fullofbluh

[fullofbluh]

Life update!

مرت سنتين وثلاث شهور من لمن وصلت فرنسا

مقابلة اللجوء جتني بعد سنة وشهر بالضبط والرد بالقبول وصل بعد شهر

مستواي باللغة صار بين B1 و B2

استلمت كرت الاقامة الدائم بعد سنة من قبول اللجوء

شهادة الميلاد الفرنسية وصلتني من الاوفبرا بعد ٩ شهور انتظار

اجراءات تبديل الرخصة الىىىعودية للفرنسية اخذت ٧ شهور

اصدار وثيقة السفر اخذ شهرين من لمن قدمت الطلب لكنه ماينقبل بدوت كرت الاقامة وشهادة الميلاد فيعني ياخذ اكثر من سنة بعد قبول اللجوء

صحيح ان كل شي بفرنسا يمشي ببطيء خاصة الاجراءات الحكومية لكن بشكل عام الحياة حلوة وكل شي ماشي احلى من اللي كنت متوقعته قبل ما اجي

[fullofbluh]

هااي

هذي الروابط حقت الادلة اللي لقيتها، بعضها قدمتها وبعضها لا لانها مو مرتبطه بقصتي ولا تنطبق علي بس يمكن تفيدكم

اقروو الكلام بكل رابط زين لان مرات جملة وحدة او جملتين هي تكون دليلك مو شرط المقال كله مهم وبيفيد

فيه مواقع توفر نفس المقال بأكثر من لغة واذا مافيه عاد انتم ترجموها بنفسكم او اطلبوا مترجم بس انا بحثت عن مقالات الريدي بالفرنسي عشان ما احتاج اترجم 

https://www.spa.gov.sa/1693818

https://binbaz.org.sa/fatwas/2518/%D8%A7%D9%84%D8%AF%D9%84%D9%8A%D9%80%D9%84-%D8%B9%D9%84%D9%89-%D9%82%D8%AA%D9%84-%D8%A7%D9%84%D9%85%D9%80%D8%B1%D8%AA%D8%AF-%D8%B9%D9%86-%D8%A7%D9%84%D8%A7%D8%B3%D9%80%D9%84%D8%A7%D9%85

https://wtn.sa/a/335877

https://www.amnesty.fr/pays/arabie-saoudite

https://www.hrw.org/fr/news/2019/01/30/arabie-saoudite-dix-raisons-qui-poussent-les-femmes-fuir

https://www.okaz.com.sa/article/535157

https://www.theatlantic.com/international/archive/2018/04/mohammed-bin-salman-iran-israel/557036/

https://www.hrw.org/news/2017/04/14/fleeing-woman-returned-saudi-arabia-against-her-will

https://sabq.org/atFgde

https://www.france24.com/ar/20140407-السعودية-ديانة-إلحاد-تويتر-فيس-بوك-تقرير

https://www.lemonde.fr/international/article/2020/10/14/l-onu-refuse-l-entree-de-l-arabie-saoudite-a-son-conseil-des-droits-de-l-homme_6055977_3210.html

https://www.lepoint.fr/monde/arabie-saoudite-les-droits-de-l-homme-au-service-de-sa-majeste-mbs-27-04-2020-2373050_24.php

https://www.france24.com/fr/20201014-onu-l-arabie-saoudite-%C3%A9vinc%C3%A9e-du-conseil-des-droits-de-l-homme-r%C3%A9%C3%A9lection-de-la-chine-et-la-russie

https://www.hrw.org/fr/news/2020/01/14/arabie-saoudite-une-repression-implacable

https://www.amnesty.org/fr/latest/news/2020/10/with-women-activists-jailed-saudi-b20-summit-is-a-sham/

https://www.amnesty.fr/pays/arabie-saoudite

https://www.amnesty.fr/liberte-d-expression/actualites/b20-arabie-saoudite-la-place-des-femmes-dans-le-monde-du-travail

