3a-f

[3a-f]

ياوقت قلبي منك جاه اللي كفاه

شف وين كان ورح شفه هالحين وين

كان اجهّل الجهال فالحزن و عناااه

و صار اعرف العراف في جور السنين

وعزاه ياقلبن من همومه عزاااه

و انه مكبر هقوته فالوقت لين ؟

خذاه سوء الحظ بيديه ورماه

في يدين من خلاه مكتوف اليدين

[3a-f]

كيف ما انتبه لك مثل ما تنتبه لي

‏وأنت مصدر شغف هذي الحياة القصيره

عقب ما تهت بالأيّام حصّلتك الضيّ

‏من عرفتك عرفت إن كل ما راح خيره

جابك الله حلمٍ يكمل ويكتمل في

‏كنّك آسف عن أحزان الليال المريره

‏عقبك يمرّني غيرك وكنّه ولا شي

‏فيه إنسان عنده أنت ويشوف غيره ؟

[3a-f]

من ثلاث شهور وعزازي على عز انعزالي

البكاء لو نقدر نجازيه مانقدر نجيده

ليه ياصوت تسلى في مساي ومنت سالي

ليه تترك وحشة الأيام تفعل ماتريده

ليه وطعونك على قلبي وقلبي راس مالي

من يردك وانت تجري في حشاه وفي وريده

لاتخاف من التغلّي خاف من قل اتصالي

النهاية مثل ماهي والفرص ماهي سعيدة

[3a-f]

عن اللهفة اللي في مسيري وفي مسعاي

أعاف الليالي وألحق النور وأجرّه

حصيل المساء ذكرى قديمة وشعر وناي

وجرحٍ نغني به من الوجد والحّره

لا يشره علي إن زاد صمتي وقل حكاي

ترا ما معي غير أفتح زرار وأزرّه

أشيل السنين الماضية للزمان الجاي

وأخاف العيون تطيح من جفنها قرّة

[3a-f]

زل نصف الليل والهم باقي لايزال

و ودي ارقد و الطواري على مرواسها

ضيقتن في خاطري جا لها عدة ليال

لا بدا نوم الاوادم عطتني راسها

من صلاة العصر خارج حدود الاتصال

منعزل عن صجة العالم و عن مجلاسها

و كل ماهبت هبوب البراد من الشمال

قمت اعرض صدري المشتحن نسناسها

[3a-f]

رجعت أدوّر في مراسيل الأحباب

لعلي قريت اللي تزايد بـ نزفي ؟

من بعد ما فجيّت ل عتيبة الباب

حطو بصدري خنجرً جاب حتفي

[3a-f]

شاكي الفقد لو تدري بما بي بكيت

بعض الاشياء الخفيفه منت تدري بها

غايتي وامنيات القلب واللي هويت

كل ماجيت أبسلى ذكروني, بها

يحسبون اني من اللي حصل نسيت

مادروا ان عاد دمع العين تصخي بها

من غياب اللي غيابه وفقده مميت

عقبه ضلوع صدري عاويٍ ذيبها