maimohamedmahrous

[maimohamedmahrous]

#the_sound_of_music الراقصة الشعبية في النمسا 😊انا عايزة اعيش هناك 😃 ^_^

[maimohamedmahrous]

[maimohamedmahrous]

El mafrood ha3mel eh hena?

Tumblr بختصار هو "العالم الخاص بتاعك" المكان الفوق الواقع البتشوف فيه الحجات البتعجبك و البتحبها و بس او اكتر مكان بتبقى في "ذاتك" ، حتى الناس البتعرفها من عليه ناس متعرفهاش واقعيا و لاعمرك هتعرفها جمعكوا بس نفس الحجات البتحبوها بشكل افتراضي .

[maimohamedmahrous]

احساس تجاه الحياه

[maimohamedmahrous]

يقصد افكار المجانين معقدة 😂 #monster

[maimohamedmahrous]

--a little bit of heaven 22-8-2015 اول ملحوظة كان عجبني اوي انها إنسانة مبهجة و بتضحك من اول الفيلم . حتى كانت بتقول خبر مرضها بالسرطان و هي بتضحك او بكل بساطة ، هي كانت متأثرة من جوها انها هتموت لكن طبيعتها المبهجة ساعدت ف تخفيف الصدمة عنها و طلبت كمان ان جنزتها تبقى مبهجة مش حزينة . تاني حاجة لفتت نظري مشهد بينها و بين الدكتور بتعها ، سائلته ان كان مؤمن بالله ، قالها من الناحية العلمية لاء لان العلم يعني تجربة و مش بيؤمن بالقوة العليا الخارقة، لكن قالها لو سائلتيني بعيد عن العلم بصفتي الشخصية هقولك "مش عارف" و بعدين سائلها عن ايمانها بالله قالتله هي كمان "مش عارفة" و بعدين قالتله انا بحسد المؤمنين لانهم بإيمانهم بيقدروا يتحدوا الخوف ، فسائلها ايه الخايفة منه ف قالتله ان الكلب بتعها هيبقى وحيد من غيرها و تاني حاجة خايفة والدتها متقدرش تتجاوز صدمة موتها . الملحوظة التالتة . و هي بتقول ل مامتها انا مش فاكرة انك اسائتي ليا قبل كدة بس فاكرة اني ديما كنت بزعجك .. ف مامتها ردت عليها قالتلها "هو دا دور الابناء" :D اخر وجود ليها مع بابها البنسبالها مبيهتمش بيها و هي مش فارقة معاه ، لكن واقع الامر هو بيحبها و مهتم ب امرها بس هو عقلاني و عملي بزيادة ف مش بيعرف يتعامل او يظهر مشاعر . ف اخر مقابلة ليهم بيقولها اقوليلي اعمل ايه عشان تحبيني انا بجد مش عارف اتصرف ازاي .. و هنا لاول مرة تفهم شخصية بابها و تقدر موقفه بس الحمد لله ان دا حصل قبل ما تموت و عرفت ان بابها بيحبها على عكس ما كانت معتقدة . اخر حاجة . العلاقة بين الام و البنت بنسبالي كانت فعلا مؤثرة جدا .. الام كانت عمالة تدي نصايح للبنت عل امل انها يمكن متموتش ، لكن البنت كانت مدركة ان فكرة الامل دي هتخلي موضوع الموت اصعب عل مامتها ، ف عملت كل جهدها انها تخلي كل الحواليها يتأقلموا عل فكرة موتها من قبل ما تموت عشان الصدمة تكون اخف . عجبني مشهد و هي بتحاول تستمتع بنزول المطر لاخر مرة ف حياتها . الفكرة بقى الجت ف بالي .. ازاي مؤلم للاهل ان يشوفوا اولادهم و هما بيموتوا .. كنت بقرا عن حياة ديستوفسكي من فترة و اول بنت ليه خلفها ماتت بعد شهور من ولدتها و دا ساب اثر حزن عميق اوي ف نفسه رغم ان البنت كانت لسة مبدائتش كتبر او تسيب اثار كتير ف الحياه و رغم ان البنت قبل شهور قليلة مكنتش موجودة اساسا و بتالي ادراكهم ليها مكنش موجود .. و دا خلاني احس ان الاهل ميخلفوش احسن ما يشوفوا ولادهم بيموتوا قدامهم و هما مش قادرين يعملوا حاجة . اد ايه فكرة "الفقد" ف الحالة دي صعبة اوي .. لذالك حسيت بألم الأم اوي ف الفيلم دا خصوصا ان دي كمان بنتها الوحيدة.