https://www.france24.com/ar/20140407-%D8%A7%D9%84%D8%B3%D8%B9%D9%88%D8%AF%D9%8A%D8%A9-%D8%AF%D9%8A%D8%A7%D9%86%D8%A9-%D8%A5%D9%84%D8%AD%D8%A7%D8%AF-%D8%AA%D9%88%D9%8A%D8%AA%D8%B1-%D9%81%D9%8A%D8%B3-%D8%A8%D9%88%D9%83-%D8%AA%D9%82%D8%B1%D9%8A%D8%B1

https://www.amnesty.fr/actualites/droits-humains-en-arabie-saoudite-36-etats

https://www.hrw.org/fr/news/2018/11/15/arabie-saoudite-les-violations-des-droits-humains-examinees-par-lonu

https://www.almasryalyoum.com/news/detailsamp/1463999

https://akhbaar24.argaam.com/article/detail/222759

https://sabq.org/atFgde

https://www.hrw.org/news/2020/10/20/saudi-arabia-host-womens-summit-while-women-activists-sit-behind-bars

https://www.hrw.org/news/2020/10/02/saudi-arabia-image-laundering-conceals-abuses

https://www.hrw.org/news/2020/12/10/saudi-arabia-uses-celebrities-whitewash-abuses

https://www.la-croix.com/JournalV2/Loujain-Al-Hathloul-symbole-progres-sociaux-controle-Arabie-saoudite-2020-12-30-1101132355

[fullofbluh]

Part 2

بعد وصولي لفرنسا والإجراءات اللي صارت

اول كم يوم كنت احاول استكشف المدينة وأتعرف على أشخاص فيها، بحثت عن شركات الاتصالات حقتهم بعدها طلعت شريحة وبحثت عن مركز استقبال اللاجئين بمدينتي وكيف اروح لهم لان بحياتي كلها ماقد استخدمت المواصلات العامة لكن شكرًا لقوقل مابز والناس اللي تعرفت عليهم عط��ني تطبيقات مهمة للمواصلات وعلموني شلون استخدمهم

رحت لمركز الاستقبال سجلوا معلوماتي واخذوا لي موعد مع المحافظة والاوفي بس بسبب اني وصلت بديسمبر كان اقرب موعد بعد شهر اللي هو بعد السنة الجديدة عشان الهوليديز فبعدها سألوني اذا عندي سكن قلت ايه وقالوا خلاص بعد ماتروحين لموعدك ترجعين لنا اليوم اللي بعده على طول

طلعت من عندهم وقضيت هالشهر كأني مجرد سائحة بما ان مافيه شي اسويه، تمشيت وسافرت مدن ثانية وتعرفت على ناس كثير وزرت أماكن كثيرة واستانست لين جا يوم الموعد، رحت بدري مره لانهم قالوا روحي قبل ترا بتلقين زحمة ومنجد لقيت طابووور شطوله قدامي

وقفت معهم ننتظر يفتحون الأبواب لان مابعد بدا دوامهم، قبل مايفتحون أبواب المبنى الرئيسية بنص ساعة جو كم شخص ينادون اسماء اللي ماخذين موعد من مركز الاستقبال، قالوا اسمي ورحت لهم، وقفونا على جمب ثم دخلونا المبنى من باب جانبي، صاروا يدخلونا واحد واحد ياخذون بصماتنا وأوراقنا ويتأكدون من كل شي، بعدها خلونا ننتظر موعدنا مع الاوفي (مكاتبهم قدام بعض) لما نادوني حقين الاوفي سألوني أسئلة بسيطة من ضمنها اذا عندي دخل وسكن او اي حالة صحية قلت لهم انو لا ماعندي دخل ولا مرض بس السكن اوريدي عندي فسألوني وين قلت اني مستأجره

عبوا بياناتي هم بعد وعطوني وقتها اوراق كثيييرة وملف قالوا هذي تعبينها وترسلينها لنا وبنفس الوقت عطوني كرت البنك للإعانة وقالوا بتنزل لك بعد شهر، ووحدة من الاوراق تعتبر زي الهوية قالوا ارجع لهم بعد شهر عشان اجددها ولازم احافظ عليها

