#الل��م لك الحمد

[ala-mhmd]

صبر المعلمة عليا ده وان كان عندي حرف ال س/ص/ث كانوا عاملين ليا أزمة احيانا تيجي معايا صح واحيانا خطأ ودايما الكلمة تطلع ناعمة مش منضبطة طبعا أنا حافظة لكن مش بالتجويد الصحيح فى كل ٣ثواني تستوقفني وتقول نفخم نشدد لحد م بدءت اقؤلها لساني جاله شلل خلاص وكنت هوقف حرفيا ان بدءت استرجع واحاول وفضلت كل حلقة تحاول معايا وترفع فى معنوياتي وقد ايه الل انا عملته وان قدرت اجيب النطق صح محسستنيش اني فيه فرق مابين الل انهي السورة كاملة وبين اني كان عليا لحد آية معينة لكون عندي مشكلة حسستني مفيش مشكلة من اساسه!وايقنت ان المشكلة دي عندي فى قراءة القرأن مش ك درس عموما . أينعم الموضوع ثقيل ع النفس جداً بس بحاول حتى لو مكملتش!

افتكرت كم مرة عدلت لسان طفل وكم مرة صبرت ع الاطفال لحظة ماكنت معلمة وقد ايه ان دي كانت قوة وطول بال ومكنتش متخيلة ان ممكن يجي يوم وحد يعمل معايا كدة يمكن عشان مكنتش من صغري فيه اهتمام زائد بيا لكن اهو جه وبنحاول نستمتع به❤😅

وبقيت بتأمل البحر وانا بتلو وحاسه ان فيه طبطبة من حيث لا ادري!!

اللهم لك الحمد حتى ترضى ❤

[ala-mhmd]

"وٌآتٌآکْمً مًنِ کْلَ مًآ سِآلَتٌمًوٌهّ وٌآنِ تٌعٌدٍوٌ نِعٌمًتٌ آلَلَهّ لَآ تٌحًصّوٌهّآ

آنِ آلَآنِسِآنِ لَظُلَوٌمً کْفُآر ٣٤" _سورة ابراهيم

نا صاحيه النهاردة وكأن الارض ال نا ماشيه عليها بتصالحني علي كم التعب الل نا كنت فيه !!

من لحظة صحياني وبابا اطمن عليا والدعوات لل كان بيحضني بيها 💙💙 دي لوحدها كانت هتخلي يومي يعدي هوا 💙

بدأت استعين بالله واقرء الاذكار وماتيسر من القرأن وقد ايه ده رزق وربنا اختصني اني هصحى اول شئ هفتكره هو شكري لربنا اني نمت وصحيت وفيه فرصه اعدّل من نفسي !!

من نزولي م البيت واقابل ناس سلموا عليا وافتكروني حد اعرفهم وضحكة م القلب ع التشبيه ..

من اول اطلع للشغل وكلام الحلو لل اتقالي من التيم ..

من اني احضن اسماء لل هي كانت محتجاه اكتر مني وحسيت قد ايه ان الألذ انك تدي ال قدامه ال محتاجه هتحس اكتر منه بالشئ .

من نظرات يوسف ا��ن صحبتي أول ماشافني بيخطف قلبي خطف💙 .

من رسائل صحباتي ولل كلموني وحسسوني بتعبي كان عامل ازاي رغم قادرة اعمل ده بس مكنش عندي طاقه .

ومن كلام الدكتورة ان مكنش فيا حاجة كل ال كنت فيه شوية لخبطة.

من رسالة الكابتن ان الامتحان هنجح فيه بس اشد حيلي شوية وبشرني هبقي بروشنال.

من ترتيبي لكلامي وبدءت اقرءالشرح ال هشرحه بدون ورق .

ان يرزقني بنسمه هوا في عز منا ماشية في الجو الصحراوي وكأنها طبطبة ربانية علي قلبي💙💙 ..

من ربنا يبارك في الوقت وانجز مِهام المنزل قبل م انزل واشوف حالي .

كل ده نعيم !! لحظة شيطان بتخليني انسى كل النعم لل ربنا ادهالي.

اللهم لك الحمد دائماً وابداً وعلي كل حال كنت فيه 💙.