mercamber

[mercamber]

ECQ Writes 1

Unti-unting nanglalamig

Mga salitang kinakabig ng bibig

Tila'y nawawalan na ng pag-ibig

Ang pusong noo'y ako lang ang pinipintig

Nagsimula na ang mga tanong sa isipan

Magkakatotoo na ba ang napanaginipan?

Kung saan ako'y tumatangis sa iyong paglisan

Dahil ako'y pinagpalit sa aking kaibigan

Ganito pala ang pakiramdam ng mapagtaksilan

Tila may sumasaksak sa kalamnan

Hindi mawari ang dapat maramdaman

Kaya't rumagasa na lang ang luha sa matang malamlam

Hindi ko mapigilan ang pagsisi sa sarili

Kung sana'y mas naging maingat lang sa pagpili

Wala na sanang nabuong pagkamuhi

At nanatiling kapayaan ang mungkahi

Ngunit ngayon ako'y naniniwala

May dahilan kung bakit dapat silang mawala

Iba't ibang leksyon ang kumawala

Upang mas mapalapit kay Bathala

Kaya't maraming salamat sa iyong pagtapos

Sapagkat ito'y naging simula ng aking pagkaayos

Siguro nga'y hindi tayo ang nilaan ng Diyos

Dahil tayo ay nagsimula lamang para matapos