aymanabuelhasan

[aymanabuelhasan]

الموت لن يأتي بعد إستئذان

الموت يأتي هكذا

[aymanabuelhasan]

هل ستستطيع حمل السلاح والقتال !

ان لم اقوي علي حمل السلاح فضعوني في فوهة مدفع ولتذهب بي قذيفة مدفعنا الي عنق عدوي فإن لي أنياب تأبي الا ان تدق عنق المعتدي .. انا مقاتل بدم حر انا مصري

[aymanabuelhasan]

ميكانيزم العلوقيه-procrastination mechanism 😄

-----------------

كان بيتقال عنك وانت صغير (( ابنك ذكي بس لعبي)) يبقي البوست ده ليك 👏

💥 تعريف العلوقيه:-

◾العلوقيه سلوكيا هي توجيه السمات الشخصيه بعكس اتجاه المتوقع من قبل المجتمع

◾وهي الاستسلام الكامل لرغبات الذات في فعل الأشياء أو عدم فعلها؛ فقد لا نتم عمل قد بدأناه أو حتي لا نبدأه من الأساس

◾هي المبرر للكسل مع فقدان القدره علي فعل الفعل أو التأجيل المستمر مع المماطله والقيام بأشياء غير ضروريه بدلا من الواجب عمله مع قدر لا بأس من المرقعه

◾العلوقيه هي المماطله، التسويف، الرعونه، المرقعه والكسل.

💥 أسباب العلوقيه:-

في سببين رئيسين للعلوقيه

◾الأول ضغط خارجي(القهروالضغط النفسي – المشتتات)

◾الثاني ضغط داخلي(الملل والكسل – المثاليهPerfectionism )

---------------------

عشان نفهم الأسباب دي لازم نفهم ازاي العلوقيه بتشتغل:- العلوقيه هي ميكانيزم دفاعي من المخ بسبب خوفه من النتيجه النهائيه🙀

وده شيء بديهي في النفس البشريه من أيام ماكان هم الانسان هو الاكل والشرب واللذي منه ، كانوا بيخرجوا من الكهف يصطادوا ويرجعوا ياكلو اللي اصطادوه وشكرا علي كده🥲

علي الرغم من تطور الجنس البشري عبر الاف السنين لا زالت غريزة الاشباع اللحظي والفوري لدي الانسان هي المحرك له في اغلب تصرفاته، وللأسف لان كل الرغبات الملحه علي الانسان في زماننا الحالي تحتاج الي التخطيط الطويل والعمل لفترات طويله ده بيخلي العقل يتعولق لأن مفيش اشباع لحظي يعني مش هتبقي غني ولا هتتجوز ولا هتنجح ولا حتي هتدخل الجنه من غير خطط وشغل كتير بنفسك وعلي نفسك 🤸

انت بتتعولق عشان خايف من مواجهة قدراتك الحقيقيه 🦁

علماء النفس فسروا ظاهرة العلوقيه بإن إيجاد مبرر في حالة الفشل كالتقصير وعدم الجديه أهون علي النفس البشريه من الاعتراف بنقص القدرات🥸

----------------------

#احصائيات في العلوقيه

وفقا لعدة أبحاث وتجارب و meta-analysis عالميه تبين أن

45% من الموظفين بيضيعوا 3 ساعات عمل يوميا في التصفح العشوائي للانترنت

90% من الطلاب الجامعيين يعانون من التسويف (العلوقيه) في حياتهم الدراسيه

67% من الرجال الذين تم وضعهم في ظروف تسمح لهم باختبار قدراتهم علي الانجاز قاموا بالتأجيل والتسويف (العلوقيه) علي عكس السيدات والتي كانت نتيجة العلوقيه بينهم 25%

--------------------------

طيب لما احنا علوق بالفتره ليه في النهايه بنعمل الحاجه اللي احنا أصلا مش عايزين ومش قادرين عملها ؟؟؟🤔

لو فاكره سؤال وجودي .. فالموضوع بسيط جدا🤗

الاجابه هي انك بتبدأ العمل لما يتساوي عندك الالم الناتج عن التنفيذ مع الالم الناتج عن الخوف من عدم التنفيذ

------------------------

ازاي تحارب العلوق 🥷

اربع اسلحه تدمر العلوقيه تماما ولا تترك اثر

1️⃣أولا:- المواجهه، مواجهة كل مسببات القهر والضغط النفسي سواء مدير أو أهل أو زوجه أو حتي ظروف تعليم أو عمل ( محتاج تستكشف من تاني جدوي اللي انت بتعمله وتقيمه هل يستحق تعمله ولا لاء )

2️⃣ثانيا:- تعلم ان تقول لا، لا لكل مهمه لا تستحق او مش هتقدر تنفذها سواء بسبب قلة وقت او لأن عندك حاجات أهم، اتعلم تقول لاء في الوقت الصح

3️⃣ثالثا:- ابدأ، ابدأ بدون ترتيب، بدون تعقيد، بدون أسباب

لو انت مثالي أو كسول لازم تبدأ في أي عمل بتتعولق فيه في الحال بدون انتظار وقت مثالي أو ظروف مثاليه لأنها في الغالب مش هتتوفر

4️⃣رابعا:- تقسيم المهام وربط إنجازها بمكافآت فوريه، اتعامل مع الشغل بمبدأ #مولتو_ميني قسم المهام الكبيره لمهام اصغر واصغر ومع إتمام كل مهمه كافئ نفسك بحاجه بسيطه (شيكولاته – 20 دقيقه بريك – مشروب مفضل – سيجاره حتي أو أي حاجه بتبسطك)

👈مش هتصدق قد ايه المكافآت دي مهمه جدا وليها مفعول السحر علي مخك في تدمير العلوقيه ده لأنها بتدي العقل ضمان بالاستمتاع بمجرد الانتهاء من المهمه

ده لأن العقل بيشتغل بطريقة (الليله ياعمده) يعني اهم حاجه عنده الاشباع الفوري واللحظي ( ابحث عن تجربة المارشميلو)

5️⃣خامسا:- ابعد عنك المشتتات، أنت أدري بنفسك وباللي يشتتك فكر ازاي تبعدها عنك وقت الشغل وازاي تخليها مش first choice عندك.

#محتوي_أصلي_غير_منسوخ

[aymanabuelhasan]

لعل ما انت عليه الان هو نتاج ماكنت تظن نفسك بعيد عنه بالامس فلم تجهز نفسك له، يمكنك تدارك الامر حتي الان فغدا قد يأتي عليك...