darkkpearl

[darkkpearl]

اللادئية - جمعة النصر 13.12.2024

الناس مشتاقة تفرح

[darkkpearl]

مدري كيف اوصف لك الشعور، انا سعودية الثورة بدأت وعمري ١٣ سنة كنا اطفال وكانت اول قضية سياسية نشهدها وتنقلنا تفاصيلها ونتأثر فيها لاننا شهدناها من بدايتها هي الثورة السورية بعكس باقي الثورات ما تتصوري كيف اثرت فينا كلنا، والله العظيم فيه شيء بداخلي تحرر اقسم بالله ان قلبي بينفطر من السعادة، الله يحفظ سوريا ويتمم لكم الامان والاستقرار ويبعد عنكم كل من فيه نفسه شر💚

آمين يارب

تؤبشي قلبي وبعيد الشر عن قلبك مابدنا ياه ينفطر 😂 خلي يطير بس🤍

صدقا بعرف تماما هالشي ولمستوا حقيقة والله، وفرحتكن فرحة إضافية إلنا بدون مبالغة.

ربي يكرمكن ويعزكن، بس ادعولنا كتير، يلي جاي طويل ورحلة شاقة.

صدق رسول الله (المؤمن للمؤمن كالبنيان يشد بعضه بعضا).

[darkkpearl]

شو رأيك بالهجوم اللي هلق نشوفو ع الاسلاميين؟

تاريخاً ما فيه حدا حكم سوريا واعزها الا المسلمين، بحس انو غير مبرر الهجوم؟

يلي بلش هالهجوم شبيحة المخلوع بشار بعد التكويعة.

بالمختصر: نعم غير مبرر. وبتفق هون مع مي سكاف المسيحية الحرة الله يرحما.

عندي حكي كتير، بس قلبي موجوع ع الناس. بتوقع صار لازم نطلب مساعدة دول وخبراء للكشف عن المقابر الجماعية. هي اللي حصلنا من علمانيتن: شهداء تحت التعذيب ومقابر جماعية واتجار بالبشر وتجارة أعضاء ومخدرات ومجتمع يحتاج لاعادة تأهيل من كتر التعذيب والإرهاب، كلو برسم العروبة وطريق القدس. كفرت بالعروبة وطريق القدس تبعن والعلمانية. ناس خايفة حدا يمنعها تلبس محزق ومفكرتن جايين بسيف ، وناس واقفة مقابيل السجن تفتش عن جثمان ولادا يلي يمكن مات تحت التعذيب أو تاجروا باعضائو وصار بشي قرنة بهالعالم.

عالم وسخ

[darkkpearl]

مرحبا.. بصفتي فلسطيني غزاوي..

ممكن تحكيلي شو موقف الشعب السوري من حماس؟

أهلا بغزة والله. عذرا ع التأخير.

موقف الشعب السوري متل أي شعب، في يلي ضد وفي يلي مع.

اليوم وبعد انتصار الثورة وخلع بشار ثم دحر مشروع الهلال الفارسي، تغايرت المواقف كتير وهالشي طبيعي لان تغيرت موازين القوى على الأرض.

بقدر لخصا بإنو:

أهل الثورة عموما بقدروا رفضا المساهمة بقتل السوريين وخروجا من سوريا. و إلن انتقادات سياسية عليها.

وفي منن ضدا بعد ماصارت جزء من المحور ، من تقاربها مع بشار المخلوع وتصريحات السنوار وتسمية قتلة السوريين بشهداء القدس ... الخ.

مؤيدي الرئيس المخلوع، متخبطي الأراء حاليا، منن يلي ضدا من زمان من منطلق كلمة بشار: "موقف حماس موقف خيانة وغدر".

ومنن رأين انها سبب بانهيار المحور الايراني. ومنن يلي معا تماما لانها جزء من المحور وهدول كانوا الاكتر، بتوقع رح تتغير المواقف بس يروق الوضع.

بكل الحالات، الموقف من حماس وانتقادها سياسيا مالو علاقة بالموقف من غزة والحرب عليها، غزة هي غزة باهلا وناسا وبحرا وسماءها واطفالا وأبطالا وجرحا وذاكرتا الموجعة ولا يمكن اختصارا بفصيل او حركة وهاد رأي أكترية المسلمين والعرب.

[darkkpearl]

مستني اسمع القصة من أولها بالتفاصيل

خصوصا الاحداث الاخيرة

قصدك قصة الثورة السورية من أولها؟!

[darkkpearl]

رح يجي يوم نبكي من الفرح متل ما بكينا قهر وعجز وحزن، وتشفى وتنجبر قلوبنا متل ما انكسرت.

الله وعدنا وأقسَم : "وعزتي وجلالي لأنصرنك ولو بعد حين"

[darkkpearl]

بعدني عم ابكي من مبارح. هالتعب ماكان يخلص؟!!!

