#كوبليه

[personanongrata-1]

كوبليه وف عز الامان ضاع مني الامان اعمق من ان انت تسمعه مرة واحدة كدا وتعديه بالساهل

[2ayar]

صباح الخير، لطالما كانت أغاني السِت مدعاة للتأمل و التساؤل إلا أن أغنية - أنت عمـري - على كثر استهلاكها وانتشارها بين الصغار و الكبار حيث أنك لو طرحت سؤالًا فحواه؛ ماذا تعرف من أغاني السِت أم كلثوم؟ ستكون الإجابة حتمًا، أنت عمري.. إلا أن هذه الأغنية بنظري لم تحظى بالتأمل الكافي في جملها الموسيقية و الكلامية! أغنية أشبه بالتنهيدة، بالراحة بعد ركضٍ طويل في مسافات شاقة.

تبدأ في جملة ( رجعوني عينيك لأيامي اللي راحوا ) و أؤمن بشدة كيف أن للعين سحرٌ خالص، فهل تدرك معنى أن يرجع الإنسان بالتذكار لأيامٍ قد مضى عليها الزمان بمجرد رؤيته لعين محبوبه ؟

أن يندم الإنسان على هذه الأيام التي أنحسبت من رصيد عمره دون أن يقضيه بين دفء المحبة و حنان الروح في يدين المحبوب، العمر الذي أنقضى قبل أن تجد المحبوب المنشود فتتساءل؛ ليه.. ليه ما قابلنيش هواك يا حبيبي بدري؟

وأتذكر قول الشاعر طلال الرشيد رحمه الله في إحدى أمسياته الشعرية؛ "أحيانًا تلتقي بإنسان تشعر بأنك كنت تنتظره طول عمرك، ضيّعت حياتك اللي قبل وأنت تدوره"

آه .. ملعون العمر اللي محسوب عليّا قبل لُقاك يا حبيب عينيا.

وتجد في كوبليه آخر رجاءات و تمنِّي للمحبوب مثل أن تصدح برغبتها قائلة؛ هات عينيك تسرح في دُنيتهم عينيا، هات إيديك ت��تاح للمستهم إيديا.. يا حبيبي تعالى وكفاية، هوَّ اللي فاتنا شوية؟

وأعود مرةً أخرى في الحديث عن العيون وسحرها، اختزال الدُنيا بمن فيها في نظرة شاردة لعين المحبوب وأحلى ما قد يكون حينما يبدأ المحبوب بالاسترسال في موضوع مُعين وأنت حالمٌ هائم في نظراته وتتقافز الأسئلة إلى ذهنك مع تأمل بامتعان شديد، كيف هي الدنيا دون رؤياك؟ وكيف لهاتين العينين أن تسرقني مني دونما أدري وكيف تسافر بي إلى عوالمٌ أخرى لم أجدها على خرائط الكرة الأرضية وكيف تستطيع أن تهدئ كل خليةٍ في جسدي وتارة أخرى ترتعش لها كل خلية. أن تجد حاضرك في عين ومستقبلك في الاثنتين كيف ؟

تغني بصوتٍ شادي؛ يا أغلى من أيامي يا أحلى من أحلامي، مستوعب أيها القارئ؟ كيف يكون لا شيء أغلى من المحبوب؟ لا الأحلام ولا الأيام، هما أصلًا إيه لو ماكنتش إنتا يا حبيبي؟ دخيل الحب و عمايلووووو..

ولكن لم يستوقفني في الأغنية كوبليه أكثر مما أستوقفني كوبليه ( صالحت بيك أيامي، سامحت بيك الزمن ) يياااااه! من وسع التنهيدة في هذه الجملة تشعر بأنها " تشِق الصدر" جملة بلاغية عظيمة، أقف عندها في كل مرة وأجدها جملة صعبة أن تُقال لأي أحد. جملة صريحة تحتاج لمحبوب صادق خالص وافي ومشاعره لم ولن تكن يومًا زهيدة تستثار لأي نسيم، جملة يرتعش لها شرياني وتجعلني أتفكّر. كيف أن الحب إذ كان مع الشخص الصحيح سيجعلك تغني في ترف، تتصالح مع الأيام و الناس وتسامح صراعات النفس مع الزمن. تعلن السِلم وتنتهي الحرب، تحب وتنحب تستريح في ضحكة وتدفيك اللمسة والكتف أحن من وسادة ريش، ياااا الله ! بلاغة رائعة من شاعرنا. تأخذك في خيالات لونها پمبي.

