lounagiu - Tumblr blog

[lounagiu]

عزيزي:-

- عائلتك لا تعرف حجم الصعوبات والضغط الذي تمر به في حياتك اليومية أو في عملك.

- وشغلك مش عارف ظروف حياتك وبيتك.

- زملائك وأصدقائك وأحبابك لن يفهموا حجم المسئوليات الجديدة والقديمة التي تقع فوقك.

- وشريك حياتك ينتظر منك الحب والدعم غير المشروط، لن يفهم حجم الضغط الذي تمر به مهما تحدثت وشرحت له.

خلاصة القول لا أحد يشعر بك إلا نفسك. لن يفهم أحد ما تمر به حقًا وهم على الأرجح لا يقدرون الجهود.

فقط استمر ... قاتل... اعتن بنفسك يا صديقي💙

[lounagiu]

- محسن انت كنت بتاخد كام في شركة الحلويات ؟

= ليه ؟

- يعني بسأل

= يعني كله كله المرتب بالمكافأت بالحوافز حوالي ٦٥٠ جنيه

- طيب كويس ، اصل انا كنت خايف الوظيفة الجديدة الي انا كنت جايلك علشانها مرتبها يكون اقل

= مش هتفرق يا فتحي ، انا اتعودت اعيش بأي حاجة

- الوظيفة الجديدة مرتبها ٥ آلاف جنيه

= ٥ آلاف جنيه!!

- أيوة ، انت هتمسك الشؤون الإدارية في بنك استثماري

= الشغلانة دي شغلانة شريفة ؟

- مفيش فايدة فيك يا محسن مفيش فايدة فيك ، هو علشان مرتبها كبير تبقي شغلانة غير شريفة ؟

= فتحي ، انت أمرت أن انا اتفصل من شركة الحلويات مش كده ؟

- ده حقيقي

= ده تصرف انا مش قادر أفهمه

- اوعي تفتكر اني عاوز احملك جميل ، انا مش عاوز حاجة منك ، انا جاي اخدم واحد صاحبي وبس وعارف أنه يستاهل ، الوظيفة دي كان ممكن ياخدها اي حد تاني عديم الكفاءة لمجرد أنه عنده واسطة

= أيوة علي الاقل كنت عرضت عليا الموضوع وبعديها انا حر اوافق أو موافقش

- مكنتش هتوافق ، مخزون الشعارات الي جواك كان هيخليك ترفض ، وبعدين انا عارفك كويس يا محسن انت راجل قنوع وترضي بأي حاجة ، واحد زيك كان لازم أجبره علي أنه يكون له مستقبل أفضل

= بالأمر يا فتحي ؟!

- بالأمر يا محسن ، وبعدين الوظيفة موجودة شوفها ، لقيتها غير شريفة سيبها ، وانا مستعد ارجعك شغلك تاني بتليفون ، انا هسيبك دلوقتي ، انا عارف ان انت بتسأل انا بعمل كده ليه ، اقسملك بالله العظيم يا محسن انا مش عارف انا بعمل كده ليه

طيور الظلام | 1995

[lounagiu]

في حب فيلم "حكايات الغريب"

اليوم الذكري الثانية لوفاة الفنان / مدحت مرسي أرجو الفاتحة و الدعاء.. حكايات الغريب من أقوى الأفلام اللي بحبها برغم من بساطة الإمكانيات والتصوير.

- ( اللي شاف الحرب مش زي اللي سمع عنها يا شوقي)

الفنان مدحت مرسي في دور طايل المصري من فيلم حكايات الغريب.

⚫حكايات الغريب فيلم من إنتاج التليفزيون من إخراج أنعام محمد علي.. فيلم معمول بإمكانيات بسيطة جدا لكن الفكرة والتنفيذ وصدق الرمزية اللي في الفيلم تخليه عايش لأي حد بيشوفه ..طول الفيلم بندور على عبد الرحمن اللي اخد عربية الصحافة وفيها عهدة علشان يروح السويس في أكتوبر ١٩٧٣.

⚫ بنكتشف طول الرحلة إن أهالي السويس عارفين صاحب الصورة لكن بأسماء مختلفة.. كلهم بيتكلموا عن بطولات لصاحب الصورة لكن محدش بيقول أن اسمه عبد الرحمن.. اللي يقول إن اسمه كمال وكان مع مجموعة فدائيين علي عبد البر، و"خلف" اللي اخد بتار أخته اللي استشهدت في بحر البقر.. وعوض اللي كان بيضرب الأر بي جي على الدبابات يوم الحرب.. لغاية المشهد الرهيب بتاع" هدى سلطان" لما بنشوفها معلقة صور الشهداء على جدران بيتها وبتحكي عنه كمحمد اللي كان بيجيلها مع الجنود وفي الاخر بتقول " كلهم ولادي" في مشهد شديد الرمزية.

