#محادثة خدمة عملا��

[nana-20]

من كام يوم كدا قابلنى بوست في تجميعه ظريفة لافلام قصيرة هادفة و دا نوعى المفضل المهم اغلب الافلام كان سبق و شوفتها و الحقيقة تجربتها كانت ممتعه جدا فعلا

و لقيت فيلم Night Shift و افتكرت أنه كان في ليست قديمة عملتها .

و فعلا حطيت الفيلم و شغلته...

هو ايجازا كدا بيتكلم عن زين شاب لذيذ بيشتغل خدمة عملاء في واحدة من شركات الاتصالات و الانترنت

و عنده شيفت midnight و بيجيله مكالمة الساعة 2:00 AM من اكرم و الخدمة فاصلة عنده و محادثة المكالمة هي الفيلم و فكرته

و هنا بقا انا افتكرت تجربتى الشخصية 😂

انا مش يوصي حد يشتغل خدمة عملا اكتر من 6 شهور و سنة عموما في اى مكان من غير ترقية أو تطور ملحوظ

عشان النوع دا من الشغل خصوصا في مصر من أصعب الوظايف اللى بتضغط نفسيتك جدا جدا مش حنسى طبعا انى كنت برجع البيت حرفيا معنديش طاقة اتكلم حتى

و دا لأن شغل ال customer service 8 hours و ساعة عليهم بريك متقسمة بمواعيد يعني تطلع بمعاد في كل بريك في الساعة و بيكون في رش جدا اغلب الايام لدرجه منقدرش تاخد نفسك و هنا انت فعلا بتختبر ذاتك هي ممكن تعمل ايه لو اتحطت تحت الضغط الرهيب دا و خاصة لو في hard call زي بتاع اكرم و زين اغلب الشركات لو عندها مشكلة و انت معرفتش تحلها عشان عطل مش من عندك مثلا او بسبب بنية تحتيه و دا معروف أنه بياخد وقت طويل مش بيكون عندك اى حل غير انك تهندل ازاي بقا دي بتاعتك😅 زي ما زين عمل كدا بالظبط و تكون خط دفاع اول زى العسكرى اليمين كدا في الشطرنج 🙂......مش عايزة احكي عن التجربة كتير هي انتهت و الحمدلله اديت ز اخدت و دي نصيحتى التانية لكل الناس اللى بتبقى فريش و لسة متخرجة لو اشتغلت كول سنتر المصطلح الشائع متروحش بسماعه و بس حاول تتعلم حاجة إضافية من المكان و دا صعب جدا انا عارفة و انا كنت من المحظوظين الحقيقة انى اتعلمت حاجة إضافية خلال الشفت بتاعى😂 عشان لما بيخلص انت كمان بتخلص

و نصيحه للعملا تكون الطف انتوا مش عارفين هو ممكن يكون مر بأيه في المكالمة اللى قبلك و أنه لو في أيده يساعد اكيد حيساعد و إن كان في قلة ادب كتير بردو 😂

و الناس تشوف الفيلم و صدقونى مش حيفهمه غير اللى عنده سابق تجربه في النوع دا من الوظائف

و انا بشوف الفيلم كنت ممكن اتوقع اى رد فعل من زين زى ما كان بيحصل في المكا�� اللى استغلت فيه حالات انهيار بكا هستيري أو تقفل المكالمه مع العميل و تجري عالحمام أو ولد بقا يرد خارج السياق اوى اوى و يبقى بايع أو يستحمل و هذا لن يدوم طويلا طبعا بس اللى بيحصل أنه ببكمل و باخد المكالمة اللى وراها و في الاخر نبقى مرضى نفسيين لينا و للى حولينا و نقول ازاى بقينا كدا😂😂💔

مهم جدا يكون شغلك بيديلك مساحه تعيش حياتك تخرج تسافر تتبسط ترزح سينما و تسمع مزيكا و تنمى نفسك كمان في اى حاجة إضافية انت عايزها.

كفاية كدا و حسيب دا هنا لأجل ما افتكر مرحلة مهمة زي دي في حياتى و ابقى اقول كنت و صرت ❤️‍🩹❤️‍🩹❤️❤️