a-sad-bear

[a-sad-bear]

أصل إنتي غبية برضو، مش إحنا عارفين إن مش كل حاجة تتقال، طب ليه؟، عشان ماحدش في الدنيا مش هيستغل كلامك ضدك، مهما كان؟ آه مهما كان.

[a-sad-bear]

في الأغلب؛ الإنسان اللي بيحتاج يفضفض ويتسمع في وقت حزنه، بيكون في الأساس محتاج لحد ينصره على نفسه، على صوت العقل، وعلى صوت كرامته، وعلى كل الأصوات القاسية اللوّامة اللي بتنهره وتعنّفه على كونه حزين وضعيف، وكل اللي بيكون محتاجه مجرد دعم وتعاطف، ومساحة آمنة.. من غير أي أحكام ولا حلول.

[a-sad-bear]

"اللهم إني أعوذ بك من زوال نعمتك، وتحوُّل عافيتك، وفُجاءَة نقمتك، وجميع سخطك."

[a-sad-bear]

[a-sad-bear]

أوقات بيبقى عندنا perception معين مقتنعين بيه، وبنبدأ نبني عليه أفكار وأسئلة ومقترحات، وبعدين في موقف واحد، واحد بس، وبشكل مفاجىء، ينجلي كل شيء، وتظهر الحقيقة ورا الـperception اللي بنيته جواك دا.

المواقف دي بتبقى نوع من انكشاف البصيرة بالنسبة لي، لحظات غريبة عن واقعنا اللي نادرًا ما بيدينا تفسيرات أو شرح لأي حاجة وبيسيبنا ماشيين على عمانا وغرقانين في دماغنا.

وأجمل حاجة ممكن تعملها وقتها هي إنك تعدّل الـperception بتاعك بأقل قدر من اللوم لنفسك، لأنك قبل كدا كنت قليل المعرفة، ودلوقتي عرفت؛ فماينفعش أبدًا نتعامل مع نفسنا أو نحكم عليها قبل وبعد المعرفة بنفس الحُكم.

[a-sad-bear]

[a-sad-bear]

I saw all the mirrors on earth, and none of them reflected me..

[a-sad-bear]

بقيت حاسة إني خايفة من كل حاجة، وكل شخص، منهم وعليهم، وحتى بخاف من إني أحس إني خايفة، شعور الخوف والقلق ملازمني بقاله فترة طويلة، احداث كتير عدت وبتعدي ومش قادرة أدي لها القدر اللي تستحقه من ردة الفعل بسبب القلق والخوف للي بعد كدا، حاسة إني واقفة هنا على رصيفهم والحياة قدامي ماشية، مش أنا اللي عايشاها أنا واقفة بس بتفرح، مش عايزة أتبسط قد ما عايزة أعيش فعلًا..

[a-sad-bear]

محزن أن يتحول الحب لمصدر إضافي للخوف والتوتر..

الخوف المستمر على مصير ومستقبل العلاقة من مُتغيرات الحياة وتأثير الظروف على طبائع النفوس..

خاصةً ف ظل مجتمع مُتقلب وضاغط كمجتمعنا وفي عالم مادي صلب بيسعى بكل طاقاته لرأسمٙلة كل شئ -حتى العلاقات الإنسانية- وتشويه وتفريغ الحب من طهارته وغٙيريته وإيثاره، وتحويله لسلعة وتجارة قايمة على الاستغلال والمنفعة الشخصية.

محزن فعلًا أن يتحول الحب لقيد وأسر.. وأن يُسلب ال��اس واحدة من أعظم وأجمل هداياه: لذة التحرر والطمأنينة، وقدرة -زي ما صاغها زيجمونت باومان- الانفتاح على القدر. ومن ثٙمّٙ الشعور بالهدوء والاستقرار النفسي، ونشوة التعامل مع شبح المجهول، أخيرًا ولأول مرة: بشجاعة وقلب مُطمئن.

[a-sad-bear]

[a-sad-bear]

معلش بقى.

[a-sad-bear]

مش عارفة إمتى هبطل أروح أدور على حاجات أنا عارفة إنها هتضايقني، وبعدين أتفاجئ إن إيه دا أنا متضايقة ليه؟ صحيح! ليه يا ترى؟

[a-sad-bear]

‏ولا مُنهزِم ولا مُنتصِر ولا مُستَريح.

[a-sad-bear]

الحياة تجد طريقها للاستمرار، دائمًا.

[a-sad-bear]

مش عارفة، حاسة إني مش عارفة وحزينة ومتكدرة ومش قادرة أفكر وفي نفس الوقت دماغي مش عارفة أفصلها، فرجعنا تاني لإني مش عارفة..

[a-sad-bear]

محتاجة أتعلم أتعامل مع الـ Anger issues اللي بمر بيها مؤخرًا

[a-sad-bear]

العودة للديار