#انت قادر

[hebabutterfly]

اكاد ان اجزم ان اعظم نعمة اعطاها ربنا للانسان هي القرآن

[sakhafa]

حبيبي…انا قلبي واجعني…

[yooo-gehn]

السعي الحثيث لتقبل كل ما لا يتقبله الدين ده غريب

ذكرك للنصوص في الأسك السابق حجة غريبة انت عايز تبرر سب الناس للدين بإن كلام الله بيسبهم فسو وات ده حقهم؟

احنا بنتعاطف انسانيًا مع انتحار الناس دي في السياق اللي قلته علي اعتبار انه الحقيقة -انه اتنكل بيهم ودُفعوا للموت دفعًا- وبننكر فعل التشفي، لكن مبنطبعش الفعل ونقول عليه عادي علشان نبقي كدة مسلمين الإسلام الصحيح

ولإننا كمسلمين ديننا دين رحمة بالناس علشان عايزهم ينجوا ف الآخر وديننا بيقول إن نجاتهم في كونهم مسلمين

أنا مش عايز أجبر حد متدين يتقبل شيء لا يتقبله الدين، أنا بقول ببساطة إن الإلحاد والمثلية حرام في الدين طبعًا، ولكن أي ظلم أو اضطهاد واقع على الملحد أو المثلي، هو نتيجة لقلب غليظ وقاسي، وعقل أحادي مش قادر يشوف في أي فكرة وأي شخص غير رأي واحد، ومش قادر يتقبل وجود المختلف عنه بدون ما يكرهه، وهو مش لازم يشجع الناس على أفكار أو سلوكيات هو رافضها، ولكن عجزه عن التعايش مع المختلف عنه بيعبر عن قصور حاد في عقليته وإنسانيته.

وأيوة أنا فعلاً بقول لو كلام الله بيسب غير المؤمنين، يبقى من النفاق والإزدواجية أني أنصح غير المؤمنين أنهم يتوقفوا عن السب. وإلا الموقف مش هايختلف كتير عن بلطجي مثبتني بمطوة، وبيشتمني أنا وكل عيلتي عشان مش بسمع كلامه، ولما يسمع أني شتمته يديني محاضرة في عدم أخلاقية الشتايم.

ومع ذلك، مش معنى إتاحة شيء، أني بالضرورة موافق عليه بشكل شخصي، ده مربط الفرس كله أصلاً. أنا ماحبش أهين مقدسات حد، ولكن هو أصلا إيه تعريف الإهانة؟ مين بيحددها؟ ينفع أنتقد إيه من غير ما تتحسب إهانة تستلزم عقاب؟ ولا انتي ماشوفتيش منى برنس اللي القاضي قالها في حيثيات الحكم عليها إن حرية المعتقد مكفولة طالما ظلت حبيسة النفس؟

الحق هنا مش السب في حد ذاته، الحق في حرية التعبير. وعشان يكون فيه حرية تعبير، لازم تسمح للناس تناقش الأفكار زي ما هي عايزة. وبدون حرية تعبير، بالمناسبة، كان ممكن في أي عصر بعد وفاة الرسول، أي خليفة ولا إمبراطور يتهف في عقله ويمحي الإسلام من على وجه الأرض، بأنه يصادر النصوص ويجرَّم اللي يفتح بقه.

كويس إن فيه ناس قادرة تتعاطف إنسانيًا مع انتحار "الناس دي" وبتنكر التشفي فيهم، لكن إمتى قولت من أول كلامي لآخره إن اللي يعمل كده لازم يقول على الفعل عادي؟ ده عكس كلامي أساسا، كل واحد يقول اللي هو عايزه، ويؤمن باللي هو عاوزه، لكن لو إيمانه وصله للتشفي في واحدة شنقت نفسها بسببه بشكل غير مباشر يعني، يبقى فيه حاجة غلط في إيمانه ده.

وأخيرًا، لو معنى إن الإسلام دين رحمة، هو أن لا نجاة للبشر إلا فقط في كونهم مسلمين، فأنت بتقولي إن ربنا خلق 8 مليار بني آدم، واختص 2 مليار منهم بس بالنجاة. لو أنتِ شايفة دي "رحمة"، فأنا مش هاجادلك.

