#فاينال

[saraadel-00]

حان الآن ميعاد أجمل شهرين ف السنة؛ ديسمبر ويناير.

اللي هما بيكونوا فاينال بس اتس اوكيه لا يهم انا مستمتعة بالاجواء الشتوية😚

[lightofdarkness-trials]

امبارح خلصت اخر اتنين اند راوند في pediatric الترم الحلو السهل

امبارح خلاص مش هروح المستشفى دي تاني غير في فاينال ودا شئ كويس

أول مرة اتسأل سؤال وانا فاهمة ومش مذاكرة فاعرف اجاوب وان كان اخدت وقت على أرتب الإجابة

اول مرة اكون لواحدي بدون خوف أو قلق أو انه محتاجة حد من صحابي معايا

[nouraan]

النهاردة آخر فاينال عندي .. مش مستوعبة إن الترم دا عدى والله الحمد لله الحمد لله

[3-zooooooz]

مساء الفل، واجب عليا اقول ان الامتحان انهارده كان الحمد لله كويس مجملا، بس كان في كام سؤال كدا حسيت اني دوخت من الحلزونه اللي كنت ركباها وانا بلف وادور مع اللف والدوران بتاع السؤال، يعني انا شوفت في حياتي اسأله لافه كتير جدا لكن مشوفتش كدا ابدا .

المهم سيبك انت يقطع دا عند دا، طلعت من اللجنه وانا رافعه شعار ال "فلتنا منيييييهم"، خلصت . اخر ماده همتحنها لمظهر ،اخر ضغطه اعصاب، اخر خوف وقلق وتوتر زياده عن أي ماده تانيه، مش هشوف خلقته تاني، انا في غايه السعاده تالله ياض يا تمبلر، كنت حاسه اني طايره، شبه الطير اللي كان في قفص واتفتحله علشان يطير، كلامي فيه شئ من المبالغه قليلا بس والله دا بجد اللي كنت حاسه بيه اول ما خرجت من اللجنه،اخر مره ..اخر مررررره، الحقيقه هي اول فاينال بس انا حساني اتخرجت خلاص 😂🤎🤎🤎 .

بالمناسبه بقى بالمره كدا، انا عمري ما هسامح الراجل دا في حياتي، عمري ما هسامح في اي مره من المرات اللي نمت فيها باكيه بسبب الضغط او بسبب احساسي بالظلم ! يا راجل دا انا في تخمرات كنت ممتحنه الميد ٨ مرات والله والله ٨ مرات! ما قصرت في مره فيهم، خلاص بقى مش عايزه افتكر .

تاخد الكبيره ؟ طبعا من تجاربي السابقه مع الراجل دا كوني ذاكرت او مذاكرتش النتيجه واحده (ايكوال زيرو). بس انا كنت بقول لنفسي لا والله لذاكر وابذل أقصى مجهود واجيب اخري علشان لما نقف قصاد ربنا يوم القيامه اسيب ايدي واقول يا رب انا مقصرتش وعملت اللي عليا وان هو ظالمني، وربنا بقى يجيبلي حقي ويشفي صدور قوم مؤمنين، رب��ا أعلم بكل شئ .

المهم، شكرا يا تمبلر انك مستحمل صياحي وندبي ديما، كتر خيرك🤎.

[amlll]

لأول مرة في حياتي يصعب علي اختيار الوجهة لهذه الدرجة، تريد مني أختي أن أسافر إلى حيث مكان إقامتها بينما تريد عائلتي أن أسافر إليهم، وأنا أريد السفر إلى المدينة حيث أجد مستراحي من الدنيا، ��يتوجب علي العودة إلى مصر لتسريع إجراءات تجديد ��واز سفري...

لا أكتب بغرض الشكوى بل إنني أحمد الله على وجود عائلتي وأتوق لرؤيتهم الحقيقة لذلك بفكر أروح لأهلي وأقنع أختي تسافر لنا وأفكس لمصر إلى حين موعد الأجازة القادمة بإذن الله، يا رب بس أخلص فاينال على خير وربنا ييسر لي أمري

[ansafrasha]

مش عارفة آي العبط دا بس عاوزة أقول لكم إن

مرة وانا رايحة فاينال في الكلية رُوحت بتيشيرت الترينج بس كان تحت الچاكت

[mohamed-isworld]

- خـ.ـونتني ليه يا عصام ؟

= إنتي السبب يا مديحة

- ليه قصرت معاك في إيه ؟

= بالعكس انتي طولتي معايه أوي

- طولت معاك إيه يا عصام هو انا سيجارة سوبر، ما تفكك من العمق اللي انت فيه دا وصارحني

= إنتي يعني عايزة تعرفي الحقيقة ؟

- وتكون آخر حاجة اعرفها قبل ما تطلـ.ـقني

= أزمة وش القفص

- ماله وشي بقى يا عصام

= إنتي اللي بتقصفي نفسك آهو انا متكلمتش

- طب وضح كلامك

= الواحد لما بيروح عند الفكهاني بيلاقيه حاطط أحسن فاكهة عنده على وش القفص

- أيوه، عشان يجيب رجل الزبون

= آهو انا الزبون

- طب ولما انت خدت وش القفص يا زبون، رايح تقلب وتجيب من تحت ليه ؟

= طمع الإنسان

- يعني إيه ؟

= كنت بقول لنفسي لما أول سـ.ـت اقابلها بالحلاوة دي، أمال الباقيين عاملين ازاي

- كنت بتحطني في مقارنات يا عصام ؟

= وكنتي بتكسبي يا مديحة، شايفة الجدول دا ؟

- جدول ايه دا ؟

= دا جدول الدوري، انتي لاعبتي بثينة دار السلام على الحنية وكسبتي ٤- صفر وخدتي ٣ نقط