⚫كل ده بيصيب المحققين في اختفاء العهدة في شخصية عبد الرحمن.. إزاي عبد الرحمن الخانع الطيب اللي ما يعرفش يضرب حد أو يزعق، اللي خطيبته راحت منه .. يطلع منه كل ده، في رمزية شديدة البساطة عن خروج المارد المصري من بعد النكسة من كل مصري تحول من خنوع الهزيمة لوحش كاسر على الجبهة وقت أما جاتله الفرصة يحارب.. جيل كامل هرسته رحلى النكسة وطواحين النصر وأزمات مابعد الحرب والعبيء الإقتصادي اللي كان بعدها اللي تمثل في بيروقراطية البحث عن عهدة عبد الرحمن لكن عبد الرحمن نفسه مش مهم!

⚫ الرمزية الأكثر قربا لقلبي هي البحث في شوارع السويس بالميكروفون عن عبد الرحمن في نهاية الفيلم،ونكتشف أن كل واحد بيحكي قصة شهيد وكأننا بندور على كل شهداء الحرب.. الجنود المجهولين اللي محدش يعرف أسمائهم.. اللي محدش استلم جثثهم ودفنها بأيديه.. المجهولين اللي عضمهم كان وقود لعجلة النصر محدش عارفهم راحوا فين ومصيرهم كان ايه؟ أو حتى استشهدوا في أنهي معركة أو اجسادهم اختلطت بأي تراب لكن الأكيد أنها روت أرض السويس في كل شبر رمزية شخصية "حسين الإمام" اللي ماهموش الهزيمة ولا بلده وبنى سلطته وثروته على هزيمة وطنه.. دوود الأرض اللي بينهش فيه وإن زيه زي العدو اللي سرق أرضه اللي لو طبقناه على أيامنا حاليا هنعرف هما مين!

⚫ومن أعظم الجمل في الفيلم لما مدحت مرسي وزميله وهما بيدوروا على عبد الرحمن.. شخصياتهم وانطباعاتهم بتتغير وبيقول جملة لازم تتعلمها كل الأجيال " اللي شاف الحرب مش زي اللي سمع عنها" جملة وراها عبرة وعظة

الفيلم اتصور مابين مدن القناة في الأماكن الحقيقة للحرب من غير مشاهد إعادة تمثيل ماسخه من غير طلقة رصاص تمثيل.. لكن مصداقية الفيلم ما اتكررتش في أي فيلم تاني

بنكتشف أن مش مهم الأوراق ولا الأختام لكن الإنسان لازم يتبع قلبه وضميره الحي زي ما قلها "مدحت مرسي: وفي النهاية قرر يكتب في التقرير "أقر انا طايل المصري إن السائق عبد الرحمن أو مهما يكن اسمه قد منحنا شرفا نرجو أن نستحقه" المجد للجنود.. المجد للمجهولين.. المجد للمصري صاحب ملحمة العبور 🙂

#حكاية_الغريب

#الاءنجيب

[lounagiu]

‏الانسان النقي من الداخل

لا يعلم بظلمة قلوب بعض البشر

لذلك تجده يقع دائماً في فخ الثقة الزائدة ...

[lounagiu]

مافيش حد فينا مقالش بكره هيعرفوا قيمتي بالوقت، و في نفس الوقت اللي بيعدي ده هتكون اتعافيت وبحمد ربنا إنه نجاك من أذى كبير كان هيلبس فيك كل واحد فينا عنده التجربة اللي أنضجته، اللي كبرته من جواه 100 سنة قدام... محدش بيحس بأثرها الحقيقي غير صاحبها بكل شوكها، الناس من حواليك بيكونوا شايفينك نفس الشخص، بتعمل نفس الحاجات، بيشوفوا الإطار الظاهر وأنك جامد مستحمل كم الضرب اللي بيحصل فيك وبتهزر وبتضحك على أد ما تقدر وبتتعامل، من غير ما يحسوا إنك اتغيرت؛ وكبرت، و ماشي وخلاص في طريقك..الإنسان لما بيكبر فعلا بتصغر في عينيه حاجات كتير كانت بالنسباله مهمة وبتاخد وقت كبير من تفكيره؛ بتشيب شعره بدرى 🤦‍♀️بتعمل فيه كده علشان بيشوف كل حاجة علي حقيقتها ب تفاهتها وزيفها وسطحيتها، من هنا بتعرف إن الراحة النفسي فوق كل حاجة بتستهلك طاقتك..فظبط أولوياتك من جديد علشان مش دايما بيبقى الأصح إنك تأخد حقك في الدنيا؛ أصل أحيانا عشان تاخد حقك لازم تبقى شمال تبقي شرير تبقي حقير وخسيس وجاحد و خاين و كذاب و مؤذي، بيبقى لازم تتوسخ من نفس الطين تتمرمغ فيه عشان تقدر تاخد حقك، تتحول لنفس المسخ المزيف اللي كنت بتتعامل معاه، ودي حاجة ولاد الأصول صعب يعملوها مبيستحملوهاش على نفسهم أبدا، أصل مينفعش تأذي نفسك عشان تاخد حقك! مش كل الحقوق بتتاخد بإيدينا؛ فيه مظالم في خصومات بتترفع لرب السموات بتخلص هناك وحقوق بتتردلنا في الدنيا قدام عينينا، وحقنا بيرجع والله من غير حتى ما نسعاله، بس هي مجرد دعوة وحسن ظن في الله وفيه حقوق مكتوبلها تترد بشكل أعظم جبرا في دنيا والأخرة يوم الحساب اللي مفيهوش تلفيق ولا فهلوة ولا قلب ترابيزة ولا نقص ولا خيانة كله بيبقي ظاهر من الحشوة عريان.

