#الحضارة الأشورية

[0hassan]

هم ليه عريانين؟

تقريبا السؤال ده اكتر سؤال الناس بتسأله في أي حاجة ليها علاقة بالفن اليوناني الروماني.

"هم ليه ملط؟ هو لو كان عملهم لابسين كان خسر حاجة؟ هو صغير ليه؟ هي بكرش؟ دي فلات ياعم!"

بعيدا عن الهزار دي أسئلة مهمة فعلا... هم ليه عريانين فعلا، و ليه الاعضاء الذكورية صغيرة، و أفروديتي جسمها ممتلئ ليه؟

أول نقطة بقى... هم ليه عريانين؟ هي نقطة غريبة فعلا... ما المصريين القدماء كانوا لابسين -في أغلب الوقت مش كله- و الحضارة الأشورية كذلك. اشمعنى دول متقمصين دور بيت دعارة الحضارات القديمة؟

أولا هم مش سفلة و لكن كان اليونانيين القدماء واخدين العري بصورة غير جيرانهم من الحضارات التانية. مكانش بالنسبة ليهم العري في التماثيل و النقوشات حاجة مخزية أو عيب. بالعكس دي كانت طريقتهم في التعبير عن الجمال و الكمال. فلما يرسم أو ينحت كان بيعمل الجسم في أجمل صوره اللي هي صورة الجسم الأصلية... الهدوم لطيفة و بنعرف نعملها كويس في النحت, بس الجسم البشري أجمل.

و في نقطة مهمة، اليونانيين كانوا متصورين أن الآلهة شبههم. طب ياعم خريستو عايز تقنعني أن أبولو شبهك! ده منظر! لا ياعم انا هروح اعبد آلهة المصريين. لا هم شبهك يا خريستو كهيئة بشرية بس أجمل بمراحل... و جسمهم مفيهوش العيوب اللي في جسمك، أبولو معندوش حبوب في ضهره. و زيوس دقنه كاملة، و أفروديتي معندهاش علامات على بطنها من الولادة، و دهون جسمها متوزعة حلو معندهاش حتت اكبر من حتت. لازم يكونوا كاملين و جمال... منطقي دول الهة!

فالتماثيل اليونانية كانت بتصور الشخصيات بأقصى درجات الكمال اللي الجسم البشري يقدر يوصلها.

تماثيل هيراكليز تعقد الرجالة... العضلات كلها قوية جسمه كله مظبوط...

هتوري الناس الكمال و الجمال في جسم هيراكليز ازاي من غير ما يبقى عريان؟ خد مثال بطولات كمال الأجسام مثلا... مبيطلعش يعرض عضلاته و هو لابس، هو بيبقى شبه عاري بالمايوه اللي بيبقى لابسه. لكن بيقف و بيشد عضلاته و يقف بطريقة معينة عشان يبين عضلاته. و ده الحال مع تماثيل هيراكليز و زيوس و بوسايدون و الخ. تبص تلاقي كل عضلة في جسمه متشنجة و قوية و بارزة. فتقوله عاش يا هرقل ابن زيوس بصحيح، تصدق اه ده اكيد اللي هزم الهيدرا و أسد نيميا.

و كذلك مع الأبطال الأوليمبيين، هو مش هيعبدهم ولكن بيبجلهم و بيبين كمال جسمهم و عظمته. ده زائد أنهم كانوا بيبقوا عريانين في الجيم و في الالعاب.

طب مسابقات الجمال، هل في مسابقة جمال من غير فقرة حكم على المتسابقات و هم بالمايوه؟ نفس المبدأ مع أفروديتي، الهة والجمال و الحب و الرغبة الجنسية، و أجمل ست عالكوكب. عايز تعبر ازاي عن شخصية زي دي من غير لما تبقى واقفة بوضع مثير و هدومها على وشك انها تقع و مسنودة على شعرة حرفيا، زي تمثال Venus de milo. او بالفعل وقعت و قال ايه حاطة ايدها على صدرها و بتحاول تخبي المكشوف كأنها على غلاف بلاي بوي.

منطقي أفروديتي تبقى ملط، عايز تلبس الهة الجنس يا فاجر!

طب نقطة كمان، هل كل الآلهة كانوا بيبقوا قالعين؟ لا... عندك أثينا، أرتيميس، هيرا، ديميتر كانوا بيبقوا لابسين في أغلب الوقت و لبس حشمة جدا على عكس الست افروديتي اللي لو لابسة بيكون الفستان معمول كأنه مبلول عشان يبين جسمها. لكن أثينا و أرتيميس عذارى مش منطقي يقلعوا، ده أثينا عمت تيريسياس عشان شافها و هي بتستحمى. دي واحدة القلع ميمشيش مع شخصية و قصصها.

