9mmt

[9mmt]

البارح الجرح معلن فالحنايا هجاد

‏والصوت طفلٍ يتيم همّلوه وخرس

‏ما عاد باقي بصوته غير بحّت حداد

‏من يوم ختّم مناهج لوعته ما درس

‏يكفيه منها طموح ومامضى من جهاد

‏وحلمٍ طبخته مع الايام لين أنهرس

[9mmt]

أخذت لي فـ الحياه الماضيه فكره

والوقت مليت من غدره ومن زيفه

لا غابت الشمس قلت ان الفرج بكره

و الحظ عثراته تنادي صواديفه

في خاطري شي بس ازريت لا احكره

ينتابني في المسى و يمرني طيفه

أشتاق لـ اللي مضى واخاف من ذكره

وأشعر لي بـ شي ما يحتاج توصيفه

[9mmt]

من مطيح الشمس ياالله عليك المستعان

فاقدلي من سعة خاطري ثلثينها

كن للصكات يـمنى ولظروفي لسان

وصوبي وجيه المقادير لدت عينها

الهموم امراحها الصدر والوقت امتحان

والليالي ناوشتني طرف سكينها

بيـن غارات الليالي وميلات الزمان

ضاعت الراحه من البال مدري وينها

[9mmt]

كم لي اذب المشاريف و اعد النجوم

و اخذ احياناً على البيت ساعه كامله

القريحه مستريحه والاحساس معدوم

والونااسه غاايبه و الكلام مجامله

القصيد الزين ياخذ من الراحه رسوم

شاعره تتعب عيونه و روس انامله

ياوجودي ليت حريّة الواهس تدوم

وجد عودً ضاعت ابله و سافر عامله

[9mmt]

في كنف بشت الطواري والسهر واللّوعه

عشت ياحزن الضمير اللي ماهوب هْويّن

البدايه ضيق بال وضحكةٍ مصنوعه

والنهايه وقعها تحت المحاجر بيّن

من حوالي حول وطعون الشقى متبوعه

مايعالجها طبيب ولا تلاوة ديّن

ناهبٍ جور الزمان حقوقي المشروعه

وفاقدٍ وجه السماحه والجناب الليّن

سجّة القلب القديمه كنّها مقطوعه

ولذّة النوم الحقيقيّه ماعاد تْعَيّن

[9mmt]

كل الكلام اللي أقوله ما يليق

دام السكوت اللي أشيله ما فرق

الأرض ملّت جهد ما عادت تطيق

و الناس تندا الناس ما تندا عرق

من البحر دايم ينجّون الغريق

المشكلة بـ اللي على الأرض وغرق

[9mmt]

ما كان فرقك فرق شكل و فرق لون

فرق النجوم الساريات من القمر

تمر في بال القصايد واللحون

إن ماا قدرت إنّك على بالي تمر

الله يسامحني على بعض الظنون

كنت أحسب إنّك مرحلة وأثرك عمر

[9mmt]

يمر الوقت وايّامك تشابه والسنين تطوف

ولا لك غير مشوارٍ قديم بـ سكّة الذكرى

عليه تمر لا بان الحزن في وجهك المخطوف

من؛ الشك الوشيك اللي لي�� مر الوهم يِطرى

غريبٍ كل ماطاح الظلام وبان فيك الخوف

هربت من إرتيابك والأرق للشعر والمسرى

[9mmt]

تعلقني هبايب حيرتي بين القسا واللين

وانا احلامي على قدي و رغباتي على قدي

ماعندي غير دفتر فيه من كثر التعب حرفين

وفيه من الخيال اللي مشتت فهمي وقصدي

[9mmt]

هنا يشهد سكوتي أنّ صمتي طال بالهوجاس

وهنا تشهد زوايا غرفتي بالحزن والوحده

يمرني طاري الفقد وأنا أتلحفه باليأس

وأمر أقسى مراحل عمري الميؤوس من بعده

وأنا ماني بخايف ليلةٍ بها تختنق الأنفاس

أنا خايف يغربلني شعور الفقد والوحده

[9mmt]

لو أنك دمع في عيني يجوز ارتاح يوم أبكيك

‏لكنّك جرح في قلبي بكت من سبّته عيني .

[9mmt]

‏من باب توديع الاماني والاحلام

‏سلام ياللي جيت لرضاك كلي

‏عقب الغلا والود واخلاصك العام

‏اليوم غيري جالسٍ في محلي .

[9mmt]

جرّة الدمع ما عدّت جفون الضفاف

وانت عديت من عينٍ تشوفك وطن

غبت عني وانا لا غبت عني اخاف

لو عيوني على مر الليال اضحكن

كان سيّلت من عين التباريح قاف

تسري حروف بعروق الدفاتر شجن

بيني وبينك بيوم الرحيل اختلاف

انت تذكر جميلك وانا مابي أمن

[9mmt]

مابين خوفي من الدنيا وخوفي عليك

ضيّعت عمري مابين اقفي او اتبعك

ماني بـ خايف توادعني وانا محتريك

خايف يديني تخون احساسي وتوادعك

عقلي يبي يبتعد عنك و قلبي يبيك

ومابين قلبي وعقلي ماقدرت اجمّعك

تبي الصراحه تعبت اعاتبك واشتكيك

تعال قلي احبك خلني اسمعـك

[9mmt]

سيرة الحب الاصدق والسنين الطوال

مابقى لون في صفحاتها مابهت

اذكر ان العيون اللي ترجى الوصال

ولهَت والتهت بالياس منك ولهّت

تدري اني معك صادق على كل حال

لازم تصدق انك مرحلة وانتهت

[9mmt]

وين اصد من الحزن واروح مدري

ضاقت فجوج الثرا من كل يمه

لا اقبل الليل العتيم وضاق صدري

من يواسي خاطري ويشيل همه

[9mmt]

اعفوني من النشده وكثر الازعاج

انا ابخص بدرب السنع والمتاهه

ياكثر ماصديت منعاً للاحراج

وضيّعتكم بين الغباء والنباهه

احيان ما القى لي من الضيق مخراج

واحيان يضحكني كلام الفكاهه

انا بشر وأمر بظروف واحتاج

عن عالم الازعاج فترة نقاهه .