[maimohamedmahrous]

Monster

[maimohamedmahrous]

ايمانويل كنط كان ف بداية حياته ميتافزيقي صرف 😂😂😂

[maimohamedmahrous]

٣ أشياء تمثل "الشيئ في ذاته" لا نستطيع أن ندركهم في حقيتهم بالعقل العادي و هم ( العالم و النفس و الله ) كانط

[maimohamedmahrous]

توثيقا للموضوع انا في الوقت دا من حياتي بميل ل فكرة "وحدة الوجود" عن وجود الله .. 20-8-2015

[maimohamedmahrous]

الاخوة الاعداء بنسبالي نهاية الفيلم عادلة جدا .. رغم ان الحقيقة منتصرتش .. لكن عادلة ف مأسويتها الصنعها إنسان واحد و هو مرتكب الجريمة الفعلي او صنعها القدر بسبب سوء الاخلاق العام ، اولا النهاية عادلة بنسبالي من نحية نتيجة الانحراف الاخلاقي ل الكل و اولهم الاب الجنى على باقي الاشخاص من حولية ، الاب هو المجرم الحقيقي ف القصة .. مرتكب الجريمة الفعلي و ال قتل الاب .. وضع نهاية ل الاخلاقية بتاعت الاب و عاقب اخوه المنحرف اخلاقيا ب انه نجح ف انه يخليه المسؤول عن قتل الاب و بنسبة لاخوه التاني المنظر البيقول كلام مبيعملش بيه واقعيا نجح ف ان يخلي معذب الضمير و بنسبة ليه هو شخصيا الحياه كانت ف الأصل اسية عليه و السبب الرئيسي ل دا هو الاب و من بعديهم الاخوات ال فيهم شيئ لاأخلاقي او لا إنساني من الاب في معاملتهم معاه و اعتبرهم ليه مش اخوهم ، ف الحياه بنسباله مكنتش جنة و التخلص منها هو افضل حل ليه و ب إنهائه ل حياته سبب مزيد من الالم ف باقي قصة العيلة البائسة. لكن الم يستحقوا هما و كل الاشخاص الحواليهم لانهم خرجوا عن قواعد الانسانية و الادب وحكمتهم الانانية من الاول .. النهاية بطلعهم كلهم خسارنين ف هنا هو العدل ان كلهم خسروا نتيجة افعالهم الغير سوية . 19/8/2015

[maimohamedmahrous]

ملحوظة بعد ما كتبت الكلام دا لقيت السؤال ال في الصورة دي . حبيت اوثقها معاه عشان في ارتباط بينها و بين الكلام . 19/8/2015 اشكالية الدين البدائي مخترع ام محرف ؟ الدين البدائي مخترع ولا لاء ؟ نعم .. يبقى ليه اخترعوه .. عشان الفطرة بتقول ان مؤكد في خالق للكون ولا عشان حسوا بان الكون ناقص ف مؤكد في عالم تاني كامل ولا عشان لقوا ان في اشياء قدرية بتقف ف صفهم مرة و بتخزلهم مرة ف احداث الحياه اليومية فأرجعوها لقوة غير طبيعية ولا عشان خوفهم ف المواقف الصعبة فمحتاجين قوة اكبر منهم تنقذهم من المصايب ؟ طيب لما اخترعوا التفاصيل. . مين الخترعها و هل كان مصدقها و كانت نتيجة تأمل ولا كانت مجرد تأليف و استغلال لمعرفة طبيعة النفس البشرية ال مكتوبة فوق دي . هنسائل تاني هل الدين البدائي مخترع ؟ لا .. طيب لو اثبتنا ان في حجات غلط في .. دا يبقى ايه ؟ كان في شيئ اساسي الناس فهموا غلط و حرفوا مثلا نتيجة طريقة الحياه و برضوا كدة هندخل عل الاسباب القولنها لما قولنا الاجابة بنعم .. و يبقى ف الحالتين الانسان عايش ف اوهام بسبب طريقة الحياه بعيدا عن كان في دين اصلي ولا لاء .. لانه ف الاخر بيطوع كل حاجة ل حسب فهمه و مشاعره مش لسبب حقيقتها . طيب لو قولنا ان الدين البدائي مخترع و مش الهي ولا حاجة .. يبقى ايه المانع ان غيره ميكونش مخترع ! طالما غيرهم اخترعوا حجات ف ظروف معينة ! بس في فكرة كمان حتى لو اكتشفنا بشكل فعلي ان الدين مخترع ، الناس هتعمل ايه .. إذا كان معندهمش ضمير و هما مؤمنين بعذاب اخروي .. اومال لو اتأكدوا فعليا ان مفيش ، هل الحياه هتبقى غابة اكتر ما هي . بالمناسبة انا عندي اعتقاد ان المتدينين المتشددين جدا البيتمسكوا بحرفية النص انهم لو ثبتلهم ان مفيش دين هيكونوا اول ال لا أخلاقين و معدومي الضمير ف المجتمعات . يعني هما قرفنا و هما متدينين و الحال هيكون اسوء لو مش متدينين.