طلعت من عندهم ورجعت اليوم اللي بعده لمركز الاستقبال مع الاوراق اللي عطوني اياها الاوفي، بالمركز ساعدوني اكتب قصتي بالفرنسي واسباب اللجوء وكل شي بالملف اللي بينرسل وبعدها اخذوا اوراق التأمين الصحي وعبوها لي وقالوا بيرسلون كل شي وانه لازم افتح حساب بنكي عشان التأمين يتطلبه وعطوني عنوان بريدي عندهم ويعني باختصار ساعدوني بكل شي وكل ماطلبوا مني اوراق او شي اسويه اخلصه وارجع لهم

حجزوا لي موعد فحص طبي تبع التأمين الصحي قالوا مو الزامي تروحين له لكن اذا ودك تراه مجاني، رحت بالموعد وسوولي فحص لكل شي وارسلوا النتائج عالبريد بعد كم أسبوع

اخذت منهم عناوين لاماكن يعطون دروس مجانية باللغة، منها الصليب الاحمر وكنت اروح لهم بالاسبوع مرة وتعرفت فيه على بعض اللاجئين

بعد شهر من موعد الاوفي والمحافظة رجعت لهم عشان اجدد الورقة حقت الهوية وجددوها لتسع شهور

بعدها فجأة جتني رسالة على رقمي من وحدة تقول انها خذت معلوماتي من مركز الاستقبال وانهم قالوا لها ان ماعندي سكن فإذا ودي اسكن مع عائلة اكلمها... كلمتها وعطتني موعد اجيها فيه، شرحت لي عن البرنامج حقهم وهو عبارة عن اني اعيش مع عدة عوائل كل عائلة لمدة ٦ اسابيع ومدة البرنامج كامل ست شهور، قالت ان فيه عائلة متوفرة الحين فلازم اقرر بسرعه اذا ابي او لا لأنهم مايضمنون يلقون عائلة بعدين، وافقت بس قلت لها اني اوريدي دافعه للسكن حق هالشهر فإذا ينفع انقل معهم بعد ما يخلص ووافقوا

هالبرنامج حطولي وحده عجوز تهببل حليله مررره صارت هي المسؤولية عني، كلمتني قبل موعد النقل تاخذ عنواني وحددت لي الوقت اللي بتجيني فيه، جهزت اغراضي وسلمت الشقة، جتني على موعدنا ونقلتني لبيت العائلة وعرفتني عليهم، بعد اسبوع طلبتني العجوز اقابلها عشان تسجلني في كلاسات فرنسي زيادة وصرت اروح يومين للكلاس ذا ويوم بالصليب الأحمر وباقي الأيام ادرس بنفسي او مع العائلة، كان الأب اذا صار فاضي يشرح لي قواعد او جمل فرنسية واسألهم عن اي شي ما افهمه

وعلى هالحال ايامي اقضيها دراسة او اطلع مع اصدقائي او مع العائلة ونقلت الحين مع العائلة الثانية وبعد اسبوعين تقريباً بنقل للعائلة الثالثة

حالياً بسبب الكورونا تعطلت اشياء كثيرة، الكلاسات كلها تكنسلت ومواعيد مقابلات اللجوء توقفت لكن بكل الأحوال وضعي ماشي، عايشة مع العائلة والإعانة تنزل لي كل شهر وادرس بنفسي بالبيت وبس باقي انتظر مقابلة اللجوء اللي بتحدد اذا انقبل او لا

Disclaimer:

ما اعرف عن الملاجئ في فرنسا ومادخلت اي ملجأ فما اعرف كيف وضعها من ناحية نظافة او تنظيم او غيرها

اول شهرين عشتها كلها بحسابي لاني جيت بوقت اجازة فما تسجلت كطالبة لجوء الا بعد اول شهر وبعده بشهر نزلت الاعانة فاللي ماعندها مبلغ تعيش فيه تتأكد انها ماتجي بوقت اجازات رسمية عشان ماتتوهق

من ناحية اللغة، فرنسا مايعطون دروس زينة زي باقي الدول لازم الواحد يعتمد على نفسه لأن مافيه الا المدارس  المجانية تبع الكنائس والصليب الاحمر وتدريسهم بسيط على قدهم

[fullofbluh]

Hello!