#قالوا_حلول_لشروخي

[lounagiu]

*جنازة إمبارح و الصلاة عليه*

و إن أعد دة كله يجي بلده

يوصل فجر الخميس

فصلوا عليه بعد صلاة الجمعة

شوفوا القدر و حكمة ربنا

علشان يدفن يوم جمعة و الناس

و اصحابه كانوا بيجرو يلحقوا و كانت في ناس مطبقة كمان..

•أناكتشفت ساعتها و أيقنت ان كلنا في الدنيا دي لينا دور هنعملوا لهنتكافئ عليه لهنتعاقب عليه احنا و نفسيتنا بس محدش هيتحاسب علشان مش مرتاح ف شغله بس مديره هيتحاسب انه ممرمطوا و بيستغلوا و انه هو عايش مرتاح و هو جايبوا يمرمطوا محدش هيتحاسب علشان جاله اكتئاب من اللي بيشوفوا بس كل الناس اللي وصلتوا لكدة هيتحاسبوا كلنا هنمشي ملفوفين في كفن أبيض و كلنا هيدعولنا بس في واحد لما هيفتكروا هيقولوا ربنا يرحمه و خلاص و في واحد هيعدوا يدعولوا و يترحمه علي سيرته الطيبة..‏ وزي مقولة احد الاطباء كلما ازداد عمرك كلما أيقنت أن تلك الحياة لا تستحق كل ذلك التأثر ، ترحل مصاعب وتأتي غيرها .. تموت ضحكات تولد أخرى .. يذهب البعض يأتي آخرون ، هي مجرد حياة .! و كلنا هنمشي منها و هنبقي لوحدنا لمديرك ولا زميلك في الشغل و صاحب عمرك ولا اهلك هيتحاسبوا معاك ولا هيعدوا معاك في حفرة ظلمة يارب احسن خاتمتنا جميعا و لقنا الشهادة عند الموت و اجعلنا من اصحاب السيرة الطيبة و الخيرة و لا تجعلنا من اصحاب السوء رحم و نور عليك يا بابا و علي سيرتك الطيبة بيحسدوني الناس اني بنت الحج نجيب و دي كفاية عليا❤❤‏" تمسك بالدعاء و الاستغفار كأنك لا تعرف علاجا غيره !". #الاءنجيب

[lounagiu]

‏متجيش في وسط انهيارات حياتي وتحكم عليا بأني اتغيرت..‏لن يشعر أحد بما تشعر به، حتى لو أمضيت ساعات تشرح لهم شعورك وما تمرّ به ، فهم لم يلمسوا شعور قلبك ولم تصلهم حرارة دموعك، إياك أن تلجأ لصدور الخلق لتنفض عن نفسك غبار الكتمان ، فصدورهم أضيق من أن تتحمل زفراتك،

ليكُن الله ملاذك هو يحلّ على صدرك برد الاطمئنان، فقط قل يارب.

[lounagiu]

إذا أتاك ما يخيفك فقل : حسبي الله ،حسبي الله، حسبي الله و إذا داهمك هم فقل : وأفوض أمري إلى الله وإذا خنقك الحزن فقل :إنما أشكو بثي و حُزني إلى الله يارب ♥يحدث أن حالتك النفسية لم تكن لتسمح لي بأن اعتني بِأحد حتي بنفسي حتي الآن أو أهتم كالعادة بأمرِ أحد، ومع ذلك فعلت دائما كل ما بوسعي حتي استهلكت طاقتي، وصحتي، و نفسيتي، وجسدي كل ما بوسعي دائما.. حتي تهون عليهم جميعا و هما لا يهونه رغم هوانك، و كانت النصيحة المترددة عليا دائما "لا تعطي كلك إلى من يعطيك بضعه..! ولا تعطي حتى بضعك إلى من لا يعطيك كله فالبخل بالنفس لا يسلبها الكرم بل يمنحها الكرامه انسحابك من بعض الأماكن أو المواقف أو الناس ... قد تحميك وتحمي غيرك و أعلم ان ما فعلته يوما لا يضيع ، فإن فعل الخير لايقتصر على الملتزم دينيا فعل الخير دائما حتى وان كنت غارق في المعاصي فربما ينجيك الله وتدخل في رحمته أعرف الصديق من

