khaled-abd-elrazzak

[khaled-abd-elrazzak]

انت محتاج تعفو عن نفسك عشان تقدر تكمل في طريقك ، تقتنع إن مفيش حاجة بإيدك مهما سعيت وحاولت تخلي كل حاجة مظبوطة ..

مفيش حاجة هتمشي صح غير لما ربنا يأذن .. مهما تعبت وصدقت نيتك وعملك في النهاية كل شئ بأمر الله.

مفيش حاجة متأخرة ولا حاجة حصلت كان المفروض ماتحصلش ولا في حاجة فاتتك ، ومفيش حاجة لو كنت جريت أسرع كنت هتاخدها وهى مش بتاعتك ولا حد مشي كان مفروض يكمل ، كل شئ له وقت وميعاد ربنا كاتبه

انت عليك السعي والنتيجه علي الله .

[khaled-abd-elrazzak]

25 posts!

[khaled-abd-elrazzak]

المبسوط بجد مش فاضي يغيظ حد ويثبت له إنه مبسوط أكتر منه

الشاطر بجد مش فاضي يحسس غيره إنه أشطر منه

اللي في علاقة حلوة بجد مش فاضي يوصل لغيره قد أيه هو مبسوط في العلاقة

اللي متونس بناسه بجد مش فاضي يوصل لباقية الناس قد ايه هو متونس

اللي فاضي ده فاضي من جواه.. مش حاسس بأي حاجة جواه.. وعشان يقنع نفسه بأي حاجة.. بيحاول يقنع غيره الأول

ماتركزش

[khaled-abd-elrazzak]

سمعت جملة قبل كده وفضلت معلّقة في دماغي، بتقول:

"الراضي ربنا بيراضيه في أي حتة، واللي مش راضي دنيته ضيقة عليه في كل حتة".

الكلام ده حقيقي لأقصى درجة بجد، مفيش مرّة هترضى فيها بوضع صعب أو ابتلاء تقيل إلا وهتلاقي ربنا مقدّرك تستحمله وبيراضي قلبك في جوانب تانية في حياتك، مفيش مرة هترضى بأمر واقع أو فقدان عزيز إلا وهتلاقي ربنا منزّل عليك صبر وعوض جميل من عنده..

وعلى النقيض مفيش مرة هتسخط على حالك وتبقى مش راضي عن أقدار الله والابتلاءات اللي بتواجهك إلا وهتلاقي قلبك دايمًا مهموم وروحك تعبانة ونفسيتك في النازل والدنيا حواليك ضيقة رغم وسعها..

ربنا يرضينا بأقداره، ويراضي قلوبنا بعوضه، ويجعل نفوسنا ساكنة مُطمئنة لحكمته ♥️

[khaled-abd-elrazzak]

بما إن سنين العُمر قصيرة مهما طالت، وبما إن الواحد فينا راحة باله وروقان دماغه مش ببلاش يبقى مهم إنك تختار المعارك اللي تدخلها كويس وهل تستحق ده ولا لأ..

ماتخليش زعلك قريب، ولا من أبسط حاجة، ولا أى حد كده ينفع يبقى اسمه عدوك!.. سلامك النفسي أغلى، وأقيم من أى معركة رخيصة مع طرف رخيص تسحب من وقتك.. مجاراة كل من هب ودب في خناقات تافهة هتجرجرك لمنطقتهم اللي لا من مقامك، ولا شبهك وده عز الطلب بالنسبالهم!..

إستنضف.. خلّي معاركك، وعداوتك شرف مش أى حد ينوله.. فيه مثل إنجليزي عبقري بيقول: (لا تصارع الخنزير في الوحل فتتسخ أنت، ويستمتع هو)

[khaled-abd-elrazzak]

بما أن النهاردة أول أيام العشرة الأواخر في رمضان وبداية صلاة التهجد ... عايز انصحكم نصيحة🙂

وأنتم رايحين تصلوا قيام الليل احترموا الصلاة شويتين تلاتة زيادة يعني متصلوش بلبس مقطوع مثلا، مترحوش بالبجامة بتاعة النوم وشعركم منعكش ومش مسرَحِ مثلا وتقفوا قدام ربنا عيب نحترم نفسنا احنا واقفين أمام الله عز وجل، الواحد فينا وهو داخل يتوضأ يلبس أحلى لبس عنده وياريت تخلي في لبس مخصص لقيام الليل يكون مكوي دائما ونضيف، كل واحد يستخدم السواك بتاعه قبل الصلاة، حط بارفيوم ريحته جميلة كدة وطيبة، وحط مصليتك في مكان هادي في بيتك مع إضاءة خفيفة عشان مفيش حاجة تسلبك خشوعك لله، اقف علي سجادة الصلاة دقيقتين قبل بداية صلاتك تستحضر فيهم عظمة الله في قلبك، قول لنفسك أنا دلوقتي بين يدا الله عز وجل، أنا ربنا بينظر ليا دلوقتي، ولما تلاقي قلبك حضر ابدأ صلاتك وأدعو الله بما شئت وأيا ما شئت فهو كريم عظيمٍ حَليم مُجيب الدُّعاء🙏🏽