[imazikaty]

الصيف قادر على تحويل اي حدث لمعاناة، كلمة بسيطة من اي حد ممكن تخليك تطبق وشه، صباح الخير نفسها دمها بيبقى تقيل لأن مفيش خير ممكن يجي ودرجة الحرارة 45 ابدا

في عرق في كتمة في جيوب انفية في صعوبة في التنفس في شمس غشيمة بتتعامل معانا كأننا اسي��خ شاورما فا خير ايه يبن الجزمة انت عالصبح

[colored-entropy]

عايز أعترف اعتراف بس مكسوف سيكا، والفراجيل ماسكولانتي ناقحة عليا حبتين.

الأسبوع ده قررت اخلي مواعيد تمريني الصبح بدل المغرب، أهو الواحد يظبط نومه ويلحق اليوم من اوله وييجي عليه آخر اليوم ينام، بعد ما كنت بتمرن الساعة خمسة وارجع سبعة اخد دوش واكل لقمة وأحس بطاقة تخليني انزل أجري ع الكورنيش واحدة بالليل.

المهم ان مواعيد الصبح لاحقة مباشرة على كلاس الفليكسابيلتي بتاع البنات، والكابتن اللي هتمرن معاه النهاردة هشوفه لأول مرة ففضلت قاعد مستنيه برا المكان حوالي ساعة، كابتن البنات كل شوية تيجي تبص عليا وتقولي انهم هيطولوا شوية والكابتن بتاعي هيتأخر حبة، وتقولي طب ادخل جوا وانا أقولها لا خليني في الطراوة هنا وانتو خدوا راحتكم. مكنتش أعرف ان كلاس فتيات القوة ده بيطول كده.

المهم اني غالبا صِعبت على كابتن فاطمة لما لقتني قاعد برا أكتر من ساعة، بصراحة الجو كان حلو والبحر بيبعت هوا بارد لذيذ، فقلتلها انا حبة وهمشي عشان عندي شغل، قالتلي لا انت كده كده جيت فتعالى وأنا هديك تمرينة، ضحكت، وبصيت لها باستغراب فاكرها بتهزر، وفي قلبي ذكر تقليدي على وشك يقولها جرى ايه يا ولية؟ احنا هنهزر؟ أنا نسوي اه وانت على راسي من فوق بس نحترم فرق الجينات والهرمونات بردو، بس مسكت نفسي ومقولتش حاجة لما لقيتها بتتكلم جد، فقررت أحط الماسكولانتي حجتي في التلاجة مؤقتا لما نشوف الكلام على ايه، ودخلت غيرت هدومي وطلعت شرحت لها الموقف.

انا اتمرنت شهر ثم تمرقعت وانشغلت شهرين ثم رجعت الأسبوع اللي فات، ولحد النهاردة مخدتش تمرينة رجل، وأنا بحب تمرينة الرجل يا كابتن. هي سمعت الكلمة من هنا ووشها نوّر، وعنيها اتسعت، وقالتلي تمام، هات موبايلك أكتبلك التمرينة على ما تسخّن.

روحت أسخن ورجعت لقيتها حاطلالي super sets upper body، ده صباح الخير كده، يا فندم أنا متمرنتش سوبر سيتس قبل كده، يهديك يرضيك، قالتلي طب بس كمل تسخين، حاضر، روحت ورجعت لقيتها حاطالي سوبر سيتس بأوزان عشرين كيلو لتمرينة الرجل! جرى ايه يا ولية بجد؟ بقولك بقالي شهرين متمرتنش رجل! عاوزاني ألعب 20 سكوات بوزن 20 كيلو في اربع مجموعات؟ احنا هنهرج؟ قالتلي خلاص هشيل الأوزان ونظبط الفورم الأول وبعد كده نزود أوزان. أمين؟ أمين يا كابتن.

