daily-lesson - Tumblr blog

[daily-lesson]

اول حاجه لازم تجي عنيكم عليها في اختيار الانسان اللي هترتبطوا بيه هو التدين

والدين مش معناه الصوم والصلاه وعلامه الصلاه اللي في الجبهه. الدين اللي هو المعامله

اه يعني اختار واحد ممكن مش بيصلي ولا يصوم بس معاملته كويسه؟

لا طبعا ازاي توافقي علي واحد اول علاقه تربطه مع ربنا قاطعها واحد مبيكلمش ربنا كل يوم هيكلمك انتي؟

حتي لو اخلاقه مفيش زيها بس دا عنده خلل في اصول دين فازاي تامني علي نفسك معاه

طيب هو بيصلي ويصوم وزي الفل كدا أوافق؟

اذا لما اجي اختار اركز علي انه ملتزم بفروض ربنا وكمان ظاهره معاملاته في حياته وتصرفاته

ياما في ناس بتصلي وتصوم بتقضي فروض بحركات وخلاص لكن الدين جوا القلب معدوم

ودا لانه هيخاف ربنا فيكي ومش هيعمل شي يزعلك عشان ربنا

طيب اعرف ازاي؟؟

هنتكلم عنه في البوست الجاي اصلي موضوع الدين دا فيه كلام كتير لان في ناس كتير بتتخدع

خالي نفسكم طويل

[daily-lesson]

في حبه صفات كدا واحنا مغمضين لازم نزكز فيها واحنا بنحتار شريك حياتنا. هسردها وبعدين هنتكلم عنها بالتفصيل

١. الدين ٢. الأخلاق ٣. الطموح. ٤. المستوي التعليمي. ٥. المستوي الفكري. ٦ المستوى الاجتماعي ٧ المستوي المادي

٨ علاقته بالاخرين ٩ علاقته بعيلته.

١٠ الجزء الخاص بالاحاسيس بقي اهمها الحب والامان والاهتمام وحاجات كتير هنتكلم عنها

اعتقد ديه اهم حاجات هنتكلم عنها بالتفصيل

[daily-lesson]

في حبه صفات كدا واحنا مغمضين لازم نزكز فيها واحنا بنحتار شريك حياتنا. هسردها وبعدين هنتكلم عنها بالتفصيل

١. الدين ٢. الأخلاق ٣. الطموح. ٤. المستوي التعليمي. ٥. المستوي الفكري. ٦ المستوى الاجتماعي ٧ المستوي المادي

٨ علاقته بالاخرين ٩ علاقته بعيلته.

١٠ الجزء الخاص بالاحاسيس بقي اهمها الحب والامان والاهتمام وحاجات كتير هنتكلم عنها

اعتقد ديه اهم حاجات هنتكلم عنها بالتفصيل

[daily-lesson]

المره اللي فاتت اتكلمنا عن ان لازم اعرف ايه صفاتي عشان مظلمش حد معايا ودا قبل كمان ما اعرف صفات اللي هيرتبط بيا

هنتكلم النهارده عن مواصفات شريك الحياه بقي وازاي نختارها صح

وبما اني عنصريه هبتدي اتكلم عن البنات الاول ازاي تختار شريك الحياه 😄

[daily-lesson]

كل واحد فينا يقعد كدا يكتب مميزاته وعيوبه وهل اللي قدامه هيقدر يقبلها ولالا ديه اول خطوه بعدها نقرر نبتدي حياتنا

[daily-lesson]

يعني مثلا لو واحده عصبيه هل تقدر ترتبط بواحد عصبي ولا ممكن يولعوا في بعض. لازم نبقي عندنا صراحه مع نفسنا في النقطه ديه

لو واحده كسوله هل هتقدر توفي التزامات البيت ولا هتبقي عندها تقصير

لو واحد بيحب الخروج والاصحاب هل هيقدر يدخل حد في حياته وميجيش عليها

كل دا انتوا اللي تقدروا تحددوه لما تقعدوا مع نفسكم وتشوفوا انتوا عايزين ايه بالظبط