هذي بتكون اول تدوينه بتكلم فيها عن تجربتي وكيف طلعت من السعودية وبحاول افصل قد ما اقدر.

First of all, gotta make this clear, I know that I had some privileges and not every girl has those and this is why I’ll write my experience in details because a lot of you seem to think that this is the standard situation and IT IS NOT!

بالبداية انا كنت موظفة وهالشيء ساعدني كثيييير، اولها بالتكاليف، كنت اشتغل بوظيفتين بالسعودية، ساعدني بعد اني بوقت الدوام استأذن واروح اخلص الاشياء المتعلقة بالسفر مثل استخراج الفيزا وغيرها

كيف خططت:

اول شي طلعت الفيزا ( الجواز كان موجود عندي من قبل قرار السماح بالسفر)، استقلت من وظيفتي وطبعاً ماعلمت احد من اهلي كنت اداوم طبيعي، حجزت رحلتي والسكن يكونون بعد اخر يوم دوام لي بأسبوع، بالأسبوع الأخير كانت كل التجهيزات الأخيرة

ايش اللي كنت اسويه بهالاسبوع؟ كنت اطلع كل يوم من الصباح للمغرب تقريباً نفس وقت دوامي واخلص اللي علي

شريت باكنق كيوبز زي كذا

وصرت اعبيها بملابسي واغراضي واحاول كل يوم اطلع واحد منهم بدون محد ينتبه واخليهم بشنطة سيارتي، هذا  بموضوع العفش وكنت مررررررره خايفة ان امي تطلب اوديها السوق لان بتحط الاغراض بالشنطة  اكيد وبتشوف قشي او ان ابوي يطلب سيارتي لان مرات كان ياخذها يشيك بس اشوى ماصارت كنت احاول اتجنب اشوفهم بالاسابيع الاخيرة واسوي نفسي مشغولة طول الوقت.

رحت البنك وطلعت بطاقة فيزا للسفر، صرفت مبلغ كاش وحولته لليورو.

رحت الجامعة وطلعت السجل الاكاديمي مترجم انجليزي ومختوم في حال احتجته.

رحت شريت شنط السفر وتدرون شلون رتبتها؟ كنت اروح لحديقة أي حي بالصباح او الظهر لأنها فاضيه واطلع اغراضي واجلس ارتبها 😂

كانوا يمرون عمال ويطالعوني بنظرات غريبة ومرة كنت بحديقة جمبها مسجد وما انتبهت لين فجأة اهل الحي قاموا يروحون المسجد عشان ��ذن الظهر وأشوف كثير سعوديين كبار اعمارهم اباء يعني يمرون من عندي ويطالعون وانا بنفسي اقول بالطقاااااق مايهمني واكمل ترتيب الشنط يعنني ما اشوفهم 😂

كنت على هالحال اطلع كل يوم من الصباح اخلص الاشياء المهمة واشتري اللي ناقصني وبعدها اجلس بكافيه او اي مكان لين يخلص “وقت دوامي” وارجع البيت طبيعي

قبل الرحلة بيوم كان كل شي جاهز، كان معي شنطتين وحدة كاري-اون والثانيه كبيرة بشحنها، الخطوط عندهم مكتب يمديكم تروحون له وتعطونهم الشنط قبل الرحلة ب ٢٤ ساعة فقط ويشحنونها لكم وهذا اللي سويته لاني خفت اتأخر على موعد التشك ان ومايدخلوني ومره وحده اطيّح هم واحد من الاشياء واروح المطار مرتاحه وخفيفة بشنطة وحده بس

رحلتي كانت بنهاية الاسبوع صباح خميس، طلعت نفس وقت دوامي، وقفت سيارتي في مواقف مول وقلبي يدق بقووووه مرتااعه، المواقف كانت فاضيه، نزلت شلت النقاب والطرحة وعبايتي ولبست “عباية سفر” ورجعت جلست وطلبت اوبر... تأخر علي مرره وقتها قمت اخاف اكثر واتوتر ان الرحلة تفوتني!

