#الجواز

[hebabutterfly]

واهم شرط في الجواز ان الاتنين يكونوا عارفين ربنا انتي رايك ايه ؟؟

معرفة ربنا علي حق شامله كل الاخلاق والتصرفات الحميدة وكل ما امر الله به من مودة ورحمة وسكن وعدل بس اللي يفهم بقا

[yooo-gehn]

صورة بعنوان الجواز في مصر تفتكر ليه الجواز التقليدي، لو جرَّدته من جميع الزخارف والكلام المعسول، بيبان على حقيقته كصفقة بيقدم فيها الراجل فلوس وتقدم فيها الست سكس؟ ليه نختزل الراجل فقط في قدرته المادية، ونختزل الست فقط في جاذبيتها الجنسية، ولما بنحب نضيف معايير بتبقى وجاهة إجتماعية وحسب ونسب، بعيدًا عن حقيقة وطباع وعقلية الشخص نفسه؟ وبعدها مستغربين أننا نادر لما نقابل اتنين متجوزين وسعدا مع بعض، وبينهم علاقة إنسانية مش صفقة؟

إمبارح خضت مناقشة بدأت بسؤال بسيط: هل أنت من أنصار إن الراجل هو اللي يدفع دايمًا؟

السيستم اللي بيخلي البديهي إن الراجل دايمًا يدفع للست، هو نفس السيستم اللي بيخلي البديهي إن الراجل يكون دايمًا ليه تحكمات فيها. والراجل لما بيدفع، غصب عنه بيترسخ جواه إحساس بأنه أعلى من الست. وأنا من أنصار الندية والمشاركة، الراجل يدفع، والست تدفع، حسب اتفاقهم وظروف كل واحد المادية في وقت الدفع، لأن المشاركة هنا معناها إن العلاقة بين الراجل والست علاقة بين طرفين ند لبعض. مفيش حد عامل راسه براس التاني، لأن مفيش حد أصلاً شايف راسه أعلى من التاني.

وأنا اختارت الندية مش المساواة، لأن الراجل مختلف عن الست طبعاً، اختلافات بيولوجية ونفسية وشخصية، والراجل مستحيل يقدر يحمل ويرضَّع مثلاً. هي دي الجندر رولز الوحيدة اللي بعترف بيها. لكن الفرق الحقيقي إن اختلافات نقاط القوة والضعف بين الرجالة وبين بعضهم، مش بيطلع منها قاعدة مجتمعية بتقول إن الرجالة في المطلق كائنات درجة تانية بالنسبة للستات.

في حين إن تحيز الرجل ضد المرأة هو اللي خلى الراجل يحس إن اختلافه عن الست معناه بالضرورة أنه أفضل منها. لو أنت دايمًا حاسس أنك بتصرف على شخص من غيرك يضيع، إزاي هتعرف تحترمه كند ليك؟ وخلينا نغفل عن إن الراجل هو برضه اللي فرض أسلوب حياة على الست يجبرها تضيع من غيره.

والمشكلة أني مقتنع إن المشاركة بتعدل الموازين المقلوبة، لكن من كتر ما الموازين المقلوبة شكلت وجدان واحتياجات الناس، فعلا الست بتحتاج تحس بإن عندها راجل بيصرف عليها، حتى لو هي تقدر تصرف على نفسها، ودي فكرة فضلت أقاوم تقبلها سنين، لكن التجارب خلتني أشوف إن ده مهم بدرجة أو بأخرى عند الست، حتى المثقفة الناضجة بتجاهد عشان تتخلص من اللي المجتمع زرعه جواها، ومش دايمًا بتنجح.

ونفس الموضوع مع الراجل، المجتمع متهندس ومتأسس بحيث إن الست متحسش أنها ست لو ماكانتش حلوة وسكسي، والراجل ميحسش أنه راجل لو مكنش بيصرف على الست وبيحل مشاكلها، لكن من هنا بتيجي أفكار قوامة الراجل، وإن الست كائن درجة تانية ولازم تطيع جوزها وتسمع كلامه في المطلق، ومن هنا الدايناميك كله بيتلخبط وكل جندر بيتشوه في عين التاني، ويبقى متمسك بنفس الحاجة اللي في النهاية بتزعله أساسًا: الست بتقول للراجل اصرف عليا بس ماتتحكمش فيا، والراجل بيقول للست اسمعي كلامي والغي شخصيتك اللي أصلاً كانت شدتني ليكي من الأول.