[daily-lesson]

انا كل دا بتكلم علي اننا نعرف عيوبنا ومميزاتنا الشخصيه متكلمتش لسه علي ظروفنا وديه موضوع تاني خالص

مفيش حد مش عارف هو بيحب ايه وبيكره ايه لكن الظلم اننا منصارحش نفسنا ونسيب الطرف التاني يكتشف ويتصدم

[daily-lesson]

لازم كل بنت تقعد كدا تكتب صفاتها وبمنتهي الصدق مع النفس والولد نفس الشي يكتب صفاته سواء عيوب او مميزات ويكتبوا هل هيقدروا يغيروا عيوبهم ديه ولالا وهل العيوب ديه لو متغيرتش تنفع ان اي حد يتعايش معاها ولالا

[daily-lesson]

موضوع اختيار شريك العمر مختلف تماما اولها اننا لازم قبل ما نشوف صفات اللي قدامنا لازم نعرف احنا صفاتنا ايه عشان ندور علي صفات الشخصيه اللي هتكمل حياه معانا

[daily-lesson]

هنتكلم النهارده عن اول نقطه في السلسله بتاعتنا وهي اني ليه بفكر اكون حياه جديده واني افتح بيت

في الوقت الاخير البنات بقت توافق علي اي حد عشان تجري ورا لقب متزوجه وكذلك الاولاد بدون تفكير هل اختيارهم دا هيتوافق مع متطلباتهم للحياه ولالا

اي حد يتقدم تفرح وتوافق ما هي بقي هتعمل فرح وهتلبس الفستان وكأن ديه قمه طموحها من الزواج

[daily-lesson]

وديه النقط اللي هنتكلم عنها ان شاء الله في السلسله بتاعتنا .... انتظرونا

[daily-lesson]

نجي بقي دلوقتي نبتدي نتعرف علي ايهالمفروض يحصل عشان ابتدي حياه صح  عشان نفكر نبتدي حياه لازم نعرف حبه حاجات كدا اصلها مش مرحله وهتعدى ديه حياه دايمه

[daily-lesson]

اخر سبب بقي اننا عملنا الكورس : للاسف طلع جيل متدمر نفسيا

الجيل اللي بقي متدمر نفسيا بقي . ابناء شايفين مشاكل مستمره ما بين الاب والام وفي ناس الامور بتزيد بينهم وتبدا المشاكل ديه تتصاعد لقضايا ومحاكمات و و

وفي ناس تكمل حياتها علي الوضع الغلط ويحصل فجوات فى الحياه وممكن بسبب الفجوات ديه يتطور الامور للخيانه او القسوه او الغضب والاهمال وهوبا تلاقي الحياه بقت حلبه مصارعه وحرب تيران البقاء فيها للاقوي اللي هينتصر على اللي قدامه بالمزايده فى شكل التفكك

فى وسط الصراعات ديه المفروض فى جيل بيطلع وبيكبر وبيتربي . متخيلين انهم هيبقوا اطفال سويه نفسيا ؟

متخيلين لو موصولوش الاطفال ديه للضياع اخلاقيا هيوصلوا لايه نفسيا ؟

هتكون ايه فكرتهم المستقبليه عن شكل الحياه الزوجيه ؟ صحيح انا مع مبدا مناخدش حد بذنب حد بس دا القله القليله اللي بتعافر عشان تعيش شكل الحياه اللي معشتهاش . بس الاكتر بيتاثر باللي شافوه وينعكس دا علي تصروفاتهم فى كل شي سواء حياه عاديه او زوجيه

يعنى طلعنا جيل متدمر عشان اي؟ عشان اخترنا غلط

وعشان كدا هنبتدي نتعلم ازاي نختار صح

[daily-lesson]