[maimohamedmahrous]

عن الدين البدائي

لو الدين البدائي بأساطيره مخترع ، يبقى دا دليل على ان الانسان بيميل انه يخترع حجات بسبب "طريقة الحياه" إذا كان الانسان البدائي اخترع ليه غيره ميكونش أخترع بطريقة تانية ، متوافقة مع العصور الاحقة للعصور البدائية ، سواء الانسان البدائي او الانسان فيما بعد .. هما ف كل الاحوال عندهم نفس إنسانية و تركيب بيولوجي واحد بس التجارب هي البتزيد ف الافكار بتطور اكتر .

[maimohamedmahrous]

[maimohamedmahrous]

#العنصرية_على_مر_التاربخ و التحقير من الجوانب الأخرى

[maimohamedmahrous]

[maimohamedmahrous]

#body_of_lies 22/7/2015 ممم .. في مشهد ف الفيلم لما كان الجهاديين بيعذبوا ليناردوا ديكابريو .. و كان بيقولهم القراءان مش بيقول ال انتوا بتعملوا دا و انتوا بتفهموا على مزاجكم .. راح الراجل رد عليه و قاله اية المعنها ان البستشهد في سبيل الله ممتش انما حي يرزق عند الله .. ف رده دا استغربته جدا و دا ايه علاقته ب الكلام ال ليناردوا بيقوله ، بعدين الفكرة فضلت ف بالي ، لقتني بقول يعني انت بتعمل كل دا عشان تستشهد و هدفك مش الدنيا ، هدفك الرزق الهتحصل عليه نتيجة عملية الاستشهاد ، فإنت دورت ممكن تجاهد ف سبيل الله ازاي عشان تحصل على الشرف دا ف لقيت الطريق دا هيوصلك .. يعني معقول فلسفة الجهادين كلها قايمة على “ايه قراءانية ” بيقولوا من ورها انهم عايزين ينصروا الاسلام ، و هما واقع الامر عامل من عوامل البلاء على الاسلام و هدفهم الحقيقي الوعد ال ف الاية ال هما فهموا بطريقتهم او داعب مشاعرهم ف ادراكهم ل صعوبة الحياه و انهم مش هيقدروا يعيشوا بحرية ف الارض . بس على امل انهم يلاقوا الحرية دي ف الجنة .. فبيضحوا بالدنيا عشان يحصلوا على راحة ابدية .. الفكرة بقى هل دا نفاق و انانية ولا حب لله و ف الدين فعلا ، الهدف من الكلام دا ان طول عمري كنت معتقدة ان هدفهم نصر الاسلام فعلا . لكن الفيلم فتح عيني عل فكرة جديدة و هي ان الشخص بيتصرف تصرف ل رغبة ف كلمة “استشهاد” اكتر من اي شيئ تاني . اما المشكلة الاكبر انه بيضحي بحياته و دنيته و يإذي غيره و معتقد انه هيستريح بعد كدة او انه بيستشهد او ان الله هيحب منه التصرف دا .. هي دي الناس ال ممكن اقول عنها مظلومة دنيا و اخرى فعلا! . مظلومة لاني بشوف الشر ظلم .. الانسان الجواه شر رغم انه واقع الامر بيبان انه بيظلم غيره .. هو المظلم لانه مش بيحس بحلاوة الخير محسش غير بعصبية و سوء نفسية الشر جوا .. و دا بينطبق على اي شر .. مش شرط يكون حاجة ليها علاقة ب الدين .