لن يجود الزمان بمثل السِت ولا أغانيها أبدًا! لن يجاريها بالفن أحد، الفنانين في كفة وهي في كفة أخرى تمامًا. ولأصدقكم القول؛ ما كانت أم كلثوم يومًا " فنانة " فهي تعلو عمن سواها في الفن الغنائي.

- ملاحظة؛ كُتبت تحت تأثير السِت و كوباية شاهي بحبق

[iiumz]

‏مشهد مناسب يكون بداية كل صباح ‏برفقة أغنية أمل حياتي تحديدًا كوبليه «خليني جنبك خليني في حضن قلبك خليني»

[elmoghazy5]

بحلق شعري ومشغلين ف الصالون اغاني فاغنية تامر عاشور بتاعة كلموها عني شغالة وجه كوبليه بتاع فاكر ليها أيام بتصبر بيها وعشان عندي أمل فيها انساها ي قلبي انا ليه وبالعافية فضلت كاتم الضحك لغاية م جه كوبليه ولو هقابل غيرها لو هحب جديد برضو لسه فاكرها وفاكر حبها قضي عليا ودخلت ف نوبة ضحك هستيري ده كان اكتر موقف لا احسد عليه اتعرضله وانا وسط الناس 😂😅

[3-zooooooz]

معلق معايا كوبليه من أجمل كوبليهات الست، ودا لما قالت :

عيون كااانت بتحسدني على حُبي ..

ودلوقتي بتبكي عليا من غُلبي ..

وفين انت ؟ يا نور عيني .. يا روح قلبي .. فين؟! .

[br7man14]

عبقرية الست وقسوة اليأس

غدرك بيا/ أثر فيا/ واتغيرت شوية شوية/ اتغيرت ومش بإيديا/ وبدأت أطوي حنيني إليك/ وأكره ضعفي وحيرتي عليك/ واخترت أبعد/ واخترت أعند/ حتى الهجر قدرت عليه/ شوف القسوة بتعمل إيه! دي كلمات المقطع (اصطلاحاً اسمه كورَس) اللي بيتكرر بعد كل كوبليه، على طول الأغنية اللي كتبها عبد الوهاب محمد ولحنها الموجي وغنتها الست. لكن في مرة قررت الست إنها تبدل كلمة بتانية، ودي حاجة ما بتحصلش كتير. بدل القسوة قالت اليأس.

الجمهور بتستهويه الألعاب دي، خصوصاً جمهور الست، وبتثيره، فمع أي تنويع على اللحن أو نص القصيدة الأصليين، بينفعل في نشوة وتصدر عنه علامات الإعجاب واللذة، وربما لشخصية الست وصورتها القوية الرصينة الوقورة، علاقة بهذا النوع من الإثارة اللي بتنطوي على تعاطي إيجابي مع قرار التمرد والمروق المفاجئ اللي اخدته الست في لحظة نادرة واستثنائية من تاريخها الفني المصنوع بجدية كبيرة والتزام دائم، إثارة ذوات بشرية بترحب و بتحتفي وبتتشرف بنزول الست شخصياً من عليائها، وتنازلها لبرهة عن عقيدتها، لمشاكستها واللعب معاها.

في مطلع الأغنية بتقول الست أنا غيرني عذابي في حبك/ بعد ما كان أملي مصبرني

الأمل، والأمل وحده كان هو العمود الأخير، والوحيد، اللي بيتأسس عليه النظام الهيكلي لمعشوقية المحب/ الصابر، اللي بسقوطه، اكتشف انه متعشق بسراب، وهم، عدم، فزالت بالتبعية أسباب الصبر والرجاء وحتى الحنين (وبدأت أطوي حنيني إليك)، وإن بقى الحب. شفت اليأس بيعمل إيه؟

[imtryingiswarimtrybut]

حياتي بتتلخص في كوبليه واحد بس الا وهو "وخايف اوعدك موفيش اقولك في تلاقي مفيش"

[zainabooo]

مكنتش بفهم الكوبليه بتاع أم كُلثوم اللي بتقول فيه "ابتديت دلوقتي بس أحب عُمري، ابتديت دلوقتي أخاف لَلعُمر يجري"

حاليًا فهمته، وعرفت قد ايه الإنسان في وجود شخصُه المُفضل بيحب عُمره كله حرفيًا، بيكون مُمتن للماضي وصدماته لأن لولاه مكنش هيحس بحلاوة العوض، ومُمتن للحاضر اللي جمعه بالشخص المُناسب، ومُمتن لأيامه الجاية عشان هيشاركُه فيها ..

