hersheylee - Tumblr blog

[hersheylee]

Isang linggo sa Baguio!

Pinagmulan ng larawan: https://guidetothephilippines.ph/articles/what-to-experience/baguio-city-tourist-spots

ANO NGA BA ANG BAGUIO?

Ang Baguio City ay matatagpuan sa Hilagang Isla ng Luzon. Napapalibutan ito ng probinsya ng Benguet. Ayon sa aking pananaliksik,  Itinatag ito ng mga Amerikao noong 1900 bilang isang bakasyunan sa panahon ng tag-araw sa isang nayon ng mga Ibaloi na dating tinatawag na Kafagway. Ginawang "Summer Capital" ang lungsod noong ika-1 ng Hunyo, 1903 ng "Philippine Commission" at idineklarang lungsod ng "Philippine Assembly" noong ika-1 ng Setyembre, 1909. Ang pangalang Baguio ay hango sa salitang Ibaloi na bagiw na ang ibig sabihin ay 'lumot'. Tinatayang nasa mahigit-kumulang sa 1500 metro(5100 talampakan) ang taas ng lungsod na naaayon para sa paglaki at pagdami ng mga punong pino at mga halamang namumulaklak. Maraming maaaring pasyalan at pagkuhanan sa Baguio at ilan lamang ang mga lugar sa ibaba ang aking napasyalan kasama ng aking Pamilya. 

Pinagmulan ng larawan: https://www.baguioheraldexpressonline.com/burnham-park-as-national-heritage-site-backed/

BURNHAM PARK

Sa lugar na ito ay maari kayong gumamit ng kanilang bisikleta at bangka upang malibot ang buong lawa sa naturang Park. Kasama ng aking Pamilya ay tunay nga na nakaramdam kami ng saya sa lugar na ito. Bukod sa magandang tanawin ay kumain din kami ng napakasarap na “strawberry taho”.Hilig ko rin ang pagkain ng mangga kaya hindi ko pinalampas ang pagkain nito. Ang isang hindi ko makakalimutang karanasan sa Parke na ito ay ang muntik ng pagkawala ng aking malay sa gitna ng pagkain ko ng mangga. Marahil ay hindi ako sanay sa klima ng Baguio kung kaya’t ganon ang reaksyon ng aking katawan. Dahil na rin sa aking pagmamadali ay hindi ako nakakain ng tamang almusal at hindi nakainom ng gamot. Subalit kahit man nangyari ang bagay na iyon ay hindi maalis sa’kin ang pagkahumaling sa unang lugar na aming pinasyalan. 

Pinagmulan ng larawan:https://www.tripadvisor.com.ph/ShowUserReviews-g676743-d3946848-r202708306-Strawberry_Farm-La_Trinidad_Benguet_Province_Cordillera_Region_Luzon.html

STRAWBERRY FARM

Hilig ko na ang pagkain ng iba’t ibang klase ng prutas at isa sa pinakapaborito kong kinakain ay ang “strawberry” dahil na rin sa pagkahilig ko sa prutas na ito ay hindi ko napigilan ang pumitas ng mga matatamis na bunga ng strawberry kasama ang aking dalawang babaeng kapatid. Ang presyo ng isang kilo ng strawberry ay limang daan. Bagama’t maaring mataas ang bayad nito ngunit sulit naman sa lasa ng matatamis na minsa’y maasim na strawberries. Magandang gawin ang strawberry picking kasama ang iyong pamilya dahil maari itong maging bonding at pag-iiwanan ng masasayang ala-ala. 

