daeyih

[daeyih]

خد من روحي ومن مشاعري ومن تفكيري، خد من وقتي كتير.. كتير اوي، لدرجة اني حاسة انهم مش شوية زعل بس، دول زعل كبير اوي عايش في قلبي لحد النهاردة.. بيحاول يصغر مع الوقت بس الحياة مش مساعداه، الحب مش بالسهولة اللي الناس فاكراها..مشاعرنا في صغرنا بتبقى سهلة وبسيطة وبتتحرك بسرعة اوي وبعد اول حب واول وجع واول بعد بتبدأ تصعب علينا، تهدا، تتأنى، تفكر، مبيبقاش القلب بس، بيبقى عقل مع قلب وللاسف لما العقل بيتقدم على القلب بيبقى صعب تحس زي اول مرة حسيت وحبيت ووقعت في الغرام وا��عشق، بيبقى صعب تدي كل حاجة علشان خايف يتاخد منك كل حاجة وتتساب فاضي.

انا فعلا مكملة بشوية زعل ووجع وإيمان ان اكيد اكيد هيجي اللي يخليني احس بالحب زي اول مرة حسيت فيها.. يا رب الوجع ميفضلش موجود والاقي الحب في طريقي

[daeyih]

It’s okay to rest. You’re not falling behind, you’re recharging for the path ahead

[daeyih]

Never have I dealt with anything as difficult as my own soul.

Imam Al-Ghazali

[daeyih]

3:22 Am.

‏أنا معشِّمه نفسي ف ربنا جداً إنه هيحققلي حاجات بتمناها من زمان ومحصلتش لحد دلوقتي ولا حتي في أي علامات او بوادر أمل تدل إنها هتتحقق بس أنا عندي يقين فِ ربنا إنه هيفاجئني بكُل ال بتمناه وحسن ظني فيه كبير وعمري ما يأست من رحمته ابداً والله هو إحنا صحيح مُقصرين بس مَلناش غيره ..

[daeyih]

I confuse people. i have a happy personality and a sad soul. i'm bold but shy. i love deeply but sometimes i feel heartless. i'm healing and hurting at the same time. i'm dedicated to growth, but i self sabotage

[daeyih]

اغنية my immortal بتاعة evanescence وانا صغيرة كنت بشغلها on repeat، بالنسبة لي اغنية كانت بتخليني ازعل وانا مش زعلانة..سمعتها لما كبرت وانا فعلا زعلانة قعدت اعيط عياط..في كل مرة بسمعها بشغلها كذا مرة ورا بعض

المزيكا بتاعتها بصوتها بالهمهمة دي بتوديني في حتة تانية..ساعات بحس انها حتة مش عاوزة اروحلها خالص، حتة جوايا غامقة وحزينة ومبتحبش تطلع ومبتطلعش غير ب push من حاجة خارجية زي المزيكا او فيلم حزين اوي وغامق اوي يدخل يلعب في مشاعري ويحسسني ان الحتة الغامقة اللي في ��وحي دي عمرها م هتتغير وهتفضل موجودة... علشان كدة مش بحب اسمع شيرين الصبح مثلا، صوتها حزين كله شجن بيوجع روحي وبيخليني زعلانة من غير سبب واضح، سبب جوايا ملوش بداية ولا نهاية.. مبحبش انبش في روحي الغامقة ولا اعرف هي ليه بقت غامقة وليه مخبياها... طول م انا كويسة طول م الحتة الغامقة دي هتفضل مدفونة

[daeyih]

اوقات كتير بحس عقلي اللي موقفني في حياتي، عقلي اللي دايما بيفكر اكتر، عقلي اللي بيحركني

بحس اني محتاجة ارجع اصغر علشان مفكرش زي دلوقتي، ارجع من غير تجارب ودروس اتعلمتها هي اللي بتحركني..هي اللي بتخليني افهم اسرع اللي قدامي والحكايات بتنتهي قبل م تبتدي.

حكايتي المرة دي مختلفة..بحاول احافظ عليها، بحاول اتمسك بأي امل فيها، المرة دي العالم اللي ضدنا، المرة دي he 's into me، he likes me like I always want, he's my type in all the ways ,

متوقعتش ولا في احلامي اني الاقيه، ولما لقيته الكون قرر يقولي لأ برضه مش ليكي، الدنيا بتحاول من جهة وانا بحاورب من الجهة التانية اني اعيش مرة واحدة في سعادة.. ان المرة دي تمشي واقول اخيرا ارتحت، المرة دي في كل صلواتي بقوله علشان خاطري متوجعش قلبي علشان مبقاش مستحمل وجع.. المرة دي سألته وطلبت منه يفرحني ويوافق على وجوده في حياتي، المرة دي سجدت وطلبت منه الراحة.

[daeyih]

ساعات بحس احداث حياتي زي فيلم "زي النهاردة" بتتعاد بنفس تفاصيلها في نفس الوقت مع اشخاص مختلفة، ساعات بحس اني مش عارفة اكسر الحلقة اللي بتعيد كل حاجة، نفس كل حاجة وكل مرة اقول خلاص اتكسرت، بس للاسف بتتعاد

انا موجوعة اوي تاني او تالت او مبقتش اعد بس المرة دي كنت مبسوطة اوي ومكونتش شايفة انها برضه بتتعاد، اصل قلت خلاص الوجع القديم اتكسرت حلقته لما سابني واتجوز ودي اول مرة كانت تكمل ف قلت يبقى اللي جاي مش اعادة، حاجة جديدة هتبسط بيها بس يحصل نفس الترتيب وكأنها رسالة بتقولي هتعيدي الايام زي م هي.