وعينك ما تشوف إلا النور، ها أنذا كواحد بيحب تمرينة الرجل فعلا، لقيت نفسي مش قادر، وشكلي عامل زي الفرخة المبلولة، الحمد لله مكانش فيه ناس كتير في المكان، صحيح قدرت أنفذ التمرين كله، بس مجادرش يا زميلي، انتصرت عليا المرأة، صحيح هي المرأة انتصرت عليا كتير قبل كده، بس أول مرة اتهزم خارج ميدان الأمور العاطفية.

ربنا يسامحك يا كابتن فاطمة، هو بس لو مكانتش عنيك حلوة وضحكتك سكر، مكنتش هسمحلك تعملي فيا كل ده. بس الحق يقال والله، الروح الأمومية اللي في الستات دي غريبة وجميلة ومهمة، فاطمة هي اول حد يهتم بيا هذا الاهتمام المخجل، كل شوية تيجي تقولي الحركة بتتعمل كده مش كده، وتشرحلي كل تمرينة بتستهدف أنهي عضلة، وتعدل عليا التكنيك، وانا أقولها اني عارف التكنيك فعلا بس مجادرش والله يا كابتن، أنا عارف اني بنصب ومبشغلش العضلة كاملة بس مش جهلا مني ولكن فراغ طاقة. الظاهر ان الفليكسابيلتي بتاعتكم دي مهمة فعلا، حقك عليا يا فاطمة، حقكم عليا يا كلاس فتيات القوة، مش هتريأ عليكم تاني والله، انتو ناس كمّل، أنا اللي عجوز.

مش عارف هوري وشي للشباب تاني ازاي؟ أنا مرنتني واحدة ست يا رجالة. صحيح هي ممكن تمسك نص أصحابي تعجنهم، بس بردو. أوديك فين يا ذكورة هشة بعد التهزيق اللي حصل فيك ده؟ خليك في التلاجة شوية بقى. محتاج أستخبى تلات شهور وأرجع أواجه العالم تاني.

في النهاية وانا ماشي قلتلها شكرا يا فاطمة، ان شاء الله مش هوريك وشي تاني، وهجيبلك أصحابي البنات تكسريهم براحتك، فتضحك ضحكة لذيذة فشخ، وتقولي بس والله فورمة جسمك حلوة فعلا، ومستواك كويس جدا، فتطيب خاطري، عسل والله. المجد للستات فوق الأرض وتحت الأرض وجوا الجيم.

أقدم لكم أعنف تمرينة رجل اتمرنتها حتى الآن، برعاية كابتن بطة

[g-lamia-khalil]

إطوي بعناية فائقة..

قيمتك داخلك.

ثم حدث نفسك:

كم انت طيب القلب ومع ذلك أنت قوي..

وكم انت بصبر قادر على الإحتمال.

وأن الأيام مدينة لك..

بسداد تلك القيمة مهما طال الوقت.

لأنك جميل..

وتستحق كل شيء جميل مثلك.

💜

لمياء

[rooh-elhaya]

مشكلة الجيل الحالي إن معظمنا مبيعيش فترة سِنه صح يعني مثلاً بيفكر في الفلوس و الشغل و الغنا قبل ما يتخرج و يتعلم.... بيفكر في الجواز مثلاً قبل ما يكون اصلاً لسه مش قادر يشتري هدوم لنفسه ... مبيعيش كل فتره علي حسب احتياجها و مبيعملش الي عليه فيها ابدأ خطوه بخطوه و ركز اوي في اي مرحلة انت فيها عشان تخرج بأفضل نتيجة من عملك دا ....لو في كلية اجتهد و ركز ...في شغل اتعب و راعي ربنا كله جاي مع الوقت و كله مكتوب بحساب و معاد مفيش حاجة هتيجي قبل معادها ولا بعد معادها كل مكتوب مش هتطلع السلم غير درجة درجة ...الغيب اجمل بكتير من الواقع

وان الله لا يضيع اجر من احسن عملاً ...و مهما تسعي عمر مالنتيجه هتكون صفر 🤝🏻

[motaz]