بيفضل مُتمسّك بكُل لحظة بتعدي عليهم وهما سوا وخايف تجري منه، بيبقى عايز الدقيقة معاه متعديش عشان يفضل قدامُه، وبيتمنى الساعة تُقف في الوقت اللي بيكونوا فيه مع بعض من غير مسافات ولا بُعد ..

وفي كوبليه أكثر حنّية :

"صالحت بيك أيامي، سامحت بيك الزمن". ♥️

[fozdoaa]

لطالما اسرنى مشهد احمد السقا ومحمد هنيدى وطارق لطفى فى صعيدى فى الجامعه الامريكيه وهما اخدين الأستيريو بعد مرجعوه ،السقا كان زعلان بس رغم كده كانوا فى ضهر بعض ،

قولتلكم انى بحب كوبليه فى مهرجان معرفش اسمه ايه بس هو كان بيقول وقابلت صاحب اقوله عاركه يقولى مراحب! اللى هو كتفى كتفك ومش لازم اعرف السبب طالما انت قولت يلا يبقى يلا.

لله در الأصدقاء

[arwannn]

" كان نفسك تصرخ ف العالم

ملقتش ف قلبك صوت

ضحيت بحياتك والظالم بيجرب فيك الموت "

مفيش كوبليه يبدع ف وصف حياتى كدة

[nourr-9]

كان فيه كوبليه لنجاة الصغيره معلق معايا كل شوية أعيده عشان أفتكر اسم الاغنيه معرفتش دلوقت بحاول أفتكر إيه الكوبليه أصلا اللي دندنته ومش فاكراه 😂

[2ayar]

القاهرة وما أدراك ما القـاهرة !

كنت من الناس اللي لمن تنعرض عليهم سفرة للقاهرة أقول لا وألـف لأ بسبب ظنوني على هذه المدينة و ناسها، لكن أكتشفت إني أخطييييت وكانت السفرة هذه من أمتع سفراتي. القاهرة! فعلًا أم الدُّنيا.

بساطة الناس وعلوّ صوت ضحكاتهم وكيف إنهم قادرين بكلمة يغيرون مزاجك تمامًا ولو شافوك مكشر قالولك ( يا عم ما تكشرّش هوَّ ماخدين منها حاقة؟ ) ومن هنا تعرف إن القلب اللي ما يسلى ويضحك ويخالط الناس يموت قهر من فرط الهموم! على أن المباني قديمة لكنك ترى فيها التميز، الطرقات تتزاحم فيها السيارات ومشوار النص ساعة ياخذ ساعة بس كل هذا ما تحس فيه، الطريق من حولك مليان ضحكات و خلافات بسيطة تتحوّل في الأخير لبوسة وحضن وطبعًا تزمير البواري عندهم مش عادي! أبدًا. ينغمون لك صوته لين تصير تنطرب عليه تحس إن التزمير هناك ماهو حاجة، لأ..هواية

جولة في القناطر على النيـل في جو غائم تسمع فيه محمد رشدي وهو يغني - طاير يا هوا طاير عـ المينا - أو حليم متألقًا في رائعة - يا خلي القلب- ناصحًا بـ افتح البيبان لقلبك ولشبابك ولحبيبك .. ابعد الخوف عن رموشك إوعى! شيء في الكون يحوشك

وبين كل كوبليه وكوبليه تأخذ لك قصة عن الفلاحين أو عن تاريخ مصر أو خرافات أنتشرت في زمن من الأزمان وطبعًا النكتة في الجيب! راح تضحك لين يرقص قلبك. يوقف القارب وتاخذ لك جولة في مزارع الفلاحين من اليمين مزروع الـورد ومن الشمـال مزروع النعناع وغيرهم الكثير وما تنتهي الجولة إلا وأنت متغدي سمك من ألذ ما يكون!