فعله و طيبه قلبه و سنده وليس من كلامه وأعرف الحبيب من إهتمامه و عدم تقيدك وليس من لسانه المعسول لإن 90% من البشر بيتوحشوا لما بيلاقوك متساهل في حق نفسك زيادة عن اللزوم، لما بيلاقوك متاح زيادة عن اللازم Too available، لما يعرفوا إنك مهما ثرت وغضبت و بعدت و انكسرت ، برضو هتسامح، مهما اتعرضت للإهانة أو الانتقاص من قيمتك...حاجة كده شبه الموظف اللي موجود دايمًا في كل شركة أو مؤسسة؛ اللي دايما بيعمل شغله بشكل مثالي؛ اللي بيوافق يشيل شغل زمايله، اللي دايمًا موجود وقت ما يحتاجوه؛ والنتيجة إنه لما بيطلب إجازة يومين ياخد نفسه فيهم، يحسسوه إنه بيعمل جريمة! لو عمل شغله بس من غير ما يتطوع ويعمل شغل مفروض يعمله غيره، يبقى مقصر! مش مطلوب منك تبقى ظالم ولا جاحد في علاقاتك باللي حواليك، بس كمان مطلوب منك متبقاش جاحد مع نفسك... و تكسر روحك لو قدمت للي حواليك أكتر من اللي يستحقوه، وقبلت منهم أقل من اللي تستحقه؛ هيتعودوا على كده، وهتبقى تضحيتك المبالغ فيها هي دورك والطبيعي.. آه، وهيلوموك كمان.اعمل الخير وارميه في نهر جاري إن ضاع عن الخلق ما يضيع عن الباري ولكن لا تقلل من روحك بسبب طيبة قلبك و تقديرك و أمانك 😇 #الاءنجيب

[lounagiu]

المواقف المتكررة المصدفة او متعمده دائما رغم تغضيك عنها بكثرة بأعتقدا في روحك و عقلك الا للأسف انها اهانة لك تقلل منك... ليست محبه من أحد انها اكذوبة يضحكون بها علي امثالك البسطاء المختلفين عن المستنقع البشري متعفن الفكر ولكن لا تدعي احدا ان يتمدي في اهانتك انما للصبر حدود احترام للنفس..يصر الكون على أن يوجه إليكي دائما صفعاتٍ مُتتالية على وجهك الملائكي بل ليس وجهك فقط من يتلقاها بلا قلبك و عقلك مباشرةً، أردد بتروي هل بساطة روحي وحبي البريئ للجميع بسبب في تقليل مقامي هل انا فعلا ضئيلة؟؟ انا يالله ضئيلة وهشة؟؟ عقلي ضعيف لا يستوعب ونفسي قصير لا يحتمل و ضئيلة لا أعي، ضئيلة لا أدرك قبحة الوجه ، أجهل بروز الانياب و براء الاكذوبات معتقدة دائما ان الله لا يهلكنا بأشياء وعلاقات لا تشبهنا لا ادري على أي حائط علي أن أستند دون أن يقع فوقي كل شئ و يُزيد من كسوري و جروحي ، أنظر للناس بفزع يظنونه قسوة، أهم بالقول فلا أستطيع، أريد أن أطلب عونً لكني لم اعد اثق بأحد يعتقدون أن لين قلبي تعبدا و اذلالا و احتياجا ، هل انا ضئيلة يالله؟ انا قشة في وجه رياح عاتية بين البشرية المتعفنة و المتصنعه من عبادك ، انا عقلة أمام عملاق لا يتهاون في تسديد الضربات ألي ، قطعة قماش بالية يصنعون منها كورً صغيرة يلقوها في أتجاهات مختلفة، ضئيلة وغبية وحمقاء، افهم الدنيا دائما بمنظور مختلف فهل انا أتيت بدنيا غير دنياي .. يخذلني صوتي ويتخلى عني عقلي احيانا ، أريد أن يزاح عن كاهلي عبئ الكلام والتصرف فليتخذ أي أحد غيري القرار دون أن يؤيل إليّ مهمة الإجابة، كل من في عالمي يريدون تحركي ويضعوني في الاتجاه المناسب دون سؤالي ، يتصرفوا نيابة عني دون أن يزيد من ثقلي ،ضائعة تماماً يُفزعني كل شئ، هل انا خلقت في دنيا غير دنياي..ف تغوص قدمي في أرض جافة تماماً...من هنا و رايح مَتزعلش أنك مُهَمش، مادام بتسمح ان اي حد يقلل منك كذا مرة بني المبررات.

#هل_جعلتكم_تقللون_مني

#الاءنجيب

[lounagiu]

حمد لله على السلامة !!