أخويا الصغير، أصغر مني ب ١٦ سنة

طلعنا مشوار بالعربية النهاردة عشان يروح يشتري حاجة للنادي و التمرين بتاعه، من اول ما طلعنا من باب البيت و ركبنا العربية و هو بيتنفض من الحماس ع الكرسي و بيعد الوقت على صوابعه مش قادر يستنى اللحظة اللي هيشتري فيها اللي عايزه و يجربه و يلعب بيه

للحظات بس، فهمت ليه الأب بيبقى مبسوط و أبنه بيعيش حاجة كلها حماس مفرط لتفاصيل هيجربها لأول مرة في حياته، بشكل ما الأطفال بترجعك للإحساس ده بتعيّشك اللحظة اللي عشتها و أنت طفل من جديد بنفس الروح و نفس حماسك المفرط متشكل قدامك في طفلك، قيس على ده و هو بيكبر قدامك خطوة بخطوة، و انت عايش حياتك حياتين معاه.

[hebabutterfly]

المشكلة مش الفلوس علي اد ما فعلا انا مش هقدر علي مجهود السفرية دي محتاجة صحة ونفس طويل وانا بنهج وانا ع السرير😂💔

[f-farah]

مو عارفة وين روح بدموعي فجاية ارميها هون.

مبارح سهرنا أنا وورد، إجا الساعة ٩ وطردته الساعة ١ وتلت، وكالعادة مر الوقت بشكل سريع وخفيف، مليان ضحك وبكا.. يأس ونجاة. يعني لما بكون مع ورد بكون بأجمل وأرق شخصية ممكنة، حكيته بكثير قصص ما كنت متخيلة افتحها وكون صريحة فيها هيك واعترف بكل الإشيا اللي صارت معي من آخر مرة شفته فيها. المهم إني نمت الساعة ٢ وما كنت حاسة بأي شي ثقيل أو سيئ بالعكس كنت خفيفة ومبسوطة بإنو ورد رفيقي، وإنو منتشارك كل هالقصص ومنتشارك الحساسية ذاتها تجاه العالم والحياة والناس.