مسافة المشي لشارع المعز كانت من أمتع مسافات حياتي، كل زاوية هناك تسمع فيها أم كلثوم تحس في القاهرة أنهم يمجدون السِت تمجيدًا عظيمًا! ولا يقبلون فيها التأويل، حتى أنهم بانين لها تمثال وفي نظري أنها تستحق لأنها أعظم سِت عربية وقفت على المسرح و غنـت. أغلب أصحاب المتاجر هناك تلقاهم والسيجارة في يد وكوباية الشاي في اليد الأخرى ومن خلفه كلثومة تتغنى وإن مريت من عنده عزمك على كوباية شاي! لو ما يطلع من يومه إلا بهذا الكيـف لكفااااه. وما أحلى البساطة! تمشي مسافة عبورًا للفن والنغم الأصيل وجمال تفاصيل المباني إلى أن تصل لمقهى الفيشاوي اللي ما يفرغ من الناس لكن هذا ما يعني إن الشاب المصري يخليك واقف! أبـدًا. يرحب بك ترحاب الجنوبي لا أقبل عليه الضيف ويعطيك ننّ عينه أهم شيء ما تروح زعلان! فرقة من جهة تشيل العود والكمنجـة والرِقّ وجمهور من جهة يصفق ويردد

فرقة موسيقية ولا أروع! يااا عم ولا أفضل المسارح تقدر تنقل لك هالمستوى الغير متكلف البسيط الرائع الساحر من الطرب. والأكيد إن زيارة مقهى أم كلثوم كان أهم شيء عندي لأن المدح اللي سمعته عن الجو فيها و قهوة التركي شوّقني، وكانت فعلًا فعلًااا على مقاس المدح ويمكن أكثر!

بعدها تكمل مشي لين توصل لأزقة خان الخليـلي وتشوف المحلات الشعبية اللي تبيع النوادر وأجمل تذكار تاخذه للأحبة، أمشي وأتذكر أول رواية قريتها لنجيب محفوظ وكانت بنفس الاسم - خان الخليلي - وتسترجع ذاكرتي قصة حُب أحمد للمرأة التي شغفت قلبه وجمال اللغة العربية في مفردات نجيب وقهـوة الزهراء التي كانت مرتّع لقاء الأصحاب. وها أنا الآن أشعر أني في قلب أحداث الرواية من جديد! تأملت في كل تفصيلة و أخرى وعلى فمي ابتسامة كل من رأها اِبتسم لها.

القاهرة ساحـرة.. ما تشعر فيها بالنكد أو تفكر بمآسيك لأنك تشوف البسطاء اللي همومهم أكبر مني ومنك عايشين ومخلين كل شيء وراء ظهرهم، ومن تقبل عليهم تلقاهم بوجه بشوش ويقدم لك على كف اليد غنوة و ضحكـة و رغـي ما بيخلصش. حلاوة الكلام عندهم تلمس القلب، الـ لأ عشان خاطرك تصير حاضر و نعـم، واللي مش بيحصل هنخليه يحصل يافندم، طلباتك؟ أوااامر اللي عاوزه هنجيبوا لو كانت نجمة من السما، إنتَ بس اضحك وما تقفلش!

مشاعر كثيرة أشيلها بصدري وما أملك التعبير الفصيح التام للكتابة عنها. أندم إني ما زرت القاهرة من قبل لكن أن تصل خيرًا ��ن ألّا تصل! والحمدلله على نعمة البساطة و حـلاوة الروح و على وجود ناس تقدر تنشر لك السعادة وتمسح على قلبك بـ خِفة وتخليك تضحك على أحزانك وتسخر منها إلى أن تصغر فتتلاشى وتعلمك إن الدنيا ما تستاهل ولا أنت اللي بتاخذ منها شيء فإن عِشت.. عِش وأنتَ ضاحكًا لأن ملعون أبو الدنيا كما قال نجيب محفوظ!

شكرًا للقاهرة و الشعب المصري ♥️

[islam-ahmed-elazab]

أحمد شفيق كامل الله يرحمه لما كتب انت عمري لأم كلثوم حط ف المقطع الأخير كوبليه فيه ٢ طن بلاغة،ملخص وافي شامل عن الفرحة والسعادة والحب وكل حاجة حلوة ممكن تتقال بين اتنين لما كتب:

صالحت بيك أيامي ..سامحت بيك الزمن .