دايما كانت اغنية العسيلي حمد لله على السلامة من الأغانى القريبه إلى قلبى ... اللى بحب اسمعها لما باخد اى مطب فى حياتى، بحس انها بتطبطب عليا لما بيقول ابكى انا سامعك♪ ... ببقا عايزة اقوله ايوة انا زعلانة ومش عارفة أعمل حاجه غير انى اكون زعلانه و في كوبلية بيقول مسير الايام تمسح دمعك♪ ... بقول لنفسى تفتكر ده ممكن يحصل وارجع تانى زى زمان، ممكن اللى انا فيه دلوقتى ده يعدى..طب لو عدى هيعدى ازاى انا حاسه انى انتهيت..بقيت منحوتة في صخرة بيشة.. فيجي الكوبلية اللي بعدوا يقولك انسى وافرحى ولا تتعبى وفيوم هاتصفى وترجعي♪ ... طيب اليوم ده هيجى أمتى يا جماعة وهيجى فعلا ولا صورة خيالها في السما، طيب هيجى ازاى وانا مش عارفه انسى وكل اللى بعمله انى بفتكر بفتكر بفتكر بس لكن مابنساش، اصفى بصفي و كتير كمان كأن مصحلش حاجة بس ساعات أسأل روحي هو ده انا ممكن اصفى منه!! ف مستناش بدعي و بعديها بيتجبر خاطري ويصبح ساعتها الموضوع كأنه ماكان..انت اكيد بتهزر يا عسيلى !!! يأما عمرك ما شوفت اللي نشوفته هيبوش كأنه مكان فعلا انسان ليبقي شيطان ليبقي روح بتتمني الراحة.

و اقول لنفسي بعد ما اشيل خاطري عند ربي ...ايوووه كانت فين النظرة دى من زمان والضحكة اللى مليانه شوق وحنان♪ ... انا نفسى ماعرفش راحوا فين، اللي بيضحكوا و ركنين الحزن في صندوق تحت النقاد مابقوش يعرفوا يبصوا غير بنظرة مكسورة ناقصة منها معاني الامان ..نظرة حزينة كلها خيبة امل، اكيد مش هنتكلم عن الضحك لأنى مابعرفش اعمل حاجة غير اني اضحك دلوقتى عشان اخبى دموعى و ما تكسرنيش هتصدقوني لو قلتلكم انى نسيت نفسى زمان و ملامحي بقت آسية تكملة الاغنية مش تبعي وقفت للحد المسموح... انا بقيت بقعد مع الناس بس مش معاهم..بقيت مسافرة على طول في ملكوت تاني بشوف حاجات خيال و تطلع حقيقة بقت بخاف لطلع حد تاني فيا حاجة مزروعة جوايا و بسأل نفسي هو انا بقيت مين ؟؟..مسافرة حتى من نفسى ونفسى ارجع تانى بس مش عارفة ازاى وطريق الرجوع ده اروح له منين و ارجع اللي راحوا ازاي!!! ان عايزة اقول حاجة ان كل اللي سيبت ايديهم ايوه كان احسن ليهم لو كنت فضلت ماسكة اديهم كان زمانهم دلوقتي كرهوني حبي الزايد عن حده هو اكتر حاجة ظلماني -هو حكاية ملهاش بداية ولا نهاية.. بس ساعات ناس كتير بيقبلونا بنرتاح لهم بس مش هما دول اللي عايزنهم معانا في طريقنا انا ماكنتش عايزه اعمل كده فيهم بس غصب عني هما اللي اجبروني، عارفين اوحش حاجه فى الدنيا انكم تكونوا مضطرين تعملوا حاجة انتم مش عايزين تعملوها ...بس أنتم عارفين انها صح ومع ذلك مش مقتنعين بس مضطرين.... أنا دايما بحاول للنفس الأخير محتاجة اخد نفس من نفسي علي نفسي ... أنا اتغيرت وغيرت حياتى للأحسن و كدة أحسن حتي لو مش مريح حد المهم انا لأول مرة أقول أنا ...🙂

مش كل اللى بنعوزه بنلقاه فعلا ... مش عارفه ليه اول مره احس انى مكنتش عايزة حاجات كتير ، هتقولى طيب صبرتى وحاولتى ليه؟ يمكن طيبة قلبي عجزتني.

أنا عايزه حاجة كانت موجودة فى دماغى أنا بس وكنت بحاول انقلها للواقع او اقنع نفسى ان هو ده الأحسن حتي لو الناس مش مقتنعة باللى أنا عايزاه لكن من جوايا انا عارفه ان مش هو دة اللي يبقي و يفضل للأخر ، هتقولوا بتضحكى على نفسك ؟ يمكن و بتوهمي روحك ..هقولكوا انا دفعت ولسه بدفع تمن وهمي.

عارفين أنا ببص فى المراية ساعات دلوقتى مش بعرف نفسى!! عارفين احساس الحزن لما يملا قلبك من غير سبب و يوجع روحك من كتر سكوتك ، الحمل تقل عليك ..الإحساس بيخليك مش عارف حاجه كأنك لسه مولود ومحتاج تتعرف على العالم من أول مع كل ضربة ع رأسك بتحس انك مش هنا و لا دة مكانك ..احساس بالوجع بس انت مش عارف ايه اللى بيوجعك بالظبط هل دماغك، ايدك، معدتك وعارف ان ولا حاجه من دول، انت موجوع من جواك و تقريبا مالهاش دوا.