وصل اوبر اخيرا، قمت طلعت الكاري-اون واخذت كل اغراضي وسكرت السيارة ومشيت... قلبي وقتها ما اقولكم كيف ومشاعري متضااربه حمااس وخووف ووناسه وتوتر وكل شي مع بعض

وصلت المطار بدري بس هنا زاد التوتر لأن مدري من وين اروح بس اشوى كان كل شي واضح... كان قدامي طابور قصير حق التفتيش فلما جا دوري حطيت الكاري-اون عالميزان وعطيت السكيورتي او مدري وش يسمونه التذاكر والجواز، الصدمة انها طلعت اثقل من الوزن المسموح هنا حسيت وجهي انقلب اللي وش اسوي طيب!

كان حليل هالسكيورتي بس شوي كريبي لانه يوم قرا اسمي بالجواز قاله بصوت عالي شوي فلانه الفلاني وعطاني نظرة غريبة! المهم قالي روحي عند الكاونتر اللي هناك وعطيهم الشنطة يشحنونها ماينفع تدخلينها معك، رحت لهم وخلصت بخمس دقايق، لما رجعت له صفيت بآخر الطابور حسيت عيب اعدي الناس بس قام يناديني باسم العايلة يا الفلاني تعالي وارتعت شوي صراحة قلت لايكون شاك ولا يعرف احد من اهلي ولا وش سالفته ذا 😂

بس قالي انو اعدي وادخل التفتيش بما انه شيّك علي اوريدي، لما جيت للي تختم الجواز ابتسمت لها قامت اخذت الجواز وسألتني كم عمرك؟ من التوتر ضحكت وقلت مدري قالت شلون ماتعرفين عمرك وهي تفتح الجواز قلت ٢٤ او ٢٥ الحين قامت طالعت بالبيانات وختمته وقالت مايحتاج تصريح الحين رحلة سعيدة وفتحت البوابة

دخلت وانا عقلي مو مستوعب خلاص بس باقي انتظر اقلاع الطيارة!!!!!

رحت ادور بالشاشة كم رقم البوابة حقت رحلتي وجلست انتظر قدامها كان باقي ساعتين تقريباً عالاقلاع، وقتها ما ا��لت ولا شي من صحيت، رحت شريت قه��ة وساندوتش بس ماقدرت اكل من التوتر احس بطني بتقلب علي حتى القهوة ماقدرت اكملها بس شربت موية وجلست على جوالي لين قاموا ينادون عالرحلة

رحلتي كانت من الرياض لروما وبعدها لمدينتي بفرنسا

دخلت الطيارة وانا للحين مو مستوعبه... جلست اشغل نفسي اتابع فلم واقرأ كتاب ماقدرت انام لين وصلنا مطار روما، مطارهم كان كبيير وبين الرحلتين ثلاث ساعات، قمت احوس واسأل لأني وصلت على الصالة الدولية والرحلة الثانية تعتبر داخلية، مشيييت وضعت شوي لين لقيتها اخيرًا وقتها حسيت بارتياح وبديت استوعب الوضع

جلست اطالع بالناس حولي كلهم اجانب وجيه غريبة علي ماكنت اشوفها الا بالافلام، ماعاد فيه عباية وثوب جالسة اشوف الوااان وكل شي غريييب اطالعهم واحس لا مستحيل هذا حلم 😭

وقتها كان العصر تقريباً بالسعودية... ارسلت لأهلي اني مو بالسعودية واني سافرت وطبعاً انهبلوا ويحسبوني استهبل بالبداية ماصدقوا بس قلت لهم انا الحين بالمطار مشغولة بكلمكم بعدين.