Pinagmulan ng larawan: https://danielsecotravels.com/mines-view-park-baguio-city/

MINES VIEW PARK

Ang Mines View Park ay isa rin sa kilalang pasyalan na matatagpuan sa lungsod ng Baguio. Dito maaring matanaw ang Benguet's gold and copper mine at ang mga nakapalibot na kabundukan. Mayroon ding mauupahang largabista kung nais makita  ang mga tanawin dito. Maganda at nakakawala ng mga isipin ang pagtitig sa lugar na ito. Sa katabi ng Mines View Park ay Wright Park naman kung saan ang mahabang lanaw ng Wright Park na may pino at mga bulaklak sa loob nito ang pangunahing atraksiyon. May lugar sa pagsakay sa kabayo at puwede ring magpakuha ng laawan kasama ang mga Igorot. Hindi pinaglagpas ang iba’t ibang magagandang lugar sa Baguio. 

Pinagmulan ng larawan: https://www.trekearth.com/gallery/Asia/Philippines/Ilocos/Benguet/Baguio/photo1346195.htm

BOTANICAL GARDEN

Sa mga lugar na ito, makikita mo ang mga nakakamanghang  bundok at mga minahan, mga nag gagandahang bulaklak at ang mga taong masayang nakikipagkwentuhan,  karamihan ay mga magkakapamilya at magkakaibiganng namamasyal. Pwede ka din magpapicture sa mga aso at kabayo doon. Madami ding mabibiling souvenir dito na karamihan ay gawa sa kahoy at tsaka mga palamuti sa katawan. Kung ikaw naman ay biglang nagutom, ‘wag kang mag-alala dahil marami ding tindahan dito na mapagbibilhan ng  mga masasarap na pagkain. Ito ang lugar kung saan hindi pinalampas ng aming Mama ang sandamakmak na pagkuha ng litrato, ngiti dito at ngiti doon. Nahumaling ako sa ganda ng mga bulaklak at iba’t ibang klase nito.

Pinagmulan ng larawan: https://www.baguio.gov.ph/content/mansion

THE MANSION

Opisyal na tirahan ng Pangulo ng Filipinas ang Mansion House (Mán•syon Haws) kapag pumupunta ng Lungsod Baguio. Ang Mansion House ay isang makasaysayang gusali. Ito ay matatagpuan sa Leonard Wood Road, itaas lamang ng kilaláng Wright Park na may narerentahang mga kabayo para sakyan. Dinisenyo ito ni William Parsons na sumunod sa disenyo ng mga Español. May hiwalay na guest house sa malapit sa pangunahing gusali at naroon ang isang museo para sa mga memorabilya ng mga pangulo ng bansa. Ang lugar na ito ay tahimik at payapa. Maaari ka lamang kumuha ng litrato sa labas ngunit hindi maaring makapasok sa loob nito. Ang pinaka mansyon ay nasa gitna ng mga puno’t magagandang halaman. 

pinagmulan ng larawan: https://danielsecotravels.com/baguio-cathedral/

BAGUIO CATHEDRAL

 Ayon sa aking pananaliksik, Ang Baguio Catholic Cathedral ay matatagpuan din sa puso ng Baguio City at isa sa pinaka saikat na istraktura sa lungsod. Marami ding kwentong kababalaghan dito, may mga madre daw na nagpapakita tuwing madaling araw tsaka mga boses daw na hindi mo alam kung saan nanggagaling. Ayon na din sa aking pananaliksik, marami na daw namatay dun tsaka ginawang evacuation center ang Baguio City Cathedral 945. Ang Katedral ng Baguio o Katedral ng Ina ng Kalubagang-loob ay isang Romano Katolikong Katedral  na matatagpuan sa Cathedral Loop, malapit sa Daang Session sa Lungsod ng Baguio. Natatangi ito dahil sa kaniyang kulay rosas na panlabas na kayarian at isa sa mga pinaka-nakukuhanan-ng-litratong gusali sa Lungsod ng Baguio. Nagsilbi itong isang sentro ng paglikas noong kapanahunan ng pananakop ng mga Hapones sa Pilipinas  noong ikalawang digmaang pandaigdig. Isa ito sa mga lugar na hindi namin kinalimutang punatahan, kahit saan man kami mapunta ay laging binibilin ng aming magulang na hindi dapat kalimutan ang pagdadasal.