الوجع اللى بيخليك مش قادر تقوم حتى من السرير كل يوم الصبح، مع انك ما بتبطلش ضحك مع انك سليم وكل حاجه حواليك كويسة وتمام، والحاجه الوحيدة اللى مش تمام ان خاطرك مكسور.

عمرك سألت نفسك هو الخاطر ده يعنى ايه؟؟ وموجود فين بالظبط فى جسمك؟ يعنى تحت الحجاب الحاجز ولا جنب القولون ولا عند القلب ولا فين؟؟ وليه بيسبب كل الألم الخفى ده مع انه حاجه مش ملموسة...يمكن هو مش ملموس عشان الحاجات اللى بتكسره حاجات برضه مش ملموسة، زى ان املك ضاع او فرحتك ماتت و ثقتك راحت لناس غلط وحاجات تانية  كتير بتكسر الخاطر، حاجات مش ملموسة ولا مجسمة بتكسر حاجة برضه لا هى ملموسة ولا مجسمة بس وجعها بيتشاف وبيتحس وانا عارفة أني هتقدر انسي.

[lounagiu]

الأب

‏هو الموطن وانا موطني لم يعد موجود فهل الفؤاد سوف يصمد؟ و أين يفرُّ الفؤاد من الشوق إلي الأوطانُ؟

#الاءنجيب

[lounagiu]

*الحقيقة أنه لا ضمانات لأي شئ دنيوي فى حياة اى حد مهما حاولت تطلعها perfect ،وحتى شدة حرصك انها تطلع مظبوطة اوى! الضمان الوحيد هو نيتك وإن أصلحتها فقد ضمنت ألا يُضَيّعُكَ الله أجرك*

▪︎بعتذر ان ماكنتش الشخص اللي كان خيالكوا مصورهولكم عني، بعتذر انى كنت اقبح من الصورة دي بطريقة ما، بس كان لازم ابقي بالقبح دا عشان ماسببلكمش اي اذي لأن بالنسبالي ابقي كدا احسن بكتير، ما اذي أعمل كدة ف تبطلوا تقربوا أحسن و اخذلكم ، هي تبان "إن عذر اقبح من ذنب" زي ما بيقولوا بس لو لفينا هانلاقي ان العذر عذر و الذنب ذنب، محدش مضطر يتحمل عواقب تقلب مزاجي، ولا صمتى الفارغ ولا جنانى او تغيرات مودى الغير متوقع ،فالأخر دي حاجات بتدور جوايا،و هاتنتهي معايا،و ابقي في قمة القساوة لو سمحت لحاجة زي دي تإذي اي حد، و فالنهاية بعتذر تاني ...‏هتوصلوا لمرحلة معينة في حياتكم؛ وأتمني ما توصلوش متأخر- هتعرفوا فيها ساعتها ان معظم الجهود والكلام والأعمال اللى بتقُموا بيها من أجل الآخرين كانت مضيعة فارغة للوقت والجهد، وأنكم لو استثمرتوا الموارد دى أجل نفسكم كان أفضل مليون مرة ، فى الوقت دة بتتغير الموازين بتتشابه الأنانية مع السعادة، لدرجة أنك مش هتعرف تفرق ما بينهم.

#الاءنجيب

#اسألنى_أنا

[lounagiu]

من أساسيات النجاح انك تستحمل زي الحمار تستحمل ما تقولش اي ولا لية ولا معرفش ولا مش فاهم ولا اشمعني النجاح صبر ثم صبر ثم صبر ثم صبر لحد ما يموتك لتموته ،انك تكون مستعد، انك تسمع الكلام الوحش في الوقت اللي انت محتاج فيه كلمة واحده بس حلوه كلمة واحده بس تقدير كلمة واحده بس !! انك انسان على الأقل ولسة عايش و تتعود انك تبص حوليك وقت الشدة في متلقيش حد خالص، في تغير نظرة عينك وتبص في السما هتعرف ان ربنا علي طول معاك، رغم قهرتك من ناس ما تسواش وده كفايه عليك هتحتاج اية تاني من الدنيا غير أن ربنا معاك، الفرح اللي بجد مش الوصول لأهدفك، الفرحه انك مؤمن رغم كل الناس الزبالة و المواقف الوحشة انك تقدر توصل لاهدافك بجد، دعوة امك و أبوك مهمه جدا، خليك حريص انك متتحرمش منها يعني متزعلهومش ،مفيش حاجه اسمها وقت فراغ لانك دايما محتاج وقت عشان تقدر تنجز اكتر و مش شرط تخلص بسرعة علشان تبقي فروت انت ناجح حتى لو بطئ و الله التعليم مش جامعه وبس، التعليم ملوش نهاية ولا حتى بداية وملوش سقف ،الراحه النفسية مهمه جدا مهمة و هتعرفها لما تحس انك منتمي لغيرك بجد ان كان شغل او بيت او صحاب اوي اي حاجة حتى لو فرقتها،الراحة النفسية محتاجة عشان كده ركز انك تكون موجود وسط الناس اللي لو مش هتشجعك مش هتحطمك، مش هتقل منك هيعلموك و هيفهوك بدل المرة مليون.