عندك زيوس و بوسايدون و أبولو و الخ من الالهة الرجالة بحالات... يعني ساعات بهدومهم، و ساعات نصهم التحتاني بس اللي متغطي... و ساعات هوبااااا موووفاااجأة... ايه ده يا زيوس واضح انك كبير الآلهة بس مش كل حاجة كبيرة ايه ده؟ و ده ياخدنا للنقطة التانية... هو العضو الذكري ليه صغير؟ انت مش بتقول بيعملوا التماثيل و النقوشات في أجمل و أكمل صورة؟ ايه الدمل ده بقى؟

احم تخيل أن ده كان الكمال عندهم احم احم... الحجم الصغير للعضو الذكري كان من علامات الجمال عند الرجال في الحضارة اليونانية. و كل ما يبقى العضو صغير كل ما يبقى ده دليل على التحضر و العقل اكتر. مش زي الحيوانات... ايه ياعم! جمل ايه كل ده! و عشان كده الشخصيات الأقل تحضرا و أهمية كانت بتتصور بأعضاء تناسلية كبيرة، زي الساتير مثلا، كائنات شهوانية عشوائية همجية و أقل من الآلهة فتلاقي النقوشات و التماثيل اللي فيها ساتير مثلا لا مؤاخذة الحجم حاجة ماشاءالله. و طبعا ده ملوش علاقة بأي بتنجان.

يبقى مقاييس جمال الرجالة عندهم - اللي كانت بتتصور في الآلهة و الابطال - ان الراجل كتافه عريضة، صدره قوي، و حنكلولو نونو.

و بالنسبة لأن أفروديتي كانت ممتلئة و كتير يقولوا ايه ده دي بكرش انا عايزها أردافها تخينة بس وسطها رفيع بس صدرها كبير و رقبتها طويلة. و يرسملك صورة مريبة لجسم واحدة شبه الساعة الرملية أو الحشرات.

بالنسبة للشخص ده، دي مقاييس الجمال و الكمال عنده. و لكن اليونانيين مكانوش كده كان عندهم مقاييس جمال مختلفة بالنسبة للست. اللي هو الأرداف العريضة شوية و المليانة و بطنها مش فلات ولا حاجة لا في نسبة دهون عادية، و الصدر مش كبير اوي، هي الهة الرغبة الجنسية مش مرضعة.

مربط الفرس، اليونانيين كانوا بيبجلوا الجسم البشري، خصوصا جسم الرجل... و بيدرسوه، و بيقدروه. و كانوا بيعبروا عن أفكارهم عن جمال و كمال الجسم البشري في التماثيل. فمكانوش بيخجلوا و يتكسفوا. و ده يبان جدا لو فكرت ده في كام تمثال (يوناني) ملامحه عجوزة؟ جسمه ضعيف؟ عدد لا يذكر, و ده عشان هم كانوا perfectionists... الكمال كان مهم عندهم في الفن... و بعدين الرومان جم بعدهم و يادوب بدأوا يخلوا ملامح الوش يبان عليها العجز في حالة الأباطرة لكن الجسم لسة قوي و شباب. فلما تبقى الامبراطورية الرومانية ممتدة في كذا بلد, و محدش منهم يعرف شكل الامبراطور و يشوفوا التمثال قوي و بهيئة (إلهية) يقوللك لا ياعم خلينا في السليم.

و نقفل بمقولة مايكل أنجلو -اللي نحت تمثال دايڤيد- عن العري في الفن: "أي روح فارغة عمياء لا تستطيع أن تدرك أن القدم أنبل من الحذاء، و أن البشرة أجمل من الأقمشة التي تغطيها".

دي وجهة نظر الفنانين اللي بيعملوا فن عاري، زي كانوڤا و مايكل أنجلو و دافينشي و روبينز و تاديما و غيرهم كتير.

طبعا من حقك كواحد بيتفرج انك تقبل العري في الفن او لا. محدش يقدر ينكر عليك حقك ده... أنت حر, و لكن خلينا متفقين أن تماثيل أبولو و أفروديتي و لوح بوجيرو و تديما فعلا جميلة، و قدرت تصور جمال الجسم البشري جدا. و أن فعلا الجسم البشري جميل.

فجمال الجسم البشري لا يقل عن جمال الطبيعة من جبال و بحار, و ان الجسم البشري أجمل و أعظم من أي عمل هندسي. فقبول العري او لا ميخليكش تنكر ان اللوحة او التمثال جمال.

[yourmufakerhurorg]

اكيتو رأس السنة الأشورية الهوية والانتماء والدلائل المستوحاة منه في الفكر المسيحي واليهودي‎

اكيتو رأس السنة الأشورية الهوية والانتماء والدلائل المستوحاة منه في الفكر المسيحي واليهودي‎

تاريخ الحضارة الأشورية تاريخ عريق لأمة عريقة، وقد انطلق فكر هذه الأمة بتاريخها الخالد من خلال تطور الأمة الأشورية عبر ألازمنه وتفاعلت مع الحوادث والظروف وعبر تجارب وأحداث حية لتنسج حولها تعبيرات متنوعة متجددة مع تجدد الزمن؛ من الإبداع.. والخلق.. والتجديد الدائم، وهذا ما كان يعطيها نشاط وقوة ويضمن استمرار حيويتها وتكاملها على ضوء تجاربها بين الماضي والحاضر لبناء مستقبلها ولتخلق للحياة معنى جديد…