السبب الخامس للكورس :، زياده حالات الانتحار والقتل ودا لان الطرفين بيوصلوا لحائط سد بسبب الخلاف..... للاسف حقيقه 🤷‍♀️🤷‍♀️

هي الشباب بتموت وتنتجر بسبب العلاقات الغلط اللي فيها خناق ومشاكل كتير ؟؟؟ ااااه بيموتوا وينتحروا

انتوا عارفين كام واحد جاله سكته قلبيه او هبوط حاد بسبب انه نام زعلان . انتوا عارفين ان وجع القلب بسبب الفراق هو وجع حقيقي وبيضعف عضلات القلب وبيسبب امراض القلب الحاده

سيدنا يعقوب ابيضت عيناه من الحزن . متخيلين الحزن بيصيب بامراض ازاي

واللي متمسك بدينه بيكمل حياته عمال يلصم في نفسه ويحارب عشان يفضل واقف بس هو مكسور من جواه

واللي مش متمسك بدينه بتسود الدنيا قوي في عينه فيقرر ينهي العذاب دا بالانتحار اللي ميعرفش بعده في ايه . اختار المجهول عشان يخلص من تعبنه متخيلين وصل لتعب شكله ايه؟

شايفين انتوا بتعملوا ايه فى بعض وبتوصلوا بعض لايه ؟ في مبدا مؤمنه بيه اسمه take it or leave it بنشوف اذا الشخص مناسب لينا من الاول ولالا....... نفع نكمل منفعش خلاص نبعد وربنا هيعوضنا بالف واحد زيه واحسن على الاقل يكون شبهنا

احنا مش جايين الدنيا عشان نموت واحنا عايشين ولا نموت نفسنا بايدينا . وجودنا فيها لموضوع مختلف تماما هو اننا نعمر الارض ونعبد ربنا

فوقوا بقي وركزوا معانا عشان نعيش صح

[daily-lesson]

السبب الرابع اني عملت الكورس : اني شوفت انهيار بنات كتير واولاد بسبب الفراق ودا بياثر علي باقي حياتهم كلها

الفتره الاخيره شوفت كميه ماساه الواحد صعب عليه فعلا وصول انسان للحاله ديه

الموضوع والله ما سهل اي فراق بيحصل بين اتنني سواء فراق بسبب انفصال او طلاق او نهايه علاقه هو بمثابه نزع الروح من الجسم. الالالم النفسي اصعب بمراحل من الالام العضوي

يا اما ناس عايشه وباجسام سليمه ونفسها مكسوره وقلبها كمان مكسور

ناس عايشه بتهرب من نفسها ومن الاماكن ومن الاشخاص عشان متفتكرش لحظه تعب

ناس عايشه فاقده الثقه فى اللي حواليها عشان اتصدمت فى انسان كان بالنسبه ليها الحياه كلها

الفراق مش سهل زي ما انتوا متخيلين دا كدا حد بيسيب حد وواخد حته منه معاه . واخد روحه

الفراق بيبقي اصعب واصعب لو بطلاق لان فى الحاله ديه مش كسره نفس وبس لا ديه حرب مع مجتمع وحياه بنقعد نبرر معاهم قد ايه مظلومين وقد ايه اتعمل المستحيل عشان تكمل الحكايه بس منفعش

والاصعب بقى لو فى اطفال هتبقي نقطه ضعف مستمره لواحد من الطرفين لو مكنش للطرفين

بين الزوجين عندهم جهل بالأخلاق الواجبة االي لازم تبقي موجوده في اي علاقات الزوجية، ومن أعجب اللي شوفته مثلا ان يكون الرجل لطيف كريم مع الناس كلهم إلا مع زوجته‏.‏ وأن تكون الزوجة متزنة عاقلة في تصرفاتها مع جميع الناس إلا مع الزوج‏.‏ وهنتكلم كتير عن الحاجات ديه