فيه فرق طفيف بين النطاعة اللي تخلي واحد يعمل عبي�� لما الشيك يوصل عشان التاني يدفع، أو نطاعة واحد بيتظاهر إن عنده شلل أطفال لما يتطلب منه غسيل مواعين، وبين الخفة اللي الواحد بيتعامل بيها مع الفلوس أو شغل البيت، وأنها مش الحاجات اللي بتشكِّل علاقته بالتاني، وأنه واثق أنهم هما الاتنين بيعملوا أحسن حاجة عندهم في الحالتين، بالاتفاق والتراضي مش الإجبار والتلاعب. وده بيتطلب قدر كبير جدًا جدًا جدًا من النضج لإدراكه، وقدر أكبر من الشجاعة لمواجهة المجتمع بيه.

أيوة أنا راجل وبنشر الغسيل في البلكونة قدام الناس، وده لا ينتقص من رجولتي شيء، واللي مش عاجبه ياكل خرا. وأيوة أنا ست وأنا اللي دفعت الإيجار الشهر ده، وده مش محسسني أني مش "متستتة"، واللي مش عاجبه يحكيلي قد إيه هو مش مبسوط في جوازه.

[kelebek-gibi]

عُمر وليلي بيحبوا بعض جداا وفجأه هو قرر يخونها ويجرب شعوره مع واحدة تانية سابها ومشي ..

عاش سنه مع واحدة غيرها بس كان قلبه معها ، كان بيحاول يعمل مع الجديدة الحاجات اللي بيحبها مع ليلي كان كل مايزعل ييجي يحكي ل ليلي ، ف الايام المهمه بيكلمها ياخد رأييها ف اللبس اللي هيلبسه ، بس استيل مع التانيه (ودا يدل ع غباء الرجاله) ..

ف المشهد دا رجعلها بعد ماحس انه هيفقدها انها ممكن تكون مع شخص غيره وقرر يتجوزها بعد ماكان خايف من فكرة الجواز

عموماً المسلسل مُربك وحقيقي جداا . .

[ebrahimx]

‏الجواز كلام اتجوز اللي تقدر تتكلم معاه باقي حياتك

[alaawarda]

يوم القيامة هتكون الدنيا ضلمه جداً حتى وقت لما نيجي نعدي من على الصراط !

في قول الدكتور راغب السرجاني :" تختفي في يوم القيامة مصادر النور العادية .. فتتكور الشمس وتنكدر النجوم ، ويبعث الخلق في ظلمة شديدة ، ظلمات بعضها فوق بعض إذ أخرج يده لم يكد يراها ،ويحتاج الناس للنور لكي يدركو طريقهم ويسيروا بين الجموع الهائله ، ويكون الجميع في أشد الإحتياج إلى النور عند الجواز على الصراط "

ولا يسعف الناس في هذه الظلمات الحالكة إلا أنوار صلاة الفجر ؛ حيث قال صلى اللّٰهُ عليه وسلم " بشر المشائين في الظلم الى المساجد بالنور التام يوم القيامة "

صلاة الفجر هتكون مصدر من مصادر النور يوم القيامة ، يعني كُل واحد بقى وعلى قدر نوره .✨

[es-r-aa7]

مساء الخير

حابة احكي عن تجربتي ف قلب الترابيزة بما اني قدامي ساعة انتظار بلا هدف

من كتر زن ماما إني أتجوز، قررت في يوم ربنا هاديني فيه زيادة عن الطبيعي، إني مناضلش كتير معاها وأقولها إني مش عايزة أتجوز، بل قلتلها: ماما، أنا فعلًا نفسي أتجوز، ف ادعيلي. (على غرار أحمد حلمي لما قال للولد روح قول لباباك: بابا، أنا عندي كلب)

المهم إنها فرحت جدًا، وقلتلها ياللا يا ماما متدعيليش بأي حاجة غير إني أتجوز، قالتلي أسهل حاجة.

كل يوم، فعلًا كل يوم بلا استثناء، بصحى الصبح أقولها هاه يا ماما عملتيلي ايه في الموضوع اللي قولتلك عليه؟ مشوفناش منك حاجة يعني؟ انجزي أنا عايزة ألحق أتجوز وأخلف عشان تربي عيالي وتبقي جدة ولسه بصحتك، وهي تقولي بدعيلك.

