mtbilarabi - Tumblr blog

[mtbilarabi]

[mtbilarabi]

[mtbilarabi]

مبدئيا حابب انوه انو البوست ده و الكام بوست الجايين من شغل و تقديم المتميز Li Lith بس حبيت انشرها هنا لانو بصراحة شغلوا جامد على الفايسبوك ده لينك حسابه:

تعالو نتكلم شوية عن Suzuya Juuzou من Tokyo goul

بس الاول، خلونا نشرح كام حاجة سريعين

______________

لو هتتايب الناس كدا : I/E N/S T/F J/P

و لأنه بيقيس behavior اكتر ما بيركز عالوظائف المعرفية، وتصرفات الشخص بتتغير ف اه ممكن نقول انه ممكن يتغير، بس لما نيجي للوظائف المعرفية والسوسيونكس، التايب مش بيتغير عشان الوظائف المعرفية بتاعتك مش هتتغير، انت هتتشقلب وهتروح اماكن unhealthy وهتتطور بس هتفضل نفس التايب.

__________

نرجع بقا لشخصية النهاردة

النسخة اللي بنشوفها طول المسلسل أو الأحداث اللي المفروض في الحاضر هو ESTP، بس من رأيي، لو جينا من عند الوظائف المعرفية، فال ESTP دا عبارة عن ENFP محشور في ال super ego.

تعالو ندرس الحاضر بتاعه اكثر

(Se Dominant + Si ignoring)

-تهور مرعب، مش بيدرس أي حاجة هو عنده ثقة عمياء انه يلا نقتل الناس دي ونلعب ومش مهم أي حاجة، بينط ورا حدود الالم الجسدي وبيحط نفسه في ظروف غريبة بهدف المتعة

-دلوقتي، حالًا وبس؛ مش مهم الماضي، بالكاد بيتواصل مع الذكريات بتاعته أو بيفكر في أي احتمال آخر..الخ.

(Fi trickster)

بالكاد بيتعاطف مع الم اللي قدامه او يدركه، والمساحات الشخصية للي حواليه نقطة عمياء، دا غير اتصاله الشبه معدوم مع مشاعره.

-طب هل كل ال ESTPs كدا؟ وهل الشكل ال Unhealthy دا طبيعي؟

طبعًا لا (كدا كدا مش هيكون طبيعي عشان دا انمي لول) بس الفكرة هنا أنه في مكان مظلم و extreme وغير صحي بالمرة.

-ماشي ESTP unhealthy، هنجيب منين ENFP بقا؟

هنرجع ورا شوية لل flashbacks القليلة اللي ظهرت ليه، واللي كانت بتعكس شخص تاني خالص، مش ESTP مبسوط وبعدها بقا unhealthy، بل اشبه ب snowflake بيجاهد عشان يتأقلم ويعيش وسط الظروف المريعة اللي كان فيها مع الغيلان.

-طبعًا ال Ne Fi مش هتساعده وسط التعذيب اللي بيتعرضله وحياته اللي بتتحط على المحك كل يوم والمعاملة الغير آدمية اللي بيتلقاها، ومهما عمل وبذل جهده، بيتعرض للألم والأذى بردو..

دا مع الوقت بيديله احساس ان ال ego بتاعه مش كفاية، ومش بيدعم غريزة البقاء بتاعته ولا بيساعده، بيفقد ثقته فيه، وبيجري على الحاجة اللي مش بيعرف يعملها بس هو بيحس انها جامدة، يمكن تنقذه، بس هو مش شاطر في ال super ego بتاعه، ومع استمرار الضرر الجسدي والنفسي اللي بيتعرضله، بيبدأ يطور سمات غير صحية بتاتًا، وكذلك يفقد اتصاله بجسمه ومشاعره وآدميته على حساب غريزة البقاء والمجهود البدني اللي يفوق طاقته. وحتى لما الضغط دا قل، كان الأوان فات لأن ال ego بتاعه مرعوب ومدفون، والطريقة الوحيدة اللي يصنع بيها أي نوع من الأمان هي انه يكمل تجاهل لمشاعره وألمه اللي كانو بالنسباله مصدر ضعف.

ملحوظة أخيرة :

-القصة كلها طبعًا مش واقعية ولا بنشوفها هنا، وزي ما قلت فوق حالته extreme وخرمانة بس احنا بنحاول نشوف اقرب تحليل من ناحية التايبس.