ  defür euse Chopf bim Dach und natürlich zletzt ischs arme t pfärdli nur mit eus allei los. Geil, geil, geil. NIE WIEDER. Und das hemmer 1,5h gmacht, zwüsched ine usgstiege und go Tempel go ahluege. Ein schöne hets würkli debbie gha. Zmitzt im grüene. Und natürli wieder die zuuckersüesse Chind. Ach, alli wotti sie mitne!!!! :-D Schnüggels.  De letzti Stopp isch t UBEINBRIDGE! Uf das hend mr eus am meiste gfreut. De Guide het eus wiedermal allei gla, will er sin TABAK het müsse go chaufe. Mir hend en super Spot gfunde. De oli isch na Drohne gfloge und mir hend wiedermal en wunderschöne Sunneuntergang gnosse. Sunneuntergäng sind eifach immer toll. Mr chan nie gnueg ha vo dene hingege vo de Tempel scho. Ezt gahts ab hei! yippieh. Aso is Hotel, mein ich. Eus vo allne verabschiedet, is Zimmer go t Sache ablah und ab is Resti, aber bevor mr händ chönne gah, bruchet mr na Geld! De netti Herr vo de Reception het eus bis zum ATM begleite und het eus au na gfragt,wo mir go esse gönd. BISTRO82. Sini Reaktion: uuu, expensive. Cappucino cost 5 Dollah.  Ja, das sind tüüri Prise für da. Er het eus na es anders ahgä. Danke du liebe junge Ma! Mir sind aber na schnell is Bistro go inegügsle und yep, s isch tür.  Mir sind dänn schlussendlich is andere Resti gange.  Ob das en gueti Idee gsi isch? Fein und günstig ischs gsi. Aber verzell eu dänn na witer.^^ Dänn sind mr zrug gange, will mr euse JJ Bus nach Inle Lake hend müsse verwütsche. Usecheckt hemmer und mir händ au na s erschte Schwizer Päärli kenneglernt. U sympathischi!  Glaubt mr fascht nöt oder? Susch schwirret t Schwizer überall ume. Ab zu de Busstation. Es isch wiedermal fantastisch wie de Busverkehr de absoluti hammer isch!!  Günstig, super Service, fahrt überpüntklich ab, TV mit HARRY POTTER!!!!-  Eifach de hammer.  Bruum, bruum - Inkle Lake mir chömed! Good night.  Sabbrigi grüess und süessi Tröim,  debby und oli

[ourworldofwderlust]

New video oline

Hi du, wo eusi Biträg liesisch. Ich hoffe natürli du häsch s Video scho gseh, falls nöt, würs eus freue, wenns luege duesch und wenns scho gluegt häsch, luegs eifach namal sowie ich. S isch nämlich sauguet. Finsch au? Freuet eus uf dis Feedback!!  S Video wo de Oli gmacht hät, dreiht sich um eusi erschti Wuche. Enjoyy!!   Link: https://www.youtube.com/watch?v=CFyGrckCh38