- اممممممم

= وبعدها لاعبتي ابتسام مساكن شيراتون على الرومانسية وكسبتيها ٢- ١

- والجون دا جابته فيا ازاي ؟

= مجابتوش انتي اللي جبتيه في نفسك، مفيش بني ادم سوي بيحب على أغاني مصطفى كامل يا مديحة

- طب ومين دي كمان ؟

= دي ماهيتاب التجمع الخامس بجوار مسجد الشربتلي

- انت كاتب العنوان كامل ليه ؟

= عشان بتوه وانا رايحلها

- أنا شايفة اني كسبتها ٧- ١ دي ملهاش في اللعب خالص ليه كدا

= لا ليها بس فلات بعيد عنك، دي حاجات بتاعة ربنا يعني

- يعني انت يا عصام مكنتش بتخـ.ـوني ؟

= هو المسمى الأكاديمي للي انا بعمله دا خيـlنة طبعا احنا مش هنتمرقع

- أمال ايه حوار الدوري دا ؟

= عشان الموضوع بعد شوية دخل معايه في سكة تانية، حطيت نفسي في تحدي اني مش هلاقي أي سـ.ـت احسن منك

- وكسبت التحدي ؟

= آديكي شايفة نتايج الماتشات بعينك

- ماشي يا عصام، انا هقفل معاك الصفحة دي خالص عشان انت عرفت تثبتني، بس لو قفشتك تاني هعمل فيك حاجات فيسيولوچيا متنفعش

= تمام، بس انا عايزك تسخني بقى عشان عندك النهارده فاينال مع محاسن عزبة الهجانة

[sarah-moonlight]

انا دماغى حلوة بعرف اذاكر كميه كبيره ف وقت قصير وأحل كمان صح

بس مش عارفه جايبه الخمول دا كله منين مع انى عندى فاينال يوم السبت

ومققوله من الماده مش قادرة افتح الكتاب

ذاكرت امبارح الماده واكاد اكون خلصتها بس انهاردا فضلت اسمع مسلسلات والعب شطرنج ومذاكرتش حاجه

دا شغف صح !؟

[hopa01]

فاينال ايه اللي يوم 1 / 3 احنا هنستعبط ، و 30 صفحة اي دي اللي هلحق اترجمها في اسبوعين

[lightofdarkness-trials]

سهرانة كنت هرجع السكن تاني عشان ما بيبقاش فيه حاجة اعملها غير المذاكرة وأغوص جوا نفسي وأفكاري حرفيا لدرجة الغرق

فجيت البيت عشان الحالة دي (مش قادرة أواجه أيوة)

الليلة ليلة أول فاينال عند أخويا في سنة التخرج

طلب مني اقعد معاه يذاكر الحاجات اللي مش مذاكرها كويس ويشرحها لي

الmajor بتاعه غيري بس ولو

في وقت تاني كنت هقول مش مسؤليتي واقعد معاه وهو كبير كده ليه

بس افتكرت إنه بابقى لايصة ومحتاجة اللي يقعد معايا ويطمني برضه

من الساعة ٨ لدلوقتي قاعدين

بيذاكر الأكواد ويشرح لي وقاعد يحفظني البصمجة

واه�� ما ذاكرتش ومش ندمانة بصراحة

لو كنت في السكن كان ممكن نائمة أو قاعدة غرقانة في افكاري

فالحمد لله على البيت

[nouraan]

من المشاكل اللي بتقابلني في الكلية إني مش بحس برهبة الفاينال، أنت مش مُدرك إن دا فاينال أصلًا ، أنت فاقد الإحساس بالوقت من كتر الامتحانات اللي امتحنتها من أول الترم (فعليًا من يوم ما التنسيق جابك هنا)

هما قالولك إن فيه امتحان يوم الإتنين مثلًا وإنت حياتك من ساعة ما دخلت الكلية بتتقسم على مراحل كل مرحلة بتتحدد بميعاد الإمتحان الجاي ، إنت نازل ومش حاسس إنه فاينال إنت رايح اللجنة تقابل صحابك في اللجنة اللي ��رفتهم وحفظت شكلهم خلاص من كتر الامتحانات وتاخد العلقة التمام وتروَّح ، لحد ما ييجي امتحان بتحس ساعتها إن الترم طوِّل وفيه إيه بقا لازم نشد عشان الفاينال قرب فتكتشف إنه كان آخر امتحان في التيرم بس أنت عالعهد طبعًا إن شاء اللّٰه من السنة الجاية بهجت تاني خالص✨.

[sara-ashour]

خلص فاينال يا حبيبي وهاتلي البروچيكت بتاعك وشخصية رضا حامد وتعالى الشفوى

[yassmeenamoustafa]

كل يوم بعيش فيلم فاينال ديستنيشن اول م السواق يطلع الدائري

ويا سلام لو في عربية محملة خشب قدامي

اوووه ياااه

🥲💔

[somaya-a]

متبقي ٧ امتحانات وابدأ فاينال واتخرج 🥳🥳🥳🥳

[coo-k-ies]

لا مش هذاكر ولا هنام، أنا قولت أخلع علشان مزعجكيش

ايه ده مش في فاينال قريب يا بني ولا ايه؟ 😂👊

اللي خايف يبقى تقيل عليا اهوه يا رجاله 😂😂 مفيش ازعاج ولا حاجه يا عم انا قاعده فاضيه مستنيه الدوا يعمل مفعوله وهنسحب من العالم وهنام 🙂‍↔️

[sawtelghad]

"عائشة لا تستطيع الطيران" يفوز بجائزة في مهرجان فينيسيا.. ومنتجته تعلّق https://sawtelghad.net/111416?feed_id=15183&_unique_id=66d88a7e1cc8f