**الفشل تجربة اساسية لازم هتمر بيها، و لو ممرتش مش هتنجح وممكن تطول معاك لحد متقتنع انك مصدر الفشل، اصلا، وانك يمكن مالكش لازمة فما تخافش منها فترة وهتعدي ومهما طولت وعلي قد الفشل بيكون النجاح هدوس ع الكل حتى لما هتمشي و تموت مش هيفتكروا غيرك ،انت ممكن تغير العالم بشرط انك تقدر تغير من نفسك ،مفيش حاجه اسمها سن لاي حاجه، حب او جواز او شغل نجاح فشل، لانك ممكن تعمل كل حاجه بظبط وفي وقتها ومتجيش معاك برده، او تحصل عوامل خارجيه توقفك زي المرض او الوسطة، او الناس الوحشين، أو الناقص الناقصة

انت مش نسخه من حد عشان تقارن نفسك بيه، ولا حد يقارنك بحد ، انت حاجه فريدة خد بالك من ده كويس، يعني طبيعي اللي نفع مع غيرك مينفعش معاك،لو عندك اصرار هتكمل ام لو ناقص عندك، لازم تنميه او تشتريه او تتعلمه، وده من انك ترفض انك تستسلم من اول جوله لتموت لتموته،كلام الناس ده أخر حاجه تبص عليها، لأنهم مش هيبطلو يتكلموا، و مش هيبطلوا يقولوا عليك ولا حاجة عشان هما مورهمش حاجه يعملوها، ف متنساش اللي وراك وتنشغل بعالم فاضيه، ناقصة ،كده انت نزلت لمستواهم اللي هما فاكرين انهم اعلي منك فيه، قصة الحب في طريق النجاح بتقصره وتسهله وتخفف منه، لو ظهرت بس مفيش حاجه من دي حصلت ، اهرب فورا انت كده راجع بضهرك

اخيرا النجاح مش حكر علي ناس معينة متعلمين بره و معاهم فلوس وممنوع علي ناس تانية النجاح! خلى الايمان جواك انك تستحقه بجد، يعني لو حصل غير كده تبقى انت شايف انك متستحقهوش و دة مش حقيقي،ربنا مش جايبك الدنيا عشان تتعب ولا رماك وسابك بس انت اللي بتعلق نفسك بحاجات فاضيه، و فاكر انك اوحش شخص في الدنيا وبتنسى انه موجود وبيقولك اطلب اتمنى وانا هحققلك، قول بقا يارب وتأكد ان النتيجة مذهله لانها دايما في صالحك ادعي من قلبك حتي لو قربت تودعها. #الاءنجيب

[lounagiu]

كل حاجه كانت باينه ومتوثقه بمواقف والاحساس وقتها كان عكس المشهد... بس انتي اللي كنتي بتعملي نفسك عبيطة ومش واخدة بالك و عشان الموضوع كان عجبك وكان نفسك انه يكمل زي ما انتي عايز ... ( اي موضوع اي كان يكون ) بس اللي انتي متعرفهوش ان نتيجة تجاهلك لحاجات بتحسي بيها وبتكدبيها ان الاحاسيس دي بتفضل تجمع تجمع فوق بعض سكوتك عن حاجات كتيرة و عدم ردك في ساعتها بيضيع حقك في كل حاجة !!! تعد بقي تطلع فوق بعض و تتراكم لحد متظهر بشكل مفاجئ في صورة صدمة كبيرة بتشلك تماما في كل حاجة !! و ممكن تخليكي متفوقيش من بعدها ومتعرفيش تكملي اي حاجة و تفضلي وقفة كتير في مكانك :/ فعشان كده اهتمي بالاحساس اللي بيجي في وقت المفروض انه ميجيش فيه؟! بحلم حلمتي فجأة بقبضة قلب بتوتر .. بقلق بأي احساس !! عشان تتفادي صدمه ممكن تهد حياتك بعد كدة او تسيب جواكي شرخ يفضل يوجع فيكي طول ما انتي عايشة ...و هتقابل حاجات تانية كتير في علاقاتك مع الناس زي العلاقة اللي بتطلب قطع الحبل السايب او شده علي اخره وفي ناس بتحسهم مع اول ازمه في العلاقة انهم كانوا مستنينها !! فتبص فجأة متلاقيهمش في الغالب هما دول نفس الناس اللي بتتلككلك علي اي حاجة و يقلبه الطيبة شر و يقلبه الحلو وحش و العكس !! اللي بيكونوا غلطانين ويبقوا عاوزينك تصالحهم وهما برضه الناس اللي بيظهروا فجأة ويختفوا فجأة والسبب انهم كانوا جاين يشحنوا مشاعرهم يمشوا.. فكر تبقي شاحن خاص للقلوب الخاصة مش اي زريبة تدخل فيها تشحن و تطلع فاضي و متشحور

