lm7-th

[lm7-th]

أنا بعتذر لك يارفيقي على التقصير

‏ولا تحسب اني كاره انك ترافقني

‏قطعت العرب لعل حالي يصير بخير

‏وأثر ضيقتي وين مالديت تلحقني

[lm7-th]

كل عام وانت بخير وانا بخير

وكل عام وانا احبك بزياده

[lm7-th]

تاخذني العزه ويردني الطيب

وياخذهم الوقت وتردهم الحاجه

[lm7-th]

أجيك مرهق ومتضايق ومتعني

واروح ودموع عيني عنك ساترها

ودي اعلمك بهمومي ولكني

اخاف اعلمك فيها وماتقدرها

وانا حياوي وطبعي من صغر سني

أفارق الناس قبل اجرح مشاعرها

[lm7-th]

يا الغايب الحاضر بقلبي ولا القاك

أقرب من عروقي وصعب منالك

شالك زماني عن عيوني ووداك

لا شك وثق في ضلوعي حبالك

يا حاجب شمسي ورا ليل جفواك

ما بالعهد بك قاسي في دلالك

وش غيرك يا منوة القلب واطغاك

على حبيب ما تخير بدالك

[lm7-th]

كنت احسبك نادر ومالك شبيه

واثرني انا النادر وانا الواجد عليك

[lm7-th]

احب نفسي بس ماني أناني

‏لو صاحبي طلب عيوني عطيته

‏كم واحدٍ لامن بغاني لقاني

‏لكن لاحتجت له مالقيته

[lm7-th]

عز الله اني عايف الناس ياسعود

‏ودي اصد و صدتي خير صده

‏ما عاد بي شده على كل منقود

‏ولا لي على هرج المخاليق شده

[lm7-th]

والله لأخلي عزتك تحت ماطاي

‏تمشي وعينك ما تعدا مواطيك

‏ابيك درسً لكل خاين ونساي

‏وافهمك قدرك وقيمة مباديك

‏والله لا هينك لين تبكي تبي رضاي

‏ذليلً تكسر عين كل منهو يراعيك

[lm7-th]

اقسم قسم بالله ماعاد ادانيك

‏واكره جميع الي من الناس خاواك

‏واكره شبيهك و اكره اللي يناديك

‏و اكره سميّك و اكره اخر مسماك

‏عفت الغرام و عفت حتى طواريك

‏يشهد على ماقيل قلبٍ تناساك

‏بكره مع الايام تذكر لياليك

‏وتندم على الي عز نفسه و خلاك

[lm7-th]

أنا مو عادتي أخطي وخطاي أخطيت بالتقدير

هويتك عذب ما ظنيت يشيب بعشرتك راسي

أحبك لا هذاك أول وبنساك وأبدا بالتغيير

أنا مثل السما عالي أنا مثل الجبل راسي

[lm7-th]

اعتلي‬⁩ ⁦‪يانفس‬⁩ واعقل ياخفوق

‏وارقدي ياعين وارحل ياهوى

‏بنصحك ياقلب لايطويك شوق

‏ روحته مع جيته عندي سوى

‏من يحطك تحت لاتعليه فوق

‏ومن يحطك فوق يبشر لانوى

[lm7-th]

أنت آمر و بترك الدنيا ورايه

بس عشانك طار قلبي من محله

اطلبوني وراحت أيامي ضحايا

كل ما قالوا عشانك قلت يالله

[lm7-th]

علم غرورك عزتي راس مالي

‏وعناد راسي فوق حد احتمالك

‏و ان طحت من عيني لو كنت غالي

‏رفعت نفسي عن هواك ووصالك

[lm7-th]

ختام السالفة ياطيب العشرة كرمت ودمت

‏هذا حقك علي وحق هقواتي على ايامي

‏مصيرالوقت يشرحلك ظروفه لو غفلت ونمت

‏يصحيك الزمان اللي يصحي كل من نامي

[lm7-th]

شفته البارح حكيت وحكالي

اعجبني اسلوبه وصدقه وقلبه

بعدها مدري وش اللي جرالي

الله يستر قلبي لا يكون حبه

[lm7-th]

مدام انا حلمك وجيت وتحققت

‏وشفيك دايم كل ما رحت تبطي

‏ما خفت ياخذني من يدينك الوقت

‏ماتدري ان الوقت ياخذ ويعطي