#عاوزه اخس

[shaahd]

عاوزه أكمل تعليم للآخر حتى لو مش هيؤدي لحاجة

عاوزه أعمل شغل كتير بالخيوط

عاوزه أشتغل شغلانة ثابتة وأصرف على نفسي وأحوش للزمن

عاوزه أتعلم اللي يدخلني مجال يتوافق مع مبادئي لوقت ان التعليم لم يؤدي لحاجة

كل دول عاوزه أعملهم في نفس الوقت ومعنديش أدنى فكره ازاي بس اللي انا عارفاه اني عمالة أضيع وقت واني مبقيتش صغيرة ولازم أعمل حاجة ولو حتى اني اخس

[momendowidar]

بص انا مكسوفه اكلمك بس ممكن تساعدني يعني بما انك ليك تجربه ف موضوع الدايت دا عاوزه اخس قولي اعمل ايه وممكن مثلا انزل اد ايه

الموضوع كله عبارة عن انك هتمنعي سكريات و مقلي و تحاولي تمشي مسافات كبيرة و اهم حاجة الإرادة ف موضوع الدايت.. الي يقدر يساعد يقول

[yassmen1]

المفروض اني عاوزه اخس يعني

[yasmeen123]

فضفضة

اعده في البلكونة مش عارفة من امتي، بقالي تقريبا اكتر من ساعتين، بسمع “ عودي ياليالي الرضا” بتتعاد ع طول.. انا بحبها جدا

الجو حلو في البلكونة وكل شويه في نسمة هوا بسقعه كدا بتيجي، في ناس بتشوي جمبنا، الريحة حلوة اوي.. بس انا مليش نفس اني اشتهي الاكل دا..

فجاه افتكرت وزني.. والكميه للي خستها ، طول عمري نفسي اخس ، كنت بحارب عشان اخس ، بكون في قمة سعادتي لما الاقي وزني نزل نص كيلو واعد اتنطط، كانت الحاجة ال��حيده للي بتبسطني مهما كانت الظروف اني اخس..

انا دلوتي خسيت، خسيت جامد وففتره صغيرة، انا مدايقة جدا اني خسيت كدا، خسيت بسبب الزعل والحزن والوحدة والكآبة، مش مبسوطة بللي وصلتله ، مش مبسوطة اني تايهه ومش بفتكر الاكل غير لما ضربات قلبي تزيد واحس اني هدوخ واقع، ساعتها باكل وباكل كميه صغيرة بس..

عاوزه اشتري ل��س ، نزلت اشتري مع اختي، اختي ارفع مني بكتير، هي اشترت شميز مقاسه M ، عاجبني وعشان تلقائيا عارفه مقاسي هيلبسني 2XL اقل حاجة.. لاقيته واسع، وبقيت اقلل فالمقاس لغايه ما جبت ال L وواسع بردو.. انا مفرحتش، قلبي وجعني وقتها مش اكتر!

مش هشتري لبس تاني، هستني لما الوجع دا كله يخلص، عشان عارفه اني هرجع تاني لوزني ومعنديش استعداد اني ابوظ اللبس دا :D بس ساعتها اكيد هكون مبسوطة ، و مش هيبقي زياده وزني ازمة تاني، كل حاجة تغور المهم اكون مبسوطة ونفسيتي تتعدل وارجع تاني زي الاول :)

[yassmen1]

نايمه وحاضنه علبة الشوكلاته واعده اقول عاوزه اخس