نستني بيك آلامي.. ونسيت معاك الشجن .

[abdelrhman366]

أجمل كوبليه قالته شرين♥️

الكلام لو كان يعبر عن الحنان . كنت قولت اني بحبك من زمااان ♥️♥️

[ashrakatt-23]

دخلت لبروفايل شخص كنت اعرفه زمان على فيسبوك علشان اشوف بوست كاتبه حد قالي عليه

اول ما فتحت الصفحة لقيت مكتوب اننا مشتركين ف جروب معين .. الجروب دا من زمان اوي وبطل حد يبوست عليه اي حاجة من فترة طويلة

دخلت الجروب ولقيت بوست من ١٢ سنة لينك لحفلة.. إفتكرت إني طلعت ف فيديو الحفلة دي وإن الفيديو دا بيوثق أول لقاء بيني وبين شخص كان عزيز عليا وفضلنا مقربين لسنين وبعدين انقطعت علاقتنا من فترة طويلة

والفيديو دا كان سبب تعارفنا على بعض وكان اغرب صدفة ممكن اتنين يتقابلوا بيها والكيمستري حصلت من اول دقيقة ف الفيديو

ف دخلت اللينك لقيته فيديو على اليوتيوب.. قعدت ادور على لحظة عرض الفيديو بتاعي واجيب الفيديو يمين وشمال.. لقيت الحفلة نازلة ٤ أجزاء والجزء التالت اللي فيه الفيديو بتاعي ممسوح والباقيين موجودين

ما اعرفش هل دي صدفة ولا قدر علشان قلبي ما يتألمش ولا دا بفعل فاعل :)

بس إياً كان.. حالة النوستالجيا اللي فكرت نفسي هعيشها لما اشوف الفيديو باظت

أول لقاء دا فكرني بأول كوبليه من الأغنية دي

"الدنيا بترتب صدف وكل قلب وإحساسه.. فجأه الطريق بينا بيقف والحب بيجمع ناسه"

[amrs-posts]

إستوقفني كوبليه لأغنية «نجاة الصغيرة».. مِن فيلم «الشموع السوداء».. وهي أغنية «كل شيء راح وانقضى».. وهي بتستجمع كامل قوتها وبتقول لحبيبها بوعيد وثقة «بُكرة تندم».. بعدها بتفتكر إنها مش هتقدر تستحمل إنه هيندم على حاجة ضيعها مِن إيده حتى لو كانت الحاجة دي هِيَ ، فتقوله «لا ياربي في يوم ما تندم».. إيه الحنية دي بس ؟! بعدها تدخل بأكتر جملة تَدُل إن السِـ ـت لما بتحِب بجد بتتمنى السعادة لحبيبها حتى لو مش معاها وبتقوله «حِب وافرح».. وبتحلفُه بعدها إنه ميدوقش حد تاني نفس العـ ـدٰاب اللي داقته وتقوله «بس إوعى تاني تحٖـ ـرح».. وتستكمل الأغنية في مُنتهى الحُرٰن والأسى على حالها وعلى كُل الذكريات اللي كانت ما بينهم وتقول «أيوة وحياة اللي كان بينا وراح ، واللي مش قادرة أصدق إنه راح .. عُمري ما انشغلت عنك حتى لما رٰعلت مِنك».. وفي الآخر هتلاقيها صدمتك إنتَّ كَمُستمع وهِيَ بكُل صٰـ ـعف قلبها حٰانـ ـها وسامحته على اللي عمله فيها زي مُعظم اللي حَب بجد مِن قلبه فبتقوله وصوتها تحسه مكـ ـسـ9ر «عٰـ ـصب عني قلبي خدني وراح يصالحك .. عٰـ ـصب عني قلبي فاتني وراح مسامحك».. وفي ��خر الأغنية بتنهي كل الإحساسيس والمشاعِر المُتضاربة دي بكوبليه أنا بصنفه مِن أجمل وألطف العِتابات اللي في العالم وهِيَ بتقوله :

بس وحياة اللي فات واللي أصبح ذكريات ، عُمري ما حبيت ولا اتمنيت غيرك انت .. غيرك انت يا حبيبي يا حبيبي 🖤✨