[darkkpearl]

💚💚💚

[darkkpearl]

المشاعر مو طبيعية

عم نتصل ببعض ونبكي، أديش راح ناس مشان هاللحظة

نبارك لبعض ونمزح ونضحك ونبكي

عم نقول لبعض: صار فينا ننزل ع سوريا .... صار فينا نروح ع بيوتنا

صحي مهدمة بس معليش. منرجع نعمرها.

ياريتك يا بابا هون، هاد يلي عم فكر فيه كل الوقت. نفسي قلو سوريا حرة يابابا. سقط النظام ياحبيبي ... خلص سقط!

[darkkpearl]

54 سنة ، ما تركوا الا الدمار

والحمد لله رب العالمين

[darkkpearl]

ولك مبروووووووك يا سوريين

مبروك ياحبايب قلبي

مبروك الحرية

بعد 50 سنة من الاستبداد، و13 سنة من القهر والقتل والظلم والتهجير

وفي فجر يوم 8/12/2024

انتهت حقبة الظلام و الإجرام والإستبداد وبدأ عصر الحرية.

وانتصرت الثورة

إنها سوريا العظيمة وليست سوريا الأسد.

[darkkpearl]

صحيح ما حضروا مجزرة 82

بس حضروا مجازر كتير بعدا !! ومافي شي اسمو ما سمعوا عنا إلى الان! إلا اذا عم تحكي عن غير السوريين.

أما السوريين لا، منعرفها منيح من أهلنا، هالقصص تورث يا شيخنا!!

هي ذاكرة متوارثة وجمعية، لان الحق لا يسقط بالتقادم، ولان هاد دم سفك ظلما.

عدا عن انو كل بيت بسوريا في عندو فقيد بشكل ما.

الحموية تحديدا، صرلن فوق ال٤٠ سنة بيتوارثوا قصص اجدادن كيف ماتوا. وفي منن لهلأ حتى أحفادن ما بيقدروا يفوتوا سوريا.

مو بس الحموية، كل الإسلاميين السوريين يلي هربوا بالتمانينات ممنوعين من دخول سوريا لهاد اليوم.

بكرا ان شالله رح يسقط ويرجعوا ولادا. رح تسمعوا قصص بتشيب الراس والله، نحني سمعناها وعرفناها من صغرنا.

المُلفت للنظر أن أكثر الفرحين بتحرير حماة وحلب شباب، لم يحضروا مجزرتها في الثمانينات، وربما لم يسمعوا عنها إلا الآن!

هذا يدُلّك على أن مراغمة المجرمين وكسر شوكتهم؛ أول خطوة في إصلاح الناس والأخذ بيدها للخير.

وانظر كيف ربط القرآن بين القوة وصلاح الناس حين قال: "إذا جاء نصرُ الله والفتح ورأيت الناس يدخُلُون في دين الله أفواجا"، حتى قال البقاعي في تفسيرها: كانوا يُسْلمونَ أُمةً أُمة في خِفةٍ وسُرعةٍ ومُفاجأةٍ ولين!

العِزة موجبة لتوحيد الكلمة وإصلاح النفس وجمع الناس.

[darkkpearl]

فرحتي مو عاطيتا لحدا

حماة حرة، حرة من الاسد لاول مرة من 1963.

حماة يلي ناطرة الانتقام والعدل من مذبحة حماة 1982 ... اليوم حرة.

يارب لك الحمد عدد ما خلقت وذرأت وبرأت

ويلعن روحك ياحافظ.

[darkkpearl]

طمعانين بكرم رب العالمين. طمعانين نحرر المعتقلين من اسوء سجن بالعالم، سجن صيدنايا. ومن كل المعتقلات. طمعنا بكرم الله ومين أكرم منو؟

يارب مالنا غيرك يالله

من امبارح و انا عم اتخيل نوصل لصيدنايا و نحرر الاسرى يالله.. معقول يتحرروا؟ معقول يكون اخي عايش؟ معقول نشوفه مرة تانية؟ الله اكبر من كل شي و قادر على كل شي ..

يارب تكمل يارب وحد الثوار يارب انصرهم و كن معهم .. يارب انصر المسلمين بكل مكان و رد كيد الكفار بنحرهم..

[darkkpearl]

الصغار كبروا 🤍

[darkkpearl]

ترقبوا بشريات جديدة في سوريا، أخبار طال انتظارها.

"..وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ ۚ يَنصُرُ مَن يَشَاءُ ۖ وَهُوَ الْعَزِيزُ الرَّحِيمُ"

[darkkpearl]

هي نماذج بيئة الأسد وتربيتو القذرة، هي يلي بدن يعملو البلد مزرعة ابوهن ومرقص ليلي.

سوريا إلنا يا فتاة العطاء مو إلكن . يلعنك ويلعن الأسد