ويارين تفتكروني بدعوة لعل من بينكم من هو أقرب إلى الله فيُستجابُ له🤲🏽

[khaled-abd-elrazzak]

العين مابتكرهش إلا الأحسن منها.. "الغيرة" هي المحرك الأساسي لكل أصحاب النفوس الضعيفة اللي شافوا مميزات غيرهم كتيرة عليهم وبدل ما يطلبو�� زيها من ربنا أو يسعوا تكون عندهم بيتمنوا زوالها منهم!..

الغيران الغير سوي هيكره تصالحك مع نفسك لإنه هيشوف فيك عدم إتزانه، وكلاكيعه.. الغيران الحقير هيكره نقاءك، ونضافتك لإنك هتفكره بحقارته..

الغيران سيء النية مش هيفهم صدقك عشان اتعود على الخبث.. الغيران بتاع اللف والدوران عمره ما هيشوف الدوغري بتاعك إستقامة.. الغيران البخيل هيفسر كرمك حتى لو كان في إطار الطبيعي إنه بذخ مالوش لزمة..

كُتل من النقص ماشية على رجلين والله!.. الغيران بتفرسه وبتغيظه مميزات غيره مش عيوبهم، وأذاه ليك شيء مايزعلش بالعكس ده سبب كافي يأكدلك إنك ماشي صح..

نقاء الثوب يستفز ظلمات الآخرين.. الأديب "جان بول سارتر" قال: (النَّاس يؤذون بعضهم البعض بقدر النَّقص الموجود لديهم).

[khaled-abd-elrazzak]

‏عمرك ما هتنول رضا الكل، ولا هتكسب محبة الكل، ولا ده المفروض يكون هدفك من أساسه.. خليك متيقن إن كده كده في حياة كل واحد فينا الشخص اللي شاغل نفسه إزاى يتكلم عنك بالسوء، ويإذيك، ويضرك.. حتى لو كنت ملاك بجناحين بردو هيكون الشخص ده في حياتك!..

جاء "موسى" عليه السلام إلي الله سبحانه وتعالى وقال: (ياربي كُف ألسن الناس عني).. قال الله: (يا موسى ذلك شيء لم أكتبه لنفسي).. في كل زمان ومكان فيه اللي بيتكلموا بالسوء حتى عن ربنا!..

الناس عمرها ما هتبطل تتكلم عنك ده أكيد، بس اللي لازم يبقى أكيد برضه إنك تقفل ودانك وعيونك عن اللي بيتقال.. كل واحد أدرى بنفسه.. سيب نارهم تاكلهم.. الحاجات الأولى بإنشغالك على طول الخط إن ضميرك يبقى صاحي، وقلبك نضيف، ومكمل في سكتك..

ربنا يشغلنا بنفسنا عن غيرنا، ويشغل غيرنا بحالهم عنا.

[khaled-abd-elrazzak]

بقي عندي اقتناع تام ان انت مهما عملت و مهما كنت كويس و بتخاف علي مشاعر الي حواليك و عايز ترضي كل الناس بردو كل واحد هيشوفك زي ما هو عايز يشوفك ،

اللي بيحبك هيلتمسلك العذر مهما عملت ، و اللي مبيحبكش او مايعرفكش حتي لو اتشقلبت بردو هيشوفك وحش و مش سالك ،

وفي الاخر كل واحد بيترجم تصرفاتك علي حسب شخصيته و خبرته هو في الحياه ،

علشان كده مهم جدا انك تعمل اللي يرضي ضميرك و يريحك انت نفسيا حتي لو عكس كل الناس و غير السائد ،

و اعرف ان طول مانت بتراعي ربنا في تصرفاتك و اختياراتك اكيد هو كمان حيقف معاك و ينصفك مهما حصل .

