mohamedalizsc

[mohamedalizsc]

مش مصدق إن النهاردة أو بكره هيكون أخر يوم في رمضان ، بزعل جدا من فراق رمضان والله ببقا هعيط الواحد بيعيش بكل حب في الشهر دا بتحس بالسكينة بتحس بالروحانيات أول ما يخلص هو والعيد بتحس إنك نزلت عليك لعنة الحياة

[mohamedalizsc]

سبحان الله

الحمدلله

لا إله إلا الله

الله أكبر

[mohamedalizsc]

عن عائشة رضي الله عنها قالت: قلت: يا رسول الله أرأيت إن علمت أي ليلةٍ ليلةَ القدر ما أقول فيها؟ قال: " قولي : اللهم إنك عفو تحب العفو فاعف عني .

[mohamedalizsc]

‏اللهم في ليلة القدر أخرجنا من هذه البلد الظالم أهلها .

[mohamedalizsc]

لا تنسوا الدعاء والاجتهاد ليلة ٢٧ رمضان اللهم بلغنا إياها..

[mohamedalizsc]

واحد بيرن عليا دلوقت أول ما فتحت

هو :- أيوا يا دولي

أنا:- مين الدولي ؟!

هو :- مش الونش معايا ؟

أنا:- لا أنا مش الونش.

............

هي الناس في مصر ليه اللغة بتاعتها والأسماء بقت كدا بجد ؟ 😂 مين الدولي ومين الونش وفي ايه بظبط ؟

[mohamedalizsc]

رسوم تحويل عبر تطبيق انستاباي من أول شهر أبريل!!

حرفيا مبقاش في كلام الواحد يقوله لأن احنا عايشين مع عصابة بتاكل وتشرب دم المواطن وأي حاجة تريحه لازم يفسدوها ، والله تعبنا من العيشة في البلد دي .

[mohamedalizsc]

ايه حكايتكوا مع البستاشيو يا مصريين

[mohamedalizsc]

نقدر نقسم الحياة في اخر ٣ عقود كدا

الحياة قبل الألفينات وبعد الألفينات

ثم

الحياة قبل الثورة ٢٠١١ وبعد الثورة

ثم

الحياة قبل كورونا ٢٠١٩ وبعد كورونا

ثم

الحياة قبل البستاشيو ٢٠٢٥وبعد البستاشيو

[mohamedalizsc]

الأرصاد الجوية بتقول من الأخر كدا اللي قلع حاجة يلبسها تاني .

[mohamedalizsc]

هل الرقابة من الوزارة على الدراما المصرية " المتدنية" تشمل النزول العام القادم بالاختيار ٤ و ٥ و ٦ و ٧ ؟ ولا النزول بمسلسل جديد اسمه الشهداء ؟ او التغريد خارج السرب بمسلسل سقنن رع والتضحية من أجل الوطن ؟

دا بعيدا عن إن الواحد مش بيتابع أعمال عربية ولا حتى دراما رمضانية بس انا هكرس نفسي من أجل الوطن والعودة للدراما المصرية الوطنية بعد طبعا اعتزال محمد سامي من على عرش الدراما المفسدة و دا قرار عظيم أستحق عليه ختم " الوطنية "

😂..................................😂

[mohamedalizsc]

جاي من برا من شوية أقسم بالله الجو تلج لابس لبس تقيل جدا و البرد رهيييييب

[mohamedalizsc]

خلينا نكون واضحين

محدش مستعد يتقبل شخص بيشتكي 24 ساعة في 24 ساعة على مدار السنة ، الحياة فيها نجاحات وفشل وأبيض وأسود و حلو و وحش وهنعيش الفرح والحزن فـ متخليش الشخص أو الأشخاص حواليك يملوا منك ومن شكواك دايما

[mohamedalizsc]

رأيي في موضوع المطرية بتاعت القاهرة دي إنها كانت حاجة جميلة في البداية من أهلها وحاليا بقت ترند فأصبح الناس بقت تروح هناك عشان تتصور وتعمل فلوجات وكمان اللي بيجي من منطقة تانيه عشان يفطر ويعيش الأجواء وبقت الناس تتعبط كمان وتخش بيوت الناس فالموضوع بقا وحش جدا اما تدخل فيه حوار البلوجارية دول !

الناس بدل ما تفكر انها تعمل حاجة زي دي في منطقة تانيه وتالته ورابعة وخمسة لا رايحة هناك! طب رايحين هناك ليه ؟ ليه العدد دا كله ؟ في ناس ممكن يجي الفطار وملهاش مكان فيضطر أهل المنطقة ذوقيا يقوموا عشان الغريب يقعد !

مش فاهم عقلية الناس دي بجد استفيد من التجربة وطبقها في مناطق تانيه وساهم أنت طالما أنت بلوجر وانفلونسر نسق مع مناطق تانيه وساهم وأسس حاجة حتى تاخد ثواب لكن التطفل على أهل منطقة تانيه أصلا أهلها هم اللي بيعملوا الأكل ف انت كدا بجح

[mohamedalizsc]

الحاجة الـ عمري ما تقبلتها في حياتي هي إن الواحد ليه يقوم بدري والناس كلها نايمة والدنيا ضلمه عشان يروح يدرس ولا يشتغل ولا يتنيل طب ما الناس كلها نايمة اهيت اشمعنا يعني أنا اللي ماشي لوحدي في الشارع

[mohamedalizsc]

تشتيت تشتيت مبقتش عارف أنا بعمل ايه أو هعمل ايه ولا بقا في اي شغف حرفيا زهقت

[mohamedalizsc]

بفكر جديا الأيام دي اعمل مشروع أونلاين واجيب بضاعة وكدا بس عاوز خبرات حد فعلا لأنها فكرة بس دا غير إن كتسويق مش بعرف فيه وكنت حابب اتعلم بس يعني كبداية ممكن الواحد يستعين بحد ميديا باير وبرضو هيكون عنده خبرات حد هنا عنده فكرة أو جرب قبل كدا ..