فاختصارا لكل العذاب دا نتعلم نختار صح عشان نكمل صح ودا اللي هنشوفه معانا فى كورسنا

[daily-lesson]

تالت سبب بقي للكورس : عدم فهم البنات والشباب لمفهوم حياه اسريه

تعالوا نتكلم في النقطه ديه بقي شويه . البنات والاولاد فاكرين ان الجواز دا بقي مهند ونور ولا فريحه وامير ولا مراد وحياه . لالالالالالالالالالالاا 😂 😂 😂 😂 فوقي يا بنتي منك ليها فوق يا ابنى منك ليه 😁 الموضوع مختلف تماما

الحياه الزوجيه ديه عامله كدا زي حجر الاساس اللي بيعمله المهندس والمقاول لما يجوا يبنوا بيت . تفتكروا لو عملوا بيت شكله تحفه بس من علي وش الارض هيكمل , شهر اتنين وهتلاقيه اتربق على اللي فيه 😁 اللي هو انتوا😁

ايوه زي كدا بالظبط لو مركزتوش فى اساس بيتكم دا هيتربق علي اللي فيه ونرجع نقول السوبر ماركت خلصت منه المناديل 😁 ونقعد نعيط ونصوت . خلاص خلاص اهدوا هنعلمكم ازاي تعيشوا صح

الحياه الزوجيه ديه عباره عن شخصيتين مختلفين عن بعض من حاجات كتير منها النوع والصفات الشخصيه والتربيه والاصول اللي اتربوا عليها والعادات اللي عاشوا بيها وو و و...... دا موال كبير 😁 اااااه امال ايه انتوا فاكرين ان الجواز كلمتين حب زايف اللي بيتقال الاول دا 🙈🙈 . ديه اول كدبه فى الجواز لان اللي بيقول مبيقعدش يغني علي على اللي قدامه بكلام من غير افعال . اصبروا اصبروا هنتعلم كل دا 😀

هنتعلم فى الكورس ازاي نعمل بيت جميل كدا كيوت وحلو ويمكل ما احنا قلنا مش عايزين بيوت علي وش الارض

[daily-lesson]

تاني سبب اني عملت الكورس : اني للاسف شوفت نهايه العلاقات قبل اكتمالها

للاسف تلاقي اتنين بيحبوا بعض والتفاهم بينهم وفجاه هوبا اول مشكله قبل الجواز الدنيا تتقلب وكله ينتهي كما شي لم يكن والعياط بقي والمناديل تخلص من السوبر ماركت 😁 والمسشفيات تتملئ ببنات وولاد عندهم انهيارات عصبيه

لالا اصبروا احنا في الدنيا عشان نعيش مش عشان نقضيها فى العلاج والتعب والعياط والنكد..... حياتكم مثلا 90 سنه دا لو كملت😁 . تخيلوا تقضوا نصهم ان مكنش كلهم بكاء علي اطلال وعياط وزعل وامراض بقي

علينا من كل دا ايه اختاروا صح واتاخروا حتى فى اختيارتكم بس كملوا صح

دايما اقول حياتنا مقسمومه ل فترتين فتره قبل الجواز وديه فتره بنبقي بقي نعمل كل شي عشان نعيش الفتره التانيه صح......... اصلي الفتره التانيه ديه لو مخترتش صح هتبقي حاجه من 2 ......... لاما حياه طول العمر لاما لابسه سودا طول العمر 😀 سواء كملتوا او انفصلتوا

حياتكم قبل الجواز فيها امل حتي لو وحشه لان فى حياه تانيه مستنياكم بعد الجواز هتبقي احسن. لكن تخليوا بقى لو كانت بعد الجواز حياه صعبه ووحشه وعذاب هتعملوا ايه

عشان كدا عملنا الكورس بتاعنا عشان منوصلش لمرحله تانيب الضمير ديه