صحيت الساعة ٤ ونص بكمية من الفزع غير طبيعية، ومتأكدة إنو ما كنت عم احلم بأي شي سيئ، وأول شي عملته فتحت واتساب لأتأكد اذا رد عليي، ما رد! صاروا ٦ أيام، ٦ أيام معقول ما لاقى فيهن دقيقة وحدة يرد فيها علي؟ مو مهم يرد على شو باعتتلو بس يحسسني إنو عنجد مهتم ومقدر إني حالياً لما شاركه شي شخصي بكون عم شاركه لأني حابة مشاركته بغض النظر عن ضيق وقتي وكل هالقصص. بس ما رد! أبداً! بكيت. وزعلت. وخطرلي كلام طويل احكيله اياه وحكيته براسي.. وخطرلي شو رح تكون ردة فعلو على كل هالكلام.. وفكرت إنو بجد شو اللي مخليك تعطيه فرص، بما إنك وضحتي إنو لما يتأخر عليك كل هالأيام بتحسيه إنو عم يتجاهلك، فليش مكملة؟ يلعن سماكِ ليش؟ بتحبيه؟ بس عارفة إنو هو عم يبيعك كلام.. ولما يحكيلك إنك مهمة عنده.. شو بيخطرلك.. بيخطرلك إنو يلعن سماك بس تصرف واحد يثبت إني مهمة عندك متل إنك تشوف خاطري لما قلك لا تتأخر علي بالأيام هيك.. لا تحسسني بهالتجاهل.. ما عم طالب ربك بشي.. غير إني حس إنك عنجد مهتم.. شو هالدراما؟ يلعن رب الدراما.. المهم إني ضليت ساعة فكر بكلام أكثر وأهم من هالكلام.. الشي الحقيقي الوحيد إنو مشاعري بردت.. وما بقا إلك هالمطرح الكبير بقلبي وبحياتي.. إني من سبع شهور قررت ما بقا ابعتلك شي وبادر إلا اذا انت بعثت وسألت فمعلش بحكيلك أما إني اسألك من حالي لأ. وهلق بوصل لشي جديد، لما تقلي احكيلك، ما بقا احكيلك بالطريقة اللي تعودت إني احكيلك فيها. أو كمان بيخطرلي قلك إنو أنا مو قادرة كمّل هيك.. شو ما كنت بحياتي.. أنا مو قادرة اتحمل هيك.. لأن قد ما حكيت بهالموضوع، اللي يبدو سخيف بالنسبة الك، ما رح نوصل لنتيجة.. أنا متدايقة. وبزعل. وبكره تتجاهلني. ويلعن سماك نص رفقاتي مسافرين، وعم يأسسوا لحياتن وعندن مليون مشروع يعملوه.. ولا حدا منهن بيتجاهلني بهذا الشكل القاسي اللي بتتجاهلني فيه. فيعني رجاءً لاقي حجة غير السفر والتأسيس وهاللعي الفاضي. لأن اي بقدر حطلك بدل المبرر مليون، بس رح أوصل، أو وصلت، لهالمرحلة اللي ما بقا قادرة فيها كمّل هيك. حس إنك عم تحكيني شفقة. لأن فهمانين تنيناتنا إنك مش مستوعب إني مو نفس البنت اللي عرفتها من سنتين.. إني صرت اقوى بكثير وأوضح بكثير وعارفة شو بدي وشو بستاهل وشو ما بدي وشو ما بستاهل وعارفة كمان مين بيستحق يكون قريب مني ومين خلص صار الوقت ليطلع لبرا ويبعد ويتركني بحالي. وبتعرف شو اللي زعجني بكل الحديث اللي صار براسي، إني عارفة كيف رح ترد علي.. بهالطريقة اللي تبدو لطيفة، مليانة لطف بس قادرة تحسسني بكمية من الذنب وتأنيب الضمير والسخافة فظيعة. وأقل كلمة رح تحكيلي اياها بطليه لدور الضحية!كسمك. طلعت هلق. مفكر مسامحتك أو نسيانة أي شي حكتلي اياه بكل مرة جربت وضحلك شو الإشيا اللي بتزعجني مستندة على كلامك المليان مشاعر هههع يلعن مخي. المهم إنو حتى لو رديت اليوم او بعد اسبوع، صدقني إني ما رح رد. لأن بتعرف بطلت مهتمة.. بطل وجودك إضافة حلوة لحياتي. لأن على ما يبدو حياتي رايحة بطريق حلو وجودك او عدمه ما بيفرق. وما بيعمل شي مهم فعلاً. عم اظلمك؟ عم كبر الموضوع؟مش مهم، المهم إنو لهفتي وحماستي ورغبتي بإني اتحمل تجاهلك اللي يا سبحان الله ما بكون عندك شي إلا لما ابعتلك بتصير حياتك مليانة ومش عم تفضى، عنجد سبحان الله هالصدف.. وبتعرف لأني خلص بدي صدق إحساسي، وما بقا رح اضحك عحالي وحط الحق علي وإني آسفة لأني عم حمّلك زيادة وبلا بلا بلا. خلصنا! وكمان فكرت بقصة إنو اي ممكن بعد شهور او سنين كون بوضع جديد واستدرك انو الموضوع مو مستاهل وعادي.. واي عادي استدرك انو هيك. هلق مو قادرة شوفه هيك ومو مريّحني إنو صرلي ساعة متدايقة.. لأني غبية كنت ناطرة اسمع منك أي شي. ومشكلتي إني ناطرة، مشكلتي إنو توقعت، مو مشكلتك أبداً. أنت حر. وأنا حرة اتعامل مع مشاعري لحالي وآخد قراراتي لحالي.

