newer1414-blog

[newer1414-blog]

انجاز شهر ٤

 ٩٤.٢

هدفي هذا الشهر اني انزل تحت ٩٠  لو بقرام 

راح اغير الدايت هالشهر  للان مدري وش  لي هوده نهايه الشهر 

قمباري ماااس نوره تشوان

انتي تستطيعين

[newer1414-blog]

انجاز شهر ٣

٩٧.٧

بشهر هذا بطبق الصيام المتقطع مع اتكنز و بخلي الميزان كل اسبوعين 

هالشهر ماراح انزل اقل من ٣ كيلو وقد اعذر من انذر اوكيه؟؟/؟؟؟؟ ولا مب اوكيه؟؟ 

عطيتك وجهه عاد 

نحديث 

٩٤.٢

نزلت بشهر ٣ 

٣.٥ كيلو

كفو كفو كفو 

[newer1414-blog]

انجاز شهر ٢ م

١٠٠.٣

البدايه ١٤/٢/٢٠١٩ الميزان الاول

٩٩.٣

انا بديت ب ٥ فبراير المفروض

بـ ٨ ايام خلصت تخبيصه مب طبيعيه ايشي بسكت ايشي شبس اشي خبز رز 

ما انضبطت الا ٣ يوم الي راحت

ومب انضباط كامل

مثلا بيوم كليت نصف توست باللحم و يوم سمبوسه جبن  فـ جذا كويس اني قدرت انزل شي الوعد الميزان الجاي قمباري ماااااااس

------------------

الثاني ٩٨.٣

--------------

الثالث ٩٧.٧

مجموع ناقص شهر ٢

٢.٦ كيلو 

الحمد الله مب سيئ ابدا بس ما انكر توقعت ٣.٥ :(

 قامباري ماس بالخمس وعشرون يوم القادمه

[newer1414-blog]

انجاز شهر خمسه

١٠٥.٤البدايه

الخميس تاريخ 

١٠-٥-١٤٤٠

----------

الاول ١٠٢.١

الخميس 

١٤٤٠-٥-١٨

----------------------

الثاني ١٠٠.٤

الخميس ١٤٤٠-٥-٢٥

----------------

الثالث والاخير من شهر ٥

يوم الثلاثاء مده ٥ يوم فقط١٠٠.٣ 

١٤٤٠-٥-٣٠

----------

حاصل الي نقصناهه بشهر ٥   ٥

(٥.١ كيلو)

لخبطت كثير اخر ٥ ايام شي جيد اني نزلت ٥ كيلو  عموما اكتشفت اني لو بمشي على الهجري بيكون متعب جدا لانه ابدا مب ثابت ببدا احسب بالميلادي .

للحفظ

[newer1414-blog]

آهلا مساء او صباح الخير   رجعت بعد شهر من اول واخر بوست الان افضل وقت اني اكتب فيه واتوقع ٢٠١٨ انسب موضوع اتكلم عنه بعد هالوقت مراح اقول انها اسوء سنه زي غيري لان حرفيا سنواتي السابقه كانت كلها سيئه وكارثيه و تزعل ولا ابي اتطرق للاشياء هذي لانها تزيد من زعلي بس   مع هذا ٢٠١٨ كان اخف سوء من الناحيه الدراسيه  حيث اني واخيرا قدرت اتخرجت من الجامعة بعد سنوات  طويله  هذا الحدث السعيد الي صار لي انا شخصيا وخلاني افرح لنفسي من عشر او ١٢ سنه ماضيه ماعشت شي افرح فيه لنفسي.. مايهني ابد رآي الناس عن تخرجي المتآخر او التعثرات الي صارت لان محد فيهم عاش الضغط النفسي الي عشته والي لا آزال اعايشه  

غالبا اكتب هالشي عشان اخفف على نفسي الضغط لان حاليا احس اني راح انفجر قبل لا تصير ٢٠١٩ حتي عشان اكتب تطلعاتي لها

المشاعر الي مزعلتني كانت جمع السنوات الاخيره كلها ٢٠١٨ كانت الاخف اعتقد  انتهت ٢٠١٨ بكل مافيها ممتنه لحدث تخرجي كثير اشياء تمنيتها بـ ٢٠١٨ ولا صارت مثلا اني اخفف من وزني و اشتغل على اللغه اختم القرآن امنياتي الشخصيه الي تخصني انا غير الي تمنيتها تخص اشخاص ثانين ولاشي صار بعض الاشياء زادت سوء جالسه تسحب روحي معها   احاول اني ارضا بالمقسوم مثل ما رضيت بغيره لكن ما انكر انه موجع  استغني عن اي شي الا ٣ وكلها الواضح مراح تصير و الواضح انها راح تزيد من تعبي  لكن ربي ماكتب لي الا شي واحد يتحقق الى هو تخرجي   اشكر الله واحمده انه ماتركني وحدي استجاب لكثير من دعواتي على اني دينيا كنت مقصره  راح احاول اسجل لي اهداف متواضعه لـ ٢٠١٩ لعلها تحدث بس هذا الي بخاطري   

[newer1414-blog]

(مرت سنتين منذ آن هجرت صفحتي السابقه بمنصة تمبلر )

حقيقة سبب كتابتي للعنوان هوعشان اقول اني صاحبه دار وما اعتقد اني راح احتاج فتره طويله لتعود على الكتابة هنا .. مثل اي شخص توجهه لتويتر تارك خلفه صفحات التدوين بسطورها الطويله والحريه الي مايمكن لاحد انه يمنعني منها بعكس تويتر اصبحت الي الكلمة فيه صعبه و (المتعرين اخلاقيا)مسيطرين على الرآي 

اكرهه التهجم واكرهه الانتقاد بغير محله عشان كذا قررت ارجع هنا ويكون لي عالم خاص صغير اشارك فيه اهتمامي

حاليا مافيه اشخاص يقولون لي اهلا بك لكن راح احرص على تواجدهم