[khaled-abd-elrazzak]

اللي كارهك ومش رايدلك الخير هيفضل كده حتى لو سلمته نفسك بمنتهى الرضا، واللي بيحبك هيفضل شاريك وهيتجاوز بسهولة ألف خلاف كان ممكن ينهوا العلاقة.. ليه؟.. لإن محبته ليك هي اللي سابقة وسايقة.. زي ما الحب بيكون بدون أسباب، الكراهية ليها مليون سبب، ومن مصلحتك إنك ماتدورش عليهم لإنك هترجع من الرحلة دي بالمليون سبب وبدون ما تعرف أنهي سبب منهم بالذات هو اللي كان السبب!.. غيران منك.. مستكتر اللي انت فيه عليك وشايف نفسه أولى بيه منك.. متضايق من محبة غيرك ليك.. لقى إن حد هو مش بيحبه قريب منك فبالتالي قسم عداوته دي بينك وبين الحد.. حاسس إنك بتهدد مكانه.. شايفك أفضل منه بأي شكل في أي حاجة، وغيره، وغيره. هتتعلم بالتجارب وبمرور السنين إن الكراهية لا تستحق مشقة البحث عن أسبابها.. ربنا يديم علينا نعمة قُرب المحبين المخلصين، ويبعد عننا مكر وكراهية المنافقين أصحاب المحبة المزيفة الهشة اللي ليها ألف غرض تاني إلا محبتنا نفسها

[khaled-abd-elrazzak]

ياخي والله في فرق بين إنك جدع وإنك عايز تبان جدع عشان تاخد اللقطة

[khaled-abd-elrazzak]

بصراحه يجماعه أنا مش عاوز أكون جوا مشاكل وضغوطات أنا عاوز أكون جوا القلب وجوا العين

[khaled-abd-elrazzak]

بصراحه يجماعه أنا مش عاوز أكون جوا مشاكل وضغوطات أنا عاوز أكون جوا القلب وجوا العين

[khaled-abd-elrazzak]

البعيد عن الصدق بعيد عن القلب لإن القلوب بينها مراسيل وبما إن كلامك ما خطفنيش وما حرّكش قلبي من مكانة يبقى دا مُجرد كلام اتقال لحظة حماس أو مُجرد مُجاملة لطيفة .. وما تسألنيش أنا ليه قولت كدا وليه مش مصدق كلامك؛ بس هو أنا كدا واللي قلبي يحسه بصدقه غير كدا ولا كأني سمعت حاجة .. أنا شخص بيثق جدًا في إحساسه.

[khaled-abd-elrazzak]

الغشيم بس هو اللي بيسعى عشان ينول رِضا الجميع والذكي هو اللي بيكتفي بالاتنين تلاتة اللي في حياته واللي بيحبّوه وبيعتبرهم هما الجَميع، فخُدها من قصيرها وإفهم إن مش دورك في الحياة إنّك تحبب الناس فيك، سيب اللي يحبك يحبك وسيب الل�� مش مُتقبلك على راحته، ومن من الأخر كدا شوف وجع الدماغ جاي منين ولف وشك وإمشي من الناحية التانية.

[khaled-abd-elrazzak]

في قاعدة حلوة اوي في علم النفس بتقول

"ما تمارسه يومياً سوف تتقنه بكفاءة"

ف الـ بيتمارض هيمرض ، والـ غاوي قلق هيفضل يقلق

الـ شايفها ضلمة عمره ما هيلمح النور .. وفي المقابل

الـ متفائل خير هيلاقي خير، والـ مهما اتقفلت في وشه قلبه حاسس انها هتفرج، والـ مستني الفرح ربنا هيفرحه، والـ ظنه بربه خير هيشوف الخير، والـ بسمتها على وشها مهما كان ابتلاءها كبير ربنا هيعوضعا خير مما فقدت، فأنت حصيلة الـ بتقوله لنفسك

"إحنا محتاجين نمارس الطمأنينة، التفاؤل، وحسن الظن بالله والتوكل عليه.♡゙

[khaled-abd-elrazzak]

في قاعدة حلوة اوي في علم النفس بتقول

"ما تمارسه يومياً سوف تتقنه بكفاءة"

ف الـ بيتمارض هيمرض ، والـ غاوي قلق هيفضل يقلق

الـ شايفها ضلمة عمره ما هيلمح النور .. وفي المقابل

الـ متفائل خير هيلاقي خير، والـ مهما اتقفلت في وشه قلبه حاسس انها هتفرج، والـ مستني الفرح ربنا هيفرحه، والـ ظنه بربه خير هيشوف الخير، والـ بسمتها على وشها مهما كان ابتلاءها كبير ربنا هيعوضعا خير مما فقدت، فأنت حصيلة الـ بتقوله لنفسك

"إحنا محتاجين نمارس الطمأنينة، التفاؤل، وحسن الظن بالله والتوكل عليه.♡゙