بس انا تعبت اوي اوي , وحاسة ان المرة دي المفروض اهرب قبل م اتوجع زيادة

#daeyih

[daeyih]

What you gonna say to your inner child?

You always here with me, never go and never want to go.. I always come to you, chatting, laughing, crying and want your advice, I come to you to lead me to the right way I must take, I appreciate that you here cause you make me remembering my ethics and my dad & mom's words, I love you and I always do.

I know without you kid I never be a lady like this now.. hope you'll always be with me in my journey and never ever run or hide.

Love you child like always I did and will do.

[daeyih]

Three years ago and exactly on this day I knew that everything gonna happen there's before baba and after baba, I tried alot to not breaking down and being strong and standing on my feet but I can't baba.. just can't to be strong anymore, 4 months ago I broke down for the first time and I wished you were here wiz me to talk to me and said what I used to be heard from you (انتي كويسة؟! ماشي يا حبيبتي لما تبقى كويسة تعالي احكيلي)

And I never return like I used to be with you 7abiby, I try everyday, I promise I do... Sometimes I can others I can't but I always remember you every single moment in my days, your laugh, your talks, your words, your advices and everything wiz you.

I will always keep you in my heart forever my only love.

We are fine baba, we were and we will for you

[daeyih]

انا متضايقة اوي اوي بجد، ومش عارفة المفروض اعمل ايه ولا اتعامل ازاي، بس انا فعلا مش طايقاه.. بياخد كل حاجة حلوة، بيحرمني من اوقات كتير اوي بجد. يلا مش مهم

[daeyih]

انا بجد زهقت اوي وتعبانة اوي ومبقتش قادرة استحمل، وبحاول بحاول بحاول بس مفيش اي تغيير

كأني غرقت في الارض وكل م احاول اطلع من تحت الارض يزقوني تاني لتحت، كل م احاول اتشعبط وامد ايدي لفوق ينزلوني تاني، محدش فيهم حاول يقولي طيب انتي مالك احكي اتكلمي قولي فيكي ايه، لا بيتخانقوا معايا علشان متغيرة.. مضحكة اوي انا عارفة، محدش سأل متغيرة ليه، خناقات مستمرة طول الوقت وبس.. كلام يوجع ويكسر ويقهر ويعذب ويخلي ضميرك مأنبك وانت ولا عارف عملت ايه... انا تقريبا مفيش حاجة وجعتني اد كلمة روحي اتعالجي انتي اتجننتي!!!! ... اتجننت علشان ساكتة مبتكلمش.. مش مثلا زعلانة ف يعرفوا مالي.. لا اتجننتي علشان متغيرة وساكتة... ف كدة ابقى اتجننت ..الحمدلله والله على كل حال.. راضية بكل حاجة بس تعبت واعتقد ده حقي

[daeyih]

هي نغزة بتيجي كدة في القلب لما بتحصل حاجة توجع، نعزة بتقولك فوق مبقاش ليك خلاص.. فكل حدث حصلتلي النغزة دي وكل مرة كانت بتقل قوتها لحد آخر حدث.

بدلة سودا وعليها وردة وفي ايده بوكية ورد وعلى وشه ضحكة فرحة وفي عينه لهفة.. الناحية التانية هي بالفستان الابيض وعيونها مليانة فرحة ولهفة وهي شايفاه مستنيها بنفس المشاعر.. وانا من ورا شاشة كنت بحلم اكون ..هي.

[daeyih]

انا اكتر حاجة مفتقداها في وجوده لما كنت بتضايق وادخل اوضتي وافضل فيها الاقيه داخل عليا بيقولي انتي كويسة... ودايما كنت ارد اقوله ايوة كويسة وانا من جوايا مقهورة وهو كان بيبقى حاسس فيقولي طيب يا حبيبي لما تبقى كويسة تعالي اقعدي معايا واحكيلي.... حبيبي راح بدري اوي اوي اوي

[daeyih]

انا بابا وحشني اوي واتأخر اوي، كنت فاكراه مش هيتأخر كدة بس للاسف ده محصلش.. وحشتني اوي يا حبيبي، محتاجاك اوي وعاوزة احكيلك كل اللي بيحصل في حياتي، مفيش غيرك كان بيسمع ويقول رأيه ويتناقش معانا، محدش هيعرف يملا الفراغ ده ابدا.. انت كنت حالة استثنائية

[daeyih]

I want to be wanted

[daeyih]

لم أئتمن احد على قراءة مدونتي غيرك

ظننت وقتها انك الوحيد القادر على فهمي

جعلتك تقرأ كل ما كتب فيها

كل شئ....

لم اخفى شئ عنك ابدا

حتى كتاباتي اليك بها قرأتها

اعلم انك شعرت انها لك ولم تقل شئ

مثلما اعلم جيدا ان كتاباتي الان تصل اليك

اتذكر عندما سألتني لماذا انا ؟!

لماذا انا من ارى هذه الكتابات وانت تخفيها عن الجميع ؟

اجبتك وقتها انني لا اعرف لماذا!

ولكنك لم تصدقني وقتها

لانني كنت اكذب عليك

وكنت الوحيد القادر على تمييز هذا الكذب

كنت الوحيد في كل شئ

لم أجد مثلك

أو ربما لم أبحث بعدك عن أحد

اكتفيت بحبي لك

  واكتفى قلبي بشعور لن يجد مثله ابدا

#daeyih