aziz206

[aziz206]

ماني في حبك كذوب ودجال

‏ولاني في بعدك قليل الحسايف

‏ظاميك واحبك ولي منك اللال

‏وابيك وارقى في هواك النوايف

‏وانت تطاوع بي حسود وعذال !

‏ما تدري انك غير كل الولايف عندي

‏ولك في روضة الروح منزال

‏والحب سوا بي مثل ما أنت شايف

‏لو أني أسلى كان ماجيت فالبال

‏ولو اني اقدر كان صديت عايف

[aziz206]

جيتي وانا والله اني مغلي الجيه

‏أغلى من الربع عند الطيب الجالي

‏وأحلى من الشوق بعيون الهواويه

‏من غيبة الشمس لين المذن التالي

‏وألذ من تلت الطاروق عصريه

‏في عثعثٍ من غثيثين النبا خالي

[aziz206]

في غيابك لا حياه لمن تنادي

‏كل ما رديت دمع العين حول

‏يوم مرتنا ليال العيد عادي

‏اثرك انت اللي محليها من اول🤷🏻‍♂️

[aziz206]

عليك السلام الوافر اللي بدون قياس

‏يا شخصٍ عليه معلق باقي آمالي

‏مع إنك بعيد وطرقتك تتعب العساس

‏أنا آشوف حلي فيك وأشوف ترحالي

‏يطل القمر ولا يغيب القمر .. لا باس🤷🏻‍♂️

‏الأغلى تهون بحضرته قيمة الغالي💙

‏عن الطلة اللي تنتظرها جميع الناس

‏أنا فانتظار الطلة اللي على بالي💙

[aziz206]

العيد ذا جزء من العيد مفقود

‏معيد وطيّب ولانيب .. طيّب

‏على واحدٍ دونه حداد وحدود

‏فرقاه خلتهم يقولون..شيّب

‏متى تشوف عيوني عيونه السود

‏وأواجهه وأعايده من قريّب

[aziz206]

[aziz206]

منت الوحيد اللي دخل قلبي ورحل

لكنك الوحيد اللي ترك في داخلي بصمة..

[aziz206]

هواي العف يا أسمى القصايد في دواويني

أنا لي قلب ما يقوي يضيم و لا يبي ينضام🤷🏻‍♂️

هناك بعيد ويا الشوق ضميني و حبيني

هنا لا تقربي ضاق المكان بزحمه الأقدام

تخيرت أبتعد و الصمت و الوحده عناويني

و إذا ودك تزوريني تعالي بس بالأحلام..

[aziz206]

تخبر الدموع اللي سرت من عيونك ضيق؟

لقاهـا هدب عيني حزينـة وقلطها

وقامت تجمع من على محجري وتويق

وإذا حولت ما عاد يمديـه يلقطها

لكن ماعليها خوف خل الدموع تريق

خدودي لدمـعٍ مـن سبايبك باسطها

صغاير الأمور اشيلها والكتوف تطيق

وعظايم الامور تهزني واتباسطها

أبي شوفتك من دون موعد ولا تحقيق

لو إنك ما بين أقوى الرياجيل وانشطها

[aziz206]

ليتني ما رحت ازوره ولا شفته حزين

‏انكسرت وضاق صدري وعضيت اصبعي

‏جامعن له هرج واجد..احسب الوضع زين

‏يوم شفته ضاع هرجي وضيعت سنعي

‏قلت له وشلون الاحوال قال الله يعين

‏قلت بلحالك؟.. وقال ايه بس الله معي

‏رغم ضعفه ينطح الهم بالجنب المتين

‏تنطبق فيه المدايح بشعر الاصمعي

‏ماخبرتوا قلب يصبر على غبن السنين؟

‏مستعد اشريه وادفع لر��عيه السعي

[aziz206]

انا قبل اعرفك كان قلبي عيوف وصاد

‏وبعدك ما صرت اعرف غير الله يعينه

‏لكن الله اللي مكنك والله اللي راد

‏تخلينه يحب الحياه وتخلينه 🤷🏻‍♂️

[aziz206]

واذا قصدك تخيرني..بعادك كيف ابختاره

وانا حتى زوايا البيت تسأل عنك وشلونك

🚶🏻‍♂️🚶🏻‍♂️

[aziz206]

محبتك فوق العتب والمشاريه

‏ومشاعري تلقى بقربك دواها

‏على كثر ما شافت عيوني وجيه

‏ما فيه وجهٍ غير وجهك ملاها💙

[aziz206]

بإمكاننا نبعد ونبقى على شوق

‏ما كان له داعي تشوه غلانا 🤷🏻‍♂️

‏نعشق بعض بالذوق ونغيب بالذوق

‏تعكس مشاعرنا حقيقة هوانا

[aziz206]

حتى لو إنك ما بغيتي وصالي

‏أوعدك لاحبك من بعيد لبعيد!

[aziz206]

لو ما عرفت الا انت من كل دنياي

مانيب متحسف على شيء منها 💙!

[aziz206]

لا تشتكي من جور الأيام للناس

‏وادفن همومك في ثرى الصمت كلَّه

‏اسرار عمرك خلَّها تحت الأنفاس

‏لا صار هرَّاج القفا فاطنٍ له

‏هذاك يفرح لا لِمس جرح الإحساس

‏وهذا مناهي لا لقى فيك علَّه