7alasd

[7alasd]

‏احذر انك تتحداني على عزة النفس

‏واحذر تذلني وتحدني على القطاعه

‏ترى الكرامة مغروسة بصدري غرس

‏ترد قلبي عنك لو انك بكامل اندفاعه

[7alasd]

‏غلاك ما يمحيه قل المواصيل

‏في كل حزه لك مع البال ميعاد❤️

[7alasd]

‏وش عاد اسوي يومك اقفيت عني

‏لا انا اتبع المقفي ولا احب فرقاك

[7alasd]

‏لا صار لك شخصً تحبه وتغليه

‏لا تدخله في كل طاري وسيره

‏سكر عيون الناس لاصارت شاريه

‏محدٍ في هذا الوقت يعطيك خيره

[7alasd]

‏ما جبرتك للحب ياللي تغليت

‏الله يسهل دربك اللي مشيته

‏ما جاك مني غير طيبي و ياليت

‏تذكر مواقيف الوفاء ما نسيته

‏ياما على شانك من القلب لبيت

‏وياما على شانك قلوب جفيت

‏ياما لاجلك يالغلا جد ضحيت

‏وياما لاجلك بعت انا اللي شريته

[7alasd]

‏والله مافيهم من لونك

‏لازين أوصاف ولا مذهب

‏أنت أغلى والباقي دونك

‏وأنت أحلى منهم وانت أعذب

‏و أنت اللي حبك مايخونك

‏و أنت اللي يخونك ماينحب

‏توك تدري أني مجنونك !

‏اجل من اول وش تحسب

[7alasd]

لا تخليني على دربك وداعه

‏القلوب العاشقه ماهيب صلبه

‏ودي بوصلك لو إنه ربع ساعه

‏طالبك لو كان مافي الوصل طلبه

‏راضي في كل شي الا القطاعه

‏لا تقاطع واحدٍ قطعت قلبه .

[7alasd]

ليت الزمان الي مضى يرجع شوي

‏يرجع على وقت اللقى يوم شفته

‏و اصد عيني كني ما شفت لي شي

‏و ابقى على مر العمر ما عرفته

[7alasd]

‏لا تشد الوعود وحبالك رخيه

‏ولا تدق الصدر وافعالك رديه

[7alasd]

‏امـا نـعـيـش وبـيـرق الـعـز مـرفـوع

‏ولا نـمـوت وبـيـرق الـعـز مـا طـاح

[7alasd]

‏ماعاد توجعني خيانات الأحباب

‏وماعاد يصدمني الخوي لا تردا

‏الناس من علق عليها الأمل خاب

‏والدهر ماجابه مع الوقت ودا

[7alasd]

‏من عذاب البرد جيت ابغى دفاك

‏واثرك بصادق حنينك لي شحيـح

[7alasd]

‏لا غشاك البرد يا سمح المحيا

‏احطب الطارف من ضلوعي وشبه

[7alasd]

‏ترا غناة النفس هي أصـدق غناه

‏وترى جمال الشي مـا قلّ و نـدّر

‏لا تكبرون إلا على ظـروف الحياة

‏ولا تحـزنون إلا على غــالي قـدر

[7alasd]

‏الله الله يالدروب المستقيمة

‏كيف أجادل واحد ماهوب قدري

‏شرهة العاقل على النفس الكريمة

‏واحتفظ بالدر في مزحي و جدي

[7alasd]

‏مرني لا تاه دربك من زحام الحياه

‏الغلا اللي رحت منه على حطة يدك

[7alasd]

‏انت وش سويت فيني

‏مدري بين الناس ويني

‏صرت قلبي وصرت عيني