[alraednews-blog]

تعرف على فرق بين الآرامية والسريانية والعبرية.. بعد فيديو تفسير حروف القرآن متابعه : نجلاء العايدى  انتشر مؤخرًا فيديو على موقع التواصل الاجتماعى "فيس بوك"، لباحث سعودى اسمه لؤى الشريف، يقدمه فيه تفسيرا لبعض حروف القرآن الكريم، وهى "ألم، ألر، طه، كهيعص" مستندًا على تفسيرها باللغة الآرامية وأيضًا السريانية المشتقة منها الآرامية، وأيضًا العبرية، وفى هذا التقرير سنوضح الفرق بين هذه اللغات التى تندرج تحت مسمى اللغات السامية. اللغة الآرامية    تصنف اللغة الآرامية من ضمن اللغات السامية الشرقية-أوسطية، فهى لغة مقدسة، انطلقت مع قيام الحضارة الآرامية فى وسط سوريا وكانت لغة رسمية فى بعض دول العالم القديم ولغة الحياة فى الهلال الخصيب، تعود بدايات كتابتها للقرن العاشر قبل الميلاد إلا أنها أصبحت اللغة المسيطرة فى الهلال الخصيب بدأ من القرن الخامس قبل الميلاد بعد هزيمة المملكة الأشورية.  ووفقًا لما ذكره كتاب "آرامية العهد القديم قواعد ونصوص" حروف آرامية العهد القديم هى الحروف نفسها المستعملة فى عبرية العهد القديم ولا تختلف عنها مطلقا، وتكتب مثل العبرية من اليمين إلى الشمال مفرقة وعددها 22 حرفًا. اللغة السريانية  اللغة السريانية تعد من ضمن اللغات سامية مشتقة من اللغة الآرامية ويعتبرها بعض الباحثين تطورًا طبيعيًا لها موحدين بين اللغتين، نشأت اللغة الآرامية، وهى أصل اللغة السريانية، فى الألف الأول قبل الميلاد لتكون العائلة الثالثة ضمن عائلة اللغات السامية، وأصبحت من القرن السادس قبل الميلاد لغة التخاطب الوحيدة فى الهلال الخصيب إلى ما بعد الميلاد، حيث تحورت تدريجيًا واكتسبت اسمها الجديد "اللغة السريانية" فى القرن الرابع تزامنًا مع انتشار المسيحية فى بلاد الشام. ووفقًا لما ذكر كتاب السريانية – العربية "الجذور والامتداد"، لا ينكر أن الشعب السورة عامة كان شعبًا واحدًا وهو الشعب السريانى، وقد اختلط به من العناصر المختلفة مدى الفتوحات والأجيال ما لا يحصى عده، ولكن تلك الأمة السريانية العظيمة، وإن افسدت الفتوحات لغتها القديمة النبيلة، فانقلبت عند أكثر أبنائها إلى لهجات سريانية مختلفة، ويمكن القول إن معظم لغات هذه المنطقة هى من أصل سامى، كما يصنفها علماء الفيلولوجيا: العبرية، الآرامية، السامرية، والمؤابية، الفينيقية، السريانية، البابلية، الكنعانية، العربية، الحبشية". اللغة العبرية أما بالنسبة إلى اللغة العربية فهى لغة سامية تدخل ضمن مجموعة اللغات الشمالية الغربية من الفرع الكنعانى، تنتمى إلى مجموعة اللغات الأفريقية الآسيوية، حاليًا تنتشر اللغة العبرية الحديثة كلغة حديث وأدب وتعاملات رسمية، ويتحدث بها أكثر من سبعة ملايين شخص موزعين ففى حدود إسرائيل والأراضى الفلسطينية.  وفقًا لما ذكره كتاب "تعلم اللغة العبرية"، للغة العبرية تقرأ وتكتب كما العربية من اليمين إلى اليسار،  تكتب الحروف العبرية منفصلة عن بعضها البعض بشكل تام،  الحروف العبرية مرتبة حسب الترتيب الأبجدى فى الأبجدية العبرية خمسة أحرف يتغير شكلها إذا وقعت فى آخر الكلمة،  ويجمعها قولنا "صنفك�� " تماماً كما تتغير بعض الحروف العربية فى وسط الكلمة عن آخرها كحرف السين مثلاً فيكتب فى بداية الكلمة ووسطها هكذا " سـ،  سـ " أما فى نهاية الكلمة فيكتب هكذا "س"،  جميع الحروف العبرية تكتب فوق السطر باستثناء الحروف الخمسة المجموعة فى قولنا "صنفكم" التى تكتب تحت السطر عندما تأتى فى نهاية الكلمة.

[sayaraat]

via سوق العرب المبوبة المجانية - للبيع خنجر نحاسي من تراث الحضارة الأشورية