يوم ورا يوم على نفس المنوال، لحد ما النبرة اتغيرت وبدأت تشد معايا، ف بقت تقولي هو في ايه مستعجلة على ايه؟/هو الموضوع بايدي؟، أنا بدعيلك بس هي حاجة بتاعت ربنا/ما تسكتي شوية بقى الموضوع دا بياخد وقت متضغطنيش.

ويوم تاني تبتنزني عاطفيًا ف تقولي لا مقدرش أجوزك انتي بالذات وتسيبني. (عشان مقولهاش إنها مبقتش تعرف تدعي كويس زي زمان)

ويوم تاني تقولي على الصيف إن شاء الله، ف أقولها لا بقولك ايه، أخرك معايا شهر أكون متجوزة، عايزة أتجوز في الشتا. شدي حيلك.

لحد ما النهاردة قالتلي على فكرة الجواز دا مش أحسن حاجة، هم اللي اتجوزوا أخدوا ايه؟ اقعدي انتي واخواتك سوا أحسن.

المهم، طريقة هايلة وناجحة في قلب الترابيزة أعطيها ١٠/١٠. :DDD

[fozdoaa]

مينفعش السفر حول العالم يبقي هو سُنة الحياة بدل حوار الجواز دا؟

[saraadel-00]

ربنا مايوريكم المناقشة اللي بيني وبين أمي ف م��ضوع الجواز....🙂

[cutyrozy]

الجواز مش إنجاز الانجاز إنك تعمل بيت مليان

دفا وحب وموده واطفال سوية 💙

[zahraa17]

اللي أفهمه أن الجواز سباق محبه اعمله فطار يعملي القهوه نخلف عيال تزيد الغلاوه والمحبه ويزيد عدد المتسابقين، هاشتغل عدد ساعات أكثر علشان البيت محتاج فلوس، هادي وقت أكثر للبيت علشان أنا شغلي اقرب وممكن اشتغل ايام أكثر من البيت، أمه في المستشفى ومامعهوش فلوس رقبتي سداده، امها عيانه هانزل اجري انقل مستشفى واقف في الشارع واطبق يومين واتبرع لها بدمي، ايه يا جماعه لو مش شايفين الجواز كدا بطلوا جواز

-لقائلها

[2asma]

ايه اللي فاتح نفس الناس دي كلها علي الجواز كده

[rooh-elhaya]

للناس المقبله ع الجواز

أفضل سن للجواز و التفاهم بين إتنين هو سن إلـ 80 لا هي سامعة و لا هو قادر يتڪلم 😄

[bonboony]

رائع الجواز ده ،، تخيل تلاقى حبيبك ماشي فى البيت عادى كدة ؟!

[0shaagaine]

هتجوز عن حب عشان أبين الحب ده قدام أطفالي عشان يطلعوا بيعرفوا يحبوا يطلعوا أسوياء نفسيا ..هحضنهم واحضن ابوهم قدامهم والحياة مش جنة اكيد هيحصل مشاكل بيني وبين ابوهم بس هحاول بقدر المستطاع متحصلش قدامهم عشان ميطلعوش عندهم عقدة من الجواز .. هتجوز عن حب عشان اللي بيحبني ده هيقدرني ف هطلع ولادي عارفين قيمة الحب وقيمة انك تقدر اللي بتحبه .. عشان اما أخلف ولد ويشوف أبوه بيبوس دماغي هيعمل كده مع مراته اما يكبر لأنه اتربى على كده وشاف الحب ده في بيته وهو صغير.. هقدر جوزي واول ما يجي من الشغل هحسسهم قد ايه لازم يحافظوا على هدوئهم عشان بابا تعبان من الشغل عشانهم .. فبنتي تطلع تعمل كده مع جوزها وتقدره لأنها شافت ده في بيتها واتربت عليه .. مسألة صعبة اوي ومعقدة والكلام فيها مش هيخلص

[amolas-blog]

الجواز عن حُب دا كِذبة تسويقية اتعملت علشان تُبيح تواصل الجنسين خارج دائرة الشرع، ومن أقبح أنواع التسويق دا إنهم عملوا مصطلح مُضاد للجواز عن حُب وسمُّوه جواز صالونات اللي هو (الزواج الشرعي) أصلاً!

لازم تعرف إنك عمرك أبدًا ما هتعيش حياة سعيدة بالحرام!

قالﷺ: (إن اللَّه لم يجعَل شِفاءَكم فيما حَرَّم عليكم)🤍