#ال��فولة

[existentialcrisisfish]

من فترة صديقي ساب شغله في القاهرة و رجع دمياط, بقالنا حبة بنتقابل و نصطبح و نروح نقعد على النيل, الكام ساعة اللي بنقعدهم دول من الحاجات القليلة اللي مصبراني على الحياة حاليا, عمر من اكتر الناس اللي فاهماني , نفس الافكار و نفس المبادئ و نفس كل حاجة, اقدر اقول فولة و اتقسمت نصين. بقعد معاه بقول كل حاجة في مخيلتي, بحكيله على كل ما يدور في رأسي مهما كانت اشياء غريبة, كل مرة بنسرح في الاكوان و الاساطير و نبحر في طيات الزمن. انا بحب عمر جدا و ممتن لوجوده في حياتي, انا و عمر اصدقاء بقالنا ما يقارب ال 15 سنة, و اعتقد هنفضل سوا لحد ما واحد فينا يبحر للعالم الاخر 

[marmora2016]

نصائح الجواز

أولا : مفيش حاجة اسمها (strong independent woman ) ,, بمعنى ان مفيش ست في الدنيا من شرقها لغربها بتبقى فرحانة بتحملها المسئولية و شيلها مسئوليات لا يطيقها بعض الرجال ,,, هي بتبقى مضطرة انها تعمل كده لأسباب مختلفة ,,, فعشان تتفادى الاصطدام ,, خليها تحس إنك قادر و عايز تشيل عنها و معاها ,,, هتلاقيها هي بترمي عليك لوحدها

ثانيا : مفيش ست اسمها ( قوية و قادرة ) و لكن فيه راجل ضعيف ,,, بمعنى ان سيادتك قبل ما تتجوز لازم تعرف هل انت فعلا قادر تفك شفرتها عاطفيا و عقليا و هتمسك مفاتيحها في ايدك و لا البنت دي صعبة عليك !!

زي ما بيقولوا كل فولة و ليها كيال ,,, البنت اللي انت شايفها قوية هتبقى ملبن مع حد تاني ,,, الفكرة كلها هل انت شخصيتك قوية كفاية انها تسلم ليك مفاتيحها بكامل رضاها و لا لا ... هل شخصيتك قوية كفاية أنها تشوفك سند و حماية فتتخلى عن وش القوة اللي لابساه غصب عنها عشان تحمي نفسها و تسيبلك المسئولية بكل تباعتها اللي تقصم الظهر و لا باستمرار قلقانة و خايفة فبتضطر تلبس ( معاك في علاقتكم ) وش القوية اللي ميهزهاش حاجة !!

و الآنسة اللي هناك متتجوزيش لمجرد الجواز ,,, اتجوزي واحد شايفاه فعلا يستحقك و شايفة انك هتقدري ترمي عليه مسئولياتك بكامل رضاكي ,, شغل اي جوازة ده بتظلموا بيه نفسكم و رجالة تانية معاكم

ثالثا : متطولوش في الخناق و الزعل و الشد و الجذب ,,, فيه نقطة حرجة الامور دي لو وصلتلها مبيبقاش منها رجوع للاسف ,,, دايما و أبدا خلصوا النزاعات و هي صغيرة قبل ما تكبر و تاخدكم في سكتها.

رابعا : مشاكلكم متطلعش برا عتبة بيتكم ,,, لو ولعتوا في بعض و كان البيت ساحة لحرب عالمية ,,, فاللي واقف على باب الشقة مينفعش يسمع حتى صوت الحرب ,,

خامسا : انت الراجل و ربنا اداك القوامة بكل مسئولياتها ,, فمينفعش سيادتك تتقمص زي الحريم و تاخد جنب بالايام مستنيها تيجي تصالحك ,,, حصل مشكلة يبقى الكلام فيها بالعقل و تتفقوا على تفاديها ازاي مرة و اتنين و تلاتة ,,, المهم انها تفهم انت زعلت ليه و عشان ايه ,, القمص مش غرض في حد ذاته ,,, هتحترمك اكتر

الست بقا مينفعش نقولها الكلام ده ,,, هي عايزاك تصالحها لانها عايزة عواطف و مشاعر يا سيد ,, مشاعر كتير ,,, حط كمان مشاعر ,,, بعد ما تتواصل مع الجزء ال emotional في مخها حتى لو هي اللي غلطانة ,, هتسمعلك لما تبتدي نتكلم بالمنطق ,, طول ما هي مستنية حنية و داخلة في emotional storm مش هتسمع لاي كلام عقلاني سيادتك بتقوله .

سادسا : الراجل في البيت ,,,اخر واحدفي طابور احتياجات البيت العاطفي و النفسي و المادي,, بمعنى ,, قبل ما تدور على ايه اللي هتاخده لازم تدور على اللي انت بتديه ,,, و ده قلب القوامة ,,, مش هتعرف تعمل ده متتجوزش

سابعا : شايف الاخ اللي بيقولك الكلام موجه للرجالة بس ,, ما احنا قلنا يا كابتن ,, لازم تختار من الاول حد تقدر فعلا تخليها تشوفك راجل ,, معرفتش تعمل ده من الاول سواء اخترت غلط او واحدة اقوى منك او انت اضعف من انك تعمل كده فدي مشكلتك انت

دي نظرة و رأي شخصي تماما غير ملزم و غير معممة