elea-nor

[elea-nor]

[elea-nor]

انا مش عارفه اقول كل الي جوايا ده لمين ؟!

[elea-nor]

كل ما بدخل تمبلر و بشوف صورة تشاندلر و هو بيبص لمونيكا بتصعب عليا نفسي ، النهارده صعبت عليا نفسي اكتر من مره .. من حاجات سمعتها و حاجات شفتها بس تجاهلت كل ده ، او مثلت اني تجاهلتها و انها مرت عليا مرور الكرام

و فضل سؤال واحد بيتردد على بالي طول اليوم ، هو انا استاهل ان كل ده يحصلي ؟!

[elea-nor]

ادام الله افراحكم يا اهل فلسطين 🌱

[elea-nor]

نامت الصغيرة 🌱

[elea-nor]

[elea-nor]

لولا اني عارفه ان كل الافكار الي ف دماغي دلوقتي غلط مكنتش هتردد لحظه ،بس كل الحلول الي قدامي دلوقتي غلط

[elea-nor]

واحشني اوي اكلم اي حد كان عارفني زمان بنسختي الحقيقيه ، واحشني اتكلم عموما .

[elea-nor]

اجتنبت المَعارك دوما

مِن أين أتَتْني كُل تلك الخسائِر

[elea-nor]

ضيعت سنيني !

[elea-nor]

انا مذنب لكن عفوك غرني ... انت الكريم

ابتهالات فجر ٢٧ نوفمبر ٢٠٢٤

[elea-nor]

الوحش في الموضوع انه عادي ، و ان حتى لو الوقت زاد حاسه انه عادي برضه مفيش فرق ، بالعكس انا هاديه .

٦ اكتوبر ٢٠٢٤ من داخل اوضتي

[elea-nor]

عزيزي فلان

انا لو حد جه طلب ايد بنتي ف يوم من الايام و قالي هيعيشها ف بيت عيله هفلقه نصين و يبقى عبره هو بيت عيلته لمن لا يعتبر

ميتين ام دي عادات وتقاليد لمجتمع متخلف .

شكرا عزيزي ..

[elea-nor]

برغم كل الخراب المحيط بيا حاليا و رغبتي الملحه في البكاء ع اللبن المسكوب و اللبن الي ف الكوب ، الا اني بقفش ركن جوايا سعيد و راضي ...

سعيدة ان ساره بخير الحمد لله ، انها بتكبر ف حضني ، بكلمة ماما و اميمه الي زي القمر ، سعيده بضحكها و شقاوتها ، سعيده بحضنها كل اخر يوم ، سعيدة ب سنانها الي زي اللولي ، سعيده اني بحاول معاها و بتغير عشانها و ان ربنا رزقني وجودها عشان اكون نسخه احسن مني .

ده الجانب الوحي�� المضيء ف دنيتي .

الحمد لله

[elea-nor]

كل ما الايام بتعدي بلاقيني بضرب بكل افكاري و توقعاتي للحياه زمان عرض الحائط ، حاجات كتير كنت بستغربها دلوقتي بقت منطقيه جدا و حاجات تانيه كنت فاكراها من المسلمات مطلعتش من نصيبي و ظهر انه مش شرط تبقى من المسلمات ولا حاجه عادي .. كل يوم جديد و كل يوم لازم ابقى مرنه اكتر مع التغيرات و الاحداث الي بتحصل عشان مفيش وقت نقف و مينفعش نقف

و اكتشفت ان كتير من الي قلت عليه مستحيل يتغير بيتغير ! ساعات بمزاجي و ساعات غصب عني بس كله بيتغير للاسوء ساعات و للاحسن في بعض الاوقات .. ف ؟ بطلت اتوقع بطلت اقول ده كذا و ده كذا ، معدش فيه الكلام ده

الدنيا لسا ياما هتوريني ف عيشي اليوم بيومه و اتعلمي تهدي و تشوفي بدون استنتاجات لا هتجيب ولا هتودي، لان الايام هتمر و تثبتلك عكس تفكيرك ، عيشي ف هدوء و سلام و خلاص .

[elea-nor]

‏" انزع مني غضب أيامي الحزينة، و كتماني الطويل، و لياليَّ الشاقة، و أمنحني السلام الدائم مع نفسي يارب ."

[elea-nor]