#يوميات_بنت_في_عزبة_النيل

#الاءنجيب

[lounagiu]

وحياة ابوكم يا ناااس وانتم بتتعامل مع اي موقف في حياتكم اتعاملوا وانتوا شكلكم زي الاسود مفيش اي حاجه فارقه معاكم .. عشان خاطر ربنا اركنوا احاسيسكم المدمرة و المنهارة و المصدومة والخ و بانكم مش فارق معاكم و مافيش حاجة و انها حاجة مش مهمة و اركنوا علي جنب التاني نظرة انكم واقعين من الدورالعاشر ... و راسكم متعلقة في الهوا و جسمكم في التراب و الاحاسيس دي كلها اللي جواكم انتم ..ومخرجتش براكم حاولوا تنحوها ع جانب ...ومتوافقوش علي اي حاجه وخلاص وانتم بتقولوا لنفسك بس ياريت تيجي... يعني طلما هي كده كده خربانه يبقا انصاف الحلول انصاف المشاعر انصاف الصحاب انصاف المحبين ملهمش اي تلاتين لازمه في الحياة اعرف انك بتعيشها مره واحده يبقا مينفعش تعيشها نص حياة وهي محسوبة عليك حياة كاملة :/ كلهم هيمشوا في اللي عايزينه و انت هتفضل لوحدك بس علشان بتحس اكتر منهم .

#جلسات_مبعثرة

[lounagiu]

٣١/١٢/٢٠١٩

-لا تعطي ظهرك لاحد ابدا اي احد ..!

-الخوف بيزرع التبرير لاثبات واقع غير حقيقي.

-مش عيب تقول ان تربيتك مختلفة العيب انك تصدق ان كل الناس اتربيت تربيتك.

-مهما حبيت شخص و محولتش تشوف عيوبه.. هتعرف و هتتصدم بس ما تتغيرش اوعي تبقي شبة حد .

-لا تبرر ما تصدقه حتي ان لم يصدقه احد ولا تصدق من يكثر التبرير لا تدع عقلك يحتقره مرتين.

- من يكذب لخسرتك لا تهتم بوجوده لخلق له قبرا وودعه منذ تلك اللحظة.

-لحظة فراقك عن شخص يلفت الانتباه للجميع سوف يأتون إليك حاملين الحلوى حتي تخبرهم عن سقططت هذا الشخص اياك و اياك و الغدر بروحك حتي ان كان هذا الشخص خائن.

-لا تندم على حسنك و حبك لأي أحد ان عاد الزمن ستفعل ذلك و بحسن نية فإنت لست ملاكا ولاكن لست بمنافق أيضا.

-فهي تأتي من مسافات قصيرة.

-اسرارك و نقاط ضعفك ليست للمشاركة لأي أحد.

-ان رأيت عيوبك الاخرين تذكر جيدا عيوبك وستر الله عنها.

-احسن الظن بالله انه هياخد حقك من اى حد أساء الظن فيك او ظلمك حتي لو اكتر شخص حبيته و امنت له في حياتك ربنا ما بيسبش حق حد عن ثقة كبيرة و تجربه لا يطيب القلوب غير الله.

-الدنيا ما بتعلمش حد مجانا يمكن تاخد منك الكثير مقابل أنها تعلمك حاجة واحدة.

-مافيش دورس إملاء في المشاعر..!

-الأقربون طعناتهم أخطر ! فهي تأتي من مسافات قصيرة جدا.

-إعترفوا بغلطكم يا جماعة...ماتبقوش غلطانين و جذم في نفس الوقت يعني :/ اكبروا يا جماعة.

-الغضب و التسخين في الخناقات ما بيتصلحش و مش اي حد لازم يستحملك.

-بطلوا تحرقوا بنزين علي حاجات تافهة و ناس اتفهة الناس بتطلع القمر و احنا لسة بنتكلم علي بعض و نقطع في بعض.

-مافيش حاجة بتحصل من غير سبب و مافيش حاجة هتمر بيها هزار او حظ .

-٨٨% مصلحته و راحته اولا.

-الشكك غدار هيغدر بيك بدرى لمجرد انه مش عارف يثق في حد و انه مهما عملت شايفك غدار.

-ما تعملش حاجة علشان ترضي حد او تثبتله انك فعلا بتحبه او كويس في ٦٠ داهية الناس المهم انت تصدق نفسك .

-المقولة دي حقيقة ومهمة جدا ما تنسهاش.."‏عاشر أصيلا إذا جار الزمان عليك يجود .."

-اوعاك و قساة القلوب ..

-سبحانك اللهم وبحمدك أشهد أن لا إله إلا الله ومحمدا رسول الله صلى الله عليه وسلم و استغفرك ربى لا اله الا انت سبحانك انى كنت من الظالمين‏.

#في_كتير_بس_محتاج_كتاب_سنة_مليئة_بالدوس

#بداية_ونهاية

#الاءنجيب

**كل سنة و أنتم طيبين جميعا 🌹