هنا رحت اتمشى بالمطار واستكشف لين قرب موعد الرحلة رجعت لبوابتي، ركبنا الطيارة ووصلنا فرنسا بعد ساعة ونص، نزلت من الطيارة وهنا رجعت المشاعر المتلخبطة، رحت ادور السير حق الشنط باخذ اغراضي

اخذتها اخيرا بعدها فتحت الجوال بطلب اوبر بس انترنت المطار عيا يشبك هنا توترت شوي، ماقلت لكم ان زين خدمتهم زي الزق كنت مفعلة التجوال ومع ذلك ما اشتغل لي النت فكنت معتمده على وايفاي المطارات، قمت اسحب شناطي وادور البوابة الخاصة بالتكاسي، ركبت بواحد منهم وكان مايعرف انجليزي كلامه مكسر، سألني عن العنوان فتحت له عنوان السكن اللي حجزته ووداني له

بالطريق كنت جالسة اتأمل من الشباك... وصلت انا في ديسمبر فكانت الشوارع كلها مزينة بانوار الكريسماس والاشجار جاني شعور غريب اني اشوف هالمنظر لأول مرة وصدق كان كأنه حلم او مشهد من فلم شفته من قبل

وصلت السكن، كنت حاجزه ابارتمنت في عمارة لمدة شهر، نزلت وساعدني السواق باغراضي...دخلت العمارة لان واحد من السكان كان طالع وفتحلي الباب... جلست بالدرج لان صاحب الشقه قالي بيرسل احد يستقبلني بس ماكان عندي انترنت عشان ارسله اني وصلت لكن كنت معلمته بوقت رحلتي وموعد الوصول من يومين

انتظرت لعشرين دقيقة تقريبًا وشوي دخل واحد العمارة، سألني عن اسمي وطلع هو اللي بيسويلي تشك ان، ساعدني بالشنط وطلعنا للشقة، فتح الباب وجلس يوريني كل شي فيها وعطاني باسورد النت والمفاتيح، اكتشفت انه عربي بالغلط وهو استانس مره سولفنا شوي وعطاني رقمه يقول اذا تحتاجين اي مساعدة كلميني واقترح علي مطعم عربي قريب عطاني اللوكيشن حقه وبعدها طلع.

كان الوقت حول ٨ بالليل عندهم وكنت مررررهقه مره وجوعااانه بس مافيني حيل اطلع اجيب ا��ل وباقي متخوفه اني بمكان غريب ما تجرأت اطلع خاصة انه ليل... قمت تروشت وبدلت ملابسي وكنت ماخذه سناكس خفيفه بشنطتي فأكلتها ونمت اعمق نومه بحياتي بس كنت خايفة اصحى والقى نفسي بغرفتي بالرياض 😂

صحيت اليوم اللي بعده بدررري كانت ٤ الفجر باقي الدنيا ظلام وشيكت بقوقل مافيه محلات مفتوحة فجلست انتظر لين تطلع الشمس، قمت متحمسة افكر وش ابي البس لأول مررة بلبس اللي ابيه انااا بدون عباية وبدون اي شي كان نفس شعور العيد وانا اجرب ملابسي واقول لااا بلبس هذا لاا بلبس ذا ومحتارة وش اختار 

اخيراً قررت ولبست وجلست على جوالي لين بدت تطلع الشمس طلعت عالبلكونة اشوف الشروق وكنت مستااااانسة مررره!  فتحت قوقل ولقيت مطاعم كثيرة قريبة مني فقمت طلعت وجلست امشي لين لقيت مطعم صغير وهو الوحيد اللي كان مفتوح هالوقت فدخلته وجلست اسولف مع النادل وقلت له يقترح لي اكله لان ما عرفت وش اطلب... المهم جاب الاكل واكلت بعدها طلعت وجلست ادوووور بالمدينة واستكشفها وفعليا كنت مثل الطفل اللي يندهش بأتفه الاشياء اطالع حولي واطالع الناس والشوارع وزينة الكريسماس والمحلات وكل شي كل شي الابتسامة مافارقت وجهي وللحين ملازمني شعور اني احلم او اني بمشهد فلم اتأمل الحياة ومو مصدقة ان هذا كله واقع قدامي وحقيقي!