المهم إني الساعة ٦ نمت، وصحيت الساعة ٨ ونص، بمزاج مضروب. عملت متة وجهزت محاضراتي لأدرس. اي نعم صافنة بالمحاضرات، عم لوم حالي على أحاديث ما كان لازم حكيتها مع ورد، وحاسة بالذنب على تفاصيل مو عارفة كيف هلق راسي قادر يسترجعها ويحسسني بالذنب عليها، عم فكر بالعلاج النفسي.. وبكل شي صار بحياتي.. وبكل الكلام اللي حكالي اياه ورد اللي خلاني فعلاً اتأكد إنو الخطة اللي ماشية عليها صح بس ما بعرف اذا عنجد رح اتعافى.. اذا كل القصص اللي واجعتلي قلبي من سنين رح تنحل.. اذا هالطاقة اللي جواتي رح تبطل تتفرغ بتأنيبي وعقابي ورح تاخد مجراها الصحيح. مش عارفة ليش مو قادرة ادرس مع إني كل الفترة الماضية كنت قادرة افصل، وابعد عن أي حديث يتمحور حولي.. ما كان الوقت المناسب لشوف ورد؟ بالعكس انبسطت. بس مش عارفة يمكن لأن مزاجي مضروب لساته؟ المهم إني بتخيل بعد هالتفريغ هون رايحة ادرس. لأن المادة الجاية رح جيبها معدل. كيف وشلون ما بعرف. بس عندي إيمان بإني قادرة جيبها معدل. لازم ركّز وادرس منيح. شو المادة الجاية؟تحليل آلي. اي أكثر مادة بكرهها بالجامعة كلها. تنفسي تنفسي تنفسي.. اتركي الألم يعبر جسمك.. ويروح.. ومن الطاولة الذهنية كبي كل الأفكار وركزي بس بمحاضراتك..

وتذكري إنو لازم تركض يا حصان علشان ما تغرق بالأحزان.

[zahraa17]

‏مع الوقت هتكتشف انك لما تقرر انك عايز تتجوز ف ده هيكون عشان قابلت شخص عايز تصحى الصبح تفطر معاه، تشربوا قهوة سوا، تروح الشغل وترجع البيت تلاقيه او تستناه، تتفرجوا على فيلم سوا، تحكيلوا عن رواية قرأتها وتشوف رأيه فيها.. تنزلوا تتمشوا سوا وتخرجوا وتسافروا وتنبسطوا، تواجهوا صعوبة الحياة وخوازيقها سوا.

‏لما تقرر تتجوز اتجوز شخص تعرف تعيش معاه تفاصيل يومك، تحس ان كل حاجة بتزيد حلاوتها وهو فيها، شخص بينكم تفاهم لان الحب لوحده مش كفاية لو مش هتعرفوا تقعدوا تتناقشو�� وتتجادلوا وتوصلوا لحل.

‏هتكتشف ان فكرة انك تتجوز حد معاه فلوس ممكن تعملها بس هتعيش تعيس ولوحدك لو كل الحاجات دي مش موجودة

‏بلاقي دايمًا ناس بتكلمني بتسألني توافق على العريس المناسب ولا تستنى اللي بتحبه.

‏ساعات بيكون هاين عليا اقولها سيبيه لانه لو بتحبيه مش هتفكري تتجوزي حد غيره اصلًا بس بحاول افهمها ان الغرض من الجواز مش الجواز، الغرض من الجواز الس��ينة والسُكنة والأمان والمودة، دائمًا وأبدًا هكون مع نظرية أن الشخص المناسب هو اللي انت بتحبه وبيحبك وعارفين تأسسوا حياة مع بعض مش الشخص اللي معاه فلوس ويقدر يشيل.

‏ربك قادر يغير الأحوال بين ليلة وضُحاها، اللي اتجوزتيه عشان فلوسه ممكن تضيع وتبقي ضيعتي حياتك على سراب واللي اتجوزتيه لا يملك شيء ربنا يرزقه من وسع ويرزقه برزقك ويعوضكم

‏الجواز مش صفقة، ده مشروع حياة.

-لقائلها

[the-punisher9]

في واحد من المواقف اللي اتمني الارض تنشق وتبلعني فيها..

مرات ابن عمي كانت بتولد من يومين واخدت مرات عمي وسافرنا وروحنا المستشفي معاهم .. وبعد يوم طويل انا كنت تعبت ف استأذنت من ابن عمي يديني مفتاح شقتهم اروح اريح هناك شويه علي ما يخلصو عشان كنت تعبان جامد .. شقتهم دي في عماره في الدور التالت الشقه اللي ع اليمين .. ع ما وصلت هناك كنت نسيت هو قالي يمين ولا شمال .. فضلت ارن عليه مردش .. وهنا قررت اشغل دماغي ، قولت انا هخبط ع الباب لو محدش رد يبقا هي دي الشقه وفعلا خبط ومحدش رد ف حطيت المفتاح ف فتح عادي .. فجأه لقيت نفسي واقف وسط اسره جميله مكونه من ام وتلت بنات قاعدين بيتفرجو ع التلفزيون..والصويت اشتغل ولمو عليا امه محمد كلها يستي يهديكي يرضيكي انا دكتور انت مش ماسكه حرامي ومينفعش كدا مفيش فايده وبعد نص ساعه بعد ما الدنيا كلها اتلمت عليا ومسكني زي الحرامي.. ابن عمي رد اخيرا وجه لحقني 😂

هتقولي المفتاح فتح ازاي هقولك معرفش بس هم جربوه تاني واشتغل فعلا والكالون بتاعهم طلع بايظ وبيفتح ع اي حاجه

يخربيت الاحراج .. مش قادر اطلع الموقف من دماغي

[yassmeenamoustafa]

عزيزي الإنسان

لازم تعود روحك على لحظة ما هيجي فيها اكتر شخص انت متعود عليه في يومك يقولك انا ماشي

أي إن كان السبب اللي ورا الكلمة دي

بمزاجه أو غصب عنه أو لظروف حياتية معينة فوق إرادته

او نفسيا مش قادر ولازم يمشي

المطلوب منك انك تتقبل ده بصدر رحب عشان انت مش مكانه ومدخلتش جوة روحه تشوف حاسس بإيه

وتقول أنا لو مكانه عمري ماهمشي..

بس خلاص آن الأوان أنه يمشي !

هنعمل ايه ؟ هنتقبل ونسلم ونبتسمله ونقوله يارب كل ايامك تبقى حلوة 🌿

ليه ؟

عشان دي الدنيا .. مفيش حد بيفضل ومفيش حاجة بتكمل للآخر إلا لو حد جه أجله ومات في وسط علاقة ما

غير كدة كله بيمشي وبيخلص

عود روحك تتقبل بس وتدرك وتهدي نفسك من جوة لو حسيت انك هتنهار.

[marwa-el-zeiny]

ف نوع من الوحدة مخصوص .. له علاقة انك مش قادر تشارك تفاصيل معينة تافهة جدا و محددة جدا .. زي أن الموديل اللي بتظهر ف اول كليب 'ضحكة عيون حبيبي' حلوة اوي بشكل عميق و مش متكرر .. و ان الكوسة طعمها عظيم جدا ف سياقات معينة .. و ان صوت محمد فوزي بيدفي .. و الشاي بلبن لما بتعمله بالليل لوحدك بيغلب الاحساس بالهزيمة و بيبسط الأشياء .. و إن انت خايف و حزين و مافيش كلام بيشرح اللي انت حاسه غير مزيكة فيلم الكيت كات اللي ماينفعش تسمعها كتير عشان متعبة .. و ان ماينفعش ال'كل يوم' ده يحصل كل يوم لأن انت مش قادر ..

[nadasabry2396]

ف إنجازات محدش يعرف حاجة عنها و لكن لازم تفتخر بنفسك و تفرحها و تعزمها علي حاجة بتحبها عشان بتحاول تتخطاها يوم عن يوم زي إنك تخطيت علاقة أو بيئة مسمومة محاط بيها و بتحلول تخرج منها تدريجي او تحمي نفسك منها و إنك مستمر في السعي و بتنزل و بتواجه العالم و انت معدوم الشغف و تقبل واقع مش قادر و مش عارف تغيره ف الوقت الحالي و إنك مليان هموم و مش طايق نفسك